ওদালগুৰি জিলাৰ ভূটিয়াচাঙত আজি পুনৰ এটা বনৰীয়া হাতীৰ মৃত্যু ঘটিছে ৷ জিলাখনৰ ভূটীয়াচাং গাম্বাৰী বাগানত মৃত্যু হোৱা মখনা হাতীটো খাদ্যৰ নাটনিত মৃত্যু হোৱা বুলি স্থানীয় লোকে সন্দেহ কৰা হাতীটো গৰ্ভৱতী আছিল বুলি প্ৰত্যক্ষদৰ্শীয়ে জানিবলৈ দিয়ে ৷
মৃত্যু হোৱা হাতীটোৰ বয়স আনুমানিক ২৫ ৰ পৰা ৩০ বছৰ হব বুলি জানিব দিয়ে স্থানীয় লোকে ৷ বন বিভাগৰ লোক ঘটনাস্থলীত উপস্থিত হৈ মৃত বনৰীয়া হাতীৰ মৰনোত্তৰ পৰীক্ষাৰ ব্যৱস্থা কৰিছে ৷
শুকুৰবাৰে স্বাস্থ্য বিভাগে জনোৱা মতে, অষ্ট্ৰেলিয়াত কোভিড-১৯ৰ সক্ৰিয় ৰোগীৰ সংখ্যা সামান্য বৃদ্ধি পোৱা দেখা গৈছে। দেশত চতুৰ্থ ঢৌৰ সংক্ৰমণৰ শিখৰত উপনীত হৈছে। বিভাগটোৰ তথ্য অনুসৰি এই সপ্তাহত শুকুৰবাৰলৈকে দৈনিক গড়ে ১১,৯৫৩ জন নতুন ক’ভিড পঞ্জীয়ন হোৱা বুলি সংবাদ সংস্থা ছিনহুয়াই প্ৰকাশ কৰিছে। গড়ে ৭ দিনত চিকিৎসালয়খনত ২,২৪২জন ৰোগীক চিকিৎসা প্ৰদান কৰা হৈছিল। যোৱা সপ্তাহত ১০০ৰো অধিক লোকৰ মৃত্যু হৈছিল।
দক্ষিণ অষ্ট্ৰেলিয়াৰ (এছ এ) মুখ্য স্বাস্থ্য বিষয়া নিকোলা স্পাৰিয়ে কয় যে যোৱা সপ্তাহত ৩ শতাংশ ৰোগীৰ সংখ্যা বৃদ্ধি পোৱাৰ পিছত বৰ্তমানৰ ঢৌৱে শিখৰত উপনীত হৈছে বুলি তেওঁৰ বিশ্বাস। আমি অতি আশাবাদী যে বৰদিনৰ পূৰ্বে ৰোগীৰ সংখ্যা হ্ৰাস পাব আৰু আমি বৰদিন উপভোগ কৰিব পাৰিম বুলিও তেওঁ সাংবাদিকৰ আগত কয়।
আনহাতে ভাৰতত এদিনত ৩৪৭ জন কৰ’না ভাইৰাছ সংক্ৰমিত ৰোগীৰ আগমনৰ পিছত দেশত এতিয়ালৈকে আক্ৰান্ত লোকৰ সংখ্যা ৪,৪৬,৭০,৮৩০ লৈ বৃদ্ধি পোৱাৰ বিপৰীতে চিকিৎসাধীন ৰোগীৰ সংখ্যা ৫,৫১৬ লৈ হ্ৰাস পাইছে। শুকুৰবাৰে পুৱা কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা আপডেট তথ্য অনুসৰি যোৱা ২৪ ঘন্টাত দিল্লী, গুজৰাট আৰু কৰ্ণাটকত এজনকৈ ৰোগীৰ মৃত্যুৰ ফলত মৃত্যুৰ সংখ্যা ৫,৩০,৬০৪ লৈ বৃদ্ধি পাইছে।
দিল্লী উচ্চ ন্যায়ালয়ৰ কাষ চাপিছে মেগাষ্টাৰ অমিতাভ বচ্চনে। ব্যক্তিগত অধিকাৰ সুৰক্ষাৰ বাবে তেওঁ এই আৱেদন দাখিল কৰিছে। তেওঁৰ হৈ হাৰিশ ছালভে হাজিৰ হ’ব।
অমিতাভ বচ্চন অতি বিখ্যাত ব্যক্তিত্ব। তেওঁৰ মাতৰ যাদু সকলোৱে জানে। সমাজত তেওঁৰ এটা নাম, এটা প্ৰতিচ্ছবি আছে। তেওঁ আদালতত আবেদন দাখিল কৰিছে যাতে ক’তো অপব্যৱহাৰ নহয়। তেওঁলোকৰ কণ্ঠ, নাম আৰু প্ৰতিচ্ছবি সুৰক্ষিত কৰিবলৈ দাবী জনাইছে।
বিগ বিৰ কণ্ঠ বহু ঠাইত ব্যৱহাৰ কৰা হয়। কেৱল তেওঁৰ অভিনয় সবল নহয়, তেওঁৰ কণ্ঠও বহুতে প্ৰশংসা কৰে। কিন্তু তেওঁলোকৰ অনুমতি অবিহনে বহু ঠাইত তেওঁলোকৰ মাত ব্যৱহাৰ কৰা হয়। তেওঁ যাতে পুনৰ এনে নহয় তাৰ বাবে আদালতৰ পৰা সুৰক্ষা বিচাৰিছে। ন্যায়াধীশ নবীন চাওলাৰ বিচাৰপীঠৰ সন্মুখত অনুষ্ঠিত হ’ব এই শুনানি।
অমিতাভ বচ্চন বৰ্তমান ব্যস্ত কৌন বানেগা কোটিপতিৰ শ্বুটিঙত। শেহতীয়াকৈ তেওঁৰ এৰেটা চিনেমা ওলাইছে যিখন দৰ্শকে যথেষ্ট সমাদৰ লাভ কৰিছিল।
Hand about to bang gavel on sounding block in the court room
যোৱা বৰ্ষৰ ২৬ নৱেম্বৰত প্ৰদীপ দেৱৰয় নামৰ ব্যক্তিগৰাকীয়ে এই অপৰাধ সংঘটিত কৰিছিল আৰু তদন্ত তথা বিচাৰৰ পিছত আদালতে তেওঁক দোষী সাব্যস্ত কৰি বুধবাৰে মৃত্যুদণ্ডৰ শাস্তি প্ৰদান কৰে।
উত্তৰ ৰামচন্দ্ৰঘাটৰ বাসিন্দা প্ৰদীপে প্ৰথমে তেওঁৰ দুই কন্যা অদিতি আৰু মন্দিৰাক লোহাৰ ৰডেৰে হত্যা কৰে। এই অপৰাধৰ সময়ত হস্তক্ষেপ কৰাৰ বাবে প্ৰদীপে তেওঁৰ ভাতৃ অমলেশ দেৱৰয়কো হত্যা কৰে।
এই হত্যাকাণ্ড সংঘটিত কৰাৰ পিছত তেওঁ পথলৈ ওলাই যায় আৰু আচম্বিতে কৃষ্ণ দাস নামৰ আন এগৰাকী লোকক প্ৰহাৰ কৰি হত্যা কৰে। ইফালে খোৱাই থানাৰ ভাৰপ্ৰাপ্ত বিষয়া সত্যজিৎ মল্লিক এই সময়তে আৰক্ষীৰ দলৰ সৈতে সেই স্থানত উপস্থিত হয়। কিন্তু চাৰিটাকৈ হত্যাকাণ্ড সংঘটিত কৰা প্ৰদীপে মল্লিককো আক্ৰমণ কৰে।
