শোণিতপুৰ জিলাৰ ন-দুৱাৰ অঞ্চলত বিগত দীৰ্ঘকাল ধৰি বন্যহস্তীৰ উপদ্ৰৱ সহ্য কৰি আহিছে অঞ্চলবাসীয়ে। সেইহে এতিয়া বন্যহস্তীৰ উপদ্ৰৱৰ স্থায়ী সামাধান বিচাৰিছে ন-দুৱাৰৰ দক্ষিণ পাৰৰ গঞা ৰাইজে। জীয়া ভৰলী নৈৰ দাতি কাষৰীয়া অঞ্চল অৰ্থাৎ কাজিৰঙা ৰাষ্ট্ৰীয় উদ্যানৰ ষষ্ঠ সংযোজনৰ পৰা ওলাই অহা জাক জাক বন্য হস্তীয়ে ন-দুৱাৰৰ দক্ষিণ প্ৰান্তৰ গড় পাল,নিজ গড় পাল,তেৱাৰী পাল,মাজুলীআটি,কাছমাৰী,চিতলমাৰীকে ধৰি কে’বাখনো গাঁৱত সন্ত্ৰাস সৃষ্টি কৰি আহিছে। কৃষিৰ ওপৰতেই নিৰ্ভশীল গাঁৱসমুহত নিশাৰ ভাগত প্ৰৱেশ কৰা বন্য হস্তীয়ে ধন-জনৰ ক্ষতি সাধন কৰিছে। বিগত সময়ত বন্যহস্তীৰ উপদ্ৰৱৰ পৰা গাঁওবাসীক ৰক্ষ্যা কৰিবত বাবে সৌৰ শক্তি চালিত ফেঞ্চিংৰ ব্যৱস্থা কৰা হৈছিল যদিও সেইয়া সম্পূৰ্ণ ৰূপে ফলপ্ৰসু হোৱা পৰিলক্ষিত নহল। মূখ্য মন্ত্ৰী নেতৃত্বাধীন নৱগঠিত বিজেপি চৰকাৰখনে ন-দুৱাৰৰ দক্ষিণ প্ৰান্তত বছৰ বছৰ ধৰি চলি অহা বন্যহস্তীৰ উপদ্ৰৱৰ পৰা ৰক্ষ্যা কৰাৰ ক্ষেত্ৰত বিজ্ঞান সন্মত স্থায়ী ব্যৱস্থা শীঘ্ৰেই গ্ৰহণ কৰিব বুলি এতিয়া শ শ ৰাইজে আশাৰে বাট চাইছে।

বঙাইগাঁও ৰে’ল ষ্টেচনত সোমবাৰে এখন চলন্ত ৰে’লৰ যাত্ৰীৰ পৰা মোবাইল কাঢ়ি ৰঙাঘৰৰ আলহী হ’বলগীয়া হ’ল বঙাইগাঁও চহৰৰ দুই গভাইত চোৰ ৷ ৰাইজৰ সহযোগত ৰে’লৱে আৰক্ষীয়ে কৰায়ত্ত কৰিবলৈ সক্ষম হোৱা এই গভাইত চোৰ দুজন বঙাইগাঁও চহৰৰ কবৰস্থানৰ ৰাজা ৰজক (২৫) আৰু পালপাৰাৰ শ্যামল দাস ( ২৬ ) ৷ উল্লেখ্য যে বঙাইগাঁও ৰে’ল ষ্টেচনত পুৱাৰ ভাগত নামনিমুৱা কামৰূপ এক্সপ্ৰেছ ৰে’ল খন আহি ৰখাৰ পিছত পুনৰ গন্তব্যস্থানলৈ যাত্ৰা কৰাৰ সময়তে চলন্ত ৰে’লখনৰ খিৰিকীৰ কাষত থকা এজন যাত্ৰীয়ে মোবাইলত কথা পাতি থাকোতে বাহিৰত থকা দুজনীয়া এই দলটোৱে যাত্ৰী জনৰ মোবাইলটো কাঢ়ি পালপাৰাৰ দিশে পলায়ন কৰিবলৈ চেষ্টা কৰে ৷ কিন্তু উক্ত সময়ছোৱাত ষ্টেচনত কৰ্তব্যৰত ৰে’ল আৰক্ষীয়ে  স্থানীয় ৰাইজৰ সহযোগত দুজনকে কৰায়ত্ত কৰিবলৈ সক্ষম হয় ৷ উল্লেখ্য যে বিগত কিছুদিনৰ পৰা বঙাইগাঁও ৰে’ল ষ্টেচন আৰু নিউ বঙাইগাঁও ৰে’লৱে জংচনত এটা মোবাইল চোৰৰ দল সক্ৰিয় হৈ উঠিছিল ৷ 

ৰাজ্যৰ নতুন মুখ্যমন্ত্ৰী হিমন্ত বিশ্ব শৰ্মাৰ নেতৃত্বাধীন চৰকাৰখনে নিষিদ্ধ ড্ৰাগছৰ বিৰুদ্ধে কঠোৰ হৈ পৰা পৰিলক্ষিত হৈছে ৷ মুখ্যমন্ত্ৰীৰ নিৰ্দেশত অসম আৰক্ষীয়ে নিষিদ্ধ ড্ৰাগছৰ বিৰুদ্ধে অভিযান চলায় ৰাজ্যখনৰ বিভিন্ন প্ৰান্তৰ পৰা বুজন পৰিমানৰ ড্ৰাগছ জব্দ কৰি গ্ৰেপ্তাৰ কৰিছে সৰবৰাহকাৰীক ৷ ৰাজ্যৰ ভিন্ন প্ৰান্তৰ সমান্তৰালকৈ নলবাৰী জিলাৰ মুকালমুৱা আৰক্ষীও ড্ৰাগছৰ বিৰুদ্ধে অভিযান চলাই লাভ কৰিছে বৃহৎ সফলতা ৷ মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া যুগল কিশোৰ কলিতাৰ নেতৃত্বত নিষিদ্ধ ড্ৰাগছৰ বিৰুদ্ধে বিগত সপ্তাহত মুকালমুৱা,ঘোগা,লোহাৰকাঠা,বৰলিয়াপাৰ,মুগদি সোণাপুৰ ইত্যাদি অঞ্চলত অভিযান চলায় দহজনকৈ ড্ৰাগছ সৰবৰাহকাৰীক গ্ৰেপ্তাৰ কৰি তেওঁলোকৰ পৰা ৪৬ টা ব্ৰাউন চুগাৰ ভৰ্তি কন্টেইনাৰ, ৫৬৫ টা নিচাজাতীয় টেৱলেট, ১৫ টা কপচিৰাপ আৰু নগদ ১৫,৩৪০ টকা জব্দ কৰিবলৈ সক্ষম হৈছে ৷ কালি নিশা মুকালমুৱা আৰক্ষীয়ে চুঙৰবড়ীত সাধাৰণ লোকৰ বেশত নাটকীয়ভাৱে অভিযান চলায় এটা ড্ৰাগছ সৰবৰাহকাৰীক গ্ৰেপ্তাৰ কৰি সৰবৰাহকাৰীজনৰ পৰা ২২ টা ব্ৰাউন চুগাৰ ভৰ্তি কন্টেইনাৰ জব্দ কৰিবলৈ সক্ষম হয় ৷ ধৃত সৰবৰাহকাৰীজন কামৰূপ জিলাৰ হাজো আৰক্ষী থানাৰ অন্তৰ্গত বৰ্ণি গাঁৱৰ মোজামিল আলীৰ পুত্ৰ মকবিল আলী ওৰফে বদন ৷ সৰবৰাহকাৰীজনৰ পৰা জব্দকৃত ড্ৰাগছখিনি সন্ধৰ্ভত আৰক্ষীয়ে সোধ-পোচ কৰাত তেওঁ মুকালমুৱা আৰক্ষী থানাৰ অন্তৰ্গত ঘোগা গাঁৱৰ ৰছিদ আলী ওৰফে শগুণলৈ লৈ অহাৰ কথা স্বীকাৰ কৰে ৷ মকবিলৰ স্বীকাৰোক্তিৰ ভিত্তীত ৰছিদ আলীকো নিশা আৰক্ষীয়ে গ্ৰেপ্তাৰ কৰে ৷ ইপিনে কালি নিশাই যোৱা ২৮ মে’ত ড্ৰাগছসহ গ্ৰেপ্তাৰ হোৱা ৰঞ্জন আলীৰ স্বীকাৰোক্তিৰ ভিত্তীত মুকালমুৱাৰ ২নং লোহাৰকাঠা গাঁৱৰ পৰা ছাদ্দাম আলী আৰু ৰফিকুল আলীক গ্ৰেপ্তাৰ কৰে ৷ তদুপৰি যোৱা ২৪ মেত ঘোগা গাঁৱত অভিযান চলায় দুই ড্ৰাগছ সৰবৰাহকাৰী ক্ৰমে আব্দুল ৰহিম আৰু চফিকুল হ’কক গ্ৰেপ্তাৰ কৰি দুয়োজনাৰ পৰা ৯ টা ড্ৰাগছ ভৰ্তি কন্টেইনাৰ, ৩৪৬ টা নিচাজাতীয় টেৱলেট আৰু নগদ ১৫,৩৪০ টকা জব্দ কৰিবলৈ সক্ষম হৈছিল ৷ ২৫ মে’ত সাপকাতা গাঁৱৰ পৰা আফনুৰ আলী আৰু ৩নং কান্ধবাৰী গাঁৱৰ পৰা জাহিদুল ইছলাম নামৰ আন দুটা ড্ৰাগছ সৰবৰাহকাৰীক গ্ৰেপ্তাৰ কৰে ৷ ২৮ মে’ত ২নং ঘোগাত (বালিকুছি) এক গোপন সুত্ৰৰ খবৰৰ ভিত্তীত আৰক্ষীয়ে অভিযান চলায় এটা ড্ৰাগছ ব্যৱসায়ীক গ্ৰেপ্তাৰ কৰি সৰবৰাহকাৰীজনৰ পৰা ২১৯ টা নিচাজাতীয় টেৱলেট আৰু ১৫ নিচাজাতীয় ঔষধ জব্দ কৰিবলৈ সক্ষম হৈছিল ৷ ধৃত সৰবৰাহকাৰীজন ঘোগা গাঁৱৰ ৰঞ্জন আলী ৷ ইপিনে ২৯ মে’ৰ নিশা দৌলাশাল আৰক্ষী চকীৰ অন্তৰ্গত মুগদি (সোণাপুৰ) গাঁৱত অভিযান চলাই সোণাপুৰ গাঁৱৰ মোছলেম আলী কাকতিৰ পুত্ৰ আব্দুল মতিব কাকতিক নিষিদ্ধ ড্ৰাগছসহ গ্ৰেপ্তাৰ কৰে ৷ ধৃত ড্ৰাগছ সৰবৰাহকাৰীজনৰ পৰা ১৫ টা ড্ৰাগছ ভৰ্তি কন্টেইনাৰ জব্দ কৰিবলৈ সক্ষম হয় ৷ ড্ৰাগছ সৰবৰাহকাৰী কেইজনৰ বিৰুদ্ধে মুকালমুৱা থানাত পৃথকে পৃথকে কে’বাটাও গোচৰ ৰুজু কৰি এন.ডি.পি.এছ আইনৰ অধীনত নলবাৰী আদালতত হাজিৰ কৰোৱাত আদালতে কেওজনকে জেল হাজোতলৈ প্ৰেৰণ কৰে ৷ মুকালমুৱা আৰক্ষীৰ ড্ৰাগছ বিৰোধী অভিযানকাৰী দলটিত অচি যুগল কিশোৰ কলিতাৰ সহিতে মহিলা আৰক্ষী বিষয়া পৰিস্মিতা গগৈ, সহকাৰী উপ-পৰিদৰ্শক মোকছেদ আলীয়ে নেতৃত্ব বহন কৰিছিল ৷

যোৱা ইংৰাজী ৩০ তাৰিখৰ দৈনন্দিন বাৰ্তাত “কাকপথাৰ, ডিৰাকত ড্ৰাগছ, কানি, মদৰ অবাধ বেহা::নীৰৱ-নিৰ্বিকাৰ আবকাৰী বিভাগ, আৰক্ষী” নামৰ এক শীৰ্ষক বাতৰিত তিনিচুকীয়া জিলাৰ অসম অৰুণাচল সীমান্তৱৰ্তী কাকপথাৰ, বৃহত্তৰ ডিৰাক অঞ্চলত ব্যাপক হাৰত  বৃদ্ধি পোৱা ড্ৰাগছ, কানি, মদৰ অবাধ বেহাৰ বিষয়ে প্ৰকাশ পোৱাৰ লগে লগে কাকপথাৰ আৰক্ষীৰ তৎপৰতা বৃদ্ধি পোৱা দেখা যায় ।  কালি কাকপথাৰ আৰক্ষীয়ে বিশেষ সুত্ৰৰ পম খেদি  কাকপথাৰ উভতা গাঁৱত ১২.৪০ গ্ৰাম হেৰ’ইনসহ পাঁচ যুৱকক আটক কৰিবলৈ সক্ষম হয় ৷ আটকাধীন যুৱক কেইজন ক্ৰমে তিনিচুকীয়া জিলাৰ ধলা থানাৰ অন্তৰ্গত আঢ়ৈমুৰীয়া গাৱঁৰ প্ৰভাত সোনোৱালৰ পুত্ৰ  সঞ্জীৱ সোনোৱাল(২২), দ্বীপ সোনোৱালৰ পুত্ৰ বিবেকা সোনোৱাল (২৩), কাকপথাৰ থানাৰ অন্তৰ্গত তেজী গাঁৱৰ গোপাল নেওঁগৰ পুত্ৰ বিপ্লৱ নেওঁগ (২১), নামউৱন গাঁৱৰ গিৰিন্দ বড়াৰ পুত্ৰ মুমিন বড়া (৩০), ১ নং তেজী গাঁৱৰ  লীলাকান্ত মৰাণৰ পুত্ৰ মনোজ মৰাণ (২৯) ৷ যুৱক কেইজনক আটক কৰি নাৰ্কোটিক ড্ৰাগছ এণ্ড চাইকোট্ৰপিক চাবষ্টেন্স আইনৰ (NDPS Act.) ২২ (বি)/২৯ নং ধাৰাৰ অধীনত কাকপথাৰ থানাত ২২/২০২১ নং গোচৰ ৰুজু কৰে। আৰক্ষী এনে কাৰ্যক কাকপাথৰৰ ৰাইজে শলাগ লৈছে আৰু এনেধৰণৰ মাৰাত্মক নিচাযুক্ত দ্ৰব্যৰ বিৰুদ্ধে অনাগত দিনত ইয়াতকৈ অধিক কঠোৰ হ’বলৈ আহ্বান জনাইছে ।

ৰাজ্যৰ শিক্ষিত নিবনুৱালৈ সু-খবৰ দিলে ৰাজ্যৰ পঞ্চায়ত আৰু গ্ৰামোন্নয়ন মন্ত্ৰী ৰণজিত দাসে। সোমবাৰে সংবাদমেল সম্বোধন কৰি মন্ত্ৰীগৰাকীয়ে কয় যে, ‘পঞ্চায়তআৰু গ্ৰামোন্নয়ন বিভাগত  ৩ হাজাৰ ২৮৭টা পদ খালী হৈ আছে। শীঘ্ৰে খালী পদ সমূহ পূৰণ কৰা হ’ব। চৰকাৰে দিবলগীয়া ১ লাখ নিযুক্তিৰ ভিতৰত এই পদ সমূহ পূৰণ কৰা হ’ব।’ইয়াৰ উপৰিও সোমবাৰৰ সংবাদমেলত মন্ত্ৰীগৰাকীয়ে আন কেতবোৰ গুৰুত্বপূৰ্ণ মন্তব্য কৰে। শেহতীয়াকৈ কোভিড 19ক প্ৰতিহত কৰিবলৈ ৰাজ্যৰ স্বাস্থ্য বিভাগৰ লগতে পঞ্চায়ত আৰু গ্ৰামোন্নয়ন বিভাগ উঠি পৰি লাগিছে। প্ৰতি গাঁও পঞ্চায়তত গঢ়ি তুলিছে ‘ৱাৰ ৰূম’। বিভাগটোৱে আৰম্ভ কৰা গণ আন্দোলনত অংশ লৈছে তিনগৰাকী মন্ত্ৰী, দুগৰাকী সাংসদ আৰু ৪০গৰাকী বিধায়কে ৷ বিভাগীয় মন্ত্ৰী ৰণজিত কুমাৰ দাসৰ দাবী, কোভিড বিৰোধী আন্দোলনৰ বাবে ৰাজ্যত বৰ্তমান ১৭৩খন গাঁও পঞ্চায়ত কোভিড মুক্ত হৈছে।