নগাঁও, ননৈ :

নগাঁও জিলাত ক্ৰমাত বৃদ্ধি পাইছে একাংশ দুস্কৃতিকাৰীৰ অবাধ বন ধংস যজ্ঞ ৷ পাহাৰ-চৰকাৰী মাটিত থকা মূল্যবান গছ বন কাটি তহিলং কৰি অহাৰ পিছত দুস্কৃতিকাৰীৰ শেনচকু পৰিছে এতিয়া ম্যাদী পট্টাৰ মাটিত থকা একাংশ গৃহস্থৰ মূল্যবান গছ-বনত৷ কালি তেনে এক ঘটনা সংঘটিত হৈছে নগাঁৱৰ টাউন মৰিকলং নিৱাসী দ্বীপেন শইকীয়া আৰু তেওঁৰ মাতৃ তথা ভাতৃ সকলৰ টাউন মৌজাৰ অন্তৰ্গত মৰিকলং বাহবাৰীস্থিত তেওঁৰ ম্যাদী পট্টাৰ মাটিৰ পৰা ৬ ডালকৈ মূল্যবান কদম গছ মাটিৰ গৰাকীৰ বিনা অনুমতি কাটি নিয়াৰ চেষ্টা চলাওঁতেই একাংশ স্থানীয় লোকৰ তৎপৰতা দুস্কৃতিকাৰী কেইজনক হাতে লুতে ধৰিবলৈ সক্ষম হয় গছৰ গৰাকীয়ে৷ জানিব পৰা মতে,সপ্তাহ দিয়েক পূৰ্বে চহৰৰ পাৰ্শ্ব্ৱ্তী মহখুলী অঞ্চলৰ গছ ব্যৱসায়ীৰ লগত জড়িত ছহীদ ওৰফে মুঞ্চি নামৰ লোক জনক গছ ব্যৱসায়ীৰ লগত জড়িত চহৰৰ টংকেশ্বৰ শইকীয়াই গছ সমূহ দেখুৱাই আনি গৰাকীৰ বিনা অনুমতিত কোনো বন্দোবস্তি তথা দৰদাম ঠিক নকৰাকৈ ৬ ডালকৈ কদম গছ কাটি তহিলং কৰে৷ নিজৰ বাৰীত অজ্ঞাত লোকে গছ কটাৰ তথ্য লাভ কৰি গছৰ গৰাকীয়ে ততাতৈয়াকৈ উক্ত স্থানত উপস্থিত হৈ গছ কাটি থকা লোক কেইজনৰ লগতে গছ কটা সামগ্ৰী সমূহ কৰায়ত্ত কৰি মৰিকলং আৰক্ষী চকীত চনজাই দিয়ে ৷ অৱশ্যে পিছত আৰক্ষীৰ সহযোগত গছৰ গৰাকীক বিনা অনুমতিত ৬ ডালকৈ কদম গছ কটাৰ বিনিময়ত উচিত ক্ষতিপূৰণ দিয়ে আৰু কোনো দিনে এনেধৰণৰ বে-আইনী কামত জড়িত নোহোবাৰ প্ৰতিশ্ৰুতি দিয়াত সন্ধিয়া আৰক্ষীয়ে লোক কেইজনক মুকলি কৰি দিয়ে৷ উল্লেখ্য যে, দীৰ্ঘদিন ধৰি গছ ব্যৱসাৰৰ লগত জড়িত লোক কেইজনৰ গছ কটাৰ কোনো চৰকাৰী অনুজ্ঞাপত্ৰ নথকাত মৰিকলং আৰক্ষীয়ে তেওঁলোকে গছ কটাৰ সময়ত ব্যৱহাৰ কৰা অত্যাধুনিক কৰত, মেচিন আদি সামগ্ৰী সমূহ জব্দ কৰি থয়৷

নলবাৰী :

নলবাৰীত জব্দ হ’ল বহু পৰিমাণৰ নিচাযুক্ত টেবলেট।  নলবাৰীত আৰক্ষীৰ অভিযানত ধৰা পৰিল ড্ৰাগচৰ ব্যৱসায়ী। ড্ৰাগচ সৰবৰাহত ব্যৱহৃত  গাড়ী সহঃ  নিচাযুক্ত  টেবলেট জব্দ । জব্দ  কৰা  গাড়ী  খনৰ নম্বৰ  হল  AS 28 6202 ।  কামাল আলি নামৰ  এজন গাড়ী চালকক আটক কৰা হয়। গাড়ী চালক কামাল আলিয়ে দীৰ্ঘ দিন ধৰি শ্বহীদ মুকুন্দ কাকতি অসামৰিক চিকিৎসালয় চৌহদত  ড্ৰাগচৰ  ব্যৱসায় কৰি অহাৰ অভিযোগ  উত্থাপন হৈছে। শ্বহীদ  মুকুন্দ কাকতি অসামৰিক চিকিৎসালয় চৌহদত নিচাযুক্ত টেবলেট  বিক্ৰী কৰি  পৰিবেশ বিনষ্ট  কৰিছিল কামাল আলিয়ে। আৰু   অবশেষত নলবাৰী আৰক্ষীৰ বিশেষ অভিযানত ধৰা পৰিল কামাল আলি।  আটকাধীন কামাল আলিৰ স্বীকাৰোক্তিৰ ভিত্তিত  আৰক্ষীয়ে পুনৰ  অভিযান চলাই  মোল্লাপাৰাৰ পৰা জব্দ  কৰে বহু পৰিমাণৰ নিচাযুক্ত  টেবলেট। মোল্লাপাৰাৰ ইক্ৰাম আলিৰ ঘৰৰ পৰা এইদৰে জব্দ  কৰা হয়  এক কাৰ্টন নিচাযুক্ত টেবলেট ।দীৰ্ঘ দিন ধৰি ড্ৰাগচৰ বেহাত জড়িত থকা ইক্ৰাম  আলিয়ে সমগ্ৰ  নলবাৰীতে  নিচাযুক্ত  টেবলেট  মেলি দি ৰমৰমীয়া  ব্যৱসায়  চলাই থকাৰ  অভিযোগ উত্থাপন হৈছে । সম্প্ৰতি ইক্ৰাম  আলি  পলাতক । ইক্ৰাম আলিক গ্ৰেপ্তাৰ  কৰিবলৈ আৰক্ষীৰ  মাৰাথান অভিযান  অব্যাহত  আছে  বুলি জানিব পৰা গৈছে।

নলবাৰী :

সুদিৰ্ঘ কালৰে পৰা অসম আৰু অসমীয়া খিলিঞ্জীয়া অসমীয়াৰ ভৱিষ্যৎ সুৰক্ষাৰ স্বাৰ্থত  আৰু বেদেশী হাতোৰাৰ পৰা কেনেকৈ পৰিত্ৰাণ পাব পাৰি তাৰ চেষ্টা কৰি আছিল। আৰু সেই মহান উদ্যেশ্যে আগত লৈ অসমৰ ৰাইজে অতি নিষ্ঠা আৰু সততাৰে ভাৰতীয় জনতা পাৰ্টিক ৰাজপাটত বহুৱাইছিল। অসমৰ ৰাইজৰ সপোন আছিল কেনেকৈ এই দানৱ সকলক নিৰ্মুল কৰিব পাৰি হিন্দু ক্ৰান্তি দলৰ নলবাৰীৰ সংযোজক নিৰ্মল ৰাজবংশীৰ মন্তব্য। নলবাৰীত হিন্দু ক্ৰান্তি দল নলবাৰী সমিতিয়ে অনুষ্ঠিত কৰা এক সংবাদ মেলত নিৰ্মল ৰাজবংশীয়ে আকৌ কয় যে ৰাইজৰ সকলো আবেগ অনুভুতিক ৰাজ্য চৰকাৰে ধূলিষাৎ কৰিলে। তাৰ ফল স্বৰুপে হাজোৰ সনাতন ডেকা আৰু নুনমাতি ঋতুপৰ্ণ পেগুৰ নিম্নয হত্যাকাণ্ড। অতিকৈ দুখজনক আৰু লজ্জিত বিষয় এই যিখন চৰকাৰক অসমৰ ৰাইজৰ হিয়াৰ আমুঠু হিচাবে লৈছিল আকৌ সেইখন চৰকাৰৰ দিনতে অসমৰ ৰাইজে নিজৰ নিৰাপত্তাৰ কাৰণে হাহাকাৰ কৰিবলগীয়া হল। সেয়েহে হিন্দু ক্ৰান্তি দলৰ দাবী হত্যাকাৰীক ফাচী দিব লাগে অন্যাথায় হিন্দু ক্ৰান্তি দলে হাত সাবতি বহি নেথাকে। লগতে সংযোজক গৰাকীয়ে কয় যে অসমৰ দৃষ্টিপাত সলনি কৰিব বিচৰা পূৰ্ববংগীয়। মুছলমান অসমীয়াৰ বাবে মৃত্যু ঘণ্টা স্বৰুপ। পূৰ্ব বংগীয় মুছলমানে অসমত পেটৰ ভোকত বেপাৰ কৰিব অহা। যদি পেটৰ ভোকত আহিলেহেতেন তেন্তে এজনে ৫জনিকৈ বিয়া পাতি ১০/২০ জনকৈ লৰা-ছোৱালী জন্ম নিদিলেহেতেন।এটাই উদ্যেশ্য অসমখন ইছলামিক স্থান কৰা। সেয়েহে হিন্দু ক্ৰান্তি দলৰ স্পষ্ট কথা এইবোৰক চৰকাৰে কঠোৰ হাতেৰে দমন কৰিব লাগে। আৰু যদি নোৱাৰে হিন্দু ক্ৰান্তি দলে নিজে সিদ্ধান্ত লবলৈ বাধ্য হব। উক্ত সংবাদ মেলত হিন্দু ক্ৰান্তি দল নলবাৰীৰ সাংগঠনিক লিংকন কলিতা, মিন্টু কলিতা উপস্থিত আছিল।

মঙলদৈ : সদৌ অসম অনুসূচিত জাতি ছাত্র সন্থা আৰু দৰং জিলা অনুসূচীত জাতি পৰিষদৰ মাজত সৃষ্টি হোৱা অভিযোগ-প্ৰতিঅভিযোগৰ যুঁজৰ মাজতেই বিষয়টি সন্দৰ্ভত দৰঙৰ এগৰাকী অতিৰিক্ত উপায়ুক্ত আৰু জিলা অনুসূচীত পৰিষদৰ সভাপতি পিংকুমণি দাসে অসম অনুসূচিত জাতি ছাত্র সন্থাৰ সভাপতি যুগল কিশোৰ বনিয়াৰ বিৰুদ্ধে মঙলদৈ থানাত সুকীয়া সুকীয়াকৈ এজাহাৰ দাখিল কৰিছে। উল্লেখ্য যে, যোৱা ১০ জুনত মঙলদৈ প্ৰেছ ক্লাৱত অনুস্থিত কৰা এক সংবাদমেলত অনুসৃচীত জাতি ছাত্ৰ সংগঠনতোৰ সভাপতি যুগল কিশোৰ বণিয়াই দৰং জিলা অনুসৃচীত জাতি পৰিষদৰ সভাপতি পিংকুমণি দাসে অনুসূচিত জাতিৰ ভুৱা প্ৰমাণ পত্ৰ উলিয়াই বিভিন্ন চৰকাৰী সুবিধা যেনে বিদেশী সুৰাৰ দোকান, মঙলদৈ কেন্দ্ৰীয় বিদ্যালয় আদিত অবৈধভাবে সুবিধা লাভ কৰি অহা বুলি গুৰুতৰ অভিযোগ উত্থাপন কৰাৰ লগতে তেওঁৰ এনে কাৰ্যত একাংশ বিষয়া কৰ্মচাৰীয়ে সহায় কৰি অহাৰ অভিযোগ উত্থাপন কৰিছিল। ইয়াৰ পৰবৰ্তী সময়ত দৰং জিলা অনসূচীত জাতি পৰিষদৰ সভাপতি পিংকুমণি দাসে আন এক সংবাদমেল অনুষ্ঠিত কৰি উক্ত অভিযোগ দৃঢ়তাৰে নাকচ কৰাৰ লগতে জনমানসত সভাপতি গৰাকীৰ ভাবমূৰ্তি বিনষ্ট কৰাৰ বিৰুদ্ধে আইনগত বৱস্থা গ্ৰহণ কৰিব বুলি জনাইছিল। সেইমৰ্মে জিলা সভাপতি পংকুমণি দাসে মঙলদৈ থানাত অনুসৃচীত জাতি ছাত্ৰ সংগঠনতোৰ সভাপতি যুগল কিশোৰ বণিয়াৰ বিৰুদ্ধে এজাহাৰ দাখিল কৰিছে।উক্ত এজাহাৰৰ ভিত্তিত মঙলদৈ থানাৰ গোচৰ নম্বৰ ৩৩৮/২০২০ মৰ্মে ভাৰতীয় দণ্ডবিধি আইনৰ ২৯৪(বি),৫০০,৫০৬ মৰ্মে এক গোচৰ পঞ্জীয়ন কৰিছে। অনুৰূপধৰণে দৰঙৰ অতিৰিক্ত উপায়ুক্ত কে ডেকাইয়ো যুগল কিশোৰ বনিয়াৰ বিৰুদ্ধে আন এখন এজাহাৰ দাখিল কৰাত আৰক্ষীয়ে মঙলদৈ থানাৰ গোচৰ নম্বৰ ৩৩৪/২০২০ মৰ্মে ভাৰতীয় দণ্ডবিধি আইনৰ ২৯৪(ক)৩৫৩,৩৮৫,৫০০, ৫০৬ মৰ্মে আন এক গোচৰ ৰুজু কৰিছে।