‘এতিয়া অসমীয়া ভাষা সংস্কৃতিলৈ প্ৰত্যাহ্বান নামি আহিছে । এক সৰ্বভাৰতীয় সংস্কৃতিয়ে গ্ৰাস কৰিছে অসমীয়া ভাষা সংস্কৃতি। আমাক সৰ্বভাৰতীয় পৰম্পৰা লাগিব কিন্তু , সৰ্বভাৰতীয় পৰম্পৰাৰ নামত নিজৰ সংস্কৃতি হেৰাই পেলাব নোৱাৰো।’- এইদৰে কয় অসম সাহিত্য সভাৰ প্ৰধান সম্পাদক উপেন্দজিৎ শৰ্মাই ।
দেওবাৰে মঙলদৈ জিলা পুথিভঁৰালত অনুস্থিত দৰং জিলা সাহিত্য সভাৰ সোনালী জয়ন্তী উৎসলত অংশগ্ৰহণ কৰি তেও কয় যে, এটা জাতি জীয়াই থাকিব ভাষা আৰু সংস্কৃতিৰ জড়িয়তেহে। যি জাতিয়ে ভাষা আৰু সংস্কৃতি চিনি নাপায় সেই জাতিক কোনো ৰাজনৈতিক শক্তিয়ে জীৱাই ৰাখিব নোৱাৰে বুলি কয়। সোনালী জয়ন্তী উপলক্ষে লেখক সাংবাদিক মুকুট ৰাজ শৰ্মাৰ সম্পাদনাত প্ৰকাশিত দৌৰঙ্গ সৌৰভ স্মৃতি গ্ৰন্থ উত্মোচন কৰি সাহিত্য সভাৰ প্ৰধান সম্পাদক জনে কয় যে যিখন ঠাইত ভাষাটো ৰক্ষাৰ কাৰণে তেজাল যুৱখ শ্বহীদ হৈছিল সেই দৰং জিলাৰ সংস্কৃতিৰ ক্ষেত্ৰত এক সুকীয়া পৰিচয় আছে ।
জিলা সম্পাদক বসন্ত শইকীয়া আৰু সোনালী জয়ন্তী উৎসৱ উদযাপনৰ সম্পাদক ৰানা আলমে আত ধৰা সোনালী জয়ন্তী উৎসৱ উদযাপনৰ সম্পাদক গৌতামানন্দ গোস্বামীয়ে উদ্দেশ্য বাখ্যা কৰা জিলা সাহিত্য সভাৰ সভাপতি ৰজনীকান্ত নাথৰ সভাপতিত্বত অনুস্থিত সভাখনত লিখিত আদৰণি ভাষন পাঠ কৰে জিলা আয়ুক্ত তথা সোনালী জয়ন্তী উদযাপন সমিতিৰ সভাপতি মুনিন্দ্ৰ নাথ ঙাটেয়ে ।
তেও ভাষণত কয় যে চিৰ চেনেহী মোৰ ভাষা জননী এই মহা মন্তৰে উদ্বুদ্ধ অসম সাহিত্য সভা হল কসম তথখ উত্তৰ পূৰ্বাঞ্চলৰ বৃহৎ জাতীয় অনুস্থান । অসমীয়া জাতীয় সংহতি সুদৃঢ় কৰাৰ লগতে অসমীয়া ভাষা – সাহিত্য আৰু সংস্কৃতি উত্তৰণত অহোপুৰুষাৰ্থ কৰি অহা এই জাতীয় অনুস্থানটি সমগ্ৰ অসম বাসীৰ অতি চেনেহৰ আৰু হিয়াৰ আমঠু স্বৰূপ । অসম সাহিত্য সভাৰ প্ৰাক্তন উপ সভাপতি অধ্যাপক ইদ্দিছ আলিয়ে উদ্বোধন কৰা সভাত ৰবীন্দ্ৰনাথ বিশ্ববিদ্যালয়ৰ উপাচাৰ্য ড অমেলেন্দু চক্ৰৱৰ্তীয়ে বক্তব্য আগবঢ়াই স্হানীয় ভাষা আৰু আন্তঃৰাষ্ট্ৰীয় ভাষাৰ এক গভীৰ বিশ্লেষণ দাঙি ধৰে ।
অসম সাহিত্য সভাৰ উপ সভাপতি গিৰিশ সন্দিকৈ , কুহীৰ আহ্বায়ক অজিত কুমাৰ শৰ্মা , অসম চৰকাৰৰ মন্ত্ৰী চন্দ্ৰ মোহন পাটোৱাৰী , মঙলদৈ সমষ্টিৰ বিধায়ক বসন্ত দাসে বক্তব্য আগবঢ়াই । সভাত জিলা সাহিত্য সভাৰ প্ৰাক্তন সভাপতি , উপ সভাপতি আৰু সম্পাদক সকলে অংশগ্ৰহণ কৰে ।
ইয়াৰ পূৰ্বে পূৱা বিভিন্ন জাতি জনগোষ্ঠীৰ কলা সংস্কৃতিৰ অংশগ্ৰহণৰে মঙলদৈ চহৰত উলিওৱা হয় বিশাল সাংস্কৃতিক শোভাযাত্ৰা ।
