কেন্দ্ৰীয় চৰকাৰ, অসম চৰকাৰ, আলফাৰ মাজত শান্তি চুক্তি স্বাক্ষৰ।
মুখ্যমন্ত্ৰী হিমন্ত বিশ্ব শৰ্মা, গৃহমন্ত্ৰী অমিত শ্বাহৰ উপস্থিতিত স্বাক্ষৰিত হয় চুক্তি।
আলফাৰ হৈ চুক্তিত স্বাক্ষৰ অৰবিন্দ ৰাজখোৱা, অনুপ চেতিয়া, প্ৰদীপ গগৈ, চিত্ৰবন হাজৰিকা, প্ৰণতি ডেকা, ৰাজু বৰুৱা, শশধৰ চৌধুৰী, মিথিংগা দৈমাৰীৰ।
২০২৪ ৰ আই পি এলৰ বাবে নিজা নিজা ৰণ নীতি সাজু প্ৰতিটো দলৰ । কিন্তু উদ্বেগৰ বিষয়টো হ’ল — এইবাৰ বিভিন্ন ফ্ৰেন্সাইজি দলৰ পাঁচ জনকৈ তাৰকা ক্ৰিকেটাৰ ভিন্ন কাৰণত বাহিৰ হ’ব পাৰে । হাৰ্ডিক পাণ্ডিয়া গুৰুতৰ আঘাতপ্ৰাপ্ত হোৱাৰ বাবেই মুম্বাইৰ ইণ্ডিয়ানছৰ বাবে চিন্তনীয় বিষয় হৈ পৰিছে । বিগত কিছুদিন ধৰি হাৰ্ডিক পাণ্ডিয়াই আঘাতৰ পৰা সুস্থ হৈ উঠা নাই । জানিব পৰা মতে ক্ৰিকেট তাৰকা হাৰ্ডিক পাণ্ডিয়াই আঘাতপ্ৰাপ্ত হোৱাৰ বাবেই আফগানিস্তানৰ টি- টুৱেণ্টী শৃংখলাৰ পৰা অব্যাহতি লয় । তথাপি তেওঁ আই পি এলৰ ২০২৪ ছিজন খেলাৰ বাবে সাজু । ইফালে মহম্মদ ছামিৰ আঘাত গুজৰাট টাইটানছ বাবে চিন্তাৰ বিষয় হৈ উঠিছে ।
টি- টুৱেণ্টী আন্তঃৰাষ্ট্ৰীয় ২০২৪ ৰ প্ৰথম মাহত হ’বলগীয়া মেচত মহম্মদ ছামিয়ে খেলাৰ সম্ভাৱনা নাই । এনে অৱস্থাত ছামিয়ে আই পি এলত খেলিব নে নাই সেয়া বিবেচনাৰ বিষয় হৈ পৰিছে ।
ইফালে দক্ষিণ আফ্ৰিকাৰ বিৰুদ্ধে এদিনীয়া শৃংখলাত টীম ইণ্ডিয়াৰ বিস্ফোৰক বেটাৰ সূৰ্য কুমাৰ যাদৱ আঘাতপ্ৰাপ্ত হৈছিল । আঘাতৰ পাছত সূৰ্য্য কুমাৰ সুস্থ হৈ উঠিবলৈ কিছু সময়ৰ প্ৰয়োজন হ’ব । সেয়েহে তেওঁ আই পি এল ২৪ ৰ বাবে সাজু নে নাই সেয়া লক্ষ্যণীয় হ’ব ।
কিয়নো লোকসভা নিৰ্বাচনৰ বাবে মাৰ্চত আই পি এল ২০২৪ আগতীয়াকৈ আৰম্ভ হ’ব পাৰে । একেদৰে মহেন্দ্ৰ সিং ধোনী আঁঠুৰ সমস্যাত ভুগিছে । যোৱা আই পি এল ছিজনত ক্ৰিকেট তাৰকাগৰাকীৰ এই সমস্যা পৰিলক্ষিত হৈছিল । ২০২৩ ৰ আই পি এলৰ ছিজনত চি এছ কেৰ অধিনায়কজনে কৈছিল যে, ভৱিষ্যতে খেলা- নেখেলা — এই সকলোবোৰ তেওঁৰ শৰীৰে কেনে প্ৰতিক্ৰিয়া দেখুৱাইছে তাৰ ওপৰত নিৰ্ভৰ কৰিব ।
আনফালে আই পি এলৰ লক্ষ্ণৌ ছুপাৰ জায়েন্টছৰ হৈ খেলা আফগানিস্তানৰ নবীন- উল- হক আই পি এলৰ ২০২৪ প্ৰতিযোগিতাৰ পৰা বঞ্চিত হ’ব পাৰে । কিয়নো আফগানিস্তান ক্ৰিকেট বোৰ্ডে তেওঁক আই পি এল টি- টুৱেণ্টী লীগৰ অগ্ৰাধিকাৰ দিয়াৰ বাবে বাধা আৰোপ কৰিছে । পৰৱৰ্তী এমাহত কি হ’ব সেয়া চাবলৈ আকৰ্ষণীয় হ’ব । কিয়নো এ চি বিয়ে নবীন – উল- হকক আই পি খেলিবলৈ আপত্তি বিহীন প্ৰমাণ পত্ৰ দিবলৈ বাধ্য হ’বও পাৰে ।
ৰবটেও মানুহক আক্ৰমণ কৰিব পাৰে। সেই কথাৰ প্ৰমাণ পোৱা গ’ল ইলন মাস্কৰ এটা কাৰখানাত। টেছলাৰ টেক্সাছৰ কাৰখানাত ৰবটৰ আক্ৰমণত এজন কৰ্মী আঘাতপ্ৰাপ্ত হয়। ঘটনাটোৰ কথা স্বীকাৰ কৰিছে টেছলাৰ চিইঅ’ ইলন মাস্কে। তেওঁ দাবী কৰে যে ৰবটটোৰ কোনো দোষ নাই। প্ৰসংগক্ৰমে ইলন মাস্কৰ বিখ্যাত গাড়ী নিৰ্মাতা টেছলাৰ টেক্সাছৰ কাৰখানাৰ কৰ্মীক সহায় কৰিবলৈ তিনিটা ৰবট ৰখা হৈছে। কিন্তু এটা ৰবটে হঠাতে তাত থকা এজন কৰ্মীক কৃত্ৰিম নখৰে আঁচোৰ মাৰি পেলায়। সদ্য প্রকাশিত সংস্থাটোৰ প্রতিবেদনত এই কথা জানিব পৰা গৈছে৷ অৱশ্যে এই ঘটনা তিনি বছৰৰ আগৰ বুলিও দাবী কৰা হৈছে প্ৰতিবেদনত। অৱশ্যে শেহতীয়াকৈ ঘটনাৰ প্ৰত্যক্ষদৰ্শীয়ে এই সন্দৰ্ভত মুকলিকৈ কৈছে। খবৰ অনুসৰি, আক্ৰান্ত কৰ্মীজনে টেক্সাছৰ কাৰখানাটোত চফটৱেৰ ইঞ্জিনিয়াৰ হিচাপে কাম কৰিছিল। তেওঁৰ কাম আছিল নতুন এলুমিনিয়ামৰ পাত কাটি নতুন গাড়ীত ব্যৱহাৰ কৰা।
ঘটনাৰ দিনটোত দুটা ৰবট স্থবিৰ কৰি ৰখাৰ বিপৰীতে এটা ৰবট আংশিকভাৱে কাৰ্যক্ষম হৈ আছিল। প্ৰত্যক্ষদৰ্শীৰ মতে, তৃতীয়টো ৰবটে ক্ষতিগ্ৰস্ত কৰ্মীজনক বাধা দি আছিল। ইয়াৰ পিছতো কৰ্মীজনে কাম কৰি যোৱাৰ লগে লগে ৰবটটোৱে কৃত্ৰিম নখেৰে পিঠি আৰু হাত দুখন খোঁচ মাৰিলে। খবৰ অনুসৰি ৰবটে আক্ৰমণ কৰাৰ পিছত দুৰ্ঘটনাস্থলী তেজেৰে লুতুৰি-পুতুৰি হৈ পৰে। ততাতৈয়াকৈ চিকিৎসালয়লৈ লৈ যোৱা হয় কৰ্মীজনক। এজন সহকৰ্মীয়ে লগে লগে জৰুৰীকালীন ‘ষ্টপ’ বুটাম বা ‘জৰুৰীকালীন’ বুটামটো টিপে। ফলত অভিযন্তাজন ৰবটৰ হাতৰ পৰা সাৰি যাব পাৰে। টেছলাৰ বৰ্তমান আৰু প্ৰাক্তন কৰ্মচাৰীসকলে অৱশ্যে অভিযোগ কৰে যে টেছলা কোম্পানীয়ে নিৰ্মাণ, ৰক্ষণাবেক্ষণ আৰু পৰিচালনাৰ ক্ষেত্ৰত প্ৰায়ে আপোচ কৰে, যাৰ ফলত কৰ্মীসকল বিপদত পৰে। আমেৰিকাৰ অকুপেচনেল ছেফটি এণ্ড হেল্থ এডমিনিষ্ট্ৰেচন (OSHA)ক দাখিল কৰা প্ৰতিবেদন অনুসৰি ২০২১ আৰু ২০২২ চনত টেছলাৰ টেক্সাছৰ কাৰখানাটো বছৰত এবাৰহে পৰিদৰ্শন কৰা হৈছিল। বিশেষকৈ যেতিয়া টেছলাৰ টেক্সাছৰ কাৰখানাত আন কাৰখানাতকৈ দুৰ্ঘটনা বা আঘাতৰ হাৰ বেছি।
নাছাই প্ৰেৰণ কৰা ৰভাৰে দিছে মঙল গ্ৰহ সন্দৰ্ভত নিত্য নতুন তথ্য । তথ্য মংগল গ্ৰহো বানপানী হৈছিল। মংগল গ্ৰহৰ পৃষ্ঠত সঁচাকৈয়ে লাখ লাখ বছৰৰ আগতে পানী আছিল আৰু সম্ভৱতঃ জীৱও আছিল বুলি বিজ্ঞানীসকলে ধাৰণা কৰিছে। কিন্তু পিছৰটোৰ নিৰ্ণায়ক প্ৰমাণ এতিয়াও পোৱা গৈছে। কিন্তু বিজ্ঞানীসকলে নিশ্চিত যে মংগল গ্ৰহ এসময়ত জলজ পৃথিৱী আছিল। মংগল গ্ৰহৰ পৃষ্ঠত গুৰুত্বপূৰ্ণ পৰ্যবেক্ষণ কৰি ঘূৰি ফুৰা নাছাৰ ৰভাৰখনে শেহতীয়াকৈ পানী ছিটিকি পৰাৰ প্ৰমাণ পাইছে। চলিত মাহৰ আৰম্ভণিতে নাছাই প্ৰকাশ কৰিছিল এখন ফটো। প্ৰজাৰ্ভেন্সৰ মাষ্টকেম-জেড কেমেৰাই ধৰা এই ছবিখনত মংগল গ্ৰহৰ জেজিৰ’ ক্ৰেটাৰত ইফালে সিফালে বিয়পি থকা শিল আৰু শিলগুটিৰ সংগ্ৰহ দেখা গৈছে।
নাছাই কয় যে ফটোখনত দেখা পোৱা শিল আৰু শিলগুটিবোৰ ‘কোটি কোটি বছৰৰ আগতে প্ৰবল বানপানীৰ পানীত উটি আহিছিল।
মালাইকা অৰোৰা পোষ্ট: ছচিয়েল মিডিয়াত অতি সক্ৰিয় মালাইকা অৰোৰা। প্ৰতিদিনে কিবা নহয় কিবা এটা শ্বেয়াৰ কৰে মালাইকা অৰোৰাই। এইবাৰ শ্বেয়াৰ কৰিছে এটা ৰহস্যময় পোষ্ট। ব্যক্তিগত জীৱনৰ বাবে প্ৰায়ে লাইমলাইটত থাকে মালাইকা অৰোৰা। অভিনেত্ৰী মালাইকা অৰোৰা প্ৰাক্তন স্বামী আৰবাজ খানৰ দ্বিতীয় বিবাহৰ পিছতে পুনৰ লাইমলাইটলৈ আহিছে মালাইকা। তেওঁ ছ’চিয়েল মিডিয়াত এটা পোষ্ট শ্বেয়াৰ কৰিছে যিটো ভাইৰেল হৈ পৰিছে। এই পোষ্টটোত মালাইকাই লিখিছে যে তেওঁৰ যি আছে তাৰ বাবে কৃতজ্ঞ। মালাইকা অৰোৰাই নিজৰ ইনষ্টাগ্ৰাম ষ্ট’ৰীত এটা পোষ্ট শ্বেয়াৰ কৰিছে। য’ত লিখা আছিল- মই সাৰ পালোঁ, মোৰ পিন্ধিবলৈ কাপোৰ আছে, খাবলৈ খাদ্য আছে, মই কৃতজ্ঞ।
২০১৭ চনত মালাইকা অৰোৰা আৰু আৰবাজ খানৰ মাজত বিচ্ছেদ হয়। ইয়াৰ পিছত ২৪ ডিচেম্বৰত আৰবাজে মেকআপ আৰ্টিষ্ট শ্বুৰা খানৰ সৈতে বিবাহপাশত আবদ্ধ হয়। কেৱল পৰিয়ালৰ সদস্য আৰু কিছুমান বিশেষ বন্ধু-বান্ধৱীয়েহে বিয়াত উপস্থিত আছিল। আৰবাজৰ বিয়াত মালাইকা উপস্থিত নাথাকিলেও পুত্ৰ আৰহান উপস্থিত আছিল।
আজিকালি মালাইকা অৰোৰাক নৃত্যৰ ৰিয়েলিটি শ্ব’ ঝলক দিখলা জাত বিচাৰক হিচাপে দেখা গৈছে। শ্ব’টোৰ নতুন প্ৰ’ম’ ভাইৰেল হৈ পৰিছে য’ত ফাৰাহ খানে মালাইকাক দ্বিতীয় বিবাহৰ বিষয়ে সুধিছে। ফাৰাহে মালাইকাক সুধিছে যে ২০২৪ চনত তেওঁ একক পিতৃ-মাতৃ আৰু অভিনেত্ৰীৰ পৰা ডাবল অভিভাৱক অভিনেত্ৰীলৈ সলনি হ’ব নেকি? ইয়াৰ পিছত গৌহৰে তেওঁক বুজাই দিয়ে যে তাই পুনৰ বিয়া হ’ব নেকি বুলি সুধিছে? ইয়াৰ উত্তৰত মালাইকাই কয় যে যদি যদি কোনোবা আছে তেন্তে মই তেওঁক বিয়া কৰাম।
দেশত পুনৰ কোভিডৰ ত্ৰাসে গা কৰি উঠিছে। কৰোনা ভাইৰাছৰ নতুন উপ-প্ৰকাৰ জে.এন.১কলৈ এতিয়া উদ্বেগ বৃদ্ধি পাইছে। দেশত এতিয়া প্ৰায় ৫০০০ লোক কৰোনাৰ দ্বাৰা সংক্ৰমিত হৈছে। স্বাভাৱিকতে সেয়ে উদ্বেগ বাঢ়ি আহিছে। দেশত ক্ৰমাগতভাৱে বৃদ্ধি পাইছে কৰ’না সংক্ৰমণৰ ঘটনা বৃদ্ধিৰ সময়তে ক’ভিডৰ নতুন ভেৰিয়েণ্ট এইবাৰ দিল্লীত ধৰা পৰিছে। ৰাজধানীত চহৰ খনত প্ৰথমগৰাকী ৰোগী নতুন প্ৰজাতিৰ কোভিডতআক্ৰান্ত হোৱাৰ তথ্য দিছে দিল্লীৰ স্বাস্থ্যমন্ত্ৰী সৌৰভ ভৰদ্বাজে । ৩টা নমুনাৰ ভিতৰত এটাত নতুন প্ৰজাতি জে এন ১ ভেৰিয়েন্ট পোৱা গৈছে। সমগ্ৰ দেশতে জে এন ১ ভেৰিয়েন্টৰ ৰোগীৰ সংখ্যা ১১০লৈ বৃদ্ধি পাইছে।বুধবাৰে ভাৰতত ৫২৯জন নতুনকৈ কৰ’নাত আক্ৰান্ত ৰোগী ধৰা পৰে।ইয়াৰ লগে লগে মুঠ সক্ৰিয় ৰোগীৰ সংখ্যা ৪,০৯৩লৈ বৃদ্ধি পাইছে।কৰ’না ভাইৰাছৰ বাবে দেশত ৩জন লোকৰ মৃত্যু হৈছে। প্ৰশ্ন উত্থাপিত হৈছে এনে পৰিস্থিতিত পুনৰ কোভিড ভেকছিন ল’বলগীয়া হ’ব নেকি?
দেশৰ কোভিড-১৯ পেনেলৰ মুৰব্বীয়ে এই প্ৰশ্নৰ উত্তৰ দিছে। ইণ্ডিয়া-এছএআৰএছ-চিঅ’ভি২ জিনোমিক্স কনচৰ্টিয়ামৰ মুৰব্বী ড০ এন কে অৰোৰাই কয় যে নতুন প্ৰজাতিয়ে আশংকা বৃদ্ঘি কৰিলেও পৃথক ভেকছিনৰ কোনো প্ৰয়োজন নহ’ব। কিন্তু তেওঁ সাৱধানতাৰ বিষয়ত অধিক জোৰ দিছে। ডাঃ অৰোৰাই কয় যে ৬০ বছৰ বা তাতকৈ অধিক বয়সৰ লোক, যাৰ কোমৰ্বিডিটি আছে বা শৰীৰৰ ৰোগ প্ৰতিৰোধ প্ৰণালী দুৰ্বল,তেওঁলোকে অধিক সাৱধান হোৱা প্ৰয়োজন। তেওঁ ক’লে, ” সপ্তাহত বিভিন্ন অঞ্চলত নতুন উপ-প্ৰকাৰ উপস্থিতি ধৰা পৰিছে।
আমি এতিয়ালৈকে কোভিডৰ ৪০০ ৰো অধিক উপ-প্ৰকাৰ বিচাৰি পাইছো। কিন্তু সৌভাগ্যক্ৰমে, কোনো অমাইক্ৰন প্ৰকাৰ অধিক বিপজ্জনক নহয় বা চিকিৎসালয়ত ভৰ্তি হোৱাৰো প্ৰয়োজন নহয়।” ইফালে, বিশ্ব স্বাস্থ্য সংস্থাই কৈছে যে যোৱা এমাহত বিশ্বজুৰি কৰোনাৰ ঘটনা ৫২ শতাংশ বৃদ্ধি পাইছে। কিন্তু এয়া স্পষ্ট নহয় যে কিমান শতাংশ লোক নতুন উপ-প্ৰকাৰৰ দ্বাৰা সংক্ৰমিত হৈছে।
যুৱক-যুৱতীসকলক দক্ষতা বিকাশৰ প্ৰশিক্ষণ সন্দৰ্ভত অসম অভিযান্ত্ৰিক প্ৰতিষ্ঠানৰ অধ্যক্ষৰে আলোচনাত মিলিত হয় পিপিএফৰ প্ৰতিনিধিৰ দল। আজি পুৱা অসম অভিযান্ত্ৰিক প্ৰতিষ্ঠান চান্দমাৰী গুৱাহাটীৰঅধ্যক্ষ ডঃ হিতেশ তহবিলদাৰৰ সৈতে. যুৱক-যুৱতীসকলৰ দক্ষতা বিকাশৰ প্ৰশিক্ষণ সন্দৰ্ভত পিপিএফে কৰা আলোচনা অতি ফলপ্ৰসূ হোৱা বুলি সংস্থাটোৱে কৈছে। আলোচনাত পিপিএফৰ ৰফিক আহমেদ লস্কৰ, উপাধ্যক্ষ পিপিএফ, হাৰুণ আল ৰছিদআদিয়ে অংশগ্ৰহণ কৰে।
আলোচনাত এক যুটীয়া উদ্যোগেৰে কাম কৰিবলৈ পিপিএফৰ পৰা আগ্ৰহৰ কথা সদৰী কৰে। অসম অভিযান্ত্ৰিক প্ৰতিষ্ঠানৰ সহযোগত ভাৰতীয় উদ্যোগ প্ৰতিষ্ঠান চান্দমাৰীয়ে অসম অভিযান্ত্ৰিক প্ৰতিষ্ঠান চান্দমাৰীত বিভিন্ন বিনামূলীয়াকৈ চাকৰিমুখী পাঠ্যক্ৰমৰ বাবে প্ৰশিক্ষণ আৰম্ভ কৰিবলৈ পিপিএফৰ তৰফৰ পৰা ভ্হান জনৱা হয়। পিপিএফে আশা কৰে যে অতি সোনকালেইসংস্থাৰ পত্ৰৰ উত্তৰ দিব আৰু তাৰ আধাৰত পিপিএফে বিপিএল প্ৰাৰ্থীসকলক প্ৰয়োজনীয় সমৰ্থন আগবঢ়োৱাৰ বাবে আগবাঢ়িব পাৰিব। পিপিএফ বোৰ্ডে উপযুক্ত বুলি অনুভৱ কৰা নিবনুৱা যুৱক-যুৱতীসকলৰ বাবে এটা ভাল সুযোগ দিবলৈ ইচ্ছা কৰিছে। পিপিএফে অৱসৰপ্ৰাপ্ত অধ্যক্ষ ড০ মনচুৰ হিলাল মজুমদাৰ প্ৰতিও কৃতজ্ঞতা জ্ঞাপন কৰে।
পাকিস্তানত নৱবৰ্ষ উদযাপনত নিষেধাজ্ঞা প্ৰধানমন্ত্ৰী আনৱাৰ হক কাকাৰৰ। ‘গাজা আৰু পশ্চিম তীৰত নিৰীহ শিশুৰ হত্যাকাণ্ড আৰু নিৰস্ত্ৰ পেলেষ্টাইনীসকলৰ গণহত্যাক লৈ পাকিস্তানী জাতি আৰু মুছলমান সকল যন্ত্ৰণাত ভুগিছে। পাকিস্তানৰ প্ৰধানমন্ত্ৰী আনৱাৰুল হক কাকাৰে বৃহস্পতিবাৰে ঘোষণা কৰে যে গাজাত জনসাধাৰণৰ সৈতে সংহতি প্ৰকাশৰ বাবে দেশত নৱবৰ্ষ উদযাপনৰ ওপৰত নিষেধাজ্ঞা আৰোপ কৰা হৈছে। লগতে পেলেষ্টাইনীসকলৰ সৈতে সংহতি প্ৰদৰ্শন কৰিবলৈ আৰু নতুন বছৰত সংযম আৰু নম্ৰতা প্ৰদৰ্শন কৰিবলৈ আহ্বান জনায়।
পেলেষ্টাইনৰ গুৰুতৰভাৱে উদ্বেগজনক পৰিস্থিতিৰ কথা মনত ৰাখি আৰু আমাৰ পেলেষ্টাইনী ভাই-ভনীসকলৰ সৈতে সংহতি প্ৰদৰ্শন কৰিবলৈ চৰকাৰে নৱবৰ্ষৰ বাবে যিকোনো ধৰণৰ অনুষ্ঠান অনুষ্ঠিত কৰাত কঠোৰ নিষেধাজ্ঞা আৰোপ কৰিব বুলিও পাকিস্তানৰ প্ৰধানমন্ত্ৰীগৰাকীয়ে কয়। গাজাত চলি থকা যুদ্ধৰ বাবে এই সিদ্ধান্ত প্ৰধানমন্ত্ৰীগৰাকীৰ।
ড০ উত্তম দাস লৈ ‘চিলাপথাৰ ৰত্ন বঁটা’
সাৰথি চতুৰ্থ বাৰ্ষিক অধিবেশনৰ প্ৰস্তূতি
ধেমাজি জিলাৰ বৃহত্তৰ চিলাপথাৰ অঞ্চলৰ অগ্ৰনী স্বেচ্ছাসেৱক অনুষ্ঠান ‘সাৰথি’ স্বেচ্ছাসেৱী সংস্থাৰ চতুৰ্থ বাৰ্ষিক সাধাৰণ অধিবেশনখনি দিনজোৰা কাৰ্যসূচীৰে অহা ৩০ ডিচেম্বৰ তাৰিখে চিলাপথাৰ ৰাজহুৱা প্ৰেক্ষাগৃহত অনুষ্ঠিত হ’ব। অধিৱেশনৰ বাবে এতিয়া দিনে নিশাই অব্যাহত ৰাখিছে প্ৰস্তূতিৰ কাম। ইতিমধ্যেই পতাকা বেদী, শ্বহীদ বেদীৰ লগতে বিভিন্ন কাম-কাজ প্ৰায় ৮০ শতাংশ সম্পূৰ্ণ হৈ উঠিছে। বিভিন্ন সমযত আৰ্তজনৰ কাষত থিয় দিয়া সাৰথিয়ে এইবাৰ অধিৱেশনৰ লগত সংগতি ৰাখি ৪ গৰাকী ব্যক্তি ক্ৰমে – দাপোন ভাষাৰ গৱেষক ড০ উত্তম দাস (চিলাপথাৰ ৰত্ন বঁটা)
উষা বুঢ়াগোহাঁই (কবি বন্ধু বঁটা), গোপাল চন্দ্ৰ দেব (সাৰথি শৈক্ষিক বঁটা) আৰু নৃপেন বৰঠাকুৰক (সাৰথি সাংকেতিক বঁটা) প্ৰদান কৰাৰ লগতে জিলা খনৰ বিভিন্ন ক্ষেত্ৰত অনবদ্য সেৱা আগবঢ়োৱাৰ ১৭ জন কৈ সমাজকৰ্মী, শিক্ষাবিদ, বিশিষ্ট ব্যক্তিক বিশেষ সম্বৰ্ধনা জনোৱা হ’ব। কাৰ্যসূচী মৰ্মে পুৱা সামূহিক চাফাই অভিযানেৰে আৰম্ভণি হোৱা কাৰ্যসূচীত বৃক্ষৰোপণ , সাৰথি পতাকা উত্তোলন কৰিব সাৰথি ৰ সভানেত্ৰী অমিলতা টায়ে মিলি, স্মৃতি তৰ্পণ কৰিব
সচিব মনোজ কুমাৰ দাসে, প্ৰতিনিধি নাম পঞ্জীয়ন কৰিব প্ৰসেনজিৎ নমশুদ্ৰ ই, সন্ধিয়া দিহা নাম প্ৰৰ্দশন, প্ৰয়াত সাৰথি উপদেষ্টা কুমুদ চন্দ্ৰ দত্তলৈ শ্ৰদ্ধাঞ্জলি, সন্ধিয়া ৬ বজাত সাৰথিৰ মুখপত্ৰ ‘সাৰথি বাৰ্তা’ উন্মোচন কৰিব বিশিষ্ট সাংবাদিক মৃদুপৱন চুতীয়াই, সন্ধিয়া ৭ বজাত আদৰনী সমিতিৰ সভাপতি ভুবন দাসৰ সভাপতিত্ব অনুষ্ঠিত মুকলি সভাত অঞ্চলটোৰ দল সংগঠনৰ লগতে বহু গণ্য মান্য ব্যক্তি উপস্থিত থাকিব। অনুষ্ঠানত সকলো ৰাইজৰ সহায় সহযোগিতা কামনা কৰিছে আদৰনী সমিতিয়ে।
শম্ভু দাস চিলাপথাৰ
কাছাৰৰ বৰখলাত গ্ৰেপ্তাৰ সাংবাদিকসহ ৪ গৰাকী ড্ৰাগছ সৰবৰাহকাৰী৷ গ্ৰেপ্তাৰ মুন্না খান, আজাউৰ ৰহমান, আচিবুৰ ৰহমান, বিশাল বৈদ্য৷ ধৃত মুন্না খানৰ পৰা এখন প্ৰেছ পৰিচয় পত্ৰ জব্দ আৰক্ষীৰ৷
আটাইকেইটাৰ পৰা উদ্ধাৰ বুজন পৰিমাণৰ হেৰ’ইন৷ বৰখলা টোলগেটত চলোৱা অভিযানত জব্দ হেৰ’ইনখিনি৷
AS06-E-7979 নম্বৰৰ বাহনখনৰ পৰা জব্দ হেৰ’ইন৷ দুটা চাবোনৰ বাকচত সৰবৰাহ কৰিছিল বুজন পৰিমাণৰ হেৰ’ইনখিনি৷
