মহানগৰীৰ চানমাৰিত চলন্ত ৰে’লত সংঘটিত হৈছে এক ভয়ংকৰ অগ্নিকাণ্ড।
নামনিমুৱা যাত্ৰীবাহী ৰে’লত এই অগ্নিকাণ্ড সংঘটিত হৈছে। তথ্য অনুসৰি ট্ৰেইনখন বাংগালুৰৰ পৰা গুৱাহাটিলৈ ধুবলৈ অনা হৈছিল।
ৰে’লখনৰ ১২আৰু১৩ নং ডবাত অগ্নিকাণ্ড সংঘটিত হয়৷ সৌভাগ্যক্ৰমে ডবাত কোনো যাত্ৰী উপস্থিত নাছিল বুলি জানিব পৰা গৈছে। অগ্নিকাণ্ডৰ বাবে এইমুহূৰ্তত আন ৰে’লৰ চলাচল ব্যাহত হৈছে।
অগ্নি নিৰ্বাপক বাহিনীয়ে জুই নুমুৱাবলৈ অব্যাহত ৰাখিছে প্ৰচেষ্টা৷ খবৰ অনুসৰি চৰ্ট চাৰ্কিতৰ ফলত জুইৰ সূত্ৰপাত হয় বুলি জানিব পৰা গৈছে।
হাৰিয়ানাৰ পঞ্চকুলাত চলি আছে ২৬ সংখ্যক অল ইণ্ডিয়া ফৰেষ্ট স্পৰ্টছ মিট ২০২৩ত দেশৰ বিভিন্ন প্ৰান্তৰ পৰা অংশগ্ৰহণকাৰীসকলে বিভিন্ন ইভেণ্টত প্ৰতিদ্বন্দ্বিতা আগবঢ়াইছে।
এই মেগা ইভেণ্টত অসমৰ মৰিগাঁৱৰ ৰেঞ্জ অফিচাৰ ৰবীন কুমাৰ বৈশ্যই নিজৰ ব্যতিক্ৰমী শক্তি আৰু দক্ষতা প্ৰদৰ্শন কৰি ভাৰোত্তোলন প্ৰতিযোগিতাত দুটাকৈ স্বৰ্ণ পদক লাভ কৰিছে।
বৈশ্যৰ এই আকৰ্ষণীয় প্ৰদৰ্শনে তেওঁৰ বিভাগৰ লগতে অসমলৈ গৌৰৱ কঢ়িয়াই আনিছে। প্ৰতিযোগিতাখন কঠিন আছিল যদিও বৈশ্যই প্ৰতিযোগীসকলক আউটড’ কৰিবলৈ সক্ষম হৈছিল, ক্ষেত্ৰখনত নিজৰ নিষ্ঠা আৰু কঠোৰ পৰিশ্ৰম প্ৰদৰ্শন কৰিছিল। তেওঁ লাভ কৰা স্বৰ্ণ পদকসমূহ তেওঁৰ পেছাৰ প্ৰতি থকা দায়বদ্ধতা আৰু ক্ৰীড়াৰ প্ৰতি থকা আকৰ্ষণৰ প্ৰমাণ।
বৈশ্যৰ উপৰিও আজিজুল হকে ১০০ মিটাৰ দৌৰত ব্ৰঞ্জৰ পদক লাভ কৰি অসমক গৌৰৱান্বিত কৰি তুলিছে। অসম বন বিভাগৰ ৬৩ জনীয়া দলটোৱে প্রতিযোগিতাত বিভিন্ন প্রতিযোগিতাত অংশগ্রহণ কৰি অতি উদ্যম আৰু খেলা-ধূলা প্রদর্শন কৰিছে৷
অসমৰ বন বিভাগে ৰবীন কুমাৰ বৈশ্য আৰু আজিজুল হক দুয়োকে তেওঁলোকৰ সাফল্যৰ বাবে অভিনন্দন জনোৱাৰ লগতে তেওঁলোকৰ এই প্ৰচেষ্টাত অবিৰত সফলতা কামনা কৰে। এইসকল খেলুৱৈয়ে প্ৰমাণ কৰিছে যে কঠোৰ পৰিশ্ৰম আৰু নিষ্ঠাৰ দ্বাৰা যিকোনো ব্যক্তিয়েই মহানতা অৰ্জন কৰি নিজৰ ৰাজ্যখনক গৌৰৱান্বিত কৰিব পাৰে।
২৬ সংখ্যক সৰ্বভাৰতীয় বন ক্ৰীড়া সভা অহা ১৪ মাৰ্চ পৰ্যন্ত অব্যাহত থাকিব।
দুখন বিশেষ ফটো শ্বেয়াৰ কৰি এক সুখবৰ দিছে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই৷
বুঢ়াচাপৰি সংৰক্ষিত বনাঞ্চলৰ উচ্ছেদথলীলৈ পুনৰ উভতি আহিছে বন্য জীৱ জন্তু।
সংৰক্ষিত বনাঞ্চলৰ সুবিশাল অঞ্চল অবৈধ বেদখলকাৰীৰ পৰা মুক্ত হোৱাৰ পিছতে পুনৰ সেই স্থানত বাহৰ পাতিছে বনপ্ৰাণীয়ে।
ফেচবুক, টুইটাৰত কেমেৰাত বন্দী হোৱা দুটা বাঘৰ দুখন ফটো শ্বেয়াৰ কৰিছে৷
মুখ্যমন্ত্ৰীয়ে সদৰী কৰা মতে, বুঢ়াচাপৰি সংৰক্ষিত বনাঞ্চলত উচ্ছেদ চলোৱাৰ কিছুদিন পিছতে যোৱা ৭ আৰু ৯ মাৰ্চত কেমেৰাত বন্দী হয় বাঘ দুটা।
উল্লেখ্য যে, যোৱা ফেব্ৰুৱাৰী মাহত বুঢ়াচাপৰি সংৰক্ষিত বনাঞ্চলত উচ্ছেদ অভিযান চলাইছিল অসম চৰকাৰে।
প্ৰশাসনে বনাঞ্চলখনৰ প্ৰায় ৬ হাজাৰ বিঘা ভূমি অবৈধ বেদখলকাৰীৰ পৰা মুক্ত কৰে।
৬৬ বছৰ বয়সত মৃত্যু হোৱা বন্ধু সতীশ কৌশিকক স্মৰণ কৰি অভিনেতা অনুপম খেৰে ইনষ্টাগ্ৰামত পোষ্ট কৰা এটা ভিডিঅ’ত ভাগি পৰা দেখা যায়।
“৪৫ বছৰৰ বন্ধুত্ব এটা অভ্যাসত পৰিণত হয়, যিটো অভ্যাস আপুনি এৰি দিবলৈ সাজু নহয়। মই আজি তেওঁক ডায়েল কৰি সুধিবলৈ ওলাইছিল যে মই কি খাব লাগে।’-খেৰে কয়।
দৰং ওদালগুৰি জিলাৰ সীমান্তবৰ্তি ওৰাং থানাৰ অন্তৰ্গত ধনশ্ৰীত টেক্টৰৰ চেপাত এজনী কণমানিৰ মৃত্যু হয়।
AS 27C 4479 নম্বৰৰ টেক্টৰৰ চেপাত কৰুণ মৃত্যুক সাৱটি লয় ধনশ্ৰীৰ দক্ষিণ চুৱাৰ আফচানা খাতুনে।
আফচানা খাতুন দক্ষিণ চুৱা এলপি স্কুলৰ তৃতীয় শ্ৰেণীৰ ছাত্ৰী আছিল।
ঘৰৰ সন্মুখত পথৰ কাষত খেলি থকা অৱস্থাত অবৈধ ভাবে মাটি কঢ়িওৱা ট্ৰেক্টৰৰ চেপাত মৃত্যুক সাৱটি লয় দক্ষিণ চুৱাৰ আফচানা খাতুনে।
ঘটনাৰ খবৰ পাই ওৰাং আৰক্ষী থানাৰ এটা আৰক্ষীৰ দল উপস্থিত হৈ টেক্টৰখন ওৰাং থানালৈ লৈ যায়।
উক্ত হৃদয় বিদাৰক ঘটনাই অঞ্চলজুৰি শোকৰ ছাঁ পেলাইছে৷
শুকুৰবাৰে নতুন দিল্লীত ভাৰত-আমেৰিকাৰ পঞ্চম বাণিজ্যিক আলোচনাৰ বৈঠক অনুষ্ঠিত হয়।
বৈঠকৰ সময়ত কেন্দ্ৰীয় বাণিজ্য আৰু উদ্যোগ মন্ত্ৰী পিয়ুষ গোৱেল আৰু আমেৰিকাৰ বাণিজ্য সচিব জিনা ৰাইমণ্ডোৱে স্বীকাৰ কৰে যে ২০১৪ চনৰ পৰা দ্বিপাক্ষিক সামগ্ৰী আৰু সেৱাৰ বাণিজ্য প্ৰায় দুগুণ বৃদ্ধি পাইছে, ২০২২ চনত ৰেকৰ্ড কৰা ১৯১ বিলিয়ন মাৰ্কিন ডলাৰ অতিক্ৰম কৰিছে।
দুয়োপক্ষই তেওঁলোকৰ বাণিজ্যিক সহযোগিতা বৃদ্ধি আৰু একাধিক খণ্ডত বজাৰৰ সম্ভাৱনাক স্পৰ্শ কৰাৰ বাবে অধিক পদক্ষেপক আদৰণি জনায় আৰু লগতে ক্ষুদ্ৰ আৰু মজলীয়া উদ্যোগ আৰু ষ্টাৰ্টআপৰ বিনিয়োগৰ পৰিৱেশ সক্ষম কৰে।
দুয়োগৰাকী মন্ত্ৰীয়ে স্বীকাৰ কৰে যে ক্ষুদ্ৰ ব্যৱসায় আৰু উদ্যোগীসকল হৈছে আমেৰিকা আৰু ভাৰতীয় অৰ্থনীতিৰ প্ৰাণ। দুয়োখন দেশৰ ক্ষুদ্ৰ আৰু মজলীয়া উদ্যোগৰ মাজত সহযোগিতা সহজ কৰি তোলাৰ লগতে মহামাৰীৰ পিছৰ অৰ্থনীতিক পুনৰুদ্ধাৰ আৰু বৃদ্ধিৰ সুবিধা প্ৰদান কৰা উদ্ভাৱন পৰিৱেশ তন্ত্ৰক আদৰ কৰা প্ৰয়োজন।
এই পৰিপ্ৰেক্ষিতত দুয়োপক্ষই বাণিজ্যিক আলোচনাৰ অধীনত প্ৰতিভা, উদ্ভাৱন আৰু সৰ্বাংগীন বৃদ্ধিৰ ওপৰত নতুন কৰ্মগোট আৰম্ভ কৰাৰ কথা ঘোষণা কৰে।
ইয়াৰ দ্বাৰা ডিজিটেল আৰু উদীয়মান প্ৰযুক্তিকে ধৰি ষ্টাৰ্ট-আপ, ক্ষুদ্ৰ আৰু মজলীয়া উদ্যোগ, দক্ষতা বিকাশ আৰু উদ্যোগীকৰণৰ ক্ষেত্ৰত সহযোগিতা আৰু অধিক বৃদ্ধি পাব।
ভাৰত – আমেৰিকা বাণিজ্যিক আলোচনাৰ পৰিকাঠামোৰ অধীনত অৰ্ধপৰিবাহী যোগান শৃংখল আৰু উদ্ভাৱন অংশীদাৰিত্ব স্থাপনৰ ক্ষেত্ৰত দুয়োখন দেশৰ মাজত বুজাবুজিৰ চুক্তি স্বাক্ষৰিত হয়।
অসমৰ কামৰূপ মেট্ৰ’ জিলাৰ সোণাপুৰ মহাবিদ্যালয়ক ৰাষ্ট্ৰীয় স্বীকৃতি আৰু মূল্যায়ন (NAAC)ৰ দ্বাৰা এ+ গ্ৰেড প্ৰদান কৰা হৈছে।
মহাবিদ্যালয়খনে ৩.৩১ পইণ্টৰ ক্ৰমবৰ্ধমান গ্ৰেড পইণ্ট এভাৰেজ (চিজিপিএ) লাভ কৰি আগন্তুক পাঁচ বছৰৰ বাবে এ+ গ্ৰেড লাভ কৰে।
খবৰ অনুসৰি শুকুৰবাৰে এন এ চি কৰ্তৃপক্ষই সোণাপুৰ মহাবিদ্যালয়ৰ অধ্যক্ষ ডাঃ দেৱব্ৰত খনিকোৰক আনুষ্ঠানিকভাৱে এই ভাল খবৰটো অৱগত কৰে।
সোণাপুৰৰ ছাত্ৰ-ছাত্ৰী, শিক্ষক-শিক্ষয়িত্ৰী আৰু স্থানীয় ৰাইজে মহাবিদ্যালয়খনে এ+ গ্ৰেড পোৱাৰ পিছত সন্তুষ্টি প্ৰকাশ কৰি মহাবিদ্যালয়খনক সুন্দৰ ৰূপত উপস্থাপন কৰাৰ বাবে মহাবিদ্যালয় কৰ্তৃপক্ষক ধন্যবাদ জ্ঞাপন কৰে।
শুকুৰবাৰে গুৱাহাটী বিমানবন্দৰত CISF RSISING DAY অতি উদ্যমেৰে উদযাপন কৰা হয়।
অনুষ্ঠানটোৰ আৰম্ভণিতে আনুষ্ঠানিক পেৰেড অনুষ্ঠিত হয়, চি.আই.এছ.এফ ৰ কৰ্মীসকলক তেওঁলোকৰ অমূল্য সেৱা আৰু সততা আৰু নিষ্ঠাৰ বাবে নিৰ্বাচিত সদস্যসকলক গৃহ মন্ত্ৰালয়ে ‘আতি-উৎকৃষ্ট সেৱা পদক’ৰ সৈতে সম্বৰ্ধনা জনায়৷
লগতে আজিৰ এই অনুষ্ঠানটোত উপস্থিত থাকে CASO লালমোন ঠাকুৰৰ লগতে আদানি গ্ৰুপৰ CAO উৎপল বাদল বৰুৱা৷
লেখিকা: সুমিত্ৰা গোস্বামী।
অসমৰ চলচ্চিত্র জগতৰ সৈতে জড়িত শিল্পী-কলাকুশলী সকলক উৎসাহিত কৰাৰ উদ্দেশ্যে অসম চৰকাৰৰ সাংস্কৃতিক পৰিক্রমা বিভাগে ৰাজ্যিক চলচ্চিত্র বঁটা প্রদান অনুষ্ঠান আয়োজন কৰি আহিছে। বিগত দুটা বছৰত কভিডৰ বাবে এই মহোৎসৱ আয়োজন কৰাত বিঘ্নিত হয়।
এইবছৰ সাংস্কৃতিক পৰিক্রমা বিভাগৰ অধীনস্থ সাংস্কৃতিক সঞ্চালকালয়ে অসম ৰাজ্যিক চলচ্চিত্র (বিত্ত আৰু উন্নয়ন) নিগমৰ সহযোগত অহা ১৩ মাৰ্চত ২০২৩ তাৰিখে গুৱাহাটীৰ শ্ৰীমন্ত শংকৰদেৱ আন্তর্জাতিক প্ৰেক্ষাগৃহত ৰাজ্যিক চলচ্চিত্ৰ বঁটা প্ৰদান অনুষ্ঠান আয়োজন কৰিছে। উক্ত অনুষ্ঠানৰ সংগতি ৰাখি আজি গুৱাহাটীত এক সংবাদ মেল সম্বোধন কৰে অসম চৰকাৰৰ সাংস্কৃতিক পৰিক্ৰমা মন্ত্ৰী বিমল বৰাই।
উক্ত অনুষ্ঠানত ২০১৮ আৰু ২০১৯ দুয়োটা বছৰৰ বাবেও পৃথককৈ বঁটা প্ৰদান কৰা হ’ব । ২০১৮ চনৰ পহিলা জানুৱাৰীৰ পৰা ৩১ ডিচেম্বৰৰ ভিতৰত আৰু ২০১৯ চনৰ পহিলা জানুৱাৰীৰ পৰা ৩১ ডিচেম্বৰৰ ভিতৰত নির্মিত অসমীয়া কথাছবি, তথ্য চিত্ৰ আৰু চুটি ছবিব বাবে মুঠ ৪০ টা শিতানত বঁটা বিজয়ী শিল্পী, কলাকুশলী সকলৰ লগতে পবিত্ৰ কুমাৰ ডেকাৰ সোঁৱৰণত শ্রেষ্ঠ চলচ্চিত্র সমালোচকৰ ৰাজ্যিক চলচ্চিত্র বঁটা প্ৰদান কৰা হ’ব।
উল্লেখযোগ্য যে ২০১৮ চনৰ বাবে মুঠ ১২ খন চলচ্চিত্র,৮খন চুটি ছবি, ৫খন তথ্যচিত্র তথা ২০১৯ চনৰ বাবে মুঠ ১৮ খন চলচ্চিত্র, ৩ খন চুটি ছবি আৰু ৩ খন তথ্যচিত্ৰৰ বাবে আৱেদন লাভ কৰা হৈছিল। আনহাতে, পবিত্ৰ কুমাৰ ডেকাৰ সোঁৱৰণত সমালোচকৰ ৰাজ্যিক চলচ্চিত্র বঁটাৰ বাবে ২০১৮ চনত ৭ গৰাকী (প্ৰৱন্ধৰ বাবে) আৰু ২০১৯ চনত ৩ গৰাকী (গ্রন্থৰ বাবে) তথা ৫ গৰাকীয়ে (প্রবন্ধব বাবে) আৱেদন দাখিল কৰিছিল। ৰাজ্যিক চলচ্চিত্ৰ বঁটা লাভ কৰা প্ৰত্যেক গৰাকী সন্মানীয় শিল্পী-কলাকুশলীক আন্তৰিক অভিনন্দন জ্ঞাপন কৰাৰ লগতে ভৱিষ্যতৰ দিনটো অসমীয়া চলচ্চিত্ৰ জগতৰ উত্তৰণৰ ক্ষেত্ৰত সেৱা আগবঢ়াই যাবলৈ আহ্বান জনায় মন্ত্ৰী বিমল বৰাই ।
১৯৩৫ চনৰ ১০ মার্চ অর্থাৎ আজিৰ এই দিনটোত কলিকতাৰ ৰৌণক থিয়েটাৰত মুক্তি দিয়া প্ৰথম অসমীয়া চিনেমা জয়মতীৰ ৮৫ বছৰীয়া ইতিহাস তথা ৰূপকোঁৱৰ জ্যোতিপ্ৰসাদ আগৰৱালাৰ প্ৰচেষ্টাক সোঁৱৰে।
উক্ত অনুষ্ঠানত মন্ত্ৰী বিমল বৰাৰ সৈতে অসম ৰাজ্যিক চলচ্চিত্র বিত্ত আৰু উন্নয়ন নিগমৰ অধ্যক্ষ সীমান্ত শেখৰ, সাংস্কৃতিক পৰিক্ৰমা বিভাগৰ সঞ্চালিকা মীনাক্ষি দাস নাথ,অসম ৰাজ্যিক চলচ্চিত্র বিত্ত আৰু উন্নয়ন নিগমৰ সঞ্চালিকা মণিদীপা বৰকটকীৰ লগতে উচ্চপদস্থ বিষয়া কৰ্মচাৰী সকল উপস্থিত থাকে।
আজি ঘোষিত চলচিত্ৰ বঁটা সমূহ এনেধৰণৰ-
২০১৮ বৰ্ষৰ চলচিত্ৰ বঁটা সমূহ
শ্ৰেষ্ঠ ছবিৰ ৰূপকোঁৱৰ জ্যোতিপ্ৰসাদ আগৰৱালা বঁটা ‘বুলবুল কেন ছিং’
শ্ৰেষ্ঠ পৰিচালকৰ ব্ৰজেন বৰুৱা বঁটা– ৰীমা দাস
শ্ৰেষ্ঠ নৱাগত পৰিচালকৰ আব্দুল মজিদ বঁটা–খঞ্জন কিশোৰ নাথ
শ্ৰেষ্ঠ চিত্ৰনাট্যৰ ডঃ ভৱেন্দ্ৰনাথ শইকীয়া বঁটা– মঞ্জুল বৰুৱা
শ্ৰেষ্ঠ চিনেমাটোগ্ৰাফীৰ নলীন দুৱৰা বঁটা– অৰূপ মান্না
শ্ৰেষ্ঠ সম্পাদনাৰ ভৱেন দাস বঁটা–হিউৱেন বৰুৱা
শ্ৰেষ্ঠ সংগীত পৰিচালকৰ পাৰ্ৱতিপ্ৰসাদ বৰুৱা বঁটা– অনুৰাগ শইকীয়া
শ্ৰেষ্ঠ অভিনেতাৰ নটসূৰ্য ফণী শৰ্মা বঁটা– উৎকল হাজোৱাৰী
শ্ৰেষ্ঠ অভিনেত্ৰীৰ আইদেউ সন্দিকৈ বঁটা–অমৃতা গগৈ,জাহানাৰা বেগম
শ্ৰেষ্ঠ নৱাগত অভিনেতাৰ বিজু ফুকন বঁটা—মনোৰঞ্জন দাস
শ্ৰেষ্ঠ নৱাগত অভিনেত্ৰীৰ বিদ্যুৎ চক্ৰৱৰ্তী বঁটা— আৰ্ণালী দাস
শ্ৰেষ্ঠ ছবি সমালোচকৰ মুনিন বৰুৱা বঁটা
শ্ৰেষ্ঠ জনপ্ৰিয় ছবিৰ বিজয় শংকৰ বঁটা– ৰক্তবীজ
শ্ৰেষ্ঠ খলনায়কৰ তচদ্দুক ইউছুফ বঁটা— বাহাৰুল ইছলাম
শ্ৰেষ্ঠ কৌতুক অভিনেতাৰ মোৱাজ্জিন আলী বঁটা— ফিউলা বৰগয়াৰী
শ্ৰেষ্ঠ নেপথ্য পুৰুষ কণ্ঠশিল্পীৰ ৰুদ্ৰ বৰুৱা বঁটা– ইবচনলাল বৰুৱা
শ্ৰেষ্ঠ নেপথ্য মহিলা কণ্ঠশিল্পীৰ প্ৰতিমা বৰুৱা পাণ্ডে বঁটা— নাহিদ আফ্ৰিন
শ্ৰেষ্ঠ গীতিকাৰৰ নিৰ্মলপ্ৰভা বৰদলৈ বঁটা– বিতোপন নেওগ
কলাগুৰু বিষ্ণুপ্ৰসাদ ৰাভা জুৰিৰ বিশেষ বঁটা— আমৃত্যু
শ্ৰেষ্ঠ নৃত্য পৰিচালকৰ গজেন বৰুৱা বঁটা– দীপক দে’
শ্ৰেষ্ঠ শব্দযন্ত্ৰীৰ পীযুষকান্তি ৰয় বঁটা– অমৃত প্ৰীতম,দেৱজিৎ চাংমাই
শ্ৰেষ্ঠ কলা নিৰ্দেশকৰ যুগল দাস বঁটা– বিকুল বড়ো
শ্ৰেষ্ঠ ৰূপ-সজ্জাৰ বংশী দাস বঁটা— হৰ্ষিতা বৰুৱা
শ্ৰেষ্ঠ সাজ-সজ্জাৰ প্ৰদীপ দাস বঁটা — জিৰিণা বসুমতাৰী
শ্ৰেষ্ঠ সহ-অভিনেতাৰ গিৰীশ চৌধুৰী বঁটা— সঞ্জয় খাৰঘৰীয়া
শ্ৰেষ্ঠ সহ-অভিনেত্ৰীৰ ইভা আচাও বঁটা— পুনম গুৰুং
শ্ৰেষ্ঠ শিশু-শিল্পীৰ মাষ্টাৰ সিদ্ধাৰ্থ বঁটা– ওম কাশ্যপ,গুঞ্জন শইকীয়া
২০১৯ বৰ্ষৰ বঁটা সমূহ
শ্ৰেষ্ঠ ছবিৰ ৰূপকোঁৱৰ জ্যোতিপ্ৰসাদ আগৰৱালা বঁটা ‘জোনাকী পৰুৱা’
শ্ৰেষ্ঠ পৰিচালকৰ ব্ৰজেন বৰুৱা বঁটা– ভাস্কৰ হাজৰিকা
শ্ৰেষ্ঠ নৱাগত পৰিচালকৰ আব্দুল মজিদ বঁটা–অনুপম কৌশিক বৰুৱা
শ্ৰেষ্ঠ চিত্ৰনাট্যৰ ডঃ ভৱেন্দ্ৰনাথ শইকীয়া বঁটা– ভাস্কৰ হাজৰিকা
শ্ৰেষ্ঠ চিনেমাটোগ্ৰাফীৰ নলীন দুৱৰা বঁটা– প্ৰদীপ দৈমাৰী
শ্ৰেষ্ঠ সম্পাদনাৰ ভৱেন দাস বঁটা–প্ৰতীম খাউণ্ড
শ্ৰেষ্ঠ সংগীত পৰিচালকৰ পাৰ্ৱতিপ্ৰসাদ বৰুৱা বঁটা– তৰালি শৰ্মা, কুইন বে’
শ্ৰেষ্ঠ অভিনেতাৰ নটসূৰ্য ফণী শৰ্মা বঁটা– বেঞ্জামিন দৈমাৰী
শ্ৰেষ্ঠ অভিনেত্ৰীৰ আইদেউ সন্দিকৈ বঁটা–লীমা দাস
শ্ৰেষ্ঠ নৱাগত অভিনেতাৰ বিজু ফুকন বঁটা—জিতুমণি কলিতা
শ্ৰেষ্ঠ নৱাগত অভিনেত্ৰীৰ বিদ্যুৎ চক্ৰৱৰ্তী বঁটা—ড’ৰথী ভৰদ্বাজ
শ্ৰেষ্ঠ জনপ্ৰিয় ছবিৰ বিজয় শংকৰ বঁটা– ৰত্নাকৰ
শ্ৰেষ্ঠ খলনায়কৰ তচদ্দুক ইউছুফ বঁটা— পদ্মৰাগ গোস্বামী
শ্ৰেষ্ঠ নেপথ্য পুৰুষ কণ্ঠশিল্পীৰ ৰুদ্ৰ বৰুৱা বঁটা– জুবিন গাৰ্গ
শ্ৰেষ্ঠ নেপথ্য মহিলা কণ্ঠশিল্পীৰ প্ৰতিমা বৰুৱা পাণ্ডে বঁটা—অনন্যা দত্ত
শ্ৰেষ্ঠ গীতিকাৰৰ নিৰ্মলপ্ৰভা বৰদলৈ বঁটা– ৰাজদ্বীপ
কলাগুৰু বিষ্ণুপ্ৰসাদ ৰাভা জুৰিৰ বিশেষ বঁটা—চন্দ্ৰ মুদৈ,ৰজনী বসুমতাৰী
শ্ৰেষ্ঠ নৃত্য পৰিচালকৰ গজেন বৰুৱা বঁটা– দীপক দে’
শ্ৰেষ্ঠ শব্দযন্ত্ৰীৰ পীযুষকান্তি ৰয় বঁটা– গৌতম নায়াৰ,দেৱজিৎ গায়ন,অজয় কেভি পিভি
শ্ৰেষ্ঠ কলা নিৰ্দেশকৰ যুগল দাস বঁটা– জ্যোতিশংকৰ ভট্টাচাৰ্য,নৱনীতা শৰ্মা বৰা
শ্ৰেষ্ঠ ৰূপ-সজ্জাৰ বংশী দাস বঁটা— বিশ্বজিৎ কলিতা
শ্ৰেষ্ঠ সাজ-সজ্জাৰ প্ৰদীপ দাস বঁটা — প্ৰকাশ ডেকা
শ্ৰেষ্ঠ সহ-অভিনেতাৰ গিৰীশ চৌধুৰী বঁটা—অমৃত কুমাৰ বৰা
শ্ৰেষ্ঠ সহ-অভিনেত্ৰীৰ ইভা আচাও বঁটা—প্ৰতিভা চৌধুৰী
শ্ৰেষ্ঠ শিশু-শিল্পীৰ মাষ্টাৰ সিদ্ধাৰ্থ বঁটা– আশ্ৰমিকা শইকীয়া
