অসম আৰক্ষীৰ অভিযান সমূহ সকলো ক্ষেত্ৰতে  সফল হোৱাৰ সমান্তৰাল ভাৱে তেনে সময়তে লাহদৈগড় আৰক্ষী চকীৰ ভাৰপ্ৰাপ্ত আৰক্ষী  বিষয়া সঞ্জয় ৰয়ৰ নেতৃত্বত সুৰা আৰু অসামাজিক কাৰ্য্যকলাপৰ বিৰুদ্ধে  অভিযান চলাই থকাৰ সময়তে কালি এক  গোপন সূত্ৰৰ পম খেদি অভিযান চলাই পূব যোৰহাটৰ চটাই ভকত গাৱৰ সোনমাই গগৈ আৰু তেওৰ পুত্ৰ জগত গগৈৰ  ঘৰৰ পৰা প্ৰায় ২০ কিলো গাঞ্জা জব্দ কৰাৰ লগতে সোণমাই গগৈ আৰু জগত গগৈক কৰায়ত্ব কৰে। আৰক্ষী য়ে জানিবলৈ দিয়া মতে আৰক্ষীয়ে নিজা ববীয়াকৈ গোচৰ ৰুজু কৰি জেল হাজোলৈ প্ৰেৰণ কৰিৱ বুলি জানিব পৰা গৈছে।আৰক্ষীৰ এনে প্ৰশংসনীয় পদক্ষেপক বিভিন্ন দল সংগঠনে লগতে স্থানীয় লোকে  আৰক্ষী বিষয়া জনক শলাগ  লৈছে।

ৰাষ্ট্ৰভক্তি আৰু ত্যাগৰ অদ্বিতীয় প্ৰতীক ড° শ্যামা প্ৰসাদ মুখাৰ্জী ডাঙৰীয়াক শ্ৰদ্ধাঞ্জলি জ্ঞাপনৰ বাবে ভাৰতীয় জনতা পাৰ্টি বৰপেটাৰোড নগৰ মণ্ডলৰ উদ্যোগত বৰপেটাৰোড ৰেলৱে ষ্টেচনৰ সমীপত প্ৰতিষ্ঠা কৰা মহান নেতাজনৰ প্ৰতিমূৰ্তি মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াই উন্মোচন কৰে। কলকতা বিশ্ববিদ্যালয়ৰ প্ৰাক্তন উপাচাৰ্য তথা জনসংঘৰ প্ৰতিষ্ঠাপক সভাপতি ড° শ্যামা প্ৰসাদ মুখাৰ্জী ডাঙৰীয়াক সন্মান জনোৱাৰ অৰ্থে বৰপেটা ৰোডৰ স্থানীয় ৰাইজে গ্ৰহণ কৰে এই পদক্ষেপ।

“এখন দেশত দুই প্ৰধান, দুই বিধান, দুই নিচান নচলিব” আদি মহান বাণীৰে দেশবাসীক উদ্বুদ্ধ কৰি যোৱা এইগৰাকী মহান আত্মাক শ্ৰদ্ধাঞ্জলি জ্ঞাপনৰ অৰ্থে অঞ্চলবাসীৰ এনে সুন্দৰ মনোভাৱে অভিভাৱক মন্ত্ৰী হিচাবে মুখ্যমন্ত্ৰী ড° হিমন্ত বিশ্ব শৰ্মাক যথেষ্ট উৎসাহিত কৰিছে।

ধুবুৰীৰ ঝগৰাৰপাৰ চতুৰ্থ খণ্ড গাঁওৰ আবুল কালাম নামৰ লোক এজনৰ ঘৰত অভিযান চলাই এটা দুষ্প্ৰাপ্য কেঁকো সাপ উদ্ধাৰ কৰিবলৈ সক্ষম হয়। উল্লেখ্য যে, আবুল কালামে তিনি বছৰমান পূৰ্বে মেঘালয়ৰ পৰা তিনিশ টকাত ক্ৰয় কৰি আনিছিল কেঁকো সাপটো। তিনি বছৰে কেঁকো সাপটো পুহি ডাঙৰ দীঘল কৰি কোটি টকা মূল্যত বিক্ৰী কৰাৰ পৰিকল্পনা কৰিছিল আবুল কালামে। কিন্তু আবুল কালামৰ কপাল বেয়া। যোৱা নিশা ধুবুৰী আৰক্ষীৰ দল এটাই এক গোপন তথ্যৰ ভিত্তিত অভিযান চলাই কেঁকো সাপডাল জব্দ কৰাৰ বিপৰীতে আবুল কালামক আটক কৰে। বৰ্তমানে ধুবুৰী সদৰ থানাত  আবুল কালামক জেৰা অব্যাহত ৰাখিছে আৰক্ষীয়ে।

অসমৰ বিশিষ্ট জিকিৰ আৰু জাৰীৰ শিল্পী, প্ৰসিদ্ধ গীতিকাৰ তথা কবি নবাবুদ্দিন আহমেদৰ যোৱা নিশা ১০-৩০ বজাত তেখেতৰ ৰঙিয়াৰ এন টি ৰোড স্থিত নিজা বাসভৱনত মৃত্যু হয়। মৃত্যুৰ সময়ত সংগীত শিল্পীগৰাকীৰ বয়স আছিল ৮৫ বছৰ । শিল্পীগৰাকীৰ মৃত্যুত সমগ্র ৰঙিয়াতে গভীৰ শোকৰ ছা পৰিছে । প্ৰয়াত নবাবুদ্দিন আহমেদে প্ৰায় চাৰি কুৰি জিকিৰ, জাৰী,কাৱালী আৰু আধুনিক গীত ৰচনা কৰি অসমৰ সংগীত জগতখন চহকী কৰি গৈছে । প্ৰয়াত নবাবুদ্দিন আহমেদে ৰচনা কৰা তুমি খোদা মেহেৰবান, লা ইলাহা ইল্লালাহু, ৰমজানৰে ৰোজা ৰখা, খোদাই কলে ৰচুলক, আল্লাহি আল্লা, নামাগো দৌলত, আদিকে ধৰি প্ৰায় অৰ্ধশতাধিক জিকিৰ, জাৰীৰ লগতে কাৱালী ৰচনা কৰি থৈ গৈছে । প্ৰয়াত  আহমেদে ৰচনা কৰা জিকিৰ, জাৰী আৰু কাৱালীসমূহত ৰাজ্যখনৰ কেইবাগৰাকী বিশিষ্ট কন্ঠশিল্পী খগেন মহন্ত, পুলক বেনাৰ্জী, নীলিমা খাতুন, হাফিজা বেগম চৌধুৰী, হাছিনা হাজৰিকা আদিয়ে কন্ঠদান কৰিছিল। প্ৰয়াত আহমেদে ৰচনা কৰা আৰু বিশিষ্ট সংগীত পৰিচালক ৰমেন চৌধুৰীয়ে পৰিচালনা কৰা ‘গুলে নাগমা’ নামৰ কেছেটটি মুকলি হোৱাৰ পিছত অসম চৰকাৰৰ সাংস্কৃতিক সঞ্চালকালয়ে তেখেতক আনুষ্ঠানিকভাৱে সম্বৰ্ধনা জনাইছিল। অসম চৰকাৰৰ শিক্ষা বিভাগৰ অৱসৰপ্ৰাপ্ত কৰ্মচাৰী আহমেদে ৰঙিয়াৰ সামাজিক ক্ষেত্ৰখনৰ লগতো জৰিত হৈ আছিল । মৃত্যুৰ সময়ত আহমেদে পত্নীৰ লগতে দুজন পুত্ৰৰ উপৰি দুগৰাকী কন্যা ইহসংসাৰত এৰি গৈছে । মঙলবাৰেদিনৰ ১০ বজাত নবাবুদ্দিন আহমেদৰ জানাজা সম্পন্ন কৰা হয় ।

 মৰিগাঁও জিলাৰ লাহৰীঘাটৰ  বোৱালগুৰিত ১ জুলাইত এদল দূৰ্বিত্তই এজন চিকিৎসা কৰ্মীক প্ৰহাৰ কৰে।আৰক্ষীয়ে যোৱা কালি  ডিমাপুৰৰ পৰা তিনিওজনকে  গ্ৰেপ্তাৰ কৰিবলৈ সক্ষম হয় । ধৃত অভিযুক্ত কেইজন হ’ল মুকছিদুল ইছলাম, ,আফতাপ হুছেইন আৰু আনোৱাৰ হুছেইন । উল্লেখ্য যে যোৱা ১ জুলাই কৰ্মৰত অৱস্থাত  স্বাস্থ্য  কৰ্মী ছাইফুল ইছলামক ছয়-সাত জনীয়া দূৰ্বিত্তৰ দলে আক্ৰমণ কৰিছিল।পিছত ছাইফুল ইছলামে লাহৰীঘাট আৰক্ষী থানাত এজাহাৰ দাখিল কৰিছিল।দোষীক কৰায়ত্বৰ দাবীত স্বাস্থ্য কৰ্মী সকলে প্ৰতিবাদ সাব্যস্ত কৰিছিল। সেই বাতৰি সংবাদ মাধ্যমত  সম্প্ৰচাৰ হৈছিল।   এজাহাৰৰ ভিত্তিত এজনক গ্ৰেপ্তাৰ কৰি জেল হাজতলৈ প্ৰেৰণ কৰে যদিও বাকী কেইজন অভিযুক্ত পলাতক আছিল। বাকী কেইজন অভিযুক্তৰ ভিতৰত তিনিজনক গ্ৰেপ্তাৰ কৰিবলৈ সক্ষম হয় আৰক্ষী। তিনি অভিযুক্তক লাহৰীঘাট আৰক্ষীয়ে জেল হাজতলৈ প্ৰেৰণ কৰে।