আমেৰিকাৰ নেচভিলত স্কুলীয়া ছাত্ৰ-ছাত্ৰীৰ ওপৰত গুলীচালনা, ৩টা শিশুকে ধৰি ৭ জন নিহত।সোমবাৰে সন্ধিয়া আমেৰিকাৰ টেনেচিৰ নেচভিলত সংঘটিত হয় গণ গুলীচালনা। এগৰাকী আক্ৰমণকাৰী ছোৱালীয়ে বিদ্যালয়ত প্ৰৱেশ কৰি নিৰ্বিচাৰে গুলীচালনা আৰম্ভ কৰে, য’ত স্কুলীয়া ছাত্ৰ-ছাত্ৰীকে ধৰি বহু লোকৰ মৃত্যু হয়। আকৌ এবাৰ আমেৰিকাত গণ গুলীচালনাৰ কাণ্ডই চৰ্চালৈ আহিছে। তাতে এগৰাকী ছোৱালীয়ে এখন ব্যক্তিগত খ্ৰীষ্টান স্কুলত প্ৰৱেশ কৰি গুলীচালনা কৰে। এই ঘটনাত ৩ গৰাকী স্কুলীয়া ছাত্ৰসহ ৭ জন লোকৰ মৃত্যু হোৱাৰ বিপৰীতে বহু লোক আহত হয়। ঘটনাৰ পিছতে আৰক্ষীৰ সৈতে হোৱা এনকাউণ্টাৰত আক্রমণকাৰী সন্দেহযুক্ত কিশোৰীগৰাকী নিহত হোৱাৰ তথ্য পোৱা গৈছে৷ ঘটনাৰ কাৰণ এতিয়াও স্পষ্ট হোৱা নাই আৰক্ষীয়ে।

প্ৰতিবেদন অনুসৰি সোমবাৰে সন্ধিয়া টেনেচিৰ নেচভিলৰ এখন ব্যক্তিগত খ্ৰীষ্টান বিদ্যালয়ত গণ গুলীচালনাৰ এই কাণ্ড সংঘটিত হয়। এই বিদ্যালয়খনৰ নাম ক’ভেনেণ্ট স্কুল। ২০০১ চনত কভেনেণ্ট প্ৰেছবিটেৰিয়ান চাৰ্চে ইয়াক স্থাপন কৰিছিল। এই বিদ্যালয়ত প্ৰাক-বিদ্যালয়ৰ পৰা ষষ্ঠ শ্ৰেণীলৈকে শিক্ষা আছে। তাত প্ৰায় ২০০ ছাত্ৰ-ছাত্ৰীয়ে অধ্যয়ন কৰে। এইখন বিদ্যালয়ত সোমবাৰে সন্ধিয়া আক্ৰমণকাৰী এগৰাকী যুৱতীয়ে বিদ্যালয়ত প্ৰৱেশ কৰি বন্দুকৰে গুলীচালনা আৰম্ভ কৰে।

ঘটনাৰ পিছত (টেনেচি মাছ শ্বুটিং) যুৱতীগৰাকী বিল্ডিঙৰ দ্বিতীয় মহলালৈ গৈ তাৰ পৰাই গুলীচালনা আৰম্ভ কৰে। ইফালে তথ্য লাভ কৰাৰ লগে লগে আৰক্ষীৰ দলটোৱে সেই স্থানত উপস্থিত হৈ অট্টালিকাটো চাৰিওফালৰ পৰা ঘেৰি ধৰে। ইয়াৰ পিছতে আৰক্ষীৰ সৈতে হোৱা এনকাউণ্টাৰত আক্রমণকাৰী কিশোৰীগৰাকীৰ মৃত্যু হয়৷ আৰক্ষীৰ গুলীত ছোৱালীজনীৰ মৃত্যু হৈছে নে নিজকে গুলীয়াই হত্যা কৰিলে সেয়া স্পষ্ট হ’ব পৰা নাই।

৩টা শিশুকে ধৰি ৭ জন লোকক মৃত হয় এই ঘটনাত। ঘটনাৰ পিছতে বিদ্যালয়ৰ বাহিৰত আৰক্ষী মোতায়েন কৰা হৈছে। ঘটনাৰ পিছতে অগ্নিনিৰ্বাপক বাহিনীৰ দলটোও সেই স্থানত উপস্থিত হয়। নেচভিল অগ্নিনিৰ্বাপক বাহিনীয়ে এক বিবৃতি প্ৰকাশ কৰি কয় যে তেওঁলোকৰ কেইবাটাও দল সেই স্থানত উপস্থিত হৈ উদ্ধাৰ কামত সহায় কৰি আছে।