তেওঁ লগতে কয় যে, কৃষকসকলে উত্থাপন কৰা বিষয়সমূহ সমাধান কৰাৰ বাবে চৰকাৰে ইতিমধ্যে আলোচনা অব্যাহত ৰাখিছে। শ্ৰীটোমৰে কয় যে, কৃষক নেতাসকলৰ সৈতে মুক্ত মনেৰে চৰকাৰে আলোচনা চলাই আছে।
উল্লেখযোগ্য যে, উচ্চতম ন্যায়ালয়ে যোৱা মঙলবাৰে কৃষি আইন ৩ খনৰ ৰূপায়ণত পৰৱৰ্তী আদেশ নিদিয়া পৰ্যন্ত স্থগিতাদেশ জাৰি কৰিছিল। ন্যায়ালয়ে লগতে কৃষকসকলৰ ওজৰ-আপত্তি আৰু চৰকাৰৰ মতামত গ্ৰহণ কৰাৰ বাবে ৪ জনীয়া সদস্যৰ সমিতি গঠন কৰাৰ বিষয়ে ষোষণা কৰিছে। ৪ জনীয়া সমিতিখনৰ সদস্য কেইগৰাকী হৈছে ভাৰতীয় কিষাণ সংগঠনৰ সভাপতি ভূপিন্দৰ সিং মান, শেঠকৰি সংগঠনৰ সভাপতি অনিল ঘনৱট, আন্তঃৰাষ্ট্ৰীয় খাদ্য নীতি গৱেষণা প্ৰতিষ্ঠানৰ প্ৰমোদ কুমাৰ যোশী আৰু কৃষি অৰ্থনীতিবিদ অশোক গুলাটি। অৱশ্যে বৃহস্পতিবাৰে শ্ৰীমানে এই ৪ জনীয়া সমিতিৰ পৰা নিজকে আঁতৰাই আনে।
অহা ১৬ জানুৱাৰীত ৰাজ্যৰ গুৱাহাটী আৰু ডিব্ৰুগড়ত ৰাজ্যৰ মুখ্যমন্ত্ৰী সৰ্বানন্দ সোণোৱাল আৰু মন্ত্ৰী ডঃ হিমন্ত বিশ্ব শৰ্মাই এই টীকাকৰণ প্ৰক্ৰিয়াৰ শুভাৰম্ভণি কৰিব।
প্ৰথম পৰ্যায়ত ৰাজ্যৰ কৰ’ণা যুদ্ধা তথা হাস্পতালৰ চিকিৎসা কৰ্মীসকলক এই টীকাকৰণ কৰোৱা হ’ব। ইতিমধ্যে প্ৰথম পৰ্যায়ত ভেকচিন লাভ কৰা লোকৰ নামৰ তালিকা প্ৰকাশ হৈছে। মহানগৰীৰ গুৱাহাটী মেডিকেল কলেজ হাস্পতালত ক’ভিডৰ টীকাকৰণ কৰোৱা হ’ব।
প্ৰথম অৱস্থাত এই ভেকচিন বিনমূলীয়াকৈ প্ৰদান কৰা হ’ব। দ্বিতীয় পৰ্যায়ত গাড়ীৰ চালক আৰু আৰক্ষীক বিশেষকৈ এই ভেকচিন প্ৰদান কৰিব। এই তালিকাত সাংবাদিকসমূহৰো নাম অন্তভুৰ্ক্ত হোৱাৰ সম্ভাৱনা আছে।
