আজি বাক্সা জিলাৰ সদৰ মুছলপুৰৰ সমীপৰ ভাৰত-ভূটান সীমান্তৱৰ্তী দাৰাগাৱত সশস্ত্ৰ সীমা বল চমুকৈ এছ এছ বিৰ ৬৪ নং বেটেলিয়নৰ উদ্যোগত আয়োজন কৰা হয় আজাদী কা অমৃত মহোৎসৱ শীৰ্ষত অনুষ্ঠান। উক্ত অনুষ্ঠানত সমগ্ৰ অঞ্চলৰ ৰাইজৰ স্বাস্থ্য পৰীক্ষা কৰাৰ লগতে বিনামূলীয়াকৈ বিভিন্ন ৰোগৰ ঔষধ প্ৰদান কৰাৰ উপৰিও ৰাইজৰ মাজত মাস্ক, চেনিটাইজাৰ আৰু চাবোনৰ সৈতে একোটিকৈ গছপুলি প্ৰদান কৰে এছ এছ বিয়ে । অনুষ্ঠানত উপস্থিত থাকি সশস্ত্ৰ সীমা বলৰ ৬৪ নং বেটেলিয়নৰ কামাণ্ডেণ্ট নন্দ কিশোৰ টমটায়ে সকলোকে ক’ভিডৰ বিৰুদ্ধে সজাগ হৈ ভেকচিন ল’বলৈ আহ্বান জনায় ৷ উক্ত কাৰ্যসূচীত ভূটানখুটি উপ স্বাস্থ্য কেন্দ্ৰৰ চিকিৎসক ডাঃ অনুপ দাস, সশস্ত্ৰ সীমা বলৰ ৬৪ নং বেটেলিয়নৰ ডেপুটী কামাণ্ডেণ্ট সন্দীপ পুনিয়াকে ধৰি অঞ্চলটোৰ কেবা গৰাকীও বিশিষ্ট ব্যক্তি উপস্থিত থাকে ।

কামৰূপ জিলাৰ বকো সমষ্টিৰ অন্তৰ্গত নগৰবেৰাত আৰক্ষীয়ে আটক কৰিলে প্ৰেমিকাৰ সতে উঠা আপত্তিজনক ভিডিঅ ছচিয়েল মেডিয়াত ভাইৰেল কৰা প্ৰেমিকক। জানিব পৰা মতে বাংগালোৰত বি-ফাৰ্মত অধ্যয়নৰত ছাত্ৰ জাহিদুল ইছলামে মোবাইল যোগে নগৰবেৰা অঞ্চলৰ এগৰাকী কলেজীয়া ছাত্ৰীৰ সতে প্ৰথমে চিনাকি হয় তাৰ পিছত দুয়োৰে মাজত প্ৰেমৰ সম্পৰ্ক গঢ়ি উঠে। পাছলৈ কিবা কাৰণত প্ৰেমত ফাঁট মেলাত প্ৰেমিক জনে ফেচবুক ফেক একাউণ্ট খুলি প্ৰেমিকাৰ সতে উঠা আপত্তিজনক ভিডিঅ ছচিয়েল মেডিয়াত ভাইৰেল কৰে। নগৰবেৰা অঞ্চলৰ প্ৰেয়সীৰ মাতৃয়ে দিয়া এক এজাহাৰৰ ভিত্তিত নগৰবেৰা আৰক্ষীয়ে আটক কৰে অসম-বাংলাদেশ সীমান্তৰ সুখচৰ আৰক্ষী থানা এলেকাৰ বেৰাভঙা গাঁৱৰ জাহিদ মণ্ডল ওৰফে জাহিদুল ইছলাম নামৰ যুৱক জনক। ঘটনাটোক লৈ নগৰবেৰা অঞ্চলত অব্যাহত আছে চাঞ্চল্য।

স্বনিৰ্ভৰশীল হোৱাৰ উদ্দেশ্য আগত ৰাখি মৎস্য পালনৰ পথ বাচি লোৱা বাক্সা জিলাৰ এগৰাকী যুৱকৰ পুখুৰীত দুৰ্বৃত্তই বিহ ঢালি মাছ নিধন কৰা ঘটনাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে । জানিব পৰামতে জিলাখনৰ মুছলপুৰ মহকুমাৰ অন্তৰ্গত অদালবাৰীৰ শিক্ষিত যুৱক ৰাতুল শৰ্মাই চৰকাৰী চাকৰিৰ আশা বাদ দি নিজৰ মাটিত পুখুৰী খান্দি মৎস পালনেৰে বাচি লৈছিল স্বাৱলম্বিতাৰ পথ ৷ ৰৌ, আঁৰি, ভকুৱা, কমনকাৰ্প, গ্ৰাছকাৰ্প আদিকে ধৰি বিভিন্ন জাতৰ থলুৱা মাছৰ পোনা পুখুৰীত মেলি দিয়াৰ পিছত এতিয়া সেই পোনাবোৰ প্ৰায় এক-ডেৰ কেজি ওজনলৈকে ডাঙৰ হৈ পৰাত সঞ্চাৰ হৈছিল লাভৰ আশা ৷ কিন্তু, দুর্ভাগ্যজনকভাৱে কালি নিশা কোনো অচিনাক্ত দুর্বৃত্তই পুখুৰীটোত বিহ ঢালি দিয়ে৷ যাৰ ফলত আজি পুৱাৰ ভাগত ভাহি উঠে হাজাৰ হাজাৰ বিভিন্ন প্রজাতিৰ মাছ৷ বিহ সেৱনৰ ফলত লগে লগে মৃত্যু হয় লক্ষাধিক টকা মূল্যৰ মাছৰ ৷ দিনে-ৰাতিয়ে প্ৰতিপালন কৰি ডাঙৰ কৰা মাছবোৰ আজি পুখুৰীত ৰাতিপুৱা চাবলৈ গৈ সকলো মাছ মৃত অৱস্থাত ওপঙি থকা দেখি হতভম্ব হৈ পৰাৰ লগতে কান্দোনত ভাগি পৰে মৎসপালক ৰাতুল শৰ্মা ৷ কোনো দুষ্ট লোকে পুখুৰীত বিহ দি মাছ নিধন কৰা বুলি সন্দেহ ব্যক্ত কৰে মৎসপালক ৰাতুল শৰ্মাই ৷ অঞ্চলটোৰ সচেতন মহলে দোষীক চিনাক্ত কৰি শীঘ্রে কৰায়ত্ত কৰিবলৈ দাবী জনাইছে ৷

চাহ জনগোষ্ঠীৰ অন্যতম উৎসৱ কৰম পৰৱ। কৰম উৎসৱৰ জৰিয়তে জনগোষ্ঠীটোৰ স্বকীয় সংস্কৃতি,জাতীয় পৰিচয় বহন কৰা পৰম্পৰাগত উৎসৱটিত চাহ জনগোষ্ঠীৰ আৱেগ অনুভূতিৰ প্ৰতি সহাৰি জনাই বৰ্তমাণৰ বিজেপিধীন চৰকাৰখনে ১৭ চেপ্টেম্বৰ দিনটো চৰকাৰী বন্ধ ঘোষনা কৰিছে।চৰকাৰকাৰখনৰ এই সিদ্ধান্তক স্বাভাৱিকতে জনগষ্ঠীটোৰ মাজত এক সুখৱৰ কঢ়িয়াই আনিছে বুলি কব লাগিব। অৱশ্যে ৰাজ্যখনত দীৰ্ঘদিনধৰি বৃহৎৰ চাহ জনগোষ্ঠীটোৰ বিভিন্ন দাবীৰ লগতে কৰম পৰৱৰ দিনটো চৰকাৰী বন্দ্ধ ঘোষনা কৰিবলৈ বিভিন্ন দল সংগঠনৰ লগতে অসম চাহ জনজাতি ছাত্ৰ সন্থা আটছাই দাবী জনাই অহাৰ মাজতে যোৱাকালি মূখ্যমন্ত্ৰী ড° হিমন্ত বিশ্ব শৰ্মাৰ কেবিনেটৰ সিদ্ধান্ত অনুযায়ী কৰম উপলক্ষে চৰকাৰী বন্দ্ধ ঘোষনাই চৰকাৰখনক ধন্যবাদ জনোৱা পৰিলক্ষিত হৈছে। আনহাতে বৰ্তমানৰ চৰকাৰখনে চৰকাৰী বন্দ্ধ দিয়াৰ বিপৰীতে চাহজনগোষ্ঠীৰলোক বাগিচাত কাম কৰিবলগীয়া হোৱা ঘটনাই চাহ জনগোষ্ঠীৰ বিভিন্ন মহলে চৰকাৰখনে লোৱা যুগাত্মক সিদ্ধান্তৰ শলাগলোৱাৰ বিপৰীতে বিভিন্ন প্ৰান্তত চৰকাৰখনৰ লগতে বাগিচা মালিক পক্ষক ধীক্কাৰ দিয়াৰ লগতে তীব্ৰ প্ৰতিক্ৰীয়া প্ৰকাশ কৰিছে। ইয়াৰ মাজতে নদুৱাৰ শাখা আটছাৰ ভাৰপ্ৰাপ্ত সভাপতি ৰাধেশ্যাম তাঁ‌তীয়ে প্ৰতিক্ৰীয়া প্ৰকাশ কৰি কয় যে দীৰ্ঘদিনে আটছাই দাবী জনাই অহা প্ৰতি সহাৰি জনাই ৰাজ্যচৰকাৰখনে ‘চাহ জনগোষ্ঠীৰ অন্যতম জাতীয় উৎসৱ ‘কৰম পৰৱ’ উপলক্ষে ৰাজ্যিক বন্দ্ধ ঘোষনাই জনগোষ্ঠীটোৰ এক যুগাত্মক দিশ । আৰু লগতে কয় যে চাহ জনগোষ্ঠীৰ বাপুতিসাহোন কৰম পৰৱ উদযাপনৰ বিশেষ দিন হিচাপে ১৭ চেপ্টেম্বৰ দিনটো চৰকাৰী বন্দ্ধ ঘোষনাই চৰকাৰী বিভাগৰ কৰ্মী-কৰ্মচাৰীয়ে বন্দ্ধ ভোগ কৰিছে কিন্তু চাহ জনগোষ্ঠীৰ ৭০%চাহ শ্ৰমিকে বাগিচাত কাম কৰিব লগীয়া হোৱা ঘটনাই কৰম উৎসৱৰ প্ৰতি জনোৱা সন্মান যেন বিকৃত হৈছে,সেইহে প্ৰকৃতাৰ্থত যদি কৰম পৰৱটি পালনৰ অৰ্থে চৰকাৰে ৰাজ্যিক বন্দ্ধ ঘোষণা কৰিলেই জনগোষ্ঠীটোৰ প্ৰতি জনোৱা সাৰ্থক নহব যেতিয়ালৈকে সমগ্ৰ ৰাজ্যজুৰি ১৭ চেপ্টেম্বৰ দিনটো চৰকাৰী বন্ধত চাহ শ্ৰমিকসকলৰ মজুৰীসহ বাগিচাসমুহ বন্ধ ঘোষনা কৰিলেহে কৰম পৰৱটি পালনত সাৰ্থক হব বুলি মন্তব্য কৰে।

 অসম আৰক্ষীৰ অৱসৰপ্ৰাপ্ত  উপ আৰক্ষী অধীক্ষক কান্তেশ্বৰ গগৈৰ ১৬ ছেপ্টেম্বৰৰ নিশা গুৱাহাটীৰ এখন চিকিৎসালয়ত আকস্মিকভাৱে মৃত্যু হয় । মৃত্যুৰ সময়ত তেওঁৰ বয়স হৈছিল ৬২ বছৰ  । শদিয়াৰ এখন ভিতৰুৱা গাঁওত জন্মগ্ৰহণ কৰা গগৈয়ে অসম আৰক্ষীত উপ পৰিদৰ্শক হিচাপে যোগদান কৰি নিজৰ দক্ষতা , যোগ্যতা আৰু অভিজ্ঞতাৰ বলত উপ আৰক্ষী অধীক্ষক পদলৈ পদোন্নতি লাভ কৰি ২০১৯ চনত অৱসৰ গ্ৰহণ কৰে । চাকৰি কালত এজন নীতি নিষ্ঠ বিষয়া হিচাপে পৰিচিত গগৈয়ে কিছু বছৰ পূৰ্বে পৰিয়ালসহ চার্ভেস্কুলত নিগাজিকৈ বাস কৰি কমদিনৰ ভিতৰতে দূৰ্গাপূজাকে ধৰি বিভিন্ন সামাজিক , সাংস্কৃতিক  অনুষ্ঠান প্ৰতিষ্ঠানৰ লগত ওতঃপ্ৰোত ভাৱে জড়িত হৈ সকলোৰে সমাদৰ লাভ কৰে । মৃত্যুৰ সময়ত তেওঁ পত্নী তথা ভাৰতীয় জীৱন বীমা নিগমৰ গুৱাহাটী কাৰ্যালয়ৰ বিষয়া গীতিকা গগৈ , দুই পুত্ৰ ক্ৰমে অংশুমান আৰু ঋতুৰাজ , এজন ককায়েককে ধৰি বহু সংযোগ আত্মীয়- স্বজন এৰি থৈ যায় । তেওঁৰ আকস্মিক  মৃত্যুত  বৃহত্তৰ চার্ভেস্কুলকে ধৰি কাষৰীয়া অঞ্চলত শোকৰ ছাঁ পৰে । ১৭ ছেপ্টেম্বৰত এক শোকাকূল পৰিৱেশত ভূতনাথত তেওঁৰ শেষকৃত সম্পন্ন কৰা হয় ।