দৈনন্দিন বাৰ্তা ডেস্ক :

এই বছৰ নতুনকৈ এইচ১বিসহ কোনো কামৰ ভিছা নিদিয়ে ট্রাম্প প্রশাসনে। ৩১ ডিচেম্বৰ পর্যন্ত জাৰি থাকিব এই নিয়ম৷ এইচ১বি ভিছা দিয়াৰ প্ৰক্ৰিয়াটো আমূল পৰিৱৰ্তন আনিছে হোৱাইট হাউচে৷ লটাৰীৰ ভিত্তিত নহয়, মেধাৰ ভিত্তিত দিয়া হ’ব ভিছা৷ অৰ্থাৎ যি আবেদনকাৰীক সৰ্বোচ্চ দৰমহা দিয়া হৈছে তেওঁক ভিছাৰ ক্ষেত্ৰত অগ্ৰাধিকাৰ দিয়া হ’ব৷ হোৱাইট হাউচৰ বক্তব্য, এনেদৰে আমেৰিকাত নিবনুৱা কমাব পৰা হ’ব৷ নাগৰিকৰ কর্মসংস্থান বাঢ়িব৷ বিদেশত থকা শ্ৰেষ্ঠ আৰু দক্ষ কৰ্মীক আমেৰিকাত সুযোগ দিব পাৰিব৷ হোৱাইট হাউচে লগতে জনায় যে আগতে আমেৰিকাত চাকৰিৰ বাবে কম খৰচত বিদেশৰ পৰা অনা কৰ্মীক নিয়োগ কৰা হয়৷ এই অনুমতি নিদিয়ে ট্রাম্প প্রশাসনে৷ এতিয়া মাৰ্কিনৰ চাকৰি আৰু দৰমহা সুৰক্ষিত থাকিব৷ উল্লেখ্য যি প্ৰতি বছৰে ৮৫ হাজাৰ বেছি এইচ১বি ভিছা নিদিয়ে আমেৰিকাই৷ যোৱা বছৰ দুই লাখ ২৫ হাজাৰ ভিছাৰ আবেদন জমা দিয়া হয়৷ ইতিমধ্যে এই ভিছা নীতিক সমালোচনা কৰিছে গুগলৰ চিইঅ’ সুন্দৰ পিচাই, স্পেচেক্সৰ চিইঅ’ ইলোন মাস্কে৷ এই নীতিক প্ৰত্যাহ্বান জনায় মার্কিন উচ্চতম ন্যায়ালয়ত গোচৰ তৰিব৷ একাংশৰ দাবী যে ভোটাৰক আকৰ্ষণ কৰিবলৈ এই নীতি গ্ৰহণ কৰিছে ট্ৰাম্পে ৷

দৈনন্দিন বাৰ্তা ডেস্ক:

ভাৰতত ক’ৰোনা ভাইৰাছ সংক্ৰমণৰ সময়তে উচ্চতম ন্যায়ালয়ে সাতদিনীয়া ৰথযাত্ৰা উৎসৱ সীমিতভাৱে উদযাপনৰ অনুমতি দিয়াৰ পাছত ইতিহাস সলনিৰ সাক্ষী হৈ ৰ’ল এই ধর্মীয় উৎসৱ৷ এইবাৰ প্ৰথমবাৰৰ বাবে ভক্তবিহীন জগন্নাথ মন্দিৰত বহু সংখ্যক পুৰোহিতে পুৰীৰ বিখ্যাত ৰথযাত্ৰাৰ আয়োজন কৰে৷ উল্লেখ্য যে পূৰ্বৰ দৰে এইবাৰ পথৰ কাষত নাই ভিৰ৷ নাই পূৰ্বৰ দৰে কোনো উৎসৱমুখৰ পৰিৱেশ৷ তাৰ মাজতে মন্দিৰৰ পৰা পথৰ মাজেৰে মাহীয়েকৰ ঘৰলৈ যাত্ৰা জগন্নাথ, বলৰাম, সুভদ্রাৰ৷ ৰথৰ ৰচী ধৰিবৰ বাবে মানুহৰ হেতাওপৰা৷ পুৰীত মঙলবাৰে দেখা গ’ল এই দৃশ্য৷ তিনিখন ৰথ আগুৱাই যাওতে পথ ভক্তহীন৷ ইতিহাসত এইবাৰেই প্ৰথম এনে দৃশ্য৷ উল্লেখ্য যে উচ্চতম ন্যায়ালয়ৰ বিধিনিষেধ মানিয়ে চলিল ৰথ৷ সেৱকে ৰথ টানি নিলে৷ অৱশ্যে সেই সংখ্যা কম নহয়৷ চৰকাৰী হিচাপ মতে ১২০০ জন ইয়াত নিযুক্ত৷ বেচৰকাৰী হিচাপত ১৫০০ জনৰ ওচৰাওচৰি৷ এই সকলোৰে ক’ভিড পৰীক্ষাৰ পাছত নিগেটিভ পায়৷ বহুয়ে মুখত মাস্ক পৰিধান কৰে৷ ৰথযাত্ৰা আৰম্ভ কৰাৰ আগতে মন্দিৰটো ছেনিটাইজাৰ কৰা হয়৷ সংবাদ প্ৰতিষ্ঠানৰ ভিডিঅ’ত দেখা মতে বহু সেৱকে ঢাকঢোল বজাই নাচিছে৷ বাকীসকলে জগন্নাথৰ বিগ্রহ ৰথত তুলিছে৷ আন এক ভিডিঅ’ দেখা গ’ল ৰথত বিগ্ৰহ তোলাৰ সময়ত বহু মানুহে ভিৰ কৰিছে৷ ইপিনে পুৱাই প্ৰধানমন্ত্ৰী নৰেন্দ্ৰ মোডীয়ে ৰথযাত্ৰাৰ ভক্তসকলক শুভেচ্ছা জনায়৷ সোমবাৰে উচ্চতম ন্যায়ালয়ে ৰথযাত্ৰাৰ অনুমতি দিলেও কেতবোৰ চৰ্ত বান্ধি দিয়ে৷ সেই চৰ্ত মতে পুৰীলৈ সোমোৱা সকলো পথ বন্ধ ৰখা হ’ব৷ বিমানবন্দৰ, ৰে’ল ষ্টেচন বন্ধ থাকিব৷ ৰথযাত্ৰাৰ দিনা পুৰীত সান্ধ্যআইন জাৰি কৰা হ’ব৷ সৰ্বোচ্চ ৫০০ জল সেৱকে ৰথ টানিব পাৰিব৷ জগন্নাথৰ পূজা ৰীতিনীতি চূড়ান্ত কৰোতে সোমবাৰে কেইবাখনো সভা অনুষ্ঠিত হয়৷ পুৰীৰ মন্দিৰৰ প্ৰধান পুৰোহিত ৰাজেশ দৈতাপতিয়ে জনোৱা মতে, পুৱা ৭ বজাত ৰথত উঠে মহাপ্ৰভু৷ তাৰ পাছত ঝাৰু দিবলৈ ৰজা আহে৷ এই সকলো ৰীতি শেষ হয় দিনৰ ১২ বজাত৷ ইয়াৰ পাছতে তিনি কিলোমিটাৰ পথ অতিক্ৰম কৰে মহাপ্ৰভুৰ ৰথ ৷

দৈনন্দিন বাৰ্তা ডেস্ক :

ভাৰতে এতিয়া চীনৰ বিৰুদ্ধে দুখন যুদ্ধত যুঁজ কৰিছে৷ এখন লাডাখত আৰু আনখন ক’ৰোনা ভাইৰাছৰ বিৰুদ্ধে৷ সোমবাৰে সাংবাদিক মেলত এই কথা কয় দিল্লীৰ মুখ্যমন্ত্ৰী অৰবিন্দ কেজৰিৱালে৷ মুখ্যমন্ত্ৰী কেজৰিৱালে লগতে কয় যে আজি আমি চীনৰ বিৰুদ্ধে দুখন যুঁজত যুঁজিছো৷ এখন সীমান্তত আৰু আনখন চীনৰ পৰা অহা ভাইৰাছৰ বিৰুদ্ধে৷ আমাৰ ২০ জন জোৱান পিছলৈ অহা নাছিল৷ আমি দুয়োখন যুদ্ধত জয়ী হম৷ ক’ৰোনা যুদ্ধৰ সমানে সীমান্তত যুদ্ধত থকা জোৱানসকলক প্ৰশংসা কৰি কেজৰিৱালে কয়, আমাৰ চিকিৎসক, নাৰ্চ আৰু জোৱানসকল সকলোৱে যুঁজ কৰিছে আৰু দেশৰ সকলো মানুহ তেওঁলোকৰ কাষত আছে৷ সমগ্ৰ দেশ একত্ৰিত হৈ যুদ্ধত যুঁজ কৰিছে৷ আমাৰ চীন আৰু ক’ৰোনা ভাইৰাছৰ বিৰুদ্ধে যুঁজ হৈছে৷ সাংবাদিক মেলত দিল্লীৰ মুখ্যমন্ত্ৰীজনে কয় যে যোৱা সপ্তাহৰ পৰা এই পৰ্যন্ত ১০০০ সংক্ৰমণ বাঢ়িছে৷ ৰাজধানীত এতিয়া কমেও ২৫০০০ জনৰ চিকিৎসা চলি আছে৷ তাৰ মাজতে সুস্থ হৈ ঘৰলৈ গৈছে কমেও ৩৩,০০০জন। চিকিৎসালয়ত আছে কমেও ১২,০০০জন। লগতে একাংশ ৰোগীৰ চিকিৎসা ঘৰতে হৈছে৷ তেওঁলোকক অক্সিজেন প্ৰয়োজন হ’লে দিল্লী চৰকাৰক ফোন কৰিলেই ঘৰত দি থৈ আহে৷ দিনটোত প্রায় ১৮,০০০টা নমুনা পৰীক্ষা হৈছে বুলি মুখ্যমন্ত্ৰী কেজৰিৱালে কয়৷

দৈনন্দিন বাৰ্তাৰ ডেস্ক :

ঐতিহাসিক পুৰীৰ ৰথ যাত্ৰাৰ কেই ঘণ্টামান পূৰ্বে সোমবাৰে চর্তসাপেক্ষে অনুমতি দিলে উচ্চতম ন্যায়ালয়ে। কেন্দ্র, ৰাজ্য আৰু মন্দিৰ কমিটিৰ সমন্বয়ত এই ৰথযাত্রা হ’ব পাৰে৷ আজি এই কথা জনায় মুখ্য ন্যায়াধীশ এছ এ বোবডেই। ইয়াৰ বাবে গাইডলাইন মানি চলিবলৈও কোৱা হৈছে। উল্লেখযোগ্য যে কেইদিনমান পূৰ্বে ক’ৰোনা সংক্রমণ বিয়পি পৰাৰ আশংকাত পুৰীৰ ৰথযাত্রাত নিষেধাজ্ঞা জাৰি কৰে শীর্ষ আদালতে। সেই ৰায় পুনর্বিচাৰৰ আবেদন কৰে কেন্দ্রীয় চৰকাৰ আৰু ওড়িশা চৰকাৰে। আজি তাৰ পৰিপ্রেক্ষিততেই শেষ পর্যন্ত ৰথযাত্রা উৎসৱত অনুমতি দিয়ে উচ্চতম ন্যায়ালয়ে। মন কৰিব লগা যে ২৩ জুনৰ পুৰীত ৰথযাত্রা আৰম্ভ হোৱাৰ কথা। ১০-১২ দিন ধৰি চলা এই উৎস্ত লাখ লাখ মানুহৰ সমাগম হয়। কিন্তু ক’ৰোনা পৰিস্থিতিৰ মাজত ৰথযাত্রা পিছুৱাই দিয়াৰ আর্জি জনাই উচ্চতম ন্যায়ালয়ত এটি গোচৰ ৰুজু হয়। জনস্বাস্থ্যৰ কথা ভাবি কার্যত ৰথযাত্রাত নিষেধাজ্ঞা জাৰি কৰে শীর্ষ আদালতে। ইয়াৰ পিছত সেই ৰায় পুনর্মূল্যায়নৰ দাবীত আদালতত আবেদন কৰা হয়। তাক শুনিবলৈ ৰাজী হয় শীর্ষ আদালত। প্রধান ন্যায়াধীশ এছ এ বোবডেৰ নেতৃত্বাধীন তিনি ন্যায়াধীশৰ খণ্ড আদালতে ভিডিঅ’ কনফাৰেন্সৰ মাধ্যমৰে আজি গোচৰটো শুনে। লগত আছিল ন্যায়াধীশ এ এছ বোপান্না আৰু দীনেশ মাহেশ্বৰী৷ ন্যায়াধীশসকলে স্পষ্টভাৱে জনাই দিয়ে, পুৰীৰ বাহিৰে আৰু ক’তো ৰথযাত্রা হ’ব নোৱাৰিব। জনস্বাস্থ্যক লৈও যে কোনো আপোচ কৰা নাযাব তাকো স্পষ্টভাৱে জনাই দিয়া হৈছে। কেন্দ্র, ৰাজ্য আৰু পুৰীৰ মন্দিৰৰ কমিটিক সমন্বয় কৰি কাম কৰাৰ নির্দেশ দিয়া হৈছে। পুৰীৰ মন্দিৰৰ তৰফৰ পৰা ৰাজ্যেৰ গাইডলাইন মানিয়েই উৎসৱ পালনৰ কথা কথা কোৱা হৈছে।