আজি পুৱা ১০ বজাত মুখ্যমন্ত্ৰী ডঃ হিমন্ত বিশ্ব শৰ্মাই ডি এন পি এলত উপস্থিত হয় । ডি এন পি এলৰ প্ৰৱেশদ্বাৰৰ সন্মুখতে প্ৰতিষ্ঠানটোৰ অধ্যক্ষ ৰূপম গোস্বামী, অসম গেছ কোম্পানীৰ পৰিচালন সঞ্চালক গকুলচন্দ্ৰ স্বৰ্গীয়াৰীয়ে গামোছা, চেলেং চাদৰ, হেংদান আগবঢ়াই মুখ্যমন্ত্ৰী গৰাকীক উষ্ম সম্বৰ্ধনা জ্ঞাপন কৰে । ইয়াৰ পাছত মুখ্যমন্ত্ৰীয়ে ডি এন পি এলৰ ভিতৰত এখন অৰ্কিড উদ্যান মুকলি কৰা লগতে গেছ কম্প্ৰেচাৰৰ চতুৰ্থ গোটটো ফিটা কাটি উদ্বোধন কৰে ।  এই কাৰ্যসূচী সমাপ্তৰ পাছতেই মুখ্যমন্ত্ৰী ডঃ হিমন্ত বিশ্ব শৰ্মাই পোনে পোনে অসম গেছ কোম্পানীত উপস্থিত হয় । গেছ কোম্পানীৰ শীৰ্ষ বিষয়াৰ লগত এক বৈঠকত মিলিত হয় । প্ৰায় তিনিঘণ্টা যোৰা আলোচনাত অন্তত প্ৰতিষ্ঠানটোৰ চৌহদত এজোপা গছ পুলি ৰূপন কৰে । ইয়াৰ পাছতে সাংবাদিকসকলক সম্বোধন কৰে মুখ্যমন্ত্ৰী ডঃ হিমন্ত বিশ্ব শৰ্মাই কয় যদিহে অহা সপ্তাহৰ ভিতৰত ডিব্ৰুগড় জিলাত ক’ভিড সংক্ৰমণ ৰোধ নহয় তেন্তে ডিব্ৰুগড় জিলাত ১০ দিনৰ বাবে লকডাউন ঘোষণা কৰা হব । ১ জুলাই লৈকে দ্বিতীয় পালি ভেকচিন লোৱা লোক সকল কার্যলয়লৈ আহিব লাগিব । তদুপৰি অহা কালিৰ পৰা ৩ লাখ ভেকচিনৰ কাম আৰম্ভ কৰিব পাৰিলে অহা ১০ দিনত ৬০ লাখ লোকক ভেকচিন দিব পাৰিম বুলি দুলীয়াজানৰ অসম গেছ কোম্পানী পৰিদৰ্শন কৰিবলৈ আহি এই মন্তব্য আগবঢ়াই মুখ্যমন্ত্ৰী হিমন্ত বিশ্ব শৰ্মাই । সাংবাদিকৰে হোৱা এক সাক্ষাৎকাৰত তেওঁ কয় অসম গেছ কোম্পানীৰ গেছৰ ভাণ্ডাৰ ৪০ শতাংশলৈ বৃদ্ধি হোৱাত কোম্পানীটোৱে ৩০০ কোটি টকাৰ ব্যৱসায় কৰিবলৈ সক্ষম হৈছে । এনেদৰে চলি থাকিলে অনাগত ৪ বছৰত ১০০০ কোটি টকালৈ বৃদ্ধি হব গেছৰ উৎপাদন । যোৱা বছৰ অইল ইণ্ডিয়া লিমিটেডৰ ব্যৱসায় বেয়া আছিল সেইবাবে অইলে ৩ মিলিয়নৰ ব্যৱসায় কৰিব নোৱাৰিলে যাৰ ফলত অসম চৰকাৰে পাব লগীয়া ৮০০ কোটি টকা লাভ নকৰিলে, অইলে যিমানেই উৎপাদন কৰিব অসম চৰকাৰে সিমানেই ৰাজভঁৰাল টনকিয়াল হব, ৰাজভঁৰাল টনকিয়াল হলেহে অসমত উন্নয়ন মূলক কাম হব বুলি মন্তব্য কৰে মুখ্যমন্ত্ৰী গৰাকীয়ে ।
ইফালে এই সময়ছোৱাত মুখ্যমন্ত্ৰীক সংগ দিয়ে কেন্দ্ৰীয় খাদ্য আৰু সংসাধনৰ ৰাজ্যিক মন্ত্ৰী ৰামেশ্বৰ তেলী, কৃষি মন্ত্ৰী অতুল বৰা, শক্তিমন্ত্ৰী বিমল বৰা, শ্ৰমমন্ত্ৰী সঞ্জয় কিষান,   দুলীয়াজানৰ বিধায়ক তেৰছ গোৱালা আৰু অসম গেছ কোম্পানীৰ উপাধ্যক্ষ ইন্দ্ৰ গগৈয়ে ।

নিজসৰাবাৰী গ্ৰাম্য ক্ৰীড়া সন্থাৰ উদ্যোগত সৰাবাৰী শাখা সাহিত্য সভাৰ সহযোগত অসমৰ জাতীয় জীৱনৰ প্ৰবাদ পুৰুষ গণশিল্পী কলাগুৰু বিষ্ণু প্ৰসাদ ৰাভাৰ ৫২ সংখ্যক স্মৃতি দিৱস উদযাপন কৰা হয় ৷

ক’ভিড প্ৰট’কলৰ নিয়ম অনুসৰি অনুষ্ঠিত কৰা অনুষ্ঠানৰ ক্ৰীড়া সন্থাৰ পতাকা উত্তোলন কৰে সন্থাৰ সভাপতিয়ে আৰু স্মৃতি তৰ্পণ কাৰ্যসূচী ৰূপায়ণ কৰে সৰাবাৰী শাখা সহিত্য সভাৰ সম্পাদক ভদ্ৰকান্ত কলিতাই

আনহাতে বিষ্ণুৰাভা স্মৃতি দিৱসৰ লগত সংগতি ৰাখি ক্ৰীড়া সন্থাই online ৰাভা সংগীতৰ প্ৰতিযোগিতাও অনুষ্ঠিত কৰে আৰু প্ৰতিযোগিতাখনি আজি নিশা ১২ বজাত অন্ত পৰিব বুলি সন্থাৰ অন্যতম সদস্য জ্যোতিষ কলিতাই জানিব দিয়ে ৷

ক’ৰোণা ভাইৰাছৰ ভয়াবহতাৰ মাজতে সৈনিক শিল্পী তথা কলাগুৰু বিষ্ণুপ্ৰসাদ ৰাভাৰ ৫২ সংখ্যক মৃত্যু দিৱস আজি ৰাজ্যৰ অন্যান্য প্ৰান্তৰ দৰে চাবুৱাতো সম্পূৰ্ণ ক’ভিডৰ  প্ৰট’কল অনুসৰণেৰে অনুষ্টুপীয়াকৈ পালন কৰে । বালিজান চাইডিঙত  চাবুৱা সংগীত বিদ্যালয়ৰ প্ৰাংগনত ছাত্ৰ ছাত্ৰীসকলৰ মাজতে ৰাভাদেৱক সোঁৱৰি শ্ৰদ্ধাঞ্জলি জ্ঞাপন কৰে। সাংবাদিক অনুপম বুঢ়াগোহাঁয়ে আঁতধৰা উক্ত অনুষ্টুপীয়া অনুষ্ঠানত বিদ্যালয়ৰ সংগীত শিক্ষক তথা ডিব্ৰুগড় বিশ্ববিদ্যালয়ৰ পৰিবেশ্য ক’লাৰ অধ্যাপক অৰুণ হাজৰিকাই বিষ্ণুপ্ৰসাদ ৰাভাৰ প্ৰতিছব্বিত এগছি বন্তি আৰু ধূপ প্ৰজ্বলনেৰে শ্ৰদ্ধাঞ্জলি জ্ঞাপন কৰে। অনুষ্ঠানটি উদ্বোধন কৰে অনাতাঁৰ শিল্পী তথা শিক্ষক চন্দ্ৰকান্ত ফুকনে । ইয়াৰ পিছতে ছাত্ৰ-ছাত্ৰীসকলে পৰিৱেশন কৰে এটি সমবেত সংগীত। ডি ডি আৰ মহাবিদ্যালয়ৰ অধ্যাপক , নাট্যকাৰ, অভিনেতা দিগন্ত দত্তই তেখেতৰ দুআষাৰৰ পিছতে শ্যামলী গোহাঁই , জাহ্নৱী ফুকন, হৰিপ্ৰিয়া চেতিয়া,  প্ৰাৰ্থনা ফুকন,আৰ্দিজা গোহাঁই, ৰহিম ডাঙৰীয়া, অশোক ফুকন, ৰাজেশ গন্ধিয়া, মৃগপ্ৰিয়া গগৈ,
চন্দ্ৰকান্ত ফুকন ,  অৰুণ হাজৰিকা, ৰাহুল ফুকন , মুকুল দাস আদিয়ে বিষ্ণু ৰাভা সংগীত পৰিবেশন কৰে। অনুপম বুঢ়াগোহাঁয়ে বাঁহী বাদনেৰে জীপাল  কৰা অনুষ্ঠানত শলাগৰ শৰাই আগবঢ়ায় বিদ্যালয়ৰ অধ্যক্ষ মুকুট নেওগে। ইফালে  চাবুৱা আঞ্চলিক ছাত্ৰ সন্থায়ো ক’ভিডৰ ভয়াবহতাৰ মাজতে অনুষ্টুপীয়াকৈ ইয়াৰ অস্থায়ী কাৰ্যালয়ত বিষ্ণুপ্ৰসাদ ৰাভাৰ প্ৰতিছবিত এগছি বন্তি প্ৰজ্বলনেৰে মহান শিল্পীজনক সোঁৱৰে । বন্তি প্ৰজ্বলন কৰে সমিতিৰ সভাপতি মৃদুপৱন গগৈয়ে।

যোৱা ১১ জুন তাৰিখে কোকৰাঝাৰ জিলাৰ অভয়াখুটিত সংঘটিতত নৃশংস হত্যা কাণ্ডৰ উচিত  তদন্ত কৰি নৰপিশাসক কেইটাক ফাষ্ট্ৰেক্ট আদালতৰ জৰিয়তে বিচাৰ প্ৰক্ৰিয়া চলাবলৈ ফাঁ‌চী দিয়াৰ দাবীত ওদালগুৰি নিখিল বড়ো ছাত্ৰ সন্থাৰ উদ্যোগত শনিবাৰে ভেৰগাঁওত ধৰ্ণাকাৰ্যসূচী ৰূপায়ন কৰে। সমাইনা ৰাভা আৰু ৰবিতা ৰাভাৰ হত্যাকাৰী সকলক আৰক্ষীয়ে আটক কৰিছে যদিও তদন্তৰ খাতিৰত হত্যাকাৰীক দৃষ্টান্ত মূলক ভাবে শাস্তি প্ৰদান কৰিবলৈ সক্ষম হোৱা নাই। সেয়েহে অতি সোনকালে হত্যাকাৰীক ফাচট্ৰেকৰ  জৰিয়তে ফাঁচীকাঠত ওলোমাবলৈ মুখ্যমন্ত্ৰী ডঃ হিমন্ত বিশ্ব শৰ্মালৈ আহ্বান জনাইছেঁ‌ ওদালগুৰি জিলা নিখিল বড়ো ছাত্ৰ সন্থাই।  উক্ত প্ৰতিবাদী কাৰ্যসূচীত হাতে হাতে প্লে-কাৰ্ড লৈ  কয় যে অসমৰ বিভিন্ন প্ৰান্তত হৈ থকা ধৰ্ষণ বা হত্যাকাণ্ড ৰোধ কৰিবলে হলে কালপ্ৰিত সকলক ফাঁ‌চীকাঠ উলোমালেহে ৰোধ হব সেয়েহে অতি শীঘ্ৰে  হত্যাকাৰীক ফাঁচী দিবলৈ অনুৰুধ জনাইছে।

নলবাৰীৰ ক্ৰীড়াক আৰু অধিক সক্ৰিয় কৰিবলৈ বিধায়ক তথা মুখ্যমন্ত্ৰীৰ সচিব জয়ন্তমল্ল বৰুৱাই উঠিপৰি লাগিছে। নৱদ্বীপ খ্যাত নলবাৰীক শিক্ষাৰ লগতে  ক্ৰীড়াৰ জড়িয়তে মানৱ সম্পদ গঢ়াৰ পৰিকল্পনা হাতত লৈ যোৱা কালি আধৰুৱা হৈ থকা নৰ্থ কামৰূপ ষ্টেডিয়ামৰ ইনডোৰ হ’ল আৰু চুইমিং প’লৰ কাম অতি খিপ্ৰতাৰে কৰিবলৈ ঠিকাদাৰক নিৰ্দেশ দিয়ে। ঠিকাদাৰৰ টকা-পইচাই যাতে কামৰ হেঙাৰ হ’ব নোৱাৰে ইয়াৰ বাবে শকিয়নীও প্ৰদান কৰা হৈছে। যোৱা ১৬ জুন তাৰিখে পূব নলবাৰী ক’চিং চেণ্টাৰৰ নিয়মীয়া খেলুৱৈ তথা ৰাষ্ট্ৰীয় ভলীবল খেলুৱৈ কল্পনা কলিতাৰ ঘৰত বিধায়ক নিজেই উপস্থিত হৈ মুখ্যমন্ত্ৰীৰ সাহাৰ্য পূজিৰ পৰা ৫০ হেজাৰ টকাৰ এককালীন সাহাৰ্য প্ৰদান কৰে। জিলা খনত প্ৰতিভাৱান খেলুৱৈ সকলৰ বাবে নলবাৰীত আন্তঃ গাঠনিৰ অভাৱ বহুদিনীয়া। ৬৬ বিঘা মাটিৰে সৰিয়হতলী ক্ৰীড়া প্ৰকল্পত গ্ৰীন গেলাৰী স্থাপন হৈছে যদিও তাত এখন পূৰ্ণঙ্গ ষ্টেডিয়াম বহুদিনৰ পৰা ৰাইজে আশা কৰি আছে। সাগৰকুছি মিনি ষ্টেডিয়ামতো ২৫ বিঘা মাটি আছে তাতো ক্ৰীড়াৰ উন্নতিৰ বাবে উদ্যোগ ল’ব পাৰে। এইখিনি কাম সম্পূৰ্ণ হৈ উঠিলে নিশ্চিত ভাৱে খেলুৱৈ সকল যথেষ্ট উপকৃত হ’ব। নলবাৰীত ফুটবল, ভলীবল, ক্ৰিকেট, এথলেটিকছ, কাবাডী, হেণ্ডবল, খো-খো, টাইকোৱানডো, ইত্যাদি খেলৰ প্ৰশিক্ষণ চলি আছে। যদিওঁ খেলুৱৈ সকলে পোৱা নাই অৰ্হতা সম্পন্ন প্ৰশিক্ষকৰ জড়িয়তে বিজ্ঞান সন্মত দীৰ্ঘকালীন প্ৰশিক্ষণ। আন্তঃ গাঠনিৰ অভাৱেও খেলুৱৈ সকলৰ সদইচ্ছাক ৰোধ কৰিব পৰা নাই। নিজৰ সাহস, একাগ্ৰতাৰ বলতে যিসকল খেলুৱৈয়ে ৰাষ্ট্ৰীয় আন্তঃৰাষ্ট্ৰীয় প্ৰতিযোগিতাত নিজৰ পাৰদৰ্শীতা দেখুৱাবলৈ সক্ষম হৈছে সেই সকল খেলুৱৈ ধন্যবাদৰ পাত্ৰ। এই সকল খেলুৱৈক যদি পদ্ধতিগত প্ৰশিক্ষণৰ ব্যাৱস্থা কৰিব পৰা যায় তেতিয়াহলে নিশ্চিতভাৱে নলবাৰীৰ ক্ৰীড়াও ৰাষ্ট্ৰীয় প্ৰেক্ষাপটত উজ্বলি উঠিবলৈ সক্ষম হ’ব। কালি উপায়ুক্ত কাৰ্য্যালয়ত নলবাৰীৰ অভিভাৱক মন্ত্ৰী তথা অসম চৰকাৰৰ বিত্ত মন্ত্ৰী অজন্তা নেওঁগ, বিধায়ক জয়ন্তমল্ল বৰুৱা, সাংসদ দিলীপ শইকীয়া, ক্ৰীড়া আয়ুক্ত মলয় বৰা, ক্ৰীড়া আৰু যুৱকল্যাণৰ সঞ্চালক পৱিত্ৰৰাম খাউণ্ডে নলবাৰীত ক্ৰীড়াৰ ভবিয্যত পৰিকল্পনাৰ ওপৰত এক পৰ্য্যালোচনা সভাত মিলিত হয়। ইয়াৰ পিছত নলবাৰীৰ ভাৰপ্ৰাপ্ত ক্ৰীড়া বিষয়া বিষ্ণুজ্যোতি কলিতাৰ লগত ক্ৰীড়া আয়ুক্ত, সঞ্চালক, অসম ক্ৰিকেট সন্থাৰ সভাপতি ৰমেন দত্ত, সম্পাদক দেৱজিৎ শইকীয়াই নলবাৰী মহাবিদ্যালয় খেলপথাৰ পৰিদৰ্শন কৰি তাত এখন ক্ৰিকেট ষ্টেডিয়াম নিৰ্মান কৰাৰ বাবে প্ৰস্তুতি হাতত লোৱাৰ কথা জানিব পৰা গৈছে। ক্ৰিকেট ষ্টেডিয়ামখন হৈ উঠিলে ক্ৰিকেটাৰ সকলৰ বহুদিনীয়া অভাৱ পূৰণ হ’ব বুলি নলবাৰীৰ ক্ৰীড়া মহলে মন্তব্য প্ৰকাশ কৰিছে। নলবাৰী ক্ৰীড়া সন্থাৰ প্ৰাক্তন সভাপতি তথা বৰ্তমানৰ নলবাৰী সমষ্টিৰ জনপ্ৰীয় বিধায়ক জয়ন্তমল্ল বৰুৱাই নলবাৰীৰ ক্ৰীড়াক আগবঢ়াই নিবলৈ যি উদ্যোগ গ্ৰহন কৰিছে তাৰবাবে সৰ্বত্ৰে প্ৰশংসা লাভ কৰিবলৈ সক্ষম হৈছে। ভবামতে কাম বিলাক হৈ উঠিলে অসমক ক্ৰীড়াৰ ৰাজধানী কৰিব বিছৰা চৰকাৰখনৰ পৰিকল্পনাত নলবাৰীয়ে মুখ্যভূমিকা পালন কৰিব বুলি কলেও বঢ়াই কোৱা ন’হব।

সমগ্ৰ অসমৰ লগতে ভেৰগাঁও মহকুমা সদৰস্থিত বিষ্ণু প্ৰসাদ ৰাভা ভৱনৰ প্ৰাংগণতো জাতীয় জীৱনৰ প্ৰবাদ পুৰুষ গণশিল্পী কলাগুৰু বিষ্ণু প্ৰসাদ ৰাভাদেৱৰ পৱিত্ৰ স্মৃতি দিৱস  উদযাপন কৰা হয়  ভেৰগাঁও আঞ্চলিক ৰাভা ছাত্ৰ সন্থা,ভেৰগাঁও ৰাভা জাতীয় পৰিষদ ,ভেৰগাঁও ৰাভা সাহিত্য সভা আৰু ভেৰগাঁও  ৰাভা মহিলা পৰিষদৰ উদ্যোগত ।কোভিড প্ৰট’ক’ল বিধি অনুসৰি  অনুষ্ঠিত অনুষ্ঠানত চাৰিওটা  জাতীয় সংগঠনৰ পতাকা  সভাপতি সকলে উত্তোলন কৰে।স্মৃতি তৰ্পণ কাৰ্যসূচী ৰূপায়ণ কৰে দণ্ডাধিক লোকশ বৈশ্য।অসমৰ প্ৰগতিশীল মীন পালক প্ৰসন্ন ৰাভাক উক্ত অনুষ্ঠানতে  সম্বৰ্ধনা জনোৱা হয়। আনহাতেপুৰন্দীয়া সাহিত্য সভাৰ সভাপতি খগেন্দ্ৰ নাথ বৰাদেৱে অসম সাহিত্য সভাৰ পতাকা উত্তোলন কৰি তেখেতে কয় জাতীয় জীৱনৰ প্ৰবাদ পুৰুষ কলাগুৰু সৈনিক শিল্পী গৰাকীৰ গুণানুকীৰ্তন কৰি কয় যে আমি তেখেতক জীয়াই ৰাখিব লাগিব, অসম সাহিত্য সভাৰ দৰে  পৃথিৱীৰ সৰ্ববৃহৎ জাতীয়  অনুষ্ঠানটিয়ে তেখেতক সদায় চিৰস্মৰণীয় প্ৰাসংগিক কৰি তুলিব লাগিব। আনহাতে কলাগুৰুৰ পৱিত্ৰ প্ৰতিচ্ছবিত বন্তি প্ৰজ্বলন আৰু পুষ্পাঞ্জলি  অৰ্পণ কৰি অৱসৰী  শিক্ষক ৰজনী ডেকাই কয় যে সৰ্ব গুণাকৰ পুৰুষজনাৰ জীৱন কৰ্ম আদৰ্শ  আমি সকলোৱে গ্ৰহণ কৰিলেহে তেওঁক প্ৰকৃত শ্ৰদ্ধা ভক্তি সেৱা জনোৱা হ’ব। শাখাৰ বিষয় ববীয়াসকলে সহযোগিতা আগবঢ়াই।

দাবী কৰা ধন নিবলৈ আহি   যোৱা কালি  শনিবাৰে  লাহৰীঘাটত আটক হ’ল নিউজ পৰ্টেলৰ গুৱাহাটীৰ দুই সাংবাদিক। লাহৰীঘাটত পঞ্চায়ত সভানেত্ৰীৰ পৰা টকা নিবলৈ গুৱাহাটীৰ পৰা আহিছিল দুই  সাংবাদিক। নিউজ পৰ্টেল ” নিউজ 30 ” ৰ এই দুই সাংবাদিক হৈছে পৰ্টেলটোৰ সহকাৰী সম্পাদক ৰমেন বৰা আৰু অনুপ কলিতা।শনিবাৰে সুদূৰ গুৱাহাটীৰ পৰা এই দুই সাংবাদিকে লাহৰীঘাটৰ কুশতলিলৈ আহিছিল লাহৰীঘাটৰ কাঠনি গাঁও পঞ্চায়তৰ সভানেত্ৰী ৰৌজলীন ফাৰুকীৰ পৰা দাবী কৰা ধন।উল্লেখ্য যে গাঁও পঞ্চায়তখনত দুৰ্নীতিৰ হোৱা অভিযোগত  টকা দাবী কৰি নিবৰ বাবে আহোতেই  লাহৰীঘাটৰ আৰক্ষীয়ে যোৱা কালি   শনিবাৰে আবেলি কুশতলিৰ দুই স্বয়ম্ভূ সাংবাদিকক গ্ৰেপ্তাৰ কৰে।লগতে তেওঁলোকে লৈ অহা  AS 01D-S 8794 নম্বৰৰ পালচা বাইকখন জব্দ কৰে।অভিযোগ মতে, যোৱা কিছু দিনৰ পৰা সহকাৰী সম্পাদক ৰমেন বৰাই ফোন যোগে সভানেত্ৰী গৰাকীক হাৰাশাস্তি কৰি আহিছে। ইফালে আটকাধীন সাংবাদিক দুজনে দুই লাখ টকা দাবী কৰা অভিযোগ তুলি  সভানেত্ৰী গৰাকীয়ে লাহৰীঘাট থানাত এজেহাৰ দাখিল কৰিছে।