তৃতীয় বিশ্বযুদ্ধ আসন্ন! ইৰাণৰ ওপৰত ট্ৰাম্পৰ আক্ৰমণৰ পৰিকল্পনা ফাদিলৰ পিছতে এন ৱাই চি ৰেঞ্জত ক্ষেপণাস্ত্ৰ প্ৰস্তুত কৰিলে তেহৰানে৷ এই খবৰে এতিয়া চিন্তিত কৰি তুলিছে বিশ্বৰ বহু দেশক৷ আমেৰিকা আৰু ইৰাণৰ মাজত উত্তেজনা চলি থকাৰ সময়তে চিআইএৰ এজন প্ৰাক্তন বিষয়াই দাবী কৰিছে যে ইৰাণক আক্ৰমণ কৰাৰ সিদ্ধান্ত ইতিমধ্যে লোৱা হৈছে, সোমবাৰ বা মঙলবাৰে এই আক্ৰমণৰ সম্ভাৱ্য দিন স্থিৰ কৰা হৈছে৷ যদি সেয়া সঁচা হয় তেন্তে তৃতীয় বিশ্বযুদ্ধ আসন্ন বুলি বহুতে মন্তব্য কৰা পৰিলক্ষিত হৈছে৷ ট্ৰাম্পে সোমবাৰে ইৰাণৰ ওপৰত আক্ৰমণ কৰিব বুলি ওলোৱা বাতৰিয়ে আন্তঃৰাষ্ট্ৰীয় স্তৰত জোকাৰণি তুলিছে৷ ফলত এতিয়া ঘণ্টীয়া কাউণ্টডাউনত আৰম্ভ হৈছে৷ চিআইএৰ প্ৰাক্তন বিষয়া জন কিৰিয়াক’ৱে তেহৰাণক আক্ৰমণ কৰাৰ চূড়ান্ত সিদ্ধান্ত হোৱাইট হাউছৰ ভিতৰতে লোৱা হৈছে বুলি দাবী কৰি তৃতীয় বিশ্বযুদ্ধৰ সতৰ্কবাণীও দিছে৷

জুলিয়ান ড’ৰী প’ডকাষ্টত ভাষণ দি কিৰিয়াক’ৱে কয় যে মোৰ এজন বন্ধু আছে, এজন প্ৰাক্তন চিআইএ বিষয়া, যি কালি পুৱা হোৱাইট হাউছত বন্ধুসকলৰ সৈতে কথা পাতি আছিল আৰু তেওঁ কয় যে সোমবাৰ বা মঙলবাৰে ইৰাণক আক্ৰমণ কৰাৰ সিদ্ধান্ত লোৱা হৈছে৷অৱশ্যে হোৱাইট হাউছ, পেন্টাগন বা ট্ৰাম্প প্ৰশাসনে এই বিষয়ত কোনো কোনো কথা আনুষ্ঠানিকভাৱে প্ৰকাশ কৰা নাই৷ উল্লেখ্য, ২০২৬ চনৰ ফেব্ৰুৱাৰী মাহলৈকে ইৰাণৰ আশে-পাশে আমেৰিকাই সামৰিক শক্তি যথেষ্ট বৃদ্ধি কৰিছে৷ ইউ এছ এছ আব্ৰাহাম লিংকনৰ নেতৃত্বত দুটা কেৰিয়াৰ ষ্ট্ৰাইক গ্ৰnপে এতিয়া আৰব সাগৰত জ্ঝখন ধবংসকাৰী জাহাজ মোতায়েন কৰিছে৷ জৰ্ডান আৰু কাটাৰৰ ঘাটিসমূহৰ ওপৰেৰে এফ-২২ যুঁজাৰু বিমান আৰু পাৰমাণৱিক ক্ষমতাসম্পন্ন বি-৫২ বোমাৰু বিমানকে ধৰি ২৫০খনতকৈও অধিক যুদ্ধ বিমান উৰা বুলি বহুতে কৈ আহিছে৷ ইপিনে ৰাছিয়াই ইৰাণৰ বাবে দৃঢ় সামৰিক আৰু কাৰিকৰী সমৰ্থনৰ ইংগিত দি আমেৰিকাৰ যিকোনো সম্ভাৱ্য আক্ৰমণক বিপজ্জনক বুলি অভিহিত কৰিছে৷ ক্ৰেমলিনৰ মুখপাত্ৰ দিমিট্ৰি পেস্কোভে কয় যে মস্কোৱে তেহৰানক সমৰ্থন কৰে আৰু চলিত সপ্তাহত দুয়োখন দেশে ওমান উপসাগৰত যৌথ নৌসেনাৰ অনুশীলন অনুষ্ঠিত কৰিছে৷ ইৰাণৰ স্থানসমূহক ৰক্ষা কৰাত সহায়ক হোৱাকৈ ৰাছিয়াই এছ-৪০০ বায়ু প্ৰতিৰক্ষা ব্যৱস্থা স্থাপন কৰিছে বুলিও বাতৰি প্ৰকাশ পাইছে৷ অৱশ্যে মস্কোৱে স্পষ্ট কৰি দিছে যে তেওঁলোকে প্ৰত্যক্ষভাৱে যুদ্ধত ভাগ লোৱাৰ পৰিকল্পনা কৰা নাই আৰু ইয়াৰ পৰিৱৰ্তে ইৰাণক আমেৰিকাৰ নৌসেনাৰ কাৰ্যকলাপ অনুসৰণ কৰাত সহায় কৰি যাব পাৰে৷ ইফালে তেহৰানে আটাইতকৈ বেয়া পৰিস্থিতিৰ বাবে সাজু হোৱাৰ ইংগিত দিছে৷ ইৰাণৰ বিষয়াসকলে সকীয়াই দিছে যে আক্ৰমণ হলে দেশখনে প্ৰত্যক্ষভাৱে আমেৰিকাক লক্ষ্য কৰি ল’ব, য’ত ‘মাজিঅ’ৰ দৰে আন্তঃমহাদেশীয় বেলিষ্টিক মিছাইল [আইচিবিএম]ৰ ব্যৱহাৰো কৰা হব পাৰে৷ যি মিছাইলে নিমিষয়ে ৱাশ্বিংটন আৰু নিউয়ৰ্ক ধবংস কৰি পেলাব পাৰে৷ ইৰাণে ইতিমধ্যে নিজৰ সেনাবাহিনীক সষ্টম কৰি ৰাখিছে, ক্ষেপণাস্ত্ৰ ব্যৱস্থাসমূহ কৌশলগত স্থানত পুনৰ স্থাপন কৰিছে, সামৰিক অনুশীলন চলাইছে আৰু যুদ্ধকালীন সম্ভাৱ্য অশান্তি নিয়ন্ত্ৰণ কৰিবলৈ ঘৰুৱা নিৰাপত্তা বাহিনীক সাজু কৰিছে বুলি বাতৰি ওলাইছে৷

মাৰ্কিন উচ্ছতম ন্যায়ালয়ে ভাৰতকে ধৰি বিশ্বৰ বিভিন্ন দেশত ১০ শতাংশ শুক্ল আৰোপ কৰিবলৈ নিৰ্দেশ দিছিল৷ অতিৰিক্ত শুক্লৰ বিৰুদ্ধে আমেৰিকাৰউচ্ছতম ন্যায়ালয়ে ৰায় দিয়াৰ পিছতো মাৰ্কিন ৰাষ্ট্ৰপতি ট্ৰাম্পে বৃদ্ধি কৰিলে শুক্ল৷ উচ্ছতম ন্যায়ালয়ে দিয়া ৰায়ক ‘হাস্যকৰ আৰু আমেৰিকাবিৰোধী’ বুলি অভিহিত কৰি ট্ৰাম্পে সকলো দেশৰ ওপৰত শুক্ল ১০ শতাংশৰ পৰা ১৫ শতাংশলৈ বৃদ্ধি কৰাৰ কথা ঘোষণা কৰে৷ উচ্ছতম ন্যায়ালয়ৰ ৰায়ৰ পিছত শুকুৰবাৰে ট্ৰাম্পে ২৪ ফেব্ৰুৱাৰীৰ পৰা ১৫০ দিনৰ বাবে ভাৰতকে ধৰি সকলো দেশৰ ওপৰত ১০ শতাংশ শু{¨ আৰোপ কৰিছিল৷ কিন্তু শনিবাৰে তেওঁ সেই শুক্ল ১৫ শতাংশলৈ বৃদ্ধি কৰে৷ অৰ্থাৎ ভাৰতে এতিয়া ১৫ শতাংশ শুক্লৰ সন্মুখীন হ’ব৷

অৱশ্যে ১৮ শতাংশৰ পৰা এই শুক্ল হ্ৰাস পাইছে৷ আমেৰিকাৰ ৰাষ্ট্ৰপতিগৰাকীয়ে কয় যে তেওঁ দেশসমূহৰ ওপৰত শু{¨ৰ হাৰ ১০ শতাংশৰ পৰা আইনীভাৱে পৰীক্ষা কৰি ১৫ শতাংশলৈ বৃদ্ধি কৰিছে, যি তাৎক্ষণিকভাৱে কাৰ্যকৰী হ’ব৷ ট্ৰাম্পে সামাজিক মাধ্যমৰ এটা পোষ্টত কয় যে শুকুৰবাৰৰ পৰা ১০ শতাংশৰ পৰা ১৫ শতাংশলৈ শুক্ল বৃদ্ধি কৰাৰ সিদ্ধান্ত লোৱা হৈছে৷ তেওঁ কয়, ‘আমেৰিকাৰ উচ্ছতম ন্যায়ালয়ে কালি বহু মাহৰ চিন্তা-চৰ্চাৰ অন্তত শুল্ক সম্পৰ্কে জাৰি কৰা হাস্যকৰ, আমেৰিকাবিৰোধী সিদ্ধান্তৰ সম্পূৰ্ণ আৰু বিশদ পৰ্যালোচনাৰ ওপৰত ভিত্তি কৰি এই সিদ্ধান্ত লোৱা হৈছে৷’ তেওঁ লগতে কয়, ‘অহা কিছু মাহৰ ভিতৰত ট্ৰাম্প প্ৰশাসনে নতুন আৰু আইনগতভাৱে অনুমোদিত শুক্ল নিৰ্ধাৰণ আৰু জাৰি কৰিব, যিয়ে আমাৰ অসাধাৰণভাৱে সফল প্ৰক্ৰিয়া ‘মেকিং আমেৰিকা গ্ৰেট এগেইন’ অব্যাহত ৰাখিব৷’ ২০ ফেব্ৰুৱাৰীত ট্ৰাম্পে কয় যে তেওঁ ১৫০ দিনৰ বাবে আমেৰিকালৈ আমদানি কৰা সামগ্ৰীৰ ওপৰত ‘১০ শতাংশ এড ভেল’ৰেমৰ অস্থায়ী আমদানি ছাৰ্চাৰ্জ’ আৰোপ কৰিছে, যিটো ২৪ ফেব্ৰুৱাৰীৰ পৰা কাৰ্যকৰী হ’ব৷ উল্লেখ্য যে ট্ৰাম্পৰ দ্বিতীয় কাৰ্যকালৰ গুৰুত্বপূৰ্ণ অৰ্থনৈতিক কাৰ্যসূচীত এক বৃহৎ বিপৰ্যয়ৰ ৰূপত শুকুৰবাৰে মুখ্য ন্যায়াধীশ জন ৰবাৰ্টছে এক ৰায়দানত কয় যে ট্ৰাম্পে বিশ্বৰ বিভিন্ন দেশৰ ওপৰত আৰোপ কৰা শুক্ল অবৈধ আৰু ৰাষ্ট্ৰপতিয়ে ব্যাপক শু{¨ আৰোপ কৰাৰ সময়ত তেওঁৰ কতৃৰ্ত্ব অতিক্ৰম কৰিছে৷ ইয়াৰ উপৰি হোৱাইট হাউছে জাৰি কৰা তথ্য পত্ৰত কোৱা হৈছে যে ট্ৰাম্পে ১৯৭৪ চনৰ বাণিজ্য আইনখনৰ ১২২নং ধাৰাত নিজৰ কতৃৰ্ত্ব প্ৰয়োগ কৰিছে, যিয়ে ৰাষ্ট্ৰপতিক ছাৰ্চাৰ্জেছ আৰু অন্যান্য বিশেষ আমদানি নিষেধাজ্ঞাৰ জৰিয়তে কিছুমান মৌলিক আন্তঃৰাষ্ট্ৰীয় পেমেণ্ট সমস্যা সমাধান কৰাৰ ক্ষমতা প্ৰদান কৰে৷ তথ্য পত্ৰখনত উল্লেখ কৰা হৈছে যে আমেৰিকাৰ অৰ্থনীতিৰ প্ৰয়োজনীয়তাৰ বাবে কিছুমান সামগ্ৰীৰ ওপৰত অস্থায়ী আমদানি শুক্ল আৰোপ কৰা নহ’ব৷ ৰায়দানৰ মাত্ৰ কেইঘণ্টামান পিছতে শুকুৰবাৰে হোৱাইট হাউছত সাংবাদিকৰ আগত তেওঁ কয় যে শুক্ল সন্দৰ্ভত উচ্ছতম ন্যায়ালয়ৰ ৰায়দান গভীৰভাৱে হতাশাজনক আৰু আদালতৰ কিছুমান সদস্যক লৈ মই লাজ পাইছো, আমাৰ দেশৰ বাবে যিটো উচিত সেইটো কৰাৰ সাহস নোহোৱাৰ বাবে একেবাৰে লাজ পাইছো৷ ইফালে উচ্ছতম ন্যায়ালয়ৰ ৰায়দানৰ পিছত ভাৰতৰ সৈতে বাণিজ্যিক চুক্তিত কোনো পৰিৱৰ্তন হোৱা নাই বুলিও কয় আমেৰিকাৰ ৰাষ্ট্ৰপতিয়ে৷ ট্ৰাম্পে কয়, ‘একোৱেই সলনি নহয়৷ তেওঁলোকে [ভাৰত] শুক্ল পৰিশোধ কৰিব আৰু আমি শুক্ল নিদিওঁ৷ গতিকে ভাৰতৰ সৈতে চুক্তি কৰিলেও তেওঁলোকে শুক্ল দিব৷

এইটো আগতে যি আছিল তাৰ বিপৰীত… গতিকে আমি ভাৰতৰ সৈতে চুক্তি কৰিলো৷ এতিয়া ই এক ন্যায্য চুক্তি আৰু আমি তেওঁলোকক শুক্ল দিয়া নাই আৰু তেওঁলোকে শুক্ল দি আছে৷ আমি অলপ ফ্লিপ কৰিলো৷’ আগষ্ট মাহত আমেৰিকাই ভাৰতৰ ওপৰত ২৫ শতাংশ পাৰস্পৰিক শুক্ল আৰোপ কৰিছিল৷ পিছত ৰাছিয়াৰ খাৰুৱা তেল ক্ৰয়ৰ বাবে অতিৰিক্ত ২৫ শতাংশ আৰোপ কৰা হয়, যাৰ ফলত ভাৰতৰ ওপৰত মুঠ শুক্ল ৫০ শতাংশলৈ বৃদ্ধি পায়৷ চলিত মাহৰ আৰম্ভণিতে দুয়োখন দেশেই অন্তৰ্ৱৰ্তীকালীন বাণিজ্যিক চুক্তি চূড়ান্ত কৰিবলৈ সন্মত হৈছিল, যাৰ অধীনত ৱাশ্বিংটনে শুক্ল ১৮ শতাংশলৈ হ্ৰাস কৰিবলৈ সন্মত হৈছিল৷ ইফালে শনিবাৰে কংগ্ৰেছে চৰকাৰক অন্তৰ্ৱৰ্তীকালীন বাণিজ্য চুক্তি স্থগিত ৰাখি চুক্তিৰ চৰ্তসমূহৰ ওপৰত পুনৰ আলোচনা কৰিবলৈ দাবী জনায়৷ কংগ্ৰেছৰ সাধাৰণ সম্পাদক জয়ৰাম ৰমেশে পুনৰ আলোচনাৰ সময়ত ভাৰতীয় কৃষকৰ স্বাৰ্থ যাতে সম্পূৰ্ণৰূপে সুৰক্ষিত হয় সেয়াও নিশ্চিত কৰিব লাগিব বুলি মন্তব্য কৰে৷ ২০২১-২৫ চনৰ ভিতৰত আমেৰিকা ভাৰতৰ সামগ্ৰীৰ সৰ্ববৃহৎ ব্যৱসায়িক অংশীদাৰ আছিল৷ ভাৰতৰ মুঠ ১৫ানিৰ প্ৰায় ১৮ শতাংশ, আমদানিৰ ৬.২২ শতাংশ আৰু দ্বিপাক্ষিক বাণিজ্যত ১০.৭৩ শতাংশ আমেৰিকাই লাভ কৰে৷ ২০২৪-২৫ চনত দ্বিপাক্ষিক বাণিজ্যই ১৮৬ বিলিয়ন মাৰ্কিন ডলাৰ [৮৬.প্ত বিলিয়ন মাৰ্কিন ডলাৰ ১৫ানি আৰু ৪৫.৩ বিলিয়ন মাৰ্কিন আমদানি] স্পৰ্শ কৰিছিল৷