বাপতি সাহোন বিহুটিলৈ মাজত প্ৰায় ডেৰ মাহ বাকী। চৰকাৰে ইতিমধ্যে বিহুৰ ক্ষেত্ৰত গ্ৰহণ কৰিছে কঠোৰ স্হিতি। সেইমৰ্মে কোনো বিহু কমিটি বা উদ্যোক্তা সকলে কোনো কাৰণত চান্দা সংগ্ৰহ কৰিব নোৱাৰিব।
চৰকাৰে কমিটিক ডেৰ লাখ টকাকৈ আগবঢ়াব। আনহাতে ১৫ মে’ত আয়োজিত বিহুক চৰকাৰে এই ধনৰাশি যোগান নধৰে। মুখ্যমন্ত্ৰী ডঃ হিমন্ত বিশ্ব শৰ্মাই অতি শীঘ্ৰে যাৱতীয় এছ অ’ পি প্ৰকাশ পাব বুলি সদৰি কৰে।
ভাৰতীয় ক্ৰিকেটাৰ বিৰাট কোহলীয়ে তেওঁৰ পত্নী তথা অভিনেত্ৰী অনুষ্কা শৰ্মাক প্ৰেৰণা হিচাপে গণ্য কৰে। এক সাক্ষাৎকাৰত ক্ৰিকেটাৰগৰাকীয়ে কয় যে তেওঁৰ পত্নীয়ে বহু ত্যাগ কৰিছে। বলীউডৰ অভিনেত্ৰী অনুষ্কা শৰ্মা আৰু ভাৰতীয় ক্ৰিকেটাৰ বিৰাট কোহলীৰ আটাইতকৈ জনপ্ৰিয় দম্পতী। ২০১৭ চনৰ ১১ ডিচেম্বৰত ইটালীৰ টাস্কানীৰ বৰ্গো ফিনোচিয়াটোত দুয়োৰে এক গ্ৰেণ্ড বিবাহ হৈছিল। ৫ বছৰতকৈও অধিক সময় বিবাহিত দম্পতী আৰু তেওঁলোকৰ কন্যা ভামিকাৰো গৌৰৱময় পিতৃ-মাতৃ। বছৰ বছৰ ধৰি অনুষ্কা আৰু বিৰাটৰ সম্পৰ্ক পূৰ্বতকৈ অধিক দৃঢ় হৈ পৰিছে। একে সময়তে শেহতীয়া সাক্ষাৎকাৰৰ সময়ত বিৰাটে তেওঁৰ প্ৰিয় পত্নী অনুষ্কাৰ বিষয়ে ক’লে। বিৰাটে কয় যে অনুষ্কাই বহু ত্যাগ কৰিছে আৰু তেওঁৰ পত্নীক তেওঁৰ প্ৰেৰণা হিচাপে গণ্য কৰে।
অনুষ্কাই মাতৃ হিচাপে বহু ত্যাগ কৰিছিল
শেহতীয়াকৈ আৰ চি বিৰ প’ডকাষ্টৰ সময়ত বিৰাটে কয়, “যোৱা দুবছৰত সন্তান আৰু মাতৃ হিচাপে তাই যি ত্যাগ কৰিছে সেয়া বহু। অনুষ্কাক দেখি মই উপলব্ধি কৰিলোঁ যে মোৰ যি সমস্যা আছে সেয়া একোৱেই নহয়।”
বিৰাট কোহলীয়ে অনুষ্কাক প্ৰেৰণা বুলি গণ্য কৰে
তেওঁ আৰু কয়, “যেতিয়া আপুনি প্ৰেৰণা বিচাৰে তেতিয়া আপুনি ঘৰৰ পৰাই আৰম্ভ কৰে আৰু স্পষ্টভাৱে অনুষ্কা মোৰ বাবে এক প্ৰেৰণা , জীৱনৰ প্ৰতি মোৰ দৃষ্টিভংগী আছিল সম্পূৰ্ণ বেলেগ।
অভিনেত্ৰী অনুষ্কা শৰ্মাই মাতৃ হোৱাৰ পিছৰে পৰা ছবিৰ পৰা বিৰতি লৈছিল। কিন্তু এতিয়া আকৌ কামত লাগিছে। অতি সোনকালেই অনুষ্কাক দেখা যাব ‘চাকদা এক্সপ্ৰেছ’ত। শ্বাহৰুখ খানৰ ছবি ৰাব নে বানা দি জোডিৰ জৰিয়তে অনুষ্কাই অভিনয় জীৱন আৰম্ভ কৰিছিল। ইয়াৰ পিছত তেওঁ ‘বদমাছ কোম্পানী’, ‘বেণ্ড বাজা বাৰাত’, ‘পি কে’, ‘এন এইচ ১০’, ‘বম্বে ভেলভেট’, ‘চুলতান’, ‘এ দিল হায় মুছকিল’, ‘ফিলৌৰী’ আদি ছবিত কাম কৰিছিল।
গুৱাহাটীৰ শিলসাঁকোত চলি আছে উচ্ছেদ অভিযান। শিলসাঁকো বিল মুক্ত কৰাৰ পন প্ৰশাসনৰ। আজি দ্বিতীয় দিনাও প্ৰশাসনৰ বুলড’জাৰ চলিছে অবৈধ অট্টালিকাৰ ওপৰত। উচ্ছেদ চলি থকা সময়তেই আজি এটা অট্টালিকাৰ পৰা জপিয়াই এগৰাকী মহিলাই আত্মহত্যাৰ পথ বাচি লোৱা ঘটনাই তীব্ৰ চাঞ্চল্যৰ সৃষ্টি কৰিছে।
বৃহৎত নিৰাপত্তাবেহু ফালি মহিলা গৰাকী কেনেদৰে অট্টালিকাৰ ওপৰলৈ গ’ল তাক লৈও চলিছে চৰ্চা। কাইলৈ মৃত্যুক আকোৱালি লোৱা মহিলাগৰাকীৰ গৃহটো উচ্ছেদ কৰাৰ কথা আছিল বুলি উচ্ছেদিত জনতাই জানিবলৈ দিয়ে।
আৰক্ষীৰ জালত অসমৰ আটাইটকৈ ধনী ইউটিউবাৰ বুলি দাবী কৰা ইউটিউবাৰ মোস্তাফিজুৰ ৰহমান ৷ অনুমতিবিহীনভাৱে শিশুৰ ভিডিও প্ৰস্তুত কৰাৰ লগতে ভিডিঅ’ত ব্যৱহৃত বাহনৰো নাই কোনো নথিপত্ৰ ৷
বঙাইগাঁও জিলা শিশু সুৰক্ষা বিষয়াৰ এজাহাৰমৰ্মে যোগীঘোপা আৰক্ষীয়ে আটক কৰে ইউটিউবাৰগৰাকীক
আমদানিকৃত গামোচা আৰু মেখেলা-চাদৰৰ বিৰুদ্ধে কঠোৰ পদক্ষেপ গ্ৰহন কৰিছে ৰাজ্য চৰকাৰে। কাইলৈৰ পৰা ৰাজ্যজুৰি আমদানিকৃত পাৱাৰলুম গামোচা আৰু মেখেলা-চাদৰৰ বিৰুদ্ধে চলিব অভিযান। কাইলৈ প্ৰতিখন জিলাৰ উপায়ুক্ত সকলৰ সৈতে মুখ্যমন্ত্ৰী ডঃ হিমন্ত বিশ্ব শৰ্মাই ভিডিঅ কনফাৰেঞ্চ যোগে মত বিনিময় কৰি আমদানিকৃত গামোচাৰ লগতে মেখেলা-চাদৰৰ বিৰুদ্ধে চলিবলগীয়া অভিযান সম্পৰ্কে যাবতীয় নীতি নিৰ্দেশনা প্ৰদান কৰিব। উল্লেখযোগ্য যে ব’হাগ বিহুৰ ঠিক আগে আগে একাংশ ব্যৱসায়ীয়ে আমদানিকৃত গামোচা মজুত কৰি কোটি কোটি টকাৰ মুনাফা লুটি আহিছিল।
থলুৱা শিপিনীৰ গামোচাৰ মূল্য কিছু বেছি হোৱাৰ সুযোগ লৈ এচাম বহিৰাগত ব্যৱসায়ীয়ে দীৰ্ঘদিন দিন ধৰি চলাই আহিছিল এই ব্যৱসায়। আনহাতে বহু বিহু উদ্যক্তাইও কম মূল্যৰ এনে আমদানিকৃত গামোচা ক্ৰয় কৰি আহিছিল। শেহতীয়াকৈ থলুৱা কাহ শিল্পী সকলে তৈয়াৰ কৰা অসম গৌৰব শৰাইৰ প্ৰতিও আহি পৰিছে চৰম ভাবুকি। পশ্চিমবংগৰ এচাম কাৰিকৰে “হুৰাই” নাম দি অসমৰ বজাৰত মেলি দিছে শৰাই সদৃশ হুৰাই। চৰকাৰে গামোচাৰ লগতে অসমৰ শৰাইৰ অস্তিত্ব লৈ অহা ভাবুকিৰ প্ৰতি কঠোৰ স্থিতি গ্ৰহন কৰিবলৈ আহ্বান জনাইছে বিভিন্ন মহলে।
প্ৰাক্তন মহান ভাৰতীয় বেটছমেন শচীন টেণ্ডুলকাৰে মাইক্ৰ’ছফ্টৰ মালিক বিল গেটছক লগ কৰে। ছ’চিয়েল মিডিয়াতো ইয়াৰ ছবি শ্বেয়াৰ কৰিছে। শচীন টেণ্ডুলকাৰই ক্ৰিকেটৰ পৰা অৱসৰ লোৱাৰ পিছতো ছ’চিয়েল মিডিয়াত অতি সক্ৰিয় হৈ আছে। একে সময়তে শচীন ক্ৰিকেটৰ পৰা অৱসৰ লোৱাৰ পিছত শচীন তেণ্ডুলকাৰ ফাউণ্ডেচনৰ কামতো তেওঁ অতি ব্যস্ত। শেহতীয়াকৈ শচীন টেণ্ডুলকাৰে মাইক্ৰ’ছফ্ট কোম্পানীৰ মালিক বিল গেটছক সাক্ষাৎ কৰে। শচীনে নিজৰ অফিচিয়েল ইনষ্টাগ্ৰাম একাউণ্টত গেটছৰ সৈতে এখন ফটো শ্বেয়াৰ কৰিছে।
ভাৰতৰ প্ৰাক্তন মহান বেটছমেন শচীন টেণ্ডুলকাৰে মুম্বাইত মাইক্ৰ’ছফ্টৰ স্বত্বাধিকাৰী বিল গেটছৰ সৈতে সাক্ষাৎ কৰে। এই সময়ত তেওঁৰ পত্নী অৰ্জুন তেণ্ডুলকাৰকো তেওঁৰ সৈতে দেখা গৈছিল। এই বৈঠকৰ ছবিও শচীনে নিজৰ অফিচিয়েল ইনষ্টাগ্ৰাম একাউণ্টৰ জৰিয়তে শ্বেয়াৰ কৰিছে।
শচীন তেণ্ডুলকাৰ ফাউণ্ডেচন কি
মানুহ, প্ৰতিষ্ঠান আৰু সম্পদক একত্ৰিত কৰাৰ বাবে এক মঞ্চ প্ৰদানৰ বাবে প্ৰতিষ্ঠা কৰা হৈছিল শচীন তেণ্ডুলকাৰ ফাউণ্ডেশ্যন। শচীনৰ এই ভেটিটোৱে শিশুসকলক সমান সুযোগ দিয়াৰ লগতে তেওঁলোকৰ বাবে এখন উন্নত পৃথিৱী গঢ়ি তোলাত সহায় কৰে। শচীন ফাউণ্ডেচনে শিশুৰ স্বাস্থ্যৰ ওপৰতো কাম কৰে। প্ৰতিষ্ঠানটোৱে পৌৰসভাৰ চিকিৎসালয়সমূহৰ সৈতে কাম কৰি দুৰ্বল শিশুসকলক সুলভ মূল্যত মানসম্পন্ন স্বাস্থ্যসেৱা প্ৰদান কৰে। ইয়াৰ উপৰিও এই ফাউণ্ডেচনে শিশুসকলক শিক্ষা লাভৰ সুযোগ আৰু অধিকাৰ প্ৰদান কৰে। ইয়াৰ সহায়ত সমাজৰ অভাৱগ্ৰস্ত শ্ৰেণীৰ পৰা অহা শিশুসকলক সহায় কৰাৰ লক্ষ্য ৰাখিছে যিসকলে নিজৰ সপোন পূৰণ কৰিব বিচাৰে।
আৰক্ষীৰ এনকাউন্টাৰক লৈ পুনৰ আক্ৰমনাত্মক হৈ পৰে শিৱসাগৰৰ বিধায়ক অখিল গগৈ। অসমত ৬২ গৰাকী ব্যক্তিক পৰিকল্পিত ভাবে চৰকাৰে হত্যা কৰাৰ অভিযোগ তুলি মুখ্যমন্ত্ৰী ডঃ হিমন্ত বিশ্ব শৰ্মাক তীব্ৰ সমালোচনা কৰে গগৈয়ে। তেও শিলসাঁকোত প্ৰশাসনে চলোৱা উচ্ছেদক লৈও সমালোচনা কৰে। তেওঁ ডঃ হিমন্ত বিশ্ব শৰ্মাক খিলঞ্জীয়াৰ তেজ শুহি খোৱা বুলি মন্তব্য কৰাৰ লগতে এইখন চৰকাৰে খিলঞ্জীয়াৰ ভূমি কাঢ়ি পুঁজিপতিক গটাই দিয়াৰ বাহিৰে আন কোনো উদ্দেশ্য নাই বুলি মন্তব্য কৰে।
বিধায়ক গৰাকীয়ে আজমল, জিঞ্জাৰ হোটেলত বুলড’জাৰ কিয় নচলে বুলি প্ৰশ্ন কৰি খিলঞ্জীয়াৰ বাবে ১০০ মিটাৰ হোৱাৰ বিপৰীতে পূজিঁপতিৰ বিৰুদ্ধে জোখমাখ অমিল কিবুলিও তাৎপৰ্যপূৰ্ণ মন্তব্য কৰে। আনহাতে অসমত চলি থকা এনকাউন্টাৰ সম্পৰ্কে নিজৰ মত প্ৰকাশ কৰি ইতিহাসে এদিন মুখ্যমন্ত্ৰী ডঃ হিমন্ত বিশ্ব শৰ্মাক উচিত শিক্ষা দিব বুলি মন্তব্য কৰে। উল্লেখযোগ্য যে আজি নিয়াৰ আদালতত হাজিৰ হৈছিল বিধায়ক অখিল গগৈ।
বেছিভাগ মানুহেই ব্যস্ত জীৱনশৈলীৰ বাবে দৈনিক একে খাদ্য খাবলৈ আৰম্ভ কৰে। আপোনাৰ এই অভ্যাসে আপোনাৰ বাবে সময় ৰাহি কৰিব পাৰে যদিও আপোনাৰ স্বাস্থ্যৰ ক্ষতি কৰিব পাৰে। কিয় দৈনিক একে খাদ্য নালাগে জানেনে? বহুতে দুপৰীয়া আৰু ৰাতিৰ আহাৰ একেদৰেই খায়, কিন্তু আপুনি জানেনে যে তেনে কৰিলে আপোনাৰ স্বাস্থ্যৰ বাবে ক্ষতিকাৰক হ’ব পাৰে। প্ৰতিদিনে একেখিনি খাদ্য খালে আপোনাৰ স্বাস্থ্যৰ কি ক্ষতি হ’ব পাৰে? জানক-
একে খাদ্য খোৱাৰ ফলত স্বাস্থ্যৰ যথেষ্ট ক্ষতি হ’ব পাৰে-
পুষ্টিৰ অভাৱ
শৰীৰৰ বিকাশৰ বাবে আপোনাৰ খাদ্য তালিকাত সকলো ধৰণৰ বস্তু অন্তৰ্ভুক্ত হ’ব লাগে। যিবোৰ বিভিন্ন বস্তুৰ পৰা পোৱা যায়। কিন্তু দৈনিক একে ধৰণৰ ফলমূল আৰু শাক-পাচলি খালে আপুনি মাত্ৰ এটা প্ৰকাৰৰ পুষ্টিকৰ উপাদানহে পায়, যাৰ বাবে বাকী পুষ্টিকৰ উপাদানসমূহৰ শৰীৰত অভাৱ হ’বলৈ আৰম্ভ কৰে।
ওজন হ্ৰাসৰ যাত্ৰাত প্ৰভাৱ পৰে-
যদি আপোনাৰ ওজন কমিছে তেন্তে সদায় একে খাদ্য খোৱা উচিত নহয় কাৰণ যিসকল লোকে ওজন কমাবলৈ চিন্তা কৰিছে তেওঁলোকৰ খাদ্যত বেলেগ বেলেগ শাক-পাচলি থাকিব লাগে। কাৰণ একে খাদ্য খোৱা মানুহৰ ওজন কমি নাযায়, বৰঞ্চ একেই থাকে।
খাদ্যাভ্যাসৰ বিসংগতিৰ সৃষ্টি হয়-
খাদ্যাভ্যাসৰ বিকাৰ হৈছে অস্বাস্থ্যকৰ খাদ্যাভ্যাসৰ বাবে হোৱা এক মানসিক অৱস্থা। এনে পৰিস্থিতিত প্ৰতিদিনে একেখিনি খাদ্য খোৱাৰ ফলত এজন ব্যক্তিৰ নিৰ্বাচিত খাদ্যাভ্যাসৰ বিকাৰৰ সমস্যা হ’ব পাৰে। এনে অৱস্থাত ব্যক্তিজন পুষ্টিহীনতাৰ বলি হয় আৰু অস্বাস্থ্যকৰ ৰূপত তেওঁৰ ওজনো কমিবলৈ আৰম্ভ কৰে।
দক্ষিণ কামৰূপ জিলাৰ বকোৰ ছমৰীয়া সত্ৰ এখন উল্লেখযোগ্য পীঠস্থান হিন্দু মুছলমানৰ মিলন ভূমি।
শ্ৰীমন্ত শংকৰদেৱ আৰু শ্ৰী মাধৱদেৱৰ প্ৰধান শিষ্য, বৰ বিষ্ণু আতাৰ চাৰিখন মুখ্য সত্ৰৰ ভিতৰত তিনিখন উত্তৰ পাৰত অৱস্থিত, আৰু দ্বিতীয় বৈকুণ্ঠ সত্ৰ দক্ষিণ পাৰৰ, দক্ষিণ কামৰূপৰ ছমৰীয়াত অৱস্থিত, মহাপুৰুষ শ্ৰী শ্ৰী মাধৱদেৱৰ বাৰজন প্ৰধান শিষ্যৰ ভিতৰত শ্ৰী বৰবিষ্ণু আতা আছিল অন্যতম, বৰ বিষ্ণু আতাৰ তিৰোভাৱ তিথি মহোৎসৱ ছমৰীয়াত অৱস্থিত সত্ৰনগৰীৰ সত্ৰ খনত উৎযাপন হৈ আছে, বৰ বিষ্ণু আতাৰ তিৰোভাৱ তিথি মহোৎসৱ উপলক্ষে ছমৰীয়া এখন মেলা।
মেলা খনত উপস্থিত থকা শতকৰা নব্বৈ জন লোকেই হৈছে ইছলাম ধৰ্মৰ মুছলমান সম্প্ৰদায়ৰ লোক, এই সত্ৰত এই বেলিও অসমৰ বিভিন্ন ঠাইৰ পৰা বাপ বান্ধৱ আই মাতৃসৱৰ সমাগম ঘটিছিল।
মন কৰিবলগীয়া কথা হ’ল সত্ৰৰ পূণ্যভুমিত সত্ৰৰ পৰিচালনা কমিটিয়ে আয়োজন কৰা মেলা খনত অবাধে চলি আছে জুৱা খেলৰ আড্ডা, জানিব পৰা মতে কমিটিৰ পিষ্ঠ পোষতাতেই চলি আছে এই জুৱা।যত সৰ্বশ্ৰান্ত হৈ আছে উঠি অহা ল’ৰা ছোৱালীয়ে।
পৰিতাপৰ বিষয় যে এই জুৱা খেল দিন ৰাতি চলি আছে যদিও কামৰূপ প্ৰশাসন আৰু ছমৰীয়া পুলিচ প্ৰশাসনেও লৈছে চকুমুদা কুলিৰ ভাও। শূণ্য সহনশীলতা অসম চৰকাৰে কি ব্যৱস্থা ল’ব এই ক্ষেত্ৰত সেয়া হব আটাইতকৈ ডাঙৰ প্ৰশ্ন।
সংবাদমেলত আগন্তুক বিহু সন্দৰ্ভত কেতবোৰ গুৰুত্বপূৰ্ণ মন্তব্য কৰে মুখ্যমন্ত্ৰী গৰাকীয়ে।
পূৰ্বৰ বাৰৰ দৰে এইবাৰো বিহু কমিটীক ১,৫০,০০০ টকাকৈ প্ৰদান কৰিব ৰাজ্য চৰকাৰে।
১০ বছৰ পুৰণি প্ৰতিখন বিহু কমিটীয়ে লাভ কৰিব ডেৰ লাখকৈ টকা।
এমাহৰ ভিতৰত বিহু পতা কমিটীয়ে লাভ কৰিব ৰাজ্য চৰকাৰৰ এই ধন।
১৪ মে’ৰ পাছত বিহুৰ অনুষ্ঠান পাতিলে এই ধন নাপাব বিহু কমিটীসমূহে।
এই ধন লাভৰ বাবে বিহু কমিটীসমূহে আবেদন কৰিব লাগিব জিলা উপায়ুক্তক।
লগতে এই সন্দৰ্ভত শীঘ্ৰেই নিৰ্দেশনা প্ৰকাশ পাব বুলিও মন্তব্য কৰে হিমন্ত বিশ্ব শৰ্মাই।
