- হাজাৰ অতিক্ৰম ক’ৰোনাক্ৰান্ত, হ’লগৈ ১০২৪ ।
- আজি আক্ৰান্ত ১৪৪ জন।
- ১৫ জুনৰ পৰা খোল খাব শিক্ষানুষ্ঠান ।
দৈনন্দিন বাৰ্তা প্ৰতিবেদন
অহা ১৫ জুনৰ পিছত খোল খাব অসমৰ শিক্ষানুষ্ঠান। পৰ্যায়ক্ৰমে শ্ৰেণীসমূহত পাঠদান আৰম্ভ হ’ব। এইতথ্য মন্ত্ৰী হিমন্তবিশ্ব শৰ্মাৰ। আজি সংবাদমাধ্যমক এই কথা অৱগত কৰে।প্ৰথমে দশম আৰু দ্বাদশ শ্ৰেণীৰ পাঠদান হ’ব সামাজিক দুৰত্ব বজাই ৰাখি। ইফালে যোৱা মাৰ্চ মাহৰ পৰাই কৰ’না ভাইৰাছ আৰু চৰকাৰী নিষেধাজ্ঞাই জনজীৱন স্তব্ধ কৰি তুলিছে।তাৰিখৰ হিচাবত চৰকাৰী নিষেধাজ্ঞাৰ আঢ়ৈ মাহ পাৰ হ’ল। তথাপি কৰ’না সংক্ৰমণ প্ৰতিৰোধত চৰকাৰ সফল নহ’ল।ইয়াৰ আঁৰত চৰকাৰৰ নীতি-নিৰ্দেশনাৰ ভুল থাকি গ’ল নেকি,এনেধৰনৰ প্ৰশ্ন কৰিছে সাধাৰণ ৰাইজে।চৰকাৰে যথাযথ উত্তৰ দিব বুলিও বহুতে আশা কৰি আছে। ইয়াৰ লগতে আজিও বাঢ়ি আছে কৰ’নাক্ৰান্তৰ সংখ্যা।আজি সন্ধিয়া পৰ্যন্ত আক্ৰান্তৰ সংখ্যা ৯৩৫ হ’লগৈ।মাজৰাতিলৈ হাজাৰৰ ঘৰ অতিক্ৰম কৰিব বুলি ধাৰনা কৰিব পাৰি। ৰাতি দহ বজাৰ তথ্যমতে আক্ৰান্ত হ’লগৈ ১০২৪ জন। আৰু আহিব আক্ৰান্তৰ সংখ্যা।আৰোগ্যৰ সংখ্যা ১২৫ হৈছেগৈ।হাস্পাতালত আছে ৮৯২৫জন। মৃত ০৪ আৰু বহিৰাজ্যলৈ গৈছে ০৩ জন।মৃতকৰ সংখ্যা একে থাকিলেও আক্ৰান্তৰ সংখ্যা যোৱা দহদিন নিতৌ ৩০ -৪০ শতাংশ হৈ আছে।যাৰবাবে চৰকাৰৰ হাজাৰটা প্ৰচেষ্টা ওফৰাই কৰ’না সংক্ৰমণ অসমত অপ্ৰতিৰোধ্য হৈ পৰাটো কোনেও নুই কৰিব নোৱাৰে ।।
