কেৰালাৰ মালাপ্পুৰম জিলাত এখন হাউচবোট ডুব যায়। এই দুৰ্ঘটনাত এতিয়ালৈকে ২২ জন লোকৰ মৃত্যু হৈছে। নাওখনত বহি থকা মুঠ লোকৰ সংখ্যা অনুমান কৰিব পৰা নগ’ল। কেৰালাৰ মালাপ্পুৰম জিলাত ২৫ জনতকৈ অধিক লোক কঢ়িয়াই অনা এই নাও খন উটি যোৱাৰ ফলত কমেও ২২ জন লোকৰ মৃত্যু হয়। দেওবাৰে (৭ মে’) সন্ধিয়া প্ৰায় ৭ বজাত তন্নুৰৰ টুভাল তেৰাম পৰ্যটনস্থলীত সংঘটিত হয় এই ঘটনা। আঞ্চলিক অগ্নিনিৰ্বাপক বাহিনীৰ বিষয়া শ্বিজু কে কেয়ে জনোৱা মতে, এই পৰ্যন্ত ২১টা মৃতদেহ উদ্ধাৰ কৰা হৈছে। এতিয়ালৈকে নাওখনত বহি থকা লোকৰ সঠিক সংখ্যা জানিব পৰা হোৱা নাই। এন ডি আৰ এফ, অগ্নিনিৰ্বাপক আৰু স্কুবা ডাইভিং দলে চলাই আছে এই অনুসন্ধানৰ অভিযান। কেৰেলাৰ ৰাজহ মন্ত্ৰী কে ৰাজনে কয় যে নৌসেনাৰ দলটোও সহায়ৰ বাবে আগবাঢ়ি আহিছে।
केरल: मलप्पुरम ज़िले के तनूर के पास एक पर्यटक नाव पलट गई। रेस्क्यू ऑपरेशन अब भी जारी है। अब तक 21 लोगों के मृत्यु की हो चुकी है।
Pained by the loss of lives due to the boat mishap in Malappuram, Kerala. Condolences to the bereaved families. An ex-gratia of Rs. 2 lakh from PMNRF would be provided to the next of kin of each deceased: PM @narendramodi
প্ৰধানমন্ত্ৰী নৰেন্দ্ৰ মোদীয়েও এই ঘটনাত মানুহৰ মৃত্যুত শোক প্ৰকাশ কৰি মৃতকৰ ওচৰৰ আত্মীয়ক দুই লাখ টকাকৈ ক্ষতিপূৰণ দিয়াৰ কথা ঘোষণা কৰে। ইয়াৰ সমান্তৰালকৈ তেওঁ টুইট কৰি দুখ প্ৰকাশ কৰে।
The tragic loss of lives in the boat mishap at Malappuram, Kerala is extremely shocking and saddening. My heartfelt condolences to the families who lost their loved ones. I pray for well-being of the survivors.
— President of India (@rashtrapatibhvn) May 7, 2023
কমেও ২ হাজাৰ কোটি টকাৰ দুৰ্নীতি। ছত্তীশগড়ৰ সুৰা দুৰ্নীতিৰ গোচৰৰ তদন্তৰ সময়ত এই দাবী বলবৎকাৰী সঞ্চালকালয়ৰ।
কংগ্ৰেছ নেতা তথা ৰায়পুৰৰ মেয়ৰ আইজাজ ধীবৰৰ ভাতৃ আনোৱাৰ ধীবৰক শনিবাৰে সুৰা দুৰ্নীতিৰ গোচৰত ইডিয়ে গ্ৰেপ্তাৰ কৰে। ৰায়পুৰৰ এখন হোটেলত তালাচী চলাই থাকোতে পলায়নৰ চেষ্টা কৰে আনোৱাৰ। সেই সময়ত তেওঁক ইডিৰ বিষয়াই গ্ৰেপ্তাৰ কৰিছিল। ইডিৰ সূত্ৰৰ মতে, তেওঁক জেৰা কৰি একাধিক তথ্য লাভ কৰা হৈছে।
ইডিৰ সূত্ৰৰ উদ্ধৃতি দি একাধিক সংবাদ মাধ্যমত প্ৰকাশিত বাতৰিত কোৱা হৈছে যে, “মদ সৰবৰাহৰ আৰু আনুষংগিক আৰ্থিক প্ৰতাৰণাত অভূতপূৰ্ব দুৰ্নীতি সংঘটিত হৈছে।” এক বিবৃতিত ইডিয়ে দাবী কৰিছে যে ২০১৯ চনৰ পৰা ২০২২ চনৰ ভিতৰত ছত্তীশগড়ত বিপুল পৰিমাণৰ আবকাৰী শুল্কৰ সৈতে জড়িত দুৰ্নীতি সংঘটিত হৈছে। ইডিৰ বিষয়াসকলে কয়, ‘আনোৱাৰ এজন সাধাৰণ মানুহ। কিন্তু তেওঁৰ আঁৰত আছে কেইবাজনো ডাঙৰ ডাঙৰ নেতা আৰু আমোলা। এই দুৰ্নীতিত তেওঁলোকে সহযোগ কৰিছে।’ ইডিয়ে এক বিবৃতিত কয়, ‘ছত্তীশগড়ত প্ৰতিটো সুৰাৰ বটল বিক্ৰীৰ ক্ষেত্ৰত দুৰ্নীতি সংঘটিত হৈছে। সুৰা ব্যৱসায়ৰ পৰা অবৈধভাৱে উলিয়ালে ধন।
২০২২ চনৰ মে’ মাহত আয়কৰ বিভাগে ধন সৰবৰাহৰ প্ৰতিৰোধ আইন (পিএমএলএ)ৰ অধীনত এটা গোচৰৰ তদন্ত কৰিছিল। ইডিয়ে গোচৰটোৰ তদন্ত কৰি আবকাৰীৰ দুৰ্নীতিৰ কথা জানিব পাৰিলে। ছত্তীশগড়ত কয়লা সৰবৰাহৰ গোচৰৰ পিছত এই গোচৰত পুনৰ ডাঙৰ ডাঙৰ নাম আহিল।
