পুনৰ ৰে’ল দুৰ্ঘটনা।
অন্ধ্ৰপ্ৰদেশৰ ৰে’ল দুৰ্ঘটনাত ৯ জনলৈ বৃদ্ধি মৃতকৰ সংখ্যা৷
দুৰ্ঘটনাত গুৰুতৰভাৱে আহত ২৯ গৰাকী যাত্ৰী৷
দুখন ৰে’লৰ মাজত সংঘটিত এই ভয়ানক সংঘৰ্ষ৷
বিজিয়ানাগৰাম জিলাত যাত্ৰীবাহী ৰে’লৰ ৩টাকৈ দবা লাইনচ্যুত।
পশ্চিম বংগৰ মুখ্যমন্ত্ৰী মমতা বেনাৰ্জীয়ে অন্ধ্ৰ ৰে’লৰ দুৰ্ঘটনাক লৈ ৰে’ল মন্ত্ৰী অশ্বিনী বৈষ্ণৱক তীব্ৰ সমালোচনা কৰি প্ৰশ্ন কৰে।
মহানগৰীৰ চন্দ্ৰপুৰত ভয়ংকৰ দুৰ্ঘটনা।
সুৰামত্ত চালকে মহটিয়ালে মহিলাসহ এখন বাহন। দুৰ্ঘটনাত আহত গংগা চৌধুৰী নামৰ এগৰাকী মহিলা।
দুৰ্ঘটনা সংঘটিত কৰা বাহনত উদ্ধাৰ সুৰাৰ বটল আৰু মাংস।
চন্দ্ৰপুৰৰ পৰা নাৰেংগী অভিমুখী আছিল বাহনখন।
কেৰালাৰ ত্ৰিচুৰ জিলাৰ এজন ব্যক্তিয়ে কালামাচেৰীত অনুষ্ঠিত এক প্ৰাৰ্থনা সভাত ধাৰাবাহিক বিস্ফোৰণ ঘটনাৰ দায়িত্ব স্বীকাৰ কৰিছে।
ডমিনিক মাৰ্টিন নামৰ লোকজনে দেওবাৰে ৰাতিপুৱা তিনিটা বিস্ফোৰণ সংঘটিত হোৱা সন্মিলন কেন্দ্ৰত বোমাটো স্থাপন কৰা বুলি দাবী কৰিছে, আৰক্ষীয়ে জনায়।
কেৰালাৰ এডিজিপি (আইন-শৃংখলা) এম আৰ অজিত কুমাৰে কয়, “এজন ব্যক্তিয়ে ত্ৰিচুৰ গ্ৰাম্যৰ কোডাকাৰা আৰক্ষী থানাত আত্মসমৰ্পণ কৰিছে, তেওঁ এইটো কৰিছে বুলি দাবী কৰি। তেওঁৰ নাম ডমিনিক মাৰ্টিন আৰু তেওঁ দাবী কৰে যে তেওঁ একেটা সভাৰ গোটৰ আছিল। আমি ইয়াক প্ৰমাণিত কৰি আছো। আমি এই গোচৰটোৰ সকলো দিশ বিচাৰি আছো… বিস্ফোৰণটো হলৰ কেন্দ্ৰীয় অংশত সংঘটিত হৈছিল।”
অৱশ্যে আৰক্ষীয়ে এতিয়ালৈকে নিশ্চিত কৰা নাই যে তেওঁ বিস্ফোৰণৰ আঁৰত আছিল নে নাই। মানুহজনক বিতংভাৱে প্ৰশ্ন কৰা হৈছে।
প্ৰাথমিক অনুসন্ধান অনুসৰি, বিস্ফোৰকবোৰ এটা টিফিন বাকচত ভৰ্তি কৰা হৈছিল আৰু প্ৰথম বিস্ফোৰণটো পুৱা ৯:৪০ বজাত খবৰ পোৱা গৈছিল। আক্ৰমণটোত এটা ইম্প্ৰুভাইজড এক্সপ্লোচিভ ডিভাইচ (আইইডি) ব্যৱহাৰ কৰা হৈছিল, কেৰালাৰ ডিজিপি শইক দৰবেশ চাহেবে কয়।
ইফালে, কেৰালাৰ মুখ্যমন্ত্ৰী পিনাৰাই বিজয়নে সোমবাৰে পুৱা ১০ বজাত সচিবালয়ত সৰ্বদলীয় বৈঠকৰ আহ্বান জনায়। তেওঁ বিস্ফোৰণ সন্দৰ্ভত এখন উচ্চ পৰ্যায়ৰ বৈঠকত সভাপতিত্ব কৰাৰ সম্ভাৱনা আছে।
“এইটো এটা অতি দুৰ্ভাগ্যজনক ঘটনা। আমি ঘটনাটোৰ সন্দৰ্ভত বিৱৰণ সংগ্ৰহ কৰি আছো। এৰ্নাকুলামৰ সকলো শীৰ্ষ বিষয়া তাত আছে। আমি ইয়াক অতি গুৰুত্বসহকাৰে লৈছো। মই ডিজিপিৰ সৈতে কথা পাতিছো আৰু তদন্তৰ পিছত আমি অধিক বিৱৰণ লাভ কৰিম,” তেওঁ কয়।
প্ৰাৰ্থনা সভাত উপস্থিত থকা প্ৰত্যক্ষদৰ্শীয়ে কৈছিল যে তেওঁলোকে একাধিক বিস্ফোৰণৰ শব্দ শুনিছিল, যাৰ পিছত জুই লাগিছিল।
আলুত নিম্নোল্লেখিত ধৰণে ৰাসায়নিক পদাৰ্থসমূহ পোৱা যায়, যিবোৰ দেহৰ বাবে অত্যাৱশ্যকীয়। প্ৰ’টিন ১.৬ শতাংশ, কাৰ্ব’হাইড্ৰেট ২৩ শতাংশ, কেলচিয়াম ০.০১ শতাংশ, ফছফৰাছ ০.০৩ শতাংশ, লৌহ পদাৰ্থ ০.৭ মি:গ্ৰাম(১০০ গ্ৰামত) আৰু খাদ্যপ্ৰাণ-এ, বি-২, নিয়াচিন আৰু খাদ্যপ্ৰাণ চি(গ) পোৱা যায়। খাদ্যপ্ৰাণ-গ(ভিটামিন চি) থকা বাবে আলু স্কাৰ্ভি(Scurvy) ৰোগ নাশক। অৱশ্যে নতুন সজীৱ আলুতহে আশানুৰূপ ধৰণে খাদ্যপ্ৰাণ গ পোৱা যায়। পুৰণা আলুত ইয়াৰ পৰিমাণে ক্ৰমে কমি যায়।
আলু সাধাৰণতে সকলো প্ৰকাৰৰ পাচলিৰ সৈতে মিহলাই খাব পাৰি ইয়াৰ প্ৰধানতম বৈশিষ্ট এয়ে যে এইবিধ সামগ্ৰীক যিহৰ সৈতে মিহলোৱা যায় তাৰেই ই পুষ্টিগুণ বৰ্দ্ধন কৰি তোলে বুলি কোৱা হয়। আলুত থকা ক্ষাৰকীয় উপাদানে তেজৰ ইউৰিক এচিডৰ পৰিমাণ কম কৰে। সেইবাবে ই ‘গাইট’ ৰোগতো উপকাৰী।
খৰ আদি চৰ্মৰোগত আলু মিহিকৈ পিহি লগালে আৰু ইয়াৰ ৰস সেৱন কৰিলে যথেষ্ট সুফল পোৱা যায়। উচ্চ ৰক্তচাপ ৰোগতো আলু উপকাৰী। খাদ্য বিশেষজ্ঞসকলৰ মতে ৰক্তচাপ নিয়ন্ত্ৰণ কৰি ৰাখিব বিচৰাসকলৰ বাবে আলু এবিধ উত্তম খাদ্য দ্ৰব্য। আলুত থকা মেগনেছিয়ামে উচ্চ ৰক্তচাপ প্ৰশমিত কৰে। অম্লপিত্ত ৰোগীৰ বাবেও আলু উপকাৰী। জুয়ে পোৰাতো এক উত্তম ঔষধ হিচাপে আলু অনন্য। কেঁচা আলু পিহি পোৰা অংশত লগালে পোৰণি প্ৰশমিত হয় আৰু ঘা সোনকালে শুকায়। এনেহেন বহুগুণী আলু খাদ্যৰ প্ৰধান উপাদান হিচাপে গ্ৰহণ কৰি নি:সন্দেহে আমি নিজৰ সুস্বাস্থ্য সুনিশ্চিত কৰিব পাৰোঁ।
লেখক:ভুৱনেশ্বৰ ডেকা
VIP ছাগলী চোৰক ৰাইজৰ লপাথপা ।
উত্তেজিত ৰাইজে ভাঙি চুৰ্মাৰ কৰিলে VIP বাহন।
ঘটনা স্থলীত আৰক্ষী উপস্হিত হৈ পৰিস্থিতি নিয়ন্ত্ৰণ ।
দৰং জিলাৰ কলাইগাওঁ সমষ্টিৰ অন্তৰ্গত বৰবাগান চাহ বাগিছাৰ মাজ মজিয়াত VIP ছাগলী চূৰক ৰাইজে খেদি খেদি কৰিলে আটক ।
পিছত ৰাইজে লফা থপা দি গতালে আৰক্ষীক।
ৰাইজে ছাগলী চুৰি কৰি অনা VIP বাহন খনো ভাঙি চুৰ্মাৰ কৰে।।
পিছলৈ আৰক্ষীয়ে পৰিস্থিতি নিয়ন্ত্ৰণ কৰে।।
ভুক্তভোগীয়ে থানাত দাখিল কৰে চোৰৰ বিৰূদ্ধে এজাহাৰ।
ছলমান খান আৰু ক্রিষ্টিয়ানো ৰোনাল্ডোৰ এটা ভিডিঅ’ অনুৰাগীৰ মাজত সৃষ্টি কৰিছে আলোড়নৰ৷ ছৌদি আৰৱত অনুষ্ঠিত হৈ থকা এম এম এ মেচৰ সময়ত এই দুয়োগৰাকী চেলিব্ৰিটিক দেখা পোৱা গৈছিল একেলগে। আচলতে শেহতীয়াকৈ ছৌদি আৰৱত টাইছন ফিউৰি আৰু ফ্ৰান্সিছ ঙানুৰ মাজত এম এম এ মেচ হৈছিল, য’ত বহু চেলিব্ৰিটিক দেখা গৈছিল। ইয়াৰ এটা ভিডিঅ’ ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে, য’ত ছলমান খানৰ কাষত বহি থকা দেখা গৈছে ক্রিষ্টিয়ানো ৰোনাল্ডো আৰু তেওঁৰ প্রেয়সী জর্জিনা ৰড্ৰিগেজ৷
এই ভিডিঅ’টোৰ পিছত ছলমান আৰু ৰোনাল্ডোক একেটা ফ্ৰেমত দেখা পাই আনন্দত আত্মহাৰা অনুৰাগী।
ৱৰ্ক ফ্ৰণ্টৰ কথা ক’বলৈ গ’লে ছলমান খান বহু প্ৰত্যাশিত ছবি টাইগাৰ ৩ৰ বাবে চৰ্চাত আছে। শেহতীয়াকৈ ছবিখনৰ ট্ৰেইলাৰ মুকলি কৰা হৈছে, যাৰ বাবে দৰ্শকৰ পৰা যথেষ্ট ইতিবাচক সঁহাৰি দেখা গৈছে।
অসম তথা উত্তৰ-পূৱৰ যি সন্ত্ৰাস-জৰ্জৰিত পৰিবেশ-পৰিস্থিতি, সি সামগ্ৰিক ভাৱে মানুহৰ জীৱনত কিমান প্ৰ্ৰভাৱ পেলাইছে তাৰ লেখ নাই। ইয়াৰ দ্বাৰা আটাইতকৈ প্ৰভাৱিত হৈছে প্ৰান্তীয় অঞ্চলৰ মানুহবোৰ। বিচিত্ৰ অভিজ্ঞতা, যাতনা, শোষণ নিপীড়নৰ কাহিনী প্ৰান্তে প্ৰান্তে সিঁচৰতি হৈ আছে। এই কাহিনীবোৰ প্ৰকৃততে এসময়ৰ সশস্ত্ৰ সংগ্ৰামৰ ইতিহাসৰ গুৰুত্বপূৰ্ণ অংশ। ৰাষ্ট্ৰ আৰু ৰাজ্যখনৰ জনগণৰ মাজত থকা সংঘাতৰ বিষয়ে অধ্যয়ন হৈ আছে। অসমীয়া সাহিত্যত সশস্ত্ৰ সংগ্ৰামৰ ইতিহাসৰ এই খণ্ডিত টুকুৰাবোৰ লৈ কেইবাখনো লেখত ল’বলগীয়া উপন্যাস ৰচনা হৈছে। ঔপন্যাসিক জুৰী বৰা বৰগোহাঞিৰ শেহতীয়া উপন্যাস “কেম’ফ্লেজ্”তো সেই সন্ত্ৰাস-জৰ্জৰিত প্ৰান্তীয় ইতিহাসৰ এটা গুৰুত্বপূৰ্ণ অংশক সুকীয়া আৰু সূক্ষ্ম দৃষ্টিকোণেৰে তুলি ধৰা হৈছে। মূলত ৰাষ্ট্ৰ আৰু ৰাজ্যখনৰ এচাম লোকৰ ধাৰণাত থকা বৈপৰিত্যৰ সংঘাত আৰু সেই সংঘাতক কেন্দ্ৰ কৰি যি ভয়ংকৰ পৰিবেশ জন্ম হ’ল তাৰফলত বহু নিৰীহ মানুহৰ জীৱনলৈ নামি অহা যাতনা, শংকা বিশেষকৈ নিৰীহ এচাম লোকে মুখামুখী হোৱা আভাবনীয় আৰু ভয়ংকৰ বাস্তৱক লৈ ৰচনা হৈছে “কেম’ফ্লেজ্”।
অসমৰ অভিজাত প্ৰকাশন গোষ্ঠী ‘জ্যোতি প্ৰকাশন’ৰ হৈ নগেন শৰ্মাই প্ৰকাশ কৰা দুশ সাতাৱন্ন পৃষ্ঠাৰ এই উপন্যাসখন আজি আনুষ্ঠানিক ভাৱে উন্মোচন কৰে অসমৰ বিশিষ্ট বুদ্ধিজীৱি ড০ হীৰেন গোহাঁই-এ। গুৱাহাটী প্ৰেছ ক্লাৱত অনুষ্ঠিত উন্মোচনী অনুষ্ঠানত ঔপন্যাসিক জুৰী বৰা বৰগোহাঞিয়ে বিষয়টোত নিজে লাভ কৰা অভিজ্ঞতা হিচাপে কয় যে উজনি-অসমত বিগত কেইবাটাও বছৰ কটোৱাৰ পিছত তেওঁ অনুভৱ কৰে যে এনে সংগ্ৰামৰ অন্তৰালত থকা বহু গুৰুত্বপূৰ্ণ কাহিনী মূল বাখ্যাৰ তলত থাকি গ’ল। সেয়ে এটা কাহিনী নিৰ্বাচন কৰি যেতিয়া লিখিবলৈ, তথ্য সংগ্ৰহ কৰিবলৈ কিছুমান ঠাইত ঔপন্যাসিকগৰাকী ঘূৰি ফুৰিছিল তেতিয়া তেওঁৰ ভাৱ হৈছিল- ‘মই তেজ আৰু মঙহৰ ওপৰেৰে খোজ কাঢ়ি আছো। এই অভিজ্ঞতা আচৰ্যকৰ আৰু ভয়ংকৰ কিয়নো এখন কিতাপ লিখিছো বুলি জনাৰ পিছত বহুতো মানুহে নিজৰ জীৱনৰ নিৰ্মম কাহিনীবোৰ ক’বলৈ আগবাঢ়ি আহিছিল। প্ৰায়বোৰ কাহিনী অতি বেদনাদায়ক আৰু শিহৰণকাৰী। জৰ্জৰিত অঞ্চলৰ এই মানুহবোৰৰ মাজত ঘূৰি ফুৰোতে অনুভৱ কৰিছিলো এই ঘটনাবোৰ কিমান ভয়ংকৰ আছিল। প্ৰান্তীয় জীৱনবোৰ হৈ পৰিছিল শকাৰে ভৰা, অসহায় আৰু ভীষণ কষ্টকৰ। এতিয়াও কিছুমান প্ৰান্তীয় অঞ্চলত এই কাহিনীৰ অন্ত পৰা নাই। ৰাস্ত্ৰ-বাহিনী আৰু কিছুমান সংগঠনৰ মাজত সংঘাত চলিয়ে আছে। ফল স্বৰূপে উত্তেজনাও চলি আছে। ফলত সাধাৰণ জনগণে যাতনাও ভুগি আছে। এইখন উপন্যাস আচলতে কোনো সশস্ত্ৰ সংগঠনৰ ইতিহাস নহয় মাথো সামাজিক জীৱনত এনে সংগ্ৰাম, সংঘাতে প্ৰভাৱ পেলোৱা কাহিনীৰ এটা ক্ষুদ্ৰ অংশহে।’লেখিকাই উপলব্ধি কৰে যে কোনো সংঘাত, বিপ্লৱৰ চিৰস্থায়ী সমাধান সম্ভৱ নহয়। আনহাতে সামাজিক, অৰ্থনৈতিক, ৰাজনৈতিক জীৱনত এনে সংগ্ৰাম, সংঘাতে অতি ব্যাপক তথা সুদূৰপ্ৰসাৰী প্ৰভাৱ পেলাব পাৰে।
জুৰী বৰা বৰগোহাঞিৰ নৱতম উপন্যাস “কেম’ফ্লেজ্” উন্মোচন কৰি ড০ হীৰেন গোহাঁই-এ মত প্ৰকাশ কৰে যে “কেম’ফ্লেজ্”নামটো অতি সাৰ্থক হৈছে। ৰাষ্ট্ৰ সন্ত্ৰাসৰ ভয়ানক পৰিণতি হিচাপে বহু প্ৰশ্ন পাঠক তথা চিন্তাশীল পাঠকৰ সমুখত দাঙি ধৰিবলৈ সক্ষম হৈছে। প্ৰান্তীয় মানুহৰ কাহিনীৰে এইবাৰ নোবেল বঁটা পাইছে সেই ফালৰ পৰা “কেম’ফ্লেজ্” প্ৰান্তীয় আৰু কণ্ঠৰুদ্ধ মানুহৰ কাহিনী। এই কাহিনী কবলৈ গৈ লেখিকাই নিজৰ লেখনিৰ সহজাত আকৰ্ষণৰ কাৰণেই হয়তো এই কিতাপখন গুৰুত্ব হৈ পৰিছে। ইয়াৰ আগতেও লেখিকাই কেইবাখনো উপন্যাসত তেখেতে নিজৰ শক্তিশালী স্থিতি প্ৰকাশ কৰিছে। এইখন “কেম’ফ্লেজ্” এই সময়ৰ এখন গুৰুত্বপূৰ্ণ দলিল।
এই ব্যতিক্ৰমী অনুষ্ঠানত ‘সাতসৰী’ৰ সম্পাদক, গল্পকাৰ অতনু ভটাচাৰ্য, বিশিষ্ট কণ্ঠশিল্পী মিতালী দে, সাহিত্য অকাডেমীৰ অনুবাদ বঁটা প্ৰাপক বিপুল দেউৰী, ভ্ৰমণ-কাহিনী লেখক উজ্বল দিপ্লো গগৈ, গল্পকাৰ-ঔপন্যাসিক মনালিছা শইকীয়া, সাহিত্য অকাডেমিৰ যুৱ বঁটা প্ৰাপক গল্পকাৰ মণিকা দেৱী, বিশিষ্ট সাংবাদিক-লেখক মনোৰম গগৈ, সাংবাদিক মেৰু মিঠু কটকী, অধ্যাপক ড০ অৰ্ণৱ পাটোৱাৰী, মনোৰম গগৈ, বিশিষ্ট কেৰিয়াৰ পৰামৰ্শদাতা আৰু সহকাৰী প্ৰাধ্যাপক ড০ বুলজিত বুঢ়াগোহাঁই আদিকে ধৰি বহু লোক উপস্থিত থাকে।
‘মিচিং অলিম্পিক’ -২০২৩ জ’নাই সফল সামৰণী
২০২৪ বৰ্ষৰ অক্টোবৰত চিলাপথাৰৰ চিচিটঙানীত দ্বিতীয় মিচিং অলিম্পিক অনুষ্ঠিত কৰাৰ সিদ্ধান্ত।
জোনাই পবা খেলপথাৰত অনুষ্ঠিত “ মিচিং অলিম্পিক২০২৩” ৰ শুক্ৰবাৰে নিশা সফল সামৰণি পৰে। এখন সুন্দৰ প্ৰগতিশীল গণতান্ত্ৰিক সমাজব্যৱস্থা গঢ় দিয়াৰ লগতে মিচিং সমাজৰ পৰা একোজন সুদক্ষ খেলুৱৈ সৃষ্টি কৰাৰ লক্ষ্যৰে অনুষ্ঠিত কৰা হয় মিচিং অলিম্পিক ২০২৩। মিচিং অধ্যুষিত গ্ৰাম্য অঞ্চলৰ পৰা সুপ্ত ক্ৰীড়া প্ৰতিভা সম্পন্ন যুৱক যুৱতীক ক্ৰীড়া ক্ষেত্ৰতখনত সহায় হোৱাকৈ এই ব্যতিক্ৰমী পদক্ষেপ গ্ৰহণ কৰিছে মিচিং জাতীয় ছাত্ৰ সংগঠন টিএমপিকেয়ে। বুধবাৰৰ পৰা শুভাৰম্ভ হোৱা মিচিং অলিম্পিকত ১০০ মিটাৰ দৌৰ, ২০০ মিটাৰ দৌৰ ; হাই জাম্প, লং জাম্প, জেৱলিন, চটফুট, আৰ্চাৰি, মাৰাথন দৌৰ ,দগদিগ( পেং), ৫০ মিটাৰ সাতুৰ লগতে মিচিং জনগোষ্ঠীৰ পৰম্পৰা কিছু খেল সংযোজন কৰি মুঠ ১২ টা খেল প:ল গ্ৰাউণ্ড পবা খেলপথাৰ আৰু মুৰ্কংচেলেক মহাবিদ্যালয় খেলপথাৰত অনুষ্ঠিত কৰা হয়৷ মিচিং অলিম্পিক এই বছৰৰ পৰা প্ৰত্যেক বছৰত অব্যাহত ৰখাৰ উদ্দেশ্যে আয়োজন কৰা মিচিং অলিম্পিকৰ টিমচঙ (দলৰ গান) টাউকাণ্ডো প্ৰৰ্দশন, বিভিন্ন মিচিং জনগোষ্ঠীয় নৃতৰে দৃষ্টিনন্দন কাৰ্যসূচী গ্ৰহণ কৰা হয়।প্ৰতিযোগিতাত অসমৰ ১৫ খন সাংগঠনিক জিলাৰ বিভিন্ন প্ৰান্তৰ ১৬ শ খেলুৱৈয়ে অংশগ্রহণ কৰে। উল্লেখ্য যে আগন্তুক ২০২৪ চনত অক্টোবৰ মাহত চিলাপথাৰৰ চিচিটঙানীত দ্বিতীয় মিচিং অলিম্পিক অনুষ্ঠিত হব বুলি জানিব দিয়ে টাকাম মিচিং পৰিণ কৌবাঙৰ সভাপতি তিলক দলে আৰু সম্পাদক সম্পাদক চান দঃঞিঃ পাংগিঙে ৷
প্ৰথম বাৰৰ বাবে অনুষ্ঠিত মিচিং অলিম্পিকত ১৬ আৰু ১৯ বছৰৰ অনুৰ্ধ্বৰ যুৱক যুৱতীয়ে নিজৰ ক্ৰীড়া প্ৰতিভা সমূহ প্ৰদৰ্শন কৰি মিচিং অলিম্পিকৰ জৰিয়তে ৰাষ্ট্ৰীয় আন্তঃৰাষ্ট্ৰীয় খেল প্ৰতিযোগিতাত অংশগ্ৰহণ কৰি জাতিটোৰ লগতে নিজৰ সুনাম কঢ়িয়াই আনিব পাৰে এই মূল মন্ত্ৰৰে আয়োজন কৰা প্ৰথম মিচিং অলিম্পিকত মাজুলী জিলাই ১১ সোন, ৬ টা ৰূপ আৰু ৭ টা ব্ৰঞ্জৰ পদকসহ মুঠ ২৪ টা সৰ্বশ্ৰেষ্ঠ প্ৰদৰ্শনেৰে মাজুলী জিলাই শীৰ্ষস্থান দখল কৰে। আনহাতে, ধেমাজি ৮ সোন, ৫ ৰূপ, ৮ টা ব্ৰঞ্জৰ পদক মঠ ২১ টা পদক অৰ্জন কৰি দ্বিতীয় স্থান, শিৱসাগৰ জিলাই ৪ টা সোন, ৬ ৰূপ, ৪ টখ, ব্ৰঞ্জ পদক আৰু লক্ষীমপুৰ জিলাই ৫ টা সোণ, ৩ টা ৰূপ, ৬ টা ব্ৰঞ্জৰ পদক মুঠ ১৪ টা পদক অৰ্জনেৰে তৃতীয় স্থান দখল কৰে৷ ইফালে জোনাই জিলাই ২ টা সোণ, ৯ টা ৰূপ, ৩ টা বঞ্জ পদক ঢকুৱাখনা জিলাই ২ টা সোন, ১ ৰূপ, ১ টা ব্ৰঞ্জৰ পদক, চিলাপথাৰ জিলাই ২ টা সোন, ৪ টা ৰূপ, ২ ব্ৰঞ্জৰ পদক শোনিতপুৰ জিলাই ১ সোন, ৩ টা ৰূপ, ৩ টা ব্ৰঞ্জৰ পদক, তিনচুকীয়া জিলাই ১ টা সোন, ১ ৰূপ, ১টা ব্ৰঞ্জৰ পদক,যোৰহাট জিলাই ৩ টা সোন, ১ ৰূপ শদিয়া জিলাই ১ টা ব্ৰঞ্জৰ পদক আৰু বিহপুৰীয়া জিলাই ১ টাব্ৰঞ্জৰ পদক পাবলৈ সক্ষম হয়৷
শুক্ৰবাৰে আবেলি বিভিন্ন খেলত বিজয়ী হোৱা খেলুৱৈসকলক পুৰস্কাৰ আৰু মানপত্র বিতৰণ কৰা অনুষ্ঠানত সদৌ অসম ছাত্র সস্থাৰ মুখ্য উপদেষ্টা সমুজ্জ্বল কুমাৰ ভট্টাচার্যই উপস্থিত থাকি মিচিং অলিম্পিকত অংশগ্ৰহণকাৰী অসমৰ বিভিন্ন সাংগঠনিক খেলুৱৈসকলে কৰা উন্নত প্ৰদৰ্শনৰ বাবে অভিনন্দন জ্ঞাপন কৰিছে। মিচিং অলিম্পিকত প্ৰতিনিধিত্ব কৰা প্ৰতিগৰাকী খেলুৱৈৱেই একোগৰাকী চেম্পিয়ন বুলি মন্তব্য কৰে৷ অনুষ্ঠানত বিধায়ক ভূৱন পেগুৱে কয় মিচিং সমাজৰ ক্ৰীড়া প্ৰতিভাসমূহৰ বিকাশৰ ক্ষেত্ৰত মিচিং অলিম্পিক জৰিয়তে আমাৰ মিচিং গাৱ সমূহত সোমাই থকা বহু প্ৰতিভা থকা খেলুৱৈয়ে ওলাই আহি বহুত ভাল খেল প্ৰৰ্দশন কৰিছে গতিকে আগলৈ যদিহে ভাল চুইমিংপুল লগতে গাৱসমূহত খেলাৰ পৰিবেশ এটা দিও তেন্তে ৰাষ্ট্ৰীয় আন্তঃৰাষ্ট্ৰীয় পৰ্যায়ত জয় কৰিব পৰা বহু প্ৰতিভা থকা খেলুৱৈ ওলাব আৰু নতুনকৈ হিমা দাস লাভলীনা ওলাব বুলি মন্তব্য কৰে৷ইয়াৰ উপৰিও একাংশ নতুন প্ৰজন্মই ড্ৰাগছ,ভাং আদিৰ দৰে বিভিন্ন মাদক দ্ৰব্য সেৱন কৰি নিঃশেষ হ’ব ধৰা সময়তে টি এম পি কে ই এই মিচিং অলিম্পিকে তেনে কাৰ্যৰ পৰা সেই সকল নৱ প্ৰজন্মক আতৰাই ৰখি প্ৰতিভাৱান নৱপ্ৰজন্মক ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত জিলিকাই তুলিব বুলি মন্তব্য কৰে।
শম্ভু দাস চিলাপথাৰ
ধেমাজি
আমি সকলোৱে বদহজমৰ সমস্যাৰ পৰা পৰিত্ৰাণ পাব বিচাৰে, কিন্তু পেটৰ সমস্যাৰ কাৰণ কি জানেনে। বদহজম এটা অতি সাধাৰণ সমস্যা যাৰ ফলত পেটত অস্বস্তি বা বিষ হয়। ইয়াৰ ফলত প্ৰায়ে পেট ফুলা, কোষ্ঠকাঠিন্য, বমি আৰু গেছৰ সৃষ্টি হয়। কিন্তু আপুনি কেতিয়াবা ভাবিছেনে এই সকলোবোৰ সমস্যাৰ কাৰণ কি? আজি আমি আপোনালোকক পেট বিষৰ ১০ টা কাৰণৰ বিষয়ে জনাম-
১/ টেঙা খাদ্য
বেছিকৈ জলকীয়া আৰু মছলা খালে পেটত বিষ হয়, যাৰ ফলত কিছুমান মানুহৰ বদহজম হ’ব পাৰে।
২) অম্লযুক্ত খাদ্য
কিছুমান মানুহে অত্যধিক এচিডিক খাদ্য বা পানীয় সেৱন কৰে, যাৰ ফলত পেটত এচিডৰ উৎপাদন বৃদ্ধি পায়, যাৰ ফলত বদহজম হয়।
৩/ অতিমাত্ৰা খাদ্য খোৱা
ভোকতকৈ বেছি খাদ্য খোৱা আৰু সোনকালে খাদ্য শেষ কৰিলে পেটৰ সমস্যা হ’ব পাৰে কাৰণ ই পাচনতন্ত্ৰত প্ৰভাৱ পেলায়।
৪/ কেফেইন
ভাৰতত চাহ-কফি খোৱা লোকৰ অভাৱ নাই। যিহেতু এই পানীয়বোৰত অত্যধিক কেফেইন থাকে, গতিকে আপুনি কোষ্ঠকাঠিন্যত ভুগিব পাৰে।
৫/ মদ্যপান
মদ পেটৰ বাবেও অসুবিধাৰ কাৰণ। যাৰ ফলত বদহজম আৰু অত্যন্ত জ্বলন হ’ব পাৰে।
৬/ ধূমপান কৰা
চিগাৰেট, বিড়ি, হুকা বা গাঞ্জা খালে পেটৰ সমস্যা হ’ব পাৰে। এই অভ্যাস অতি সোনকালে এৰি দিব লাগে।
৭/ ঔষধ
কিছুমান ঔষধ সেৱন কৰিলে পেটৰ সমস্যা বৃদ্ধি পাব পাৰে।
৮)আলচাৰ
পেপটিক আলচাৰ বা পেটত আলচাৰ হ’লে বিশেষকৈ খাদ্য খোৱাৰ পিছত বদহজম হ’ব পাৰে।
৯) পিত্তথলীত পিত্তৰ পাথৰ
পিত্তথলীত পাথৰ থকাৰ বাবে পিত্তনলী বন্ধ হৈ যায়, যাৰ ফলত বদহজম আৰু বিষ হয়।
১০) মানসিক চাপ আৰু উদ্বেগ
বহু সময়ত মানসিক অৱস্থা ঠিক নহ’লে পেটত প্ৰভাৱ পেলায়। মানসিক চাপ আৰু উদ্বেগৰ বাবে বদহজম হ’ব পাৰে, গতিকে সদায় সুখী হৈ থাকিবলৈ চেষ্টা কৰক।
