দৈনন্দিন বাৰ্তাৰ নিজা সেৱা

লাডাখত চীনৰ আগ্ৰাসনৰ বিপৰীতে সেই দেশৰ পণ্য বৰ্জনৰ আহ্বান কৰিছে ‘থ্ৰী ইডিয়ট’ খ্যাত ছোনম ৱাংচুকে ৷ তেওঁৰ আহ্বানৰ উপৰি ‘টিকটক’ এপৰ পৰা আঁতৰি আহিল অভিনেতা তথা মডেল মিলিন্দ ছুমন ৷ লগতে দিলে চীনা পণ্য বৰ্জনৰ আহ্বান ৷ চীনৰ প্ৰতিষ্ঠানবোৰে ভাৰতত ব্যৱসায় কৰিছে ৷ তেওঁলোকৰ পৰিসেৱা ব্যৱহাৰ কৰিছে এই দেশৰ নাগৰিকে ৷ সেই টকাৰে চলাইছে চীনৰ সেনা বাহিনী ৷ শিক্ষা সংস্কাৰক ছোমন ৱাংচুকেৰ ভিডিঅ’ বাৰ্তাত চীনৰ বুলেটৰ প্ৰত্যুত্তৰ দিছে ৷ এই ভিডিঅ’টো টুইট কৰি ছুপাৰ মডেল মিলিন্দ ছুমনে লিখিছে, টিকটক এৰিলো ৷ Boycott Chinese Products ৷ উল্লেখ্য যে এটা গৱেষণাত দেখা গৈছে যে চীনৰ এপ টিকটকৰ সবাতোকৈ বেছি ব্যৱহাৰকাৰী ভাৰতীয়৷ ১২ কোটি মানুহে এই এপটো ব্যৱহাৰ কৰে ভাৰতত ৷ এনে ধৰণৰ এপবোৰ বাতিল কৰিবলৈ আহ্বান জনাইছে ছোনম ৱাংচুকে ৷ লকডাউনত ২০ লাখ কোটি টকাৰ আৰ্থিক পেকেজ ঘোষণা কৰি প্ৰধানমন্ত্ৰীয়ে দেশক আত্মনির্ভৰ হোৱাৰ আহ্বান কৰিছিল ৷ স্বদেশী সামগ্ৰী কিনিবলৈ আহ্বান কৰিছে প্ৰধানমন্ত্ৰীয়ে ৷ তাৰ আগেয়ে ‘মেক ইন ইণ্ডিয়া’ কৰ্মসূচী লৈছিল নৰেন্দ্ৰ মোডী চৰকাৰে ৷ সেই সুৰতে হিমালয়ৰ মাজত সিন্ধুপাৰত বহি ৱাংচুকে কয়, চীনা পণ্য বৰ্জন কৰিলে সেই দেশৰ অৰ্থনীতিৰ ওপৰত চাপ পৰিব ৷ ইয়াৰ ফলত চৰকাৰ পতন হোৱাৰ সম্ভাৱনাও আছে ৷ কেৱল এই বাৰ্তা দিয়াই নহয়, এসপ্তাহৰ ভিতৰত চীনা ম’বাইল ব্যৱহাৰ নকৰে বুলিও জনায় ছোমন ৱাংচুকে ৷

মোৰাঝাৰ পৰা ছাদিকুজ জামান

মাৰাত্মক কৰ’নাৰ সৈতে যুঁজি  ঘৰ পালেহি হোজাইৰ মোৰাঝাৰৰ চাৰ্টাজ উদ্দিন ,যোৱা ১৯ মেত মুম্বাইৰ পৰা নিজৰ ঘৰলৈ প্ৰথমবাৰলৈ সপৰিয়ালে আহিছিল মোৰাঝাৰৰ দেৱস্থানৰ চৈফুদ্দিন। কিন্তু অসম অহাৰ পাছতে পিতৃ আৰু কণমানি দেৱশিশু চাৰ্টাজৰ দেহত ধৰা পৰিছিল কৰ’না। কিন্তু সৌভাগ্যক্ৰমে কৰ’নাৰ পৰা মুক্ত আছিল মাতৃ তৈয়বুন নেচা৷২৩ ফেব্ৰুৱাৰিত মুম্বাইত জন্মগ্ৰহন কৰা চাৰ্তাজ আছিল অসমৰ সৰ্বকনিষ্ট কৰ’না আক্ৰান্ত৷পিতৃ মাতৃৰ সৈতে মুম্বাইৰ পৰা হোজাইৰ দেৱস্থানৰ ঘৰলৈ ১৬ মে’ ত অহাৰ পিচতেই পৃথিবীৰ পোহৰ দেখাৰ মাত্ৰ দুমাহ ২৬ দিন বয়সতেই মাৰাত্মক কৰ’নাত আক্ৰান্ত হৈছিল শিশুটি৷লগে লগে পিতৃ মাতৃ সহ শিশুটিক ভৰ্তি কৰোৱা হৈছিল GMCH ত৷ দীৰ্ঘ দহটা দিন চিকিৎসক নাৰ্চ আৰু অন্যান্য স্বাস্থ্যকৰ্মীসকলৰ আপ্ৰাণ চেষ্টাত কৰ’নামুক্ত হ’ল চাৰ্তাজ৷পিতৃ চৈফুদ্দিনো সম্পূৰ্ণ সুস্থ৷নিজ ঘৰত আহি উপস্থিত হ’ল পুত্ৰ চাৰ্তাজ  সহ ছৈফুদ্দিন৷যি সময়ত পৃথিবীৰ কেবাখনো দেশ কৰ’নাৰ বাবেই মৃত্যু উপত্যকাত পৰিণত হৈছে তেনে সময়ত অসমৰ চিকিৎসকে সুস্থ কৰিলে বৰ্তমানে তিনিমহীয়া চাৰ্তাজক৷চাৰ্তাজ এতিয়া সম্পূৰ্ণ সুস্থ৷  কৰ’না কি? বুজি নোপোৱা চাৰ্তাজৰ মূখৰ হাহিঁ ঘূৰাই আনিলে GMCHৰ চিকিৎসকসকলে৷ইপিনে চৈফদ্দিনে চিকিৎসালয়ৰ আই চি ইউ কক্ষত টিকটক ভিডিঅ বনোৱাক লৈ হোজাইৰ দেৱস্থানৰ স্থানীয় লোকে তীব্ৰ প্ৰতিক্ৰিয়া ব্যক্ত কৰিছিল |

নগাঁও পৰা এ জে আকন্দ‌ :

বিত্তীয় প্ৰতিষ্ঠান বেংকৰ গ্ৰাহক সেৱা কেন্দ্ৰসমুহ চমুকৈ চি এছ পি এতিয়া যেন হৈ পৰিছে লুন্ঠনৰ আহিলা।   গ্ৰামাঞ্চলৰ দৰিদ্ৰ আৰু অশিক্ষিত ৰাইজে সহজে বেংক একাউন্ট খুলি লেনদেন কৰাৰ সুবিধাৰ্থ ভাৰতীয় ৰিজাৰ্ভ বেংকে প্ৰৱৰ্তন কৰা চি এচ পিৰ একাংশ বানিজ্যিক প্ৰতিনিধিয়ে বিভিন্ন আঁচনিৰ বিপৰীতে হিতাধিকাৰীৰ একাউন্টত  ধন সুমুৱাই ব্যাপক হাৰত লুন্ঠন চলোৱাৰ অভিযোগ সৰ্বত্ৰ উঠিছে। তেনে এক অভিযোগ উঠিছে অসম গ্ৰামীণ বিকাশ বেংকৰ আউনিআটি শাখাৰ অধীনত থকা ৰূপহী থানা ৰোডস্থ চি এচ পিৰ বিৰুদ্ধে। এই চি এচ পিৰ বানিজ্যিক প্ৰতিনিধি আবু হানিফাই এম জি এনৰেগাৰ জব কাৰ্ড শ্ৰমিক, সংখ্যালঘু জলপানি আচনি, প্ৰধানমন্ত্ৰী কৃষি সন্মান আচনিকে ধৰি একাধিক আঁচনিৰ ভুৱা একাউন্টৰ জৰিয়তে লক্ষ লক্ষ টকা আত্মসাত কৰাৰ অভিযোগৰ কথা এতিয়া ৰাইজৰ মুখে মুখে। উল্লেখ্য যে উক্ত চি এচ পিটো প্ৰথম অৱস্থাত হানিফাৰ ভাতৃ মোস্তাফা হুছেইনৰ নামত আছিল যদিও একাংশ গ্ৰাহকৰ একাউণ্টৰ নামত ব্যাপক দুৰ্নীতি-অনিয়ম সংঘটিত কৰাৰ অভিযোগত সংশ্লিষ্ট বেংক কৰ্তৃপক্ষই এই চি এচ পিটো বন্ধ কৰি দিছিল। কিন্তু পৰৱৰ্তী সময়ত চতুৰ হুছেইনে সংশ্লিষ্ট বেংকৰ একাংশ বিষয়া-কৰ্মচাৰীক মেনেজ কৰি পুনৰ একেটা চি এচ পি নিজৰ ভাতৃ আবু হানিফাৰ নামত আবন্টন কৰাবলৈ সক্ষম হয়। বৰ্তমান দুই ভাতৃয়ে চলাইছে এই চি এচ পিটো। মনকৰিবলগীয়া বিষয় এই যে গ্ৰাহকৰ একাউন্টত সংঘটিত বিভিন্ন অনিয়ম সন্দৰ্ভত প্ৰশ্ন কৰিলেই সততে দুৰ্ব্যহাৰ কৰাৰ অভিযোগ আছে এই দুই ভাতৃদ্বয়ৰ বিৰুদ্ধে। অলপতে এগৰাকী মহিলা গ্ৰাহকক অপদস্থ কৰাৰ বাবে দুই ভাতৃদ্বয়ৰ বিৰুদ্ধে স্থানীয় আৰক্ষী থানাত এক গোচৰ ৰুজু হোৱা বুলি জানিব পৰা গৈছে। কোনো গুৰু গোহাঁই নমনা এই দুই ভাতৃদ্বয়ে বিভিন্ন আচনিৰ নামত লুন্ঠন চলাই অগাধ সম্পত্তিৰ গৰাকী হবলৈ সক্ষম হৈছে। শেহতীয়াকৈ ইমানেই ধনবন্ত হ’বলৈ সক্ষম হৈছে যে তেওঁলোকে নগাঁও চহৰত বৃহৎ পৰিমাণৰ ধন ব্যয় কৰি মাটি ক্ৰয় কৰা বুলি অঞ্চলজুৰি চৰ্চা চলিছে। লক্ষ্যনীয় বিষয় এই যে ইতিপূৰ্বে এই চি এচ পিৰ বিৰুদ্ধে বিভিন্ন দুৰ্নীতি-অনিয়ম সন্দৰ্ভত সংবাদ মাধ্যমত বাতৰি প্ৰকাশ পোৱাৰ পিছতো ৰহস্যজনক ভাবে বেংক কৰ্তৃপক্ষই নিৰৱ ভুমিকা গ্ৰহণ কৰাৰ গুৰুতৰ অভিযোগ উঠিছে ।

তিনিচুকীয়া

 যোৱা বুধবাৰৰ পৰা অহৰহভাবে নিৰ্গত হৈ থকা বাঘজান তৈলখাদ পৰিদৰ্শন কৰাৰ লগতে আশ্ৰয় শিৱিৰত আশ্ৰয় গ্ৰহন কৰা লোকসকলৰ লগত কৰিলে মত বিনিময় কৰিলে আছুৰ সাধাৰণ সম্পাদক লুৰিণজ্যোতি গগৈয়ে ।আছুৰ এটা সজাতি দল সহ ঘটনাস্থলীত উপস্থিত হৈ প্ৰতিক্ৰিয়া প্ৰকাশ কৰে আছুৰ সম্পাদকগৰাকীয়ে ।অইল কৰ্তৃপক্ষৰ লগতে ৰাজ্য চৰকাৰক তৎপৰতাৰে নিৰ্গত হৈ থকা তেল, গেছ  নিয়ন্ত্ৰণ কৰিবলৈ আহ্বান জনোৱাৰ লগতে অতিশীঘ্ৰে ডিব্ৰু ছৈখোৱাৰ লগতে মাগুৰি মতাপুং বিলৰ জৈৱ বৈচিত্ৰৰ প্ৰতি ভাবুকি অহা এনে তৈলখাদসমূহ বন্ধ কৰিবলৈও দাবী জনাই লুৰিণজ্যোতি গগৈয়ে ।ইফালে বাঘজানৰ উত্তৰ পশ্চিম এলেকাত পুনৰ ৭টাকৈ তৈলখাদৰ অনুমোদন জনোৱা কাৰ্য্যৰ বিৰোধিতা কৰি নতুনকৈ এটাও তৈলখাদ স্থাপন কৰিব দিয়া নহব বুলিও মন্তব্য কৰে নেতাগৰাকীয়ে ।আনহাতে কালি এটা দুস্প্ৰাপ্য শিহুৰ মৃত্যু হোৱাৰ পাছত এটা মৰিবলৈ আৰম্ভ কৰিছে খাল-বিলৰ মাছৰ লগতে জলচৰ প্ৰাণী, নষ্ট হৈছে কৃষিকাৰ্য, গছ-গছনি ৷ বাদোডৰাৰ পৰা অহা বিশেষ দলটোৱে চেষ্টা অব্যাহত ৰাখিছে যদিও বন্ধ কৰিবলৈ সক্ষম হোৱা নাই তেল মিশ্ৰিত গেছ, ফলত ব্যাপক ক্ষতিৰ দিশত আগুৱাই গৈছে বৃহত্তৰ বাঘজানৰ লগতে কাষৰীয়া অঞ্চলসমূহ ৷ গগৈৰ স’তে উপস্থিত থাকে সদৌ অসম ছাত্ৰ সন্থাৰ কেন্দ্ৰীয় কায্যনিৰ্বাহক বিনয় ডুবে, সদৌ ডিব্ৰুগড় জিলা ছাত্ৰ সন্থাৰ সভাপতি বুলবুল দত্ত, সাধাৰণ সম্পাদক শংকৰজ্যোতি বৰুৱা, সদৌ তিনিচুকীয়া জিলা ছাত্ৰ সন্থাৰ  ভাৰপ্ৰাপ্ত সভাপতি ৰাজা বালিমৰাৰ লগতে দুয়োখন জিলাৰ অৰ্ধশতাধীক ছাত্ৰ সন্থাৰ কৰ্মীয়ে পৰিদশন কৰে ।