ননৈ

নগাঁও জিলাৰ বটদ্ৰৱা আৰু নগাঁও সদৰ সমষ্টিৰ অন্তৰ্গত নগাঁও গ্ৰাম্য পথ সংমণ্ডলৰ অধীনস্থ এটি অতি গুৰুত্বপূৰ্ণ পথ নগাঁও-বৰভেটি-কাছমাৰী-চকলাঘাট চাৰিআলি মাজ-জাজৰি হৈ জাজৰি শিমলুতল সংযোগী পথটি ৷ নগাঁও চহৰৰ পৰা বৰভেটি-কাছমাৰী-চকলাঘাট চাৰিআলি -মাজজাজৰি হৈ জাজৰি শিমলুতল সংযোগী বটদ্ৰৱা সমষ্টি আৰু নগাঁও সদৰ সমষ্টিক সংযোগক্ত কৰা এটা অতি গুৰুত্বপূৰ্ণ তথা চমুপথ ৰূপে পৰিচিত বৰভেটি-কাছমাৰী- নগাঁও চহৰলৈ অহা এই পথটো ৷ বহুকেইখন গাৱঁৰ ৰাইজ অহা যোবা কৰে নগাঁও চহৰলৈ বুলি এই চমু পথচোবাৰে ৷ দিৰ্ঘদিন ধৰি এই সদাবেস্ত পথটোৰ কেইবাঠাইটো পুখুৰী সদৃশ বৃহৎ বৃহৎ গাতৰ সৃষ্টি হোবাত পথ চোবাৰে আহ-যাহ কৰা পথচাৰী সকলে যমৰ-যাতনা ভোগ কৰি আহিব লগাত পৰিছে ৷ এই পথচোবাৰে কোনো ৰোগাগস্ত লোকক নিশাৰ ভাগত চহৰৰ চিকিৎসালয়লৈ গাড়ীৰে  নিবলৈও দহবাৰ চিন্তা কৰিব লাগে ৰোগী পৰিয়ালৰ লোকসকলে ৷ পথচোবাৰ বটদ্ৰৱা সমষ্টিৰ অন্তৰ্গত কাছমাৰী পথাৰৰ জলসিঞ্চন বিভাগৰ পৰিত্যক্ত কাছমাৰী উত্তোলিত জলসিঞ্চন পানী যোগান আচঁনিৰ নলীনাদ তথা বৰগছৰ তলৰ প্ৰায় ডেৰশ মিটাৰ আগৰ পৰা আৰম্ভ কৰি কাছমাৰী দলং পৰ্যন্ত পথচোবাৰ বিধ্বস্ত অংশই দিৰ্ঘদিন ৰাইজক জীয়াতু ভুগাইছে ৷ পথৰ ঠায়ে ঠায়ে সৃষ্টি হৈছে পুখুৰী সদৃশ বৃহৎ-বৃহৎ গাত ৷ এজাক বৰষুণতে সেই গাতত পানী জমা হৈ ৰাইজৰ যাতায়তত সৃষ্টি হৈছে ভিষণ অসুবিধা ৷ আনহাতে,পথচোবাৰ সদৰ সমষ্টিৰ অন্তৰ্গত কাছমাৰী দলঙৰ পৰা আৰম্ভ কৰি কাছমাৰী ক্ষুদ্ৰ স্বাস্থ্য কেন্দ্ৰৰ সন্মুখ অংশ,কাছমাৰী পঞ্চায়ত কাৰ্যালয়ৰ লগতে বহুৱাভেটি অংশ তথা মহেচুচা গাঁৱলৈ সুমুবা পথৰ নিচেই কাষতে কেইবাটাও বৃহৎ-বৃহৎ পুখুৰী সদৃশ গাতৰ সৃষ্টি হোবাত পথচোবাৰে যাতায়ত কৰা লোক সকলে দিৰ্ঘদিনৰ পৰা বহু কষ্ট সহি,মৰনক শৰণ দি এই বিধ্বস্ত পথচোবাৰে যাতায়ত কৰিব লগাত পৰিছে ৷ ইফালে,উক্ত পথচোবাৰ কাছমাৰী বৰাগাঁও চাৰিআলিৰ পৰা আৰম্ভ কৰি আৰ.কে.এছ ইটা ভাটা , অ.কে ইটা ভাটা অংশত পথচোবাৰ বিধ্বস্ত ৰূপ তথা বোকাময় পথত পিচল খাই বহুকেইজন বাইক,চাইকেল আৰোহী দূৰ্ঘটনাত পতিত হৈ আঘাটপ্ৰাপ্ত হব লগাত পৰাৰ লগতে এই পথচোবাই পথচাৰিক যাতায়তত জীয়াতু ভোগাইছে ৷ বৰভেটি শিৱ মন্দিৰ অংশ আৰু বৰভেটি ঈদগাহৰ অংশত বহু কেইটা অংশ চপৰা চপৰে ভাঙি যোবাত বহু অসুবিধাৰ সৃষ্টি হৈছে পথচাৰিৰ ৷ আনহাতে,কাছমাৰী পলাশতল উচ্চ মাধ্যমিক বিদ্যালয়ৰ সন্মুখৰ অংশত পথচোবাত সৃষ্টি হোবা বোকাময় পৰিৱেশ তথা  পানী জমা হোবা গাঁত সমূহে বৰ্তমান ভয়ংকৰ ৰূপ লৈছে। যাৰ ফলত নিতৌ সৰু বৰ দুৰ্ঘটনা সংঘটিত হৈ ধন জনৰ হানি হৈছে বহুজন পথচাৰি,চাইকেল আৰোহী,বাইক আৰোহীৰ ৷ পথচোবাৰ এই দুৰবস্থাৰ বাবে পথচোবাৰে আহ-যাহ কৰা বহু পথচাৰীৰ লগতে স্থানীয় ৰাইজে কয়- এই পথটিৰ মেৰামতিৰ নামত পূৰ্ৱৰ চৰকাৰৰ দিনৰে পৰা এতিয়ালৈকে কেইবা কোটি টকা অপব্যৱহাৰ হল ৷ কিন্তু পথচোবা আজি কোপতি ৰাইজৰ যাতায়তৰ বাবে উপযোগী হৈ নুঠিল ৷ বহু সময়ত এই পথচোবাৰে নগাঁও চহৰলৈ যোবাত সুবিধা হয়,চমু পথ বুলিয়েই এইপথৰে নগাঁও চহৰলৈ বুলি বহু মানুহ অহা যোবা কৰে আৰু অতি কম সময়তে নগাঁও চহৰলৈ যাবলৈ সুবিধা হয় এই পথচোবাৰে ৷ কিন্তু আজি চাৰি বছৰৰ অধিক দিন আগতে পথচোবাৰ কাম আৰম্ভ হোবাৰ কথা আছিল যদিও আজিলৈকে কোনো খবৰ নাই ৷ অৱশ্যে চকলাঘাট চাৰিআলিৰ পৰা কাছমাৰী উত্তোলিত জলসিঞ্চন পানী যোগান আঁচনিৰ পৰিতক্ত্য নলীনাদ অংশৰ প্ৰায় ডেৰশ মিটাৰ আগলৈকে পথচোবা পকি কৰণ হল আৰু বাকী কাছমাৰী দলং লৈকে এই বিধ্বস্ত পথচোবা আজি দিৰ্ঘদিন এনেদৰেই যাতায়তৰ অনুপযুক্ত হৈ পৰি আছে ৷ এইয়া গড়কাপ্তানি বিভাগৰ অভিযন্তা-বিষয়া নে ঠিকাদাৰৰ মইমতালি বৰ্তমান সময়ত সেইয়া ৰাইজৰ জ্ঞাত নহয় ৷ এই গুৰুত্বপূৰ্ণ পথটিৰ কদৰ্যতাৰ বাবে পথটি নতুনকৈ আধুনিক মানদণ্ডৰে নিৰ্মান কৰিবলৈ স্থানীয় ৰাইজৰ লগতে বিভিন্ন দল সংগঠনে নগাঁৱৰ গড়কাপ্তানি বিভাগৰ গ্ৰাম্য পথ সংমণ্ডলৰ লগতে বটদ্ৰৱা সমষ্টিৰ বিধায়িকা আঙুৰলতা ডেকা আৰু নগাঁও সদৰ সমষ্টিৰ বিধায়ক ৰূপক শৰ্মাৰ ওচৰত দাৱী জনাইছে ৷

সোণতলী

 বকো সমষ্টিৰ অন্তৰ্গত বদলাৰ উপ-স্বাস্থ্য কেন্দ্ৰটো নিৰ্মাণৰ প্ৰায় ১০ বছৰে ৰাইজৰ বাবে মুকলি নোহোৱাত হাহাকাৰ পৰিবেশৰ সৃষ্টি হৈছে৷ অঞ্চলৰ চিকিৎসাৰ সুবিধাৰ্থে স্বাস্থ্য বিভাগে নিৰ্মাণ কৰা বদলা উপ-স্বাস্থ্য কেন্দ্ৰটো অদ্যাপি মুকলি নোহোৱাত ৰাইজৰ মাজত হাহাকাৰৰ সৃষ্টি হৈছে৷ জানিব পৰামতে দক্ষিণ কামৰূপৰ বকো সমষ্টিৰ অন্তৰ্গত অতিকৈ পিচপৰা তথা দুৰ্গম বদলা, বদলা পথাৰ, ৩নং দক্ষিণ ৰাংগাপানী, ১নং টুপামাৰী, টিয়াপাৰা আদি অঞ্চলৰ বৃহৎসংখ্যক ৰাইজৰ চিকিৎসাৰ সুবিধাৰ্থে বিগত প্ৰায় দহ বছৰ পূৰ্বে আধাৰশিলা স্থাপন কৰি যথাসময়ত আটকধুনীয়াকৈ উপ-স্বাস্থ্য কেন্দ্ৰৰ নিৰ্মাণকাৰ্যও সম্পূৰ্ণ কৰা হয়৷ কিন্তু বিগত প্ৰায় দহ বছৰে ৰাইজৰ সুবিধাৰ্থে মুকলি কৰা নহ’ল বদলা উপ-স্বাস্থ্য কেন্দ্ৰটো৷ বিগত দহ বছৰে উপৰিউক্ত উপ-স্বাস্থ্য কেন্দ্ৰটো দুৰ্গম অঞ্চলৰ ৰাইজৰ চিকিৎসাৰ বাবে মুকলি নোহোৱাত সম্প্ৰতি চিকিৎসালয়খনৰ দৰ্জা-খিৰিকীবোৰ জহি-খহি গৈছে৷ উপ-স্বাস্থ্য কেন্দ্ৰৰ অন্য মূল্যৱান সামগ্ৰীসমূহো নষ্ট হ’বলৈ ধৰিছে৷ বিগত বছৰবোৰত উপৰিউক্ত উপ-স্বাস্থ্য কেন্দ্ৰটো সৰ্বসাধাৰণ ৰাইজৰ বাবে ৰাজ্য চৰকাৰে মুকলিৰ ব্যৱস্থা গ্ৰহণ নকৰাৰ পৰিপ্ৰেক্ষিতত গৃহটো সম্পূৰ্ণৰূপে জৰাজীৰ্ণ হৈ পৰিছে৷ সম্প্ৰতি জহি-খহি যোৱা বদলাৰ উপ-স্বাস্থ্য কেন্দ্ৰটো মেৰামতিৰ জৰিয়তে কাৰ্যক্ষম কৰি চিকিৎসক-কৰ্মচাৰী নিযুক্তিৰ জৰিয়তে অতিশীঘ্ৰে মুকলি কৰিবলৈ ৰাইজে মিত্ৰজোঁটৰ মুখ্যমন্ত্ৰী সৰ্বানন্দ সোণোৱালৰ লগতে বিভাগীয় মন্ত্ৰী ড০ হিমন্তবিশ্ব শৰ্মাৰ ওচৰত দাবী জনাইছে৷