কাজিৰঙাত গঁড়ৰ খৰ্গ দাহনৰ প্ৰস্তুতি। ২২ চেপ্তেম্বৰত অসমৰ মুখ্যমন্ত্ৰী হিমন্ত বিশ্ব শৰ্মাৰ  উপস্থিতিত 2479 টা খৰ্গ দহন কৰিব। অসমৰ বিভিন্ন কোষাগাৰৰ লগতে মৰিগাঁও জিলা কোষাগাৰত জব্দ হৈ থকা  ৫৩ টা কৈ গড়ৰ খৰ্গ নিৰাপত্তা বেষ্টনীৰ মাজত নগাঁও আৰু পিছত কহঁৰালৈ নিয়াৰ ব্যৱস্থা কৰে।

২০ ছেপ্তেম্বৰত  ১৯৪২ চনৰ জাতীয় শ্বহীদ দয়াল দাস পাণিকা দেৱৰ ৭৯ সংখ্যক শ্বহীদ দিৱস উদযাপন সদৌ অসম পাণিকা সমাজ ওদালগুৰি জিলাৰ মাজবাট আঞ্চলিক সমিতিৰ উদ্যোগত আৰু বাহিপুখুৰী চাহ বাগিচাৰ উপ শাখাৰ সহযোগত অনুষ্ঠিত হৈ যায় ৷উক্ত কাৰ্য্যসূচীত উপস্থিত থাকি শ্ৰদ্ধাঞ্জলি জনাই শ্বহীদ দয়াল দাস পাণিকাৰ নাতি বোৱাৰী  মালতী পাণিকা, সন্দিয়া কাৰ্য্যসূচীত বন্তি প্ৰজ্বলন কৰে বিটিচিৰ এম চি এল এ দীপক মৌৰ দেৱ,সহযোগ কৰে শ্বহীদ দয়াল পাণিকাৰ নাতি বোৱাৰী  মালতী পাণিকা, সদৌ অসম পাণিকা সমাজৰ কেন্দ্ৰীয় সমিতিৰ সম্পাদক ভোলা পাণিকাই ৷ পুষ্পঞ্জলি অৰ্পন কৰে ওদালগুৰি জিলাৰ পাণিকা সমাজৰ সভাপতি  বিনু পাণিকা দেৱ,শিক্ষক তথা অসম চাহ জনগোষ্ঠী জাতীয় মহাসভাৰ সভাপতি  ৰামকৰন গোড় দেৱ,সমাজ সেৱক জীৱন ডেকা দেৱ,বাহিপুখুৰী VCDCৰ সভাপতি তথা অসম চাহ জনগোষ্ঠী জাতীয় মহাসভাৰ সম্পাদক লাধু লোহাৰ দেৱ,শিক্ষক তথা বুদ্ধি জীবি সমাজ সেৱক হেমন্ত মাহাতো দেৱ, সমাজ সেৱক  জয় নাৰায়ণ মাহাতো, দেৱ,চাহ জনজাতি কল্যাণ বিভাগৰ ওদালগুৰি জিলাৰ সভাপতি কৈলাশ তাতি, লগতে উপস্থিত থাকে  ৷অনুষ্ঠানটোত ওদালগুৰি জিলাৰ সম্পাদক দিলৰাজ পাণিকা,সাংগঠনিক সম্পাদক শিৱলাল পাণিকা, মাজবাট আঞ্চলিক পাণিকা সমাজৰ সভাপতি ভোলা দাস পাণিকা,সম্পাদক সত্য নাৰায়ণ পাণিকা,শ্যাম মুন পাণিকা আৰু দুয়ো ভাতৃ  ছাত্র সংগঠ “আছা”আৰু আটছাৰ সভাপতি, সম্পাদক আৰু বহু সংখ্যক ৰাইজ অংশ গ্ৰহন কৰে ৷

গোৰ্খা মহিলা সকলে পালন কৰি অহা “তীজ” উৎসৱ বৰ্তমান অসমৰ চুকে কোনে পালন কৰিথকা হৈছে যদিও মুলত এই উৎসৱ ভাদ্ৰ শুক্ল পক্ষৰ প্ৰতিপদা তিথিৰ দিনা বিয়া দিয়া বাই-ভনী সকলক মা-দেউতা, দাদা-ভাইয়ে মাকৰ ঘৰলৈ মাতি বিভিন্ন খাদ্য খুওৱায়ে।তাৰ পিছদিনা তৃত্বীয়া তিথিত বাই-ভনী সকলে মুখত পানীও নিদি দিনযোৰা ব্ৰতেৰে ভগৱান শিৱৰ পুজা আৰাধনা কৰে। নিজৰ স্বামীৰ মঙ্গল আৰু সু-স্বাস্থ্যৰ লগতে দীৰ্ঘায়ু কামনা কৰি পুজা সামৰি ৰাতি লঘু আহাৰ গ্ৰহণ কৰে।  সেই সময়তে পুজা-পাতল সামৰি  গোটেই ৰাতি সঙ্গিনী,তীজগীত, নৃত্য আদি পৰিবেশণ কৰে। মাত্ৰ মহিলা সকলে পালন কৰি অহা এই উৎসৱ গাওঁৰ মহিলা সকল এক গোট হৈ কৰা নৃত্য-গীতক সঙ্গিনী আৰু তীজ নৃত্য বুলি কোৱা হয়।  এই উৎসৱ ভাদ্ৰ মাহৰ শুক্ল পক্ষৰ প্ৰতিপদা তিথিৰ পৰা পঞ্চমী তিথিলৈ পালন কৰিলেও পঞ্চমী তিথিত সুকিয়াকৈ অবিবাহিত অথৱা বিবাহিত ছোৱালী আৰু মহিলা সকলে পালন কৰি আহি আছে। এই উৎসৱৰ লগত সঙ্গতি ৰাখি অসম গোৰ্খা সন্মিলন ওদালগুৰি জিলা মহিলা প্ৰকোষ্ঠ সমিতিৰ উদ্যোগত আৰু ১/৪ নং আমজুলি শাখা সমিতিৰ সহযোগত যোৱা ১৯ ছেপ্টেম্বৰ তাৰিখে ১/৪ নং আমজুলী শাখা সমিতিৰ মুখ্য কাৰ্য্যালয় প্ৰাঙ্গণত দিনযোৰা কাৰ্য্যসূচীৰে পালন কৰা হয়।  ৰাতিপুৱা ৯:০০ বজাত অসম গোৰ্খা সন্মিলন ওদালগুৰি জিলা মহিলা প্ৰকোষ্ঠ সমিতিৰ সভানেত্ৰী হিৰা মিশ্ৰই পতাকা উত্তোলন কৰাৰ পিছত ভাৰপ্ৰাপ্ত সম্পাদিকা হিৰা ছেত্ৰীয়ে স্মৃতি তৰ্পণ কৰে।তাৰ পিছতেই দিনৰ এক বজাৰ পৰা আৰম্ভ হোৱা সাংস্কৃতিক কাৰ্য্যক্ৰম তথা সঙ্গিনী আৰু তীজ নৃত্য প্ৰতিযোগিতা উদ্ঘাটন কৰে অসম গোৰ্খা সন্মিলন কেন্দ্ৰীয় সমিতিৰ উপ সভানেত্ৰী কল্পনা শৰ্মাই। গোৰ্খা সন্মিলন ওদালগুৰি জিলা সমিতিৰ কাৰ্যকৰী সভাপতি ভূৱন ধমালাই পৰিচালনা কৰা সাংস্কৃতিক প্ৰতিযোগিতাত ওদালগুৰি জিলাৰ বিভিন্ন ঠাইৰ পৰা অহা সংস্কৃতিক সংঘই প্ৰতিযোগিতাত অংশগ্ৰহণ কৰে। সাংস্কৃতিক প্ৰতিযোগিতাৰ মাজতে অনুষ্ঠিত মুকলি সভাত ওদালগুৰি বিধান সভাৰ বিধায়ক তথা বি টি চিৰ উপ মুখ্য গোবিন্দ চন্দ্ৰ বসুমতাৰী, প্ৰাক্তন মন্ত্ৰী ৰিহন দৈমাৰী, ইউ পি পি এল দলৰ কেন্দ্ৰীয় মহিলা সভানেত্ৰী বিনা গয়াৰী,অসম গোৰ্খা সন্মিলন কেন্দ্ৰীয় সমিতিৰ উপ সভাপতি তথা বি টি চিৰ মনোনীত পাৰ্ষদৰ লগতে বি টি চিৰ মুখ্য কাৰ্য্যবাহীৰ ৰাজনৈতিক সচীৱ মাধৱ ছেত্ৰী, মনোনীত পাৰ্ষদ অৰ্পণা মেধী, অসম গোৰ্খা সন্মিলন কেন্দ্ৰীয় সমিতিৰ সাধাৰণ সম্পাদক লক্ষ্মী চেঢ়াই, বাসুদেৱ নিৰৌলা,কেন্দ্ৰীয় সদস্য কৃষ্ণ মিজাৰ, ভীষ্ম উপাধ্যায়, ওদালগুৰি জিলা গোৰ্খা সন্মিলনৰ সভাপতি পৱন লুইটেল, মুখ্য উপদেষ্টা ৰমেশ দাহাল, উপদেষ্টা কৃষ্ণ গিৰী,উপ সভাপতি দেৱৰাজ নেউপানে,সাধাৰণ সম্পাদক পুৰ্ণকিৰাত ৰাই, অসম নেপালী সাহিত্য সভা ওদালগুৰি জিলা সমিতিৰ সভাপতি লক্ষ্মণ অধিকাৰী, সাধাৰণ সম্পাদক মোহন ৰাউত, অসম গোৰ্খা সন্মিলন মহিলা মৰ্চাৰ উপ সভানেত্ৰী অঞ্জু উপাধ্যায়, গীতা নিৰৌলা,সহ সম্পাদিকা সীতা কটূৱাল, প্ৰচাৰ সম্পাদিকা হীৰা কটূৱাল, সাংস্কৃতিক সম্পাদিকা হিমা খড়্কা, ৰঞ্জিতা নেউপানে, কোষাধ্যক্ষ ইন্দিৰা খড়্কা, সদস্যা কৃষ্ণা দেৱী আদি উপস্থিত থাকি তীজ উৎসৱৰ তাৎপৰ্য্য উপস্থাপন কৰে। ইউ পি পি এলৰ কেন্দ্ৰীয় সভানেত্ৰী বিনা গয়াৰীয়ে খলখলীয়াকৈ নেপালী ভাষাত বক্তব্য ৰখাত ৰাইজে হাত চাপৰিৰে ধন্যবাদ জনায়। সাংস্কৃতিক প্ৰতিযোগিতাত নিৰিক্ষক হিচাপে উপস্থিত থাকে সাংস্কৃতিক কৰ্মী ভূৱন মৈনালী আৰী নৰ্মদা বস্নেত। প্ৰায় তিনি সহস্ৰাধিক ৰাইজৰ উপস্থিতিত একেখন মঞ্চ আৰু একেলগে বহি সভাত অবিভাষণ ৰাখে প্ৰাক্তন মন্ত্ৰী ৰিহন দৈমাৰী আৰু বৰ্তমান ওদালগুৰি বিধানসভাৰ বিধায়ক তথা বি টি চিৰ উষমুখ্য কাৰ্য্যবাহী গোবিন্দ চন্দ্ৰ বসুমতাৰীয়ে।    অসম গোৰ্খা সন্মিলন ওদালগুৰি জিলা সমিতি মহিলা মৰ্চাৰ  উদ্যোগত আৰু ১/৪ নং আমজুলী শাখা সমিতিৰ সহযোগত অনুষ্ঠিত তীজ উৎসৱৰ উক্ত কাৰ্য্যসূচী অতি সফলতাৰে সম্পন্ন হয়।

২২ ছেপ্টেম্বৰত ২৪৭৯টা গঁড়ৰ খৰ্গ দাহ কৰা হ’ব বোকাখাতত।বোকাখাতৰ ৰাজহুৱা খেলপথাৰত মুকলিকৈ জ্বলিব গঁড়ৰ খৰ্গ।এই কাৰ্যসূচীৰ বাবে বোকাখাতৰ ৰাজহুৱা খেলপথাৰত চলিছে ব্যাপক প্ৰস্তুতি।দাহন কাৰ্যৰ বাবে বোকাখাতৰ ৰাজহুৱা খেলপথাৰত ৬ টাকৈ গেছ চালিত চৌকা সংস্থাপন কৰা হৈছে।ৰাজ্যখনৰ কোষাগাৰত থকা ২,৬২৩ টা গঁড়ৰ খৰ্গ পুনৰীক্ষণ কৰাৰ পিছত তাৰে দাহ কৰিব ২,৪৭৯ টা খৰ্গ।আনহাতে মুঠ খৰ্গৰ পৰা ৯৪ টা গঁড়ৰ খৰ্গ সংৰক্ষণ কৰাৰ উপৰি ৰাজ্যৰ বিভিন্ন আদালতত গোচৰ চলি থকা ৫০ টা খৰ্গ সংৰক্ষণ কৰি ৰখাৰ ব্যৱস্থা কৰিছে বন বিভাগে।বুধবাৰে “বিশ্ব গঁড় দিৱস”ৰ দিনা বোকাখাতৰ ৰাজহুৱা খেলপথাৰত মুখ্যমন্ত্ৰী হিমন্ত বিশ্ব শৰ্মাৰ উপস্থিতিত বন্যপ্ৰাণী প্ৰতিৰক্ষা আইন ১৯৭২ৰ ৩৯ অনুচ্ছেদৰ অধীনত দাহ কৰা হ’ব এই খৰ্গসমূহ।ইতিমধ্যে দিল্লীৰ পৰা অনা হৈছে বিশেষ ড্ৰোণ,য’ত থাকিব বিস্ফোৰক সামগ্ৰী।ড্ৰোণৰ দ্বাৰা লোৰ কেৰাহিত কৰা হ’ব অগ্নিসংযোগ।

ভাৰতীয় ৰেলৱেৰ শ্ৰমিক কৰ্মচাৰীৰ অধিকাৰৰ হকে মাত মাতি অহা অগ্ৰণী ট্ৰেড ইউনিয়ন “নেশ্যনেল ফেডাৰেচন অফ ইণ্ডিয়ান ৰেলৱেমেনছ” চমুকৈ এন এফ আই আৰএ  ৰেলৱেকে ধৰি দেশৰ চৰকাৰী সম্পত্তি সমূহ ব্যক্তিগতকৰণৰ বাবে প্ৰধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে গ্ৰহণ কৰা পদক্ষেপৰ বিৰুদ্ধে দেশজুৰি ব্যাপক প্ৰতিবাদী আন্দোলনৰ কাৰ্যসূচী গ্ৰহণ কৰিছে । আনহাতে এন এফ আই আৰৰ আহ্বান মৰ্মে দেশৰ আন আন ৰেল মণ্ডলৰ লগতে উত্তৰ পূব সীমান্ত ৰেলৱেতো ১৫ ছেপ্টেম্বৰৰ  পৰা প্ৰতিবাদী সপ্তাহ  পালন কৰিছে এন এফ ৰেলৱে এম্পলয়িজ ইউনিয়নে । প্ৰতিবাদী সপ্তাহৰ লগত সংগতি ৰাখি ইউনিয়নৰ গুৱাহাটী শাখাৰ উদ্যোগত ১৮ ছেপ্টেম্বৰৰ দিনা সন্ধিয়াৰ ভাগত গুৱাহাটী ৰেল ষ্টেচন পৰিসৰত এক বিশাল  প্ৰতিবাদী সমদল উলিওৱা হয় । সমদলত  ইউনিয়নৰ কেন্দ্ৰীয় কমিটিৰ  প্ৰচাৰ গোটৰ অধ্যক্ষ আৰু কেন্দ্ৰীয় পৰ্যবেক্ষক   নয়ন কুমাৰ বৰ্মন , গুৱাহাটী শাখাৰ সভাপতি গুনেন্দ্ৰ বৰুৱা , শাখা সম্পাদক অৰূপ  কলিতাকে ধৰি কেবাজনো নেতা – নেত্ৰী আৰু দুই শতাধিক কৰ্মচাৰীয়ে ভাগ লয় । আনহাতে কাৰ্যসূচীত ভাগ লোৱা সকলোৱে কেন্দ্ৰীয় চৰকাৰে ৰেলৱেকে   ধৰি ৰাজহুৱা আৰু চৰকাৰী সম্পত্তি ব্যক্তিগতকৰণৰ বিৰুদ্ধে গ্ৰহণ কৰা সিদ্ধান্তৰ বিৰুদ্ধে বিভিন্ন শ্লোগান দি আকাশ বতাহ মুখৰিত কৰি তোলে । আনকি প্ৰতিবাদী কৰ্মচাৰী সকলে কেন্দ্ৰীয় চৰকাৰ হায় হায় , দেশৰ সম্পদ বিক্ৰী কৰাৰ সিদ্ধান্ত বাতিল কৰক , ৰেলৱেক ব্যক্তিগতকৰণ কৰা নচলিব ধ্বনি দিয়ে । আনহাতে প্ৰতিবাদী  কাৰ্যসূচী সাফল্যমণ্ডিত কৰাৰ বাবে ইউনিয়নৰ কেন্দ্ৰীয় সাধাৰণ সম্পাদক আৰু এন এফ আই আঁৰৰ সহকাৰী সম্পাদক মুনীন্দ্ৰ শইকীয়াই  গুৱাহাটী শাখাৰ সমূহ ৰেলকৰ্মীক ধন্যবাদ জ্ঞাপন কৰিছে।