২৪ৰ লোকসভা নিৰ্বাচনত ৰাহুল গান্ধী হ’ব কংগ্ৰেছৰ প্ৰধানমন্ত্ৰী পদৰ প্ৰাৰ্থী।
বিৰোধী মিত্ৰজোঁটৰ সকলো দলৰ আলোচনা আৰু বিবেচনাৰ অন্তত এই সিদ্ধান্ত গ্ৰহণৰ কথা প্ৰকাশ।
এই কথা প্ৰকাশ কৰে কংগ্ৰেছ নেতা তথা ৰাজস্থানৰ মুখ্যমন্ত্ৰী অশোক গেহলটে।
কাজু খোৱাৰ ফলত ওজন বৃদ্ধি হয় নে নহয়? জানি লওক এই বিষয়ে…
কাজু স্বাভাৱিকতে অতি স্বাস্থ্যকৰ। বহুতে বিশ্বাস কৰে যে ই ওজন বৃদ্ধি কৰে, কিন্তু কাজুৱে ওজন কমাই। কাজু ইয়াৰ ভিন্ন সোৱাদ আৰু পুষ্টিকৰ উপাদানৰ বাবে অতি বিখ্যাত। আজি আমি আপোনালোকক ক’ম দৈনিক কাজু বাদাম খোৱাৰ উপকাৰিতাৰ বিষয়ে। কাজু কিমান স্বাস্থ্যকৰ-
কাজুত চৰ্বি, প্ৰটিন, ভিটামিন আৰু খনিজ পদাৰ্থ আদি সকলো ধৰণৰ পুষ্টিকৰ উপাদান পোৱা যায়। কাজুত কেলৰি থকাৰ পিছতো ইয়াৰ পুষ্টিকৰ মূল্য বহুত। য’ত বহুত পুষ্টি থাকে।
কাজুক হাৰ্টৰ বাবে অতি উত্তম বুলি গণ্য কৰা হয়। দৈনিক খাদ্যত কাজু বাদাম অন্তৰ্ভুক্ত কৰি ইয়াৰ পৰা পুষ্টিকৰ উপাদান লাভ কৰিব পাৰিব।
কাজুই আপোনাৰ হাৰ্ট সুস্থ কৰি ৰখাৰ লগতে হাৰ্টৰ লগত জড়িত ৰোগৰ সম্ভাৱনাও হ্ৰাস কৰে। কিন্তু সামান্য পৰিমাণৰ কাজু বাদাম খালেও শৰীৰত এইচ ডি এলৰ মাত্ৰা বৃদ্ধি পায়। যদি আপুনি কাজু বেছি খায় তেন্তে আপোনাৰ ওজন বৃদ্ধি কৰিব পাৰে।
কাজুত মেগনেছিয়াম আৰু আইৰণ আদি বহুতো ভিটামিন থাকে যিয়ে জৈৱৰাসায়নিক বিক্ৰিয়াত সহায় কৰে। যিয়ে স্বাস্থ্যক সহায় কৰে আৰু শক্তি বৃদ্ধি আৰু গ্লুক’জ বিপাকীয় ক্ৰিয়া উন্নত কৰাত সহায় কৰে।
কাজুয়ে পাচনতন্ত্ৰৰ সমস্যাও দূৰ কৰে।
বিশিষ্ট লেখক অৰ্থনীতিবিদ অনন্ত কলিতাৰ দেহাৱসান…
লেখক বিশিষ্ট অৰ্থনীতিবিদ,ষ্টেট বেংক অৱ ইণ্ডিয়াৰ উত্তৰ-পূৱ মণ্ডলৰ অৱসৰপ্ৰাপ্ত সঞ্চালক অনন্ত কলিতাৰ দেহাৱসান ।
দেওবাৰে পুৱা ৭ বজাত শেষ নিশ্বাস ত্যাগ কৰে লেখকগৰাকীয়ে । এক অপূৰণীয় ক্ষতি সাহিত্য়ৰ ।
অসমীয়া সাহিত্য জগতত বিশেষ বৰঙণি আগবঢ়োৱা এই গৰাকী লেখকে মৃত্যুৰ পূৰ্বে দেহদান কৰি গৈছে। উল্লেখ্য যে, কলিতা আছিল মহানগৰীৰ মঠঘৰীয়াস্থিত ষ্টেট বেংক কলনীৰ বাসিন্দা।
পিঁয়াজ আৰু আপেলত থকা ফ্লেভনয়ড স্বাস্থ্যৰ বাবে অতি উপকাৰী…
ফ্লেভনয়ড আমাৰ শৰীৰৰ বাবে অতি উপকাৰী বুলি গণ্য কৰা হয়। ইয়াৰ বাবে আপুনি বহু ধৰণৰ ফল-মূল, শাক-পাচলি আৰু পানীয় সেৱন কৰিব লাগিব। ফল-মূল, শাক-পাচলি আৰু ফুলৰ ৰঙৰ লগতে সম্পৰ্ক আছে ফ্লেভনয়ডৰ। ইয়াৰ জৰিয়তে আমাৰ স্বাস্থ্যৰ বহু দিশত উপকাৰ হয়। ফ্লেভনয়ডৰ মূল প্ৰকাৰ কি কি আৰু কোনবোৰ বস্তু খালে আপুনি লাভ কৰিব ফ্লেভনয়ড…
১/ কুৱেৰচেটিন
কুৱেৰচেটিন পিঁয়াজ, আপেল, জামু, চাহত পোৱা যায়। যাৰ জৰিয়তে শৰীৰে বহু ধৰণৰ পুষ্টি লাভ কৰে আৰু ইয়াক মানসিক স্বাস্থ্যৰ বাবেও উপকাৰী বুলি গণ্য কৰা হয়।
২/ কেটেচিন
কেটেচিন গ্ৰীণ টি, চকলেট, আৰু বহুতো ফল-মূলত পোৱা যায়। এইবোৰ আমাৰ হৃদযন্ত্ৰৰ স্বাস্থ্যৰ লগত জড়িত আৰু বহু দিশত কেন্সাৰৰ পৰা ৰক্ষা কৰাত সহায় কৰিব পাৰে।
৩/ এপিকেটেচিন
চাহ, চকলেট, আৰু কিছুমান ফল-মূলত এপিকেটেচিন পোৱা যায়। ইয়াৰ পুষ্টিকৰ প্ৰভাৱ কেটেচিনৰ দৰেই।
৪/ কেম্পফেৰল
বন্ধাকবি, ব্ৰকলি, চাহ, জামুত কেম্পফেৰল পোৱা যায়। ইয়াৰ পুষ্টিকৰ আৰু শান্ত কৰা গুণ আছে, যিয়ে আমাক কেন্সাৰ আৰু প্ৰদাহৰ পৰাও ৰক্ষা কৰে।
৫) এন্থ’চাইনাডিন
বহুতো ফল-মূল, যেনে জামু, আঙুৰ, কবি আদিত পোৱা ৰঙা, নীলা আৰু বেঙুনীয়া ৰঙৰ বাবে এন্থ’চাইনিন দায়ী। এইবোৰৰ পুষ্টিকৰ আৰু শান্ত কৰা প্ৰভাৱ আছে।
৬/ ৰুটিন
নেমুত পোৱা যায়। ই তেজৰ ৰক্তবাহী নলীৰ স্বাস্থ্য উন্নত কৰাত সহায় কৰে।
৭) লুটিন
বিলাহী, জলকীয়া, বিলাহীত লুটিন পোৱা যায়। ইয়াৰ প্ৰদাহ আৰু কেন্সাৰৰ বিৰুদ্ধে যুঁজ দিয়াৰ ক্ষমতা আছে। লগতে মানসিক চাপৰ পৰাও উপশম দিয়ে।
৮) ফ্লেভন
বিলাহীত ফ্লেভন পোৱা যায়। ইহঁতে শৰীৰক পুষ্টি দিয়ে আৰু উত্তেজনাক খেদি পঠিয়াই দিয়ে।
এই সমূহ ফল-মূল, শাক-পাচলিত লাভ কৰিব ফ্লেভনয়ড।
দেৰগাঁৱৰ মিছামৰাত বুজন পৰিমাণৰ লালিগুৰ জব্দ…
দেৰগাঁৱৰ মিছামৰাত বুজন পৰিমাণৰ লালিগুৰ জব্দ।
এখন বলেৰৰ পৰা জব্দ লালিগুৰখিনি। নগাঁৱৰ পৰা দেৰগাঁৱলৈ অনা হৈছিল লালিগুৰখিনি।
বাহনখনৰ পৰা দুজন লোকক আটক কৰিছে আৰক্ষীয়ে।
অনিৰ্দিষ্টকাললৈ বন্ধ মাজুলীৰ কমলাবাৰী-নিমাতী ফেৰী সেৱা…
অনিৰ্দিষ্টকাললৈ বন্ধ মাজুলীৰ কমলাবাৰী-নিমাতী ফেৰী সেৱা।
বিপদসীমাৰ ওপৰেৰে বৈছে ব্ৰহ্মপুত্ৰৰ জলস্তৰ। বাঢ়নী পানীত ডুব গৈছে ফেৰীৰ ৰেম্প।
আভ্যন্তৰীণ জল পৰিবহণ বিভাগে সাময়িকভাৱে বন্ধ কৰিছে ফেৰী সেৱা।
জাগীৰোডৰ নেলীত চোৰাং গৰুসহ ট্ৰাক জব্দ ! স্থানীয় ৰাইজৰ সহযোগত আৰক্ষীয়ে জব্দ কৰে ট্ৰাকখন…
জাগীৰোডৰ নেলীত চোৰাং গৰুসহ ট্ৰাক জব্দ।
স্থানীয় ৰাইজৰ সহযোগত আৰক্ষীয়ে জব্দ কৰে ট্ৰাকখন। জব্দকৃত ট্ৰাকখনৰ পৰা উদ্ধাৰ ৫০টা গৰু।
ট্ৰাকখনৰ চালকক আটক কৰে আৰক্ষীয়ে। নগাঁৱৰ পৰা গুৱাহাটী অভিমুখী আছিল ট্ৰাকখন।
মধুৰিআমে শাৰীৰিকভাৱে শক্তি প্ৰদান কৰে…
গ্ৰীষ্মকালীন ফলমূলবিলাকৰ ভিতৰত এবিধ উত্তম ফল মধুৰিআম বা গুৱাভা। মধুৰিআম দেখাত নাচপতিৰ দৰে। কেঁচাতে সেউজীয়া যদিও পকিলে পাতল হালধীয়া বা গুলপীয়া দেখা যায়। ভিতৰত অসংখ্য গুটিৰে ভৰা। বিভিন্ন প্ৰকাৰৰ মধুৰিআমবোৰৰ ভিতৰভাগ বগা যদিও এবিধৰ পকিলেও ওপৰভাগ সেউজীয়া আৰু ভিতৰভাগ বেঙুনীয়া দেখা যায়। মধুৰিআম খাবলৈ মিঠা লাগে।
মধুৰিআম সকলো ঠাইতে সহজভাৱে গজি ডাঙৰ হৈ কেইবামিটাৰ ওখ হোৱা বহুবৰ্ষজীৱী উদ্ভিদ। মধুৰিআমৰ উপকাৰিতা অনেক। ইয়াত কমলাতকৈ চি ভিটামিন আৰু খনিজ লৱণ বেছিকৈ পোৱা যায়। পুষ্টিকৰ খাদ্য হিচাপে আয়ৰন আৰু ফলিক এচিডো পোৱা যায়। মধুৰিআম খালে কোষ্ঠকাঠিন্য দূৰ হয়। পুৰুষসকলৰ বাবেও মধুৰিআম বৰ উপকাৰী। আঘাত পোৱা ঠাইত মধুৰিআমৰ পাত খুন্দি লেপি দিলে উপশম পোৱা যায়। নাকেৰে তেজ ওলালে মধুৰিআমৰ ৰস দিলে তেজ বন্ধ হয়। মুখৰ ভিতৰত ঘা হ’লে মধুৰিআমৰ পাত খুন্দি ৰস মুখত লৈ থাকিলে ঘা ভাল হয়। পেটৰ কৃমি দূৰ কৰা আৰু তেজ হাগনী হ’লে মধুৰিআম খালে সুফল পোৱা যায়। মধুৰিআমে শাৰীৰিকভাৱে শক্তি প্ৰদান কৰে। হজমী শক্তি বঢ়ায়, কলেষ্টৰেল কমায় আৰু ওজনো হ্ৰাস কৰে। কাহ আৰোগ্য পাবলৈ হ’লেও মধুৰিআম খাব লাগে। গৱেষকসকলে গৱেষণা কৰি পোৱা তথ্য মতে, মধুৰিআম এণ্টিঅক্সিডেণ্টযুক্ত। কেন্সাৰ প্ৰতিষেধক, এজমা, উচ্চ ৰক্তচাপ, খজুৱতি, দাঁতৰ ৰোগ, হাওঁফাওঁৰ দুৰ্বলতা আদি অনেক ৰোগৰ বাবে অতি উৎকৃষ্ট ফল। একাপ মধুৰিআমৰ ৰসত থকা পুষ্টিকৰ উপাদানসমূহ এনেদৰে পোৱা যায়-
কেলচিয়াম- ৫০ মি:গ্ৰা:,
কাৰ্বহাইড্ৰেট- ১৯.৬ মি:গ্ৰা:,
ফাইবাৰ- ৮.৯ মি:গ্ৰা:,
ফেট- ০.৯ মি:গ্ৰা:,
ফছফৰাছ- ৪৮ মি:গ্ৰা:,
প্ৰ’টিন-১.৩৫ মি:গ্ৰা:,
ভিটামিন এ- ৪১২ মি:গ্ৰা:,
ভিটামিন বি- ১.১৫ মি:গ্ৰা:,
ভিটামিন চি- ৪৯৪ মি:গ্ৰা:,
কেল’ৰি- ৪৪ মি:গ্ৰা:।
লেখিকা: কবিতা ফুকন
ঢকুৱাখনা বি.এড. মহাবিদ্যালয়ৰ নৱাগত আদৰণী সভা
“এখন সমাজ সু-শৃংখলিত হৈ চলিবলৈ সৎ মানুহৰ প্ৰয়োজন। মানুহ সৎ হ’বলৈ হ’লে সৰল, বিনয়ী, নম্ৰ আৰু সু-শিক্ষিত হ’ব লাগিব। কিন্তু বৰ্তমান সময়ত সু-শিক্ষিত মানুহ সৃষ্টি কৰাটোৱেই আটাইতকৈ টান কাম”- এই মন্তব্য পশ্চিম ঢকুৱাখনা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত উপাধ্যক্ষ পুস্প দত্তৰ ৷
শনিবাৰে ডিব্ৰুগড় বিশ্ববিদ্যালয়ৰ অধীনৰ এখন উচ্চ শিক্ষানুষ্ঠান ঢকুৱাখনা শিক্ষক প্ৰশিক্ষণ মহাবিদ্যালয়ৰ ২০২৩-২৫ বৰ্ষৰ নৱাগত আদৰণী সভাৰ মুকলি সভা উদ্ধোধন কৰি দিয়া ভাষণত উপাধ্যক্ষ দত্তই এইদৰে মন্তব্য কৰি বৰ্তমানৰ প্ৰতিজন শিক্ষাৰ্থীকে সু-শিক্ষিত হবলৈ আহ্বান জনায়।
দিনজোৰা কাৰ্যসূচীৰে অনুষ্ঠিত নৱাগত আদৰণি সভাৰ কাৰ্যসূচী অনুসৰি পুৱা ৮ বজাত সমূহীয়া চাফাই কৰা পাছতে গছপুলি ৰোপন, স্মৃতি তৰ্পণ কাৰ্যসূচী অনুষ্ঠিত হয় ৷ ইয়াৰ পাছতে পতাকা উত্তোলন কৰে এই মহাবিদ্যালয়ৰ অধ্যক্ষ ড° প্ৰদীপ চন্দ্ৰ বৰাই ৷
ইপিনে নৱাগতসকলক আৰতিয়ে উৰুলি দি আদৰণি জনোৱা পাছতে পুৱা ৯ বজাত তৃতীয় ষান্মাষিকৰ প্ৰশিক্ষাৰ্থী জনাৰ্দন ফুকনৰ পৰিচালনাত ন-পুৰণি প্ৰশিক্ষাৰ্থী সকলৰ মাজত অন্তৰঙ্গ আলাপ অনুষ্ঠান অনুষ্টিত হয় ৷
১০ বজাত মহাবিদ্যালয়খনৰ প্ৰশিক্ষাৰ্থী সকলৰ দ্বাৰা পৰিৱেশিত সমবেত সংগীতেৰে শুভাৰম্ভ হোৱা মুকলি সভাখন পশ্চিম ঢকুৱাখনা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত উপাধ্যক্ষ পুস্প দত্তই উদ্বোধন কৰে ৷
শিক্ষানুষ্ঠানখনৰ অধ্যক্ষ ড° প্ৰদীপ চন্দ্ৰ বৰাই সভাপতিত্ব কৰা সভাখনত ঢকুৱাখনা মহাবিদ্যালয়ৰ উপাধ্যক্ষ চিত্ৰকুমাৰ কোঁচে নিদিষ্ট বক্তা হিচাপে উপস্থিত থাকি বক্তব্য ৰাখি কয় যে- “আমি বিভিন্ন জিলা পৰা কলৈ আহিছোঁ কিয় আহিছোঁ ! আহিছোঁ শিক্ষক প্ৰশিক্ষণ মহাবিদ্যালয়ত অধ্যয়ন কৰি সুখ্যাতিৰে বি.এড ডিগ্ৰীলৈ নিজৰ কৰ্ম ক্ষেত্ৰতখনত আগুৱাই নিবলৈ ৷ কেৱল এইয়াই নহয় কোঁচে লগতে কয় যে এই যুগ হ’ল বৌদ্ধিক যুগ। মগজুৰ যুদ্ধৰ যুগ। মগজুৰ উৎকৰ্ষ সাধন কৰিব পৰা সকলহে এতিয়াৰ যুদ্ধত যুঁজিব পাৰিব।”
উল্লেখ্য যে, এই সভাৰ নিৰ্দিষ্ট বক্তা, আমন্ত্ৰিত ব্যক্তি সকলৰ বক্তব্যৰ মাজে মাজে- প্ৰথম -তৃতীয় ষান্মাষিকৰ প্ৰশিক্ষাৰ্থীসকল ক্ৰমে বৰগীত পৰিৱেশন কৰে হিমাশ্ৰী শইকীয়া, তৃষ্ণা পেগুৰ লগতে প্ৰথম ষান্মাষিকৰ প্ৰশিক্ষাৰ্থী অন্তৰীপা হাজৰিকাৰ আধুনিক গীতৰ লগতে প্ৰথম ষান্মাষিকৰ প্ৰশিক্ষাৰ্থী সকলে দিহানাম পৰিৱেশন কৰি সকলোকে মনোৰঞ্জন দিয়ে।
ইয়াৰ উপৰিও আজিৰ নৱাগত আদৰণী সভাৰ মূল সভাত আমন্ত্ৰিত অতিথি হিচাপে উপস্থিত থাকে এই মহাবিদ্যালয়ৰ পৰিচালনা সমিতিৰ প্ৰাক্তন সভাপতি ভোলানাথ গগৈ, পৰিচালনা সমিতিৰ সভাপতি পূৰ্ণানন্দ গগৈ, সদস্য পূৰ্ণ লাহন ৷ অনুষ্ঠানৰ শেষত ন-পুৰণি প্ৰশিক্ষাৰ্থী সকলৰ মাজত অন্তৰঙ্গ আলাপ অনুষ্ঠান অনুষ্টিত হোৱাৰ পাছতে সফলতাৰে সামৰণি পৰে আদৰণী সভাৰ ৷ ইফালে অনুষ্ঠানত মহাবিদ্যালয়খনৰ প্রশিক্ষক, কৰ্মচাৰী সকলৰ লগতে প্রশিক্ষার্থী সকল উপস্থিত থাকে।
ডিব্ৰুগড় চিৰিংচাপৰিত বিদ্যুৎ স্পৃষ্ট হৈ লাহোৱালৰ যুৱকৰ কৰুণ মৃত্যু
লাহোৱাল থানাৰ অৰ্ন্তগত মদাৰখাত হাটখোলা গাঁৱৰ দিগন্ত গোস্বামী নামৰ যুৱকজনে শনিবাৰে দুই সহকৰ্মী স’তে ডিব্ৰুগড়ৰ ৰাম পোকাৰ নামৰ ঠিকাদাৰজনৰ অধীনত ডিব্ৰুগড় চিৰিংচাপৰিৰ জেউতি মৰল সংঘৰ সমীপত এজন লোকৰ বাসগৃহত গেৰেজ নিৰ্মাণৰ কাম কৰি থকা অৱস্থাত বিদ্যুৎ স্পৃষ্ট হৈ মৃত্যুক আকোঁৱালি ল’ব লগা হোৱা ঘটনাই মদাৰখাত হাটখোলা গাঁৱত শোঁকৰ ছা পেলাইছে ৷
প্ৰাপ্ত খৱৰ অনুসৰি, কৰ্মস্থলীত ড্ৰিল আৰু কাটিং দুটা বৈদ্যুতিক মেচিনেই ব্যৱহাৰ কৰা হৈছিল যদিও দুয়োটা মেচিনৰ বিদ্যুত প্ৰৱাহিত ৱাৰত কোনোধৰণৰ যান্ত্ৰিক বিজুটি হোৱা সম্ভেদ পোৱা নাই বুলি দুয়োটা মেচিনৰ পৰীক্ষাৰ অন্তত স্পষ্ট হৈছে যদিও কোনটো মেচিনৰ পৰা বিদ্যুতস্পৃষ্ট হৈছিল সেয়া বৰ্তমানেও জানিব পৰা নাই ৷
ইফালে গৃহটিৰ ওপৰত কাম কৰি থকা অৱস্থাত বিদ্যুত স্পৃষ্ট হোৱাৰ লগে লগে আন দুই সহকৰ্মী তললৈ সৰি পৰা বুলি এক পক্ষই সদৰী কৰিছে যদিও শৰীৰত কোনোধৰণৰ আঘাটৰ চিন স্পষ্ট নোহোৱাৰ কথাইও আন এক ৰহস্যৰ সৃষ্টি কৰিছে ৷
আনহাতে ঘটনা সংঘটিত হোৱাৰ পিছত বাসগৃহটিৰ গৰাকীও ঘৰত নাছিল বুলি জানিব পৰা গৈছে ৷ঘটনা সংঘটিত হোৱাৰ লগে লগে যুৱকজনক অসম চিকিৎসা মহাবিদ্যালয়লৈ লৈ যোৱা হৈছিল যদিও চিকিৎসালয় পোৱাৰ আগেয়ে যুৱকজনৰ মৃত্যু হোৱা বুলি চিকিৎসকে ঘোষণা কৰে ৷
মৰণোত্তৰ পৰীক্ষাৰ অৰ্ন্তত যুৱকজনৰ মৃতদেহ লাহোৱালৰ হাটখোলাৰ নিজ বাসগৃহলৈ অনাৰ পিছতে এক শোকাকূল পৰিৱেশে বিৰাজ কৰাৰ লগতে সমগ্ৰ গাঁওবাসীয়ে শোকত ম্নিয়মান হৈ পৰা বুলি জানিব পৰা গৈছে ৷