ঐতিৰ্যমণ্ডিত নাজিৰা নগৰৰ এক নং ৱাৰ্ডৰ ওপৰ নাজিৰা অঞ্চলকে ধৰি কুমাৰ গাওঁ , চানবছা , সন্দিকৈ , কমাৰ গাওঁ, বাউলী মৈদাম , সোন্দৰ পুখুৰী আদি এলেকাৰ শতাধিক পৰিয়ালৰ ঘৰ – দোৱাৰ , কৃষি ভূমি দিখৌ নদীৰ বুকুত ইতিমধ্যে জাহ গৈছে । অৱশিষ্ট যি কেইটা পৰিয়ালৰ গৃহ , কৃষি ভূমি বাকী আছে সেইসমূহো দিখৌ নদীৰ বুকুত জাহ যোৱাৰ উপক্ৰম ঘটিছে । ক্ষতিগ্ৰস্ত পৰিয়ালে জীৱন আৰু সম্পত্তি ৰক্ষাৰ আশংকাত পৰি সামৰ্থৱান লোক কেইঘৰ মানে অন্য স্থানত মাটি ক্ৰমে কৰি ঘৰ সাজি বসৱাস কৰিছে যদিও শ শ পৰিয়াল এতিয়াও ভয়াৱহ জীৱন – যাপন কৰিব লগাত পৰিছে । চৰকাৰে ভূমিহীন আৰু গৰাখহনীয়াত ক্ষতিগ্ৰস্ত পৰিয়ালক পুনৰ সংস্থাপিত কৰাৰ বাবে বহু সময়ত বহু আচঁনি গ্ৰহণ কৰি বাচকবণীয়া পৰিয়ালক সংস্থাপিত কৰিছে যদিও নাজিৰা সমষ্টিৰ এই সমূহ পৰিয়ালৈ দৃষ্টি নিক্ষেপ কৰিবলৈ আহৰি পোৱা নাই । বিগত পৌৰসভা নিৰ্বাচনৰ প্ৰাকমূহুত্বত জলসম্পদ আৰু বাননিয়ত্ৰণ মন্ত্ৰী পিয়ুষ হাজৰিকাই নাজিৰা নগৰৰ এক নং ৱাৰ্ডৰ ওপৰ নাজিৰা অঞ্চলত নিৰ্বাচনী প্ৰচাৰত অংশগ্ৰহণ কৰি অঞ্চলটোৰ প্ৰায় তিনিকুৰিৰোধিক পৰিয়াল দিখৌ নদীৰ বুকুত জাহ যোৱাৰ উপক্ৰম দেখা পাই এই পৰিয়াল সমূহক এসপ্তাহৰ ভিতৰত তথা পৌৰ নিৰ্বাচনৰ পিছতে অন্য স্থানত ভূমি আৱণ্টনেৰে পুনৰ সংস্থাপিত কৰাৰ প্ৰতিশ্ৰুতি প্ৰদান কৰে । এই প্ৰতিশ্ৰতি পাই এক নং ৱাৰ্ডৰ নাগৰিকে কোনো যোগ্যতা বিবেচনা নকৰি বি জে পিৰ প্ৰাৰ্থী গৰাকীক বিপুল ভোটত জয়ী কৰায় ।

কিন্তু চৰম পৰিতাপৰ বিষয় নাজিৰা পৌৰসভা বি জে পি দলৰ দখললৈ অহাৰ পিছত আজি দুটা বছৰে মন্ত্ৰী পিয়ুষ হাজৰিকাই দিয়া প্ৰতিশ্ৰুতি পাহৰিলে । পুনৰ সংস্থাপিত কৰাটো দূৰৰে কথা অঞ্চলটোৰ দিখৌ নদীৰ গৰাখহনীয়া প্ৰতিৰোধ কৰাৰ বাবেও কোনো কাৰ্যকৰী ব্যৱস্থা গ্ৰহণ কৰা পৰিলক্ষিত নহ’ল । স্থানী যা ৰাইজে দিখৌ নদীৰ গৰাখহনীয়া প্ৰতিৰোধ আৰু দিখৌৰ বুকুত জাহ যোৱাৰ উপক্ৰম হোৱা পৰিয়ালক পুনৰ সংস্থাপিত কৰাৰ বাবে চৰকাৰী কৰ্তৃপক্ষক আবেদন – নিবেদন কৰি আহিছে যদিও কোনো সুফল পোৱা নাই । অৱশেষত সদৌ অসম অনুসূচীত জাতি যুৱ – ছাত্ৰ পৰিষদৰ সভাপতি ৰুবুল দাসৰ নেৰ্তৃত্বত এটা সজাতি দলে ওপৰ নাজিৰা অঞ্চল পৰিভ্ৰমণ কৰে আৰু অনুসূচীত জাতিৰ এই লোক সকলক নদীৰ বুকুত জাহ যাবলৈ এৰি দিয়া তথা মন্ত্ৰী পিয়ুষ হাজৰিকাই দিয়া প্ৰতিশ্ৰুতি ৰক্ষা কৰাত চৰম ব্যৰ্থ হোৱাত আক্ষেপ প্ৰকাশ কৰে । চলিত সপ্তাহৰ ভিতৰত ওপৰ নাজিৰা অঞ্চলৰ এই দিখৌ নদীৰ বুকুত জাহ যোৱাৰ উপক্ৰম হোৱা পৰিয়ালক পুনৰ সংস্থাপিত কৰাৰ লগতে দিখৌ নদীৰ গৰাখহনীয়া প্ৰতিৰোধ ব্যৱস্থা নকৰিলে সদৌ অসম অনুসূচীত জাতি যুৱ – ছাত্ৰ পৰিষদে জনগণৰ জীৱন – সম্পত্তি সুৰক্ষিত কৰাৰ স্বাৰ্থত তীব্ৰ গণতান্ত্ৰিক আন্দোলনৰ কাৰ্যসূচী গ্ৰহণ কৰিব বুলি হুংকাৰ দিয়ে সংগঠনটোৰ কেন্দ্ৰীয় সভাপতি ৰুবুল দাসে।

সমগ্ৰ দেশতে অমৃত কলহ যাত্ৰা কাৰ্যসূচী ধাৰাবাহিকভাৱে চলি থকাৰ সমান্তৰালকৈ পাহাৰীয়া জিলা পশ্চিম কাৰ্বি আংলঙৰ ডংকামোকামস্থিত ৰংখাং উন্নয়ন খণ্ডটো পাঁচটাকৈ পৰিষদীয় সমষ্টিক সামৰি অমৃত কলহ যাত্ৰাৰ শুভউদ্বোধন কৰা হয় ৷ ২০ নং বৈঠালাংছ’ সমষ্টিৰ বিধায়ক ৰূপছিং টেৰনে ফিটা কাটি শুভউদ্বোধন কৰা এই বৰ্নাঢ্য কাৰ্যসূচীত মুখ্য অতিথি হিচাপে উপস্থিত থাকে জিলা আয়ুক্তা কৃষ্ণা বৰুৱাই ৷ ৰংখাঙৰ খণ্ড উন্নয়ন বিষয়া ৰীতা ৰংহাপীয়ে আঁত ধৰা অনুষ্ঠানটিত অতিথিবৃন্দক কাৰ্বি প’হৰে সম্বৰ্ধনা জনোৱাৰ লগতে অমৃত কলহৰ যাত্ৰাবাহক ক্ৰমে টুটু নিগম আৰু প্ৰভাত গগৈকো আঁদৰণি জনোৱা হয় ৷ ৰংখাং পৰিষদীয় সমষ্টি, বিথুং-ৰেংথামা পৰিষদীয় সমষ্টি, কপিলী পৰিষদীয় সমষ্টি, হামৰেণ পৰিষদীয় সমষ্টি, কপিলী পৰিষদীয় সমষ্টি আৰু আমৰেং পৰিষদীয় সমষ্টিৰ আই-মাতৃসকলে কঢ়িয়াই অনা নিজ নিজ অঞ্চলৰ মাটিসমূহ সানমিহলি কৰে জিলা আয়ুক্তা কৃষ্ণা বৰুৱা, বিধায়ক ৰূপছিং টেৰন আৰু জিলা বিজেপিৰ সভাপতি ৰদীপ ৰংহাঙে ৷

ইয়াৰ পিছতেই ৰংখাং উন্নয়ন খণ্ডৰ অমৃত কলহৰ বাহক টুটু নিগমৰ হাতত কলহ দুটি অৰ্পণ কৰা হয় ৷ অহা ২৫ অক্টোবৰ তাৰিখে বিভিন্ন অঞ্চলৰ মাটিৰে পৰিপূৰ্ণ এই কলহটি গুৱাহাটীলৈ প্ৰেৰণ কৰা হ’ব বুলি প্ৰকাশ কৰে জিলা আয়ুক্তা কৃষ্ণা বৰুৱাই ৷ সমান্তৰালকৈ পাহাৰীয়া জিলাখনৰ আমৰি উন্নয়ন খণ্ড, চিন্ঠং উন্নয়ন খণ্ড, চ’ছেং উন্নয়ন খণ্ড আৰু হামৰেণ পৌৰসভাৰ পৰা দুটিকৈ মাটি পৰিপূৰ্ণ কলহেৰে সৰ্বমুঠ দহটা কলহ গুৱাহাটীলৈ পঠিওৱা হ’ব বুলি সাংবাদিকক জানিবলৈ দিয়ে আয়ুক্তা কৃষ্ণা বৰুৱাই ৷ দেওবাৰৰ এই অমৃত কলহ যাত্ৰাৰ শুভউদ্বোধনী অনুষ্ঠানত উপস্থিত থাকে জিলা আয়ুক্তা, বিধায়ক, জিলা বিজেপিৰ সভাপতিৰ ওপৰিও অতিৰিক্ত জিলা আয়ুক্ত প্ৰদীপ কুমাৰ গুপ্তা, কাৰ্বি পৰিষদৰ বৰ্ড অধ্যক্ষ দিত্যলাল হাষ্ণুকে ধৰি বিভিন্ন পৌৰসভাৰ অধ্যক্ষ প্ৰমুখ্যে ৰংখাং উন্নয়ন খণ্ডৰ অন্তৰ্গত পাঁচ সহস্ৰাধিক মহিলা উপস্থিত থাকে ৷

ঢেকিয়াজুলি বিধান সভা সমষ্টিৰ অন্তৰ্গত ঠেলামৰাৰ এটি দৰিদ্ৰ পৰিয়ালৰ কৰুণ গাঁথা৷ আজিলৈকে কোনো চৰকাৰী আঁচনিয়ে ঢুকি নাপালে এই দৰিদ্ৰ পৰিয়ালটিক। অসুখীয়া দেহাৰে দিন হাজিৰা কৰি দৃষ্টিহীন পুত্ৰৰ সৈতে এটা সাধাৰণ গৃহত কোনোমতে জীৱন নিৰ্বাহ কৰিছে এগৰাকী মাতৃয়ে, নাম- হেম তাঁতি৷ জন্মৰ এবছৰৰ পিছতেই জটিল ৰোগত আক্ৰান্ত হৈছিল একমাত্ৰ পুত্ৰ দেৱ তাঁতি৷ দিন হাজিৰা কৰা পিতৃয়ে অৰ্থৰ অভাৱত পুত্ৰ দেৱ তাঁতিক চিকিৎসা কৰিব নোৱাৰাত এবছৰ পিছতেই দৃষ্টিহীন হৈ পৰে পুত্ৰ দেৱ তাঁতি৷ দুয়োটা চকুৰে দেখা নোপোৱা দেৱ তাঁতি আজি ২৮ বছৰীয়া ডেকা। কিছুদিন পূৰ্বে দেৱৰ পিতৃৰ বিয়োগ হোৱাত অসুখীয়া মাতৃ গৰাকীয়েই অতি কষ্টেৰে আনৰ ঘৰত কাম কৰি দৃষ্টিহীন পুত্ৰক কৰিছে এতিয়া প্ৰতিপালন ৷ আৰ্থিক অনাটনৰ বাবে দৃষ্টিহীন পুত্ৰক লৈ চিন্তিত হৈ পৰিছে মাতৃ গৰাকী৷ অভাৱ অনাটনৰ কথা চিন্তা কৰি প্ৰায়ে জুবিনৰ গীত, ভূপেন হাজৰিকাৰ গীত গায় ভালপোৱা সুন্দৰ কণ্ঠৰ এই গৰাকী দৃষ্টিহীন যুৱক দেৱ তাঁতিয়ে ইতিমধ্যে এৰিলে সংগীত চৰ্চা৷ গীত গাব দিলেও দেৱই আজিকালি নাগায় গীত৷ অতি দুখ আৰু পৰিতাপৰ কথা এইয়ে যে বামুনপুখুৰী গাওঁ পঞ্চায়তৰ অন্তৰ্গত এই দুৰ্ভগীয়া পৰায়ালটোক আজিলৈকে ঢুকি পোৱা নাই সততে উন্নয়নৰ ঢাকঢোল বজোৱা বিজেপি মিত্ৰজোট চৰকাৰৰ উন্নয়নমূলক আচনী সমূহে। এটা পানী পৰা সাধাৰণ গৃহত কোনোমতে মাতৃ-পুত্ৰই অতিবাহিত কৰিছে জীৱন।আজি পৰ্যন্ত বামুনপুখুৰী গাওঁ পঞ্চায়তৰ জনপ্ৰতিনিধিৰ দৃষ্টিত নপৰিল এই দুৰ্ভগীয়া পৰিয়ালটো।

আজিলৈকে পৰিয়ালটোৱে লাভ নকৰিলে এটা চৰকাৰী আবাস গৃহ৷ চৰকাৰী আৱাস গৃহৰ বাবে বহুবাৰ আবেদন নিবেদন কৰিও পৰিয়ালটোৱে পোৱা নাই কোনো সুফল। বিয়া দিয়া কণ্যা গৰাকীয়ে মাজে সময়ে আহি খবৰ লয়হি বৃদ্ধ মাতৃ আৰু দৃষ্টিহীন ভাতৃৰ৷ বিশেষ ভাৱে সক্ষম যুৱক গৰাকীয়ে চৰকাৰৰ পৰা বিগত এটা বছৰ ধৰি লাভ কৰা নাই এটকাও৷ যাৰ বাবে চিন্তিত হৈ পৰিছে দুৰ্ভগীয়া পৰিয়ালটো৷ মানসিকভাৱে ভাগি পৰিছে দৃষ্টিহীন যুৱক গৰাকী ৷ এয়াই হৈছে সচৰাচৰ উন্নয়নৰ ঢাক ঢোল বজাই চমক দিব বিচৰা অসম চৰকাৰৰ কৰ্মৰ এখনি জীয়াছবি। যিয়ে প্ৰমাণ কৰিছে যে চৰকাৰী আঁচনিয়ে অসমৰ এনে দুৰ্ভগীয়া সকলো পৰিয়ালক ঢুকি পাইছে নে নাই।আগন্তুক সময়ত স্হানীয় বিধায়ক তথা পঞ্চায়তৰ জনপ্ৰতিনিধি সকলে দুৰ্ভগীয়া পৰিয়ালটোৰ ক্ষেত্ৰত কেনে ব্যৱস্থা গ্ৰহণ কৰে সেইয়াহে হ’ব লক্ষণীয় ৷