ৰাজ্য চৰকাৰৰ নির্দেশমর্মে কামৰূপ মহানগৰ জিলা প্রশাসন আৰু স্বাস্থ্য বিভাগে শনিবাৰৰ পৰা পুনৰ আৰম্ভ কৰিছে ভেকচিন প্রদান অভিযান৷ কালি মহানগৰ জিলাৰ ২৩,২৭৮গৰাকী লোকক ভেকচিন প্রদান কৰিছিল৷

দেওবাৰে মহানগৰীৰ ৫৮টা কেন্দ্রত মুঠ ১৬,৫৭০গৰাকী লোকক ক’ভিড ভেকচিন প্রদান কৰা হয়৷ মহানগৰ জিলা প্রশাসনে এসপ্তাহৰ ভিতৰত বাকী থকা প্রায় ১.৬০ লাখ লোকক ভেকচিন প্রদানৰ লক্ষ্য স্থিৰ কৰিছে৷ ইফালে, দেওবাৰে গুৱাহাটী মহানগৰীত ২১,৪৩৫গৰাকী লোকৰ ক’ভিড টেষ্ট কৰা হয়৷ ইয়াৰ ভিতৰত ২২৬গৰাকী লোকৰ দেহত ক’ভিড পজিটিভ ধৰা পৰে৷

দেশত কোৰোণা ভাইৰাছৰ (Covid-19 Cases in India) দ্বিতীয় ঢৌত আক্ৰান্ত লোকৰ সংখ্যা ক্ৰমান্বয়ে হ্ৰাস পোৱা দেখা গৈছে। বিগত সপ্তাহত সংক্ৰমণৰ হাৰ ৩০ শতাংশ হ্ৰাস পাইছে। বিগত ২৪ ঘণ্টাত দেশত কোৰোণাত আক্ৰান্ত হৈছে ৭০ হাজাৰ ৪২১জন লোক। মৃত্যু হৈছে ৩৯২১জনৰ। ১ লাখ ১৯ হাজাৰ ৫০১জন লোক সুস্থ হৈ উঠিছে।

স্বাস্থ্য মন্ত্ৰণালয়ৰ তথ্য অনুসৰি, দেশত এতিয়ালৈ ২ কোটি ৯৫ লাখ ১০ হাজাৰ ৪১০জন লোক কোৰোণাত আক্ৰান্ত হৈছে। ইয়াৰ ভিতৰত ২ কোটি ৮১ লাখ ৬২ হাজাৰ ৯৪৭জন লোক সুস্থ হৈ উঠিছে। এতিয়ালৈ ৩ লাখ ৭৪ হাজাৰ ৩০৫জন লোকৰ মৃত্যু হৈছে। বৰ্তমান ৯ লাখ ৭৩ হাজাৰ ১৫৮জন লোক আক্ৰান্ত হৈ আছে এই ভাইৰাছত।

দীর্ঘদিনে চৰকাৰী কার্যালয়সমূহ বন্ধ ৰখাৰ ফলত প্ৰায় স্থবিৰ হৈ পৰিছে ৰাজ্যৰ প্রশাসনিক কাম–কাজসমূহ৷ এই স্থবিৰতা দূৰ কৰাৰ বাবে ৰাজ্য চৰকাৰে জাৰি কৰিছে নতুন নির্দেশনা৷ সেই অনুসৰি ক’ভিড ভেকচিনৰ দুয়োটা ড’জ গ্রহণ কৰা চৰকাৰী কর্মচাৰীসকল আজিৰ পৰা নিয়মীয়াকৈ উপস্থিত থাকিব লাগিব কার্যালয়ত৷ অৱশ্যে ভেকচিনৰ দুয়োটা ড’জ গ্রহণ কৰা কর্মচাৰীসকলে কার্যালয়ত উপস্থিত থকাৰ সময়ত মানি চলিব লাগিব চৰকাৰে জাৰি কৰা ক’ভিড প্রট’কল৷

প্ৰথমতে চৰকাৰী আৰু বেচৰকাৰী কার্যালয় দিনৰ দুই বজালৈ খোলা ৰখাৰ সিদ্ধান্ত গ্রহণ কৰিছিল চৰকাৰে৷  কিন্তু পৰৱর্তী সময়ত চৰকাৰী–বেচৰকাৰী কার্যালয়সমূহ ১৫ জুনলৈ সম্পূর্ণৰূপে বন্ধ ঘোষণা কৰা হয়৷ ১৫ জুনলৈ চৰকাৰৰ এই এছ অ’ পি বাহাল থাকিব৷ ১৬ জুনৰ পৰা ক’ভিড নিয়ম শিথিল হ’ব বুলি আশা কৰা হৈছে।

ইপিনে ৰাজ্যত ভেকচিন প্রদানৰ প্রক্রিয়া ক্ষিপ্রতৰ কৰি তুলিছে স্বাস্থ্য বিভাগে৷ এই পর্যন্ত ৰাজ্যৰ মুঠ ৪৭ লাখ৫০ হাজাৰ অধিক লোকে। ইপিনে ক’ভিডৰ সংক্রমণ ক্রমাৎ হ্রাস পাবলৈ আৰম্ভ কৰাৰ প্রতি লক্ষ্য ৰাখি সমগ্র ৰাজ্যত ৰাজ্য চৰকাৰে আৰোপ কৰা কঠোৰ নীতি–নির্দেশনা শিথিল কৰাৰ চিন্তা–চর্চা আৰম্ভ হৈছে৷ এনে পৰিপ্ৰেক্ষিতত দুটা ড’জ লোৱা চৰকাৰী কৰ্মচাৰীসকলক কাৰ্যালয়লৈ অহাৰ নিৰ্দেশ দিছে চৰকাৰে।

স্বেচ্ছাসেৱী সংগঠন ৰেইজ ৰ উদ্যোগত নলবাৰী বৰভাগত কোভিড ভেকচিন প্ৰদান কৰা হয়  । বৰভাগৰ কালাগ হাটখোলাস্থিত বৰগভাগ যুৱ সমাজৰ কাৰ্যালয়ত এই কোভিড ভেকচিন প্ৰদান কাৰ্যসূচী ৰূপায়ণ কৰা হয়  । বৰভাগ অঞ্চলৰ ৪৫ বছৰ ঊৰ্ধৰ ব্যক্তি সকলক এই কোভিড ভেকচিন প্ৰদান কৰা হয়  । এই ভেকচিন প্ৰদান কাৰ্যসূচীৰ আনুষ্ঠানিক ভাৱে  শুভাৰম্ভ কৰে বৰক্ষেত্ৰীৰ প্ৰাক্তন বিধায়ক নাৰায়ন ডেকাই । তদুপৰি এই ভেকচিন প্ৰদান কাৰ্যসূচীত উপস্থিত থকা স্বাস্থ্য বিষয়া সহ স্বাস্থ্যকৰ্মী সকলক প্ৰাক্তন বিধায়ক নাৰায়ন ডেকাই গামোচাৰে সম্বৰ্দ্ধনা জনাই  । উল্লেখ্য যে এই ভেকচিন প্ৰদান কাৰ্যসূচীত অঞ্চলটোৰ প্ৰায় ২০০ গৰাকী লোকে কোভিড ভেকচিন গ্ৰহণ কৰে । আজিৰ এই কোভিড ভেকচিন প্ৰদান কাৰ্যসূচীত নলবাৰী জিলা পৰিষদৰ অধ্যক্ষ নিতুল ডেকা,ভাৰতীয় জনতা পাৰ্টিৰ ৰাজ্যিক সাংগঠনিক সাধাৰণ সম্পাদক ফণীন্দ্ৰ নাথ শৰ্মা,বৰভাগ আঞ্চলিক পঞ্চায়তৰ সভাপতি মহিন্দ্ৰ শৰ্মা প্ৰমুখ্যে বহু কেইজন দলটোৰ কৰ্মী উপস্থিত থাকে  ।
          আনহাতে নলবাৰী জিলাৰ গোপালবজাৰস্থিত জ্ঞানপীঠ হাইস্কুলত ও ৪৫ বছৰ ঊৰ্ধৰ ব্যক্তি সকলক কোভিড ভেকচিন প্ৰদান কৰা হয়  । ভাৰতীয় জনতা পাৰ্টিৰ উদ্যোগত আৰু নলবাৰী স্বাস্থ্য বিভাগৰ সহযোগত ৪ নং খাটা গাওঁ পঞ্চায়তৰ অন্তৰ্গত ১২২ নং বুথৰ ৪৫ বছৰ ঊৰ্ধৰ ২০০ ব্যক্তিক এই কোভিড ভেকচিন প্ৰদান কৰা হয়  । আজিৰ এই কাৰ্যসূচীত নলবাৰী স্বাস্থ্য বিভাগৰ চিকিৎসক, স্বাস্থ্যকৰ্মী, নলবাৰী চক্ৰ বিষয়া কাৰ্যালয়ৰ কৰ্মী সকল ,ভাৰতীয় জনতা পাৰ্টিৰ নলবাৰী সমিতিৰ বিষয়ববীয়া,৪ নং গাওঁ পঞ্চায়তৰ প্ৰতিনিধি সকল, বুথৰ কাৰ্যকাৰী সভাপতি সহ প্ৰমুখ্যে দলটোৰ কৰ্মকৰ্তা সকল  উপস্থিত থাকে  ।

সমগ্ৰ দেশৰ লগতে নগাঁৱতো ব্যাপক হাৰত বৃদ্ধি পাইছে ক’ৰোণাৰ সংক্ৰমণ। বৰ্তমানলৈকে জিলাখনত ১৩ হাজাৰৰো অধিক ব্যক্তি ক’ৰোণাত আক্ৰান্ত হোৱাৰ লগতে ইতিমধ্যে ৭৪জন ব্যক্তিয়ে ক’ৰোণাত প্ৰাণ হেৰুৱাইছে। নগাঁও সদৰ সমষ্টিৰ অন্তৰ্গত চহৰাঞ্চলৰ লগতে গ্ৰামাঞ্চলতো ক’ৰোণাৰ ব্যাপক সংক্ৰমণ ঘটিছে। ইতিমধ্যে নগাঁও জিলা প্ৰশাসনৰ লগতে নগাঁও সদৰ সমষ্টিৰ বিধায়ক ৰূপক শৰ্মাইয়ো সমষ্টিটোৰ চিকিৎসালয় সমূহত থকা ক’ভিদ ৰোগীৰ স্বাস্থ্যৰ বুজ লোৱাৰ লগতে সমষ্টিটোৰ অন্তৰ্গত কণ্টেইনমেণ্ট জ’ন আৰু কন্টেইনমেন্ট হোম সমূহতো সাধাৰণ জনতাৰ অসুবিধাৰ বুজ লোৱা দেখা গৈছে। আজিও বিধায়ক গৰাকীয়ে নগাঁও সদৰ সমষ্টিৰ অন্তৰ্গত তুলসী দেউৰী পঞ্চায়ত,দক্ষিণপাট গাঁও পঞ্চায়ত,পাখিমৰীয়া গাঁও পঞ্চায়তৰ বিভিন্ন অঞ্চলত  কণ্টেইনমেণ্ট হোমত থকা পৰিয়াল সমূহৰ খবৰ লোৱাৰ লগতে তেঁওলোকে সন্মুখীন হোৱা সমস্যাৰো বুজ লয়। লগতে এই জটিল সন্বিক্ষণত কন্টেইনমেন্ট হোমত থকা পৰিয়ালসমূহক কিছু সকাহ দিয়াৰ উদ্দেশ্যে তেওঁলোকৰ  মাজত প্ৰয়োজনীয় খাদ্য সামগ্ৰীৰ টোপোলাৰ লগতে মাস্ক আৰু চেনিটাইজাৰ বিতৰণ কৰে।খাদ্য সামগ্ৰী বিতৰণ কৰি বিধায়ক গৰাকীয়ে কয় যে মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বত বৰ্তমানৰ চৰকাৰখনে সাধাৰণ ৰাইজৰ সকলো সমস্যা সমাধানৰ বাবে যৎপৰোনস্তি প্ৰচেষ্টা অব্যাহত ৰাখিছে। আশাকৰো ইয়াৰ জৰিয়তে ৰাইজসকল উপকৃত হব।