আধুনিক কৃষ্টি আৰু সংস্কৃতিৰ নাট্য সম্ভাৰ লৈ কামৰূপ জিলাৰ বকোত ন ৰূপত আত্মপ্ৰকাশ ঘটিছে সুদৰ্শন চিনে থিয়েটাৰ নামৰ এক নাট্য দ’ল। উল্লেখ্য যে ; বকো অঞ্চলৰ খলিহাৰ জেষ্ঠ্য নাট্য শিল্পী অসম চৰকাৰ আৰু অসম সাহিত্য সভাৰ দ্বাৰা স্বীকৃতিপ্ৰাপ্ত মঞ্চ অভিনেতা তথা মঞ্চ সম্ৰাট হিচাপে জনাজাত ব্ৰজেন দাসৰ একান্ত প্ৰচেষ্টাত ৰাজ্যৰ ভিন্ন প্ৰান্তৰ ন – পুৰণি শিল্পীৰ সমাহাৰেৰে ২০২২ – ২৩  বৰ্ষৰ নাট্য সম্ভাৰ লৈ শুভাৰম্ভৰ প্ৰস্তূতি চলিছে থিয়েটাৰ সুদৰ্শন চিনে থিয়েটাৰৰ। কামৰূপ জিলাৰ বকোত মুখ্য কাৰ্যালয় স্থাপন কৰি খলিহাত আখাৰা গৃহ পাতি আৰম্ভ কৰা সুদৰ্শন চিনে থিয়েটাৰৰ আজি আনুষ্ঠানিক ভাৱে আখাৰাগৃহৰ শুভাৰম্ভ কৰা হয়। ইতিমধ্যে পেণ্ডেল ; মঞ্চ আৰু যাৱতীয় সা সামগ্ৰী মজুত কৰা হৈছে বুলি জানিব দিয়ে মুখ্য প্ৰযোজক ব্ৰজেন দাসে।

ইফালে শিল্পীৰ আত্মমৰ্য্যদা আৰু স্বাম্বলম্বীতাৰ সুবিধা প্ৰদান কৰিবলৈ এই প্ৰয়াস বুলি তাৎপৰ্যপূৰ্ণ কথাৰে আজি আয়োজন কৰে নাট্য শিল্পীৰ আখাৰা। আজিৰ আখাৰাৰ শুভাৰম্ভণি অনুস্থানত উপস্থিত থাকে বিশিষ্ট শিক্ষাবিদ ড: গণেশ্বৰ চহৰীয়া ; ৰাভা হাছং স্বায়ত্ব শাসিত পৰিষদৰ কাৰ্যবাহী পাৰিষদ নগৰমল স্বৰ্গীয়াৰী ; বকো সংগীত মহাবিদ্যালয়ৰ অধ্যক্ষ নগেন কলিতা ; শিল্পী গৰাকীক ভাতৃ হেমেন দাস ; অনাদী পাটোৱাৰী ; কিৰণ ৰাভা আদিকে ধৰি বহু সংখ্যক শিল্পী ক’লা কুশলী। ইফালে নাট্যদলটিৰ বাবে যোগাযোগ কৰিবলৈ ৭৬৩৫৯৪৩২০৪ নম্বৰ প্ৰকাশ কৰে সুদৰ্শন চিনে থিয়েটাৰৰ মূখ্য প্ৰয়োজক ব্ৰজেন দাসে।  

ভাৰতীয় সাহিত্য -সংস্কৃতিৰ ক্ষেত্ৰ খনত ধৰ্মগ্ৰন্থ মহাভাৰতৰ ভূমিকা অবৰ্ণনীয় ।পাচহাজাৰ বছৰ পূৰ্বে ৰচিত  ধৰ্মগ্ৰন্থ মহাভাৰতৰ  প্ৰাসংগিকতা যুগে যুগে বিৰাজমান। শনিবাৰে পিবি কনিহা উচ্চতৰ মাধ্যমিক বিদ্যালয়ৰ বিষয় শিক্ষয়িত্ৰী তথা লেখিকা  বিমলা দেৱী ৰচিত  “মহাভাৰতৰ পাতে পাতে” শীৰ্ষক গ্ৰন্থখনৰ উন্মোচন কৰি এনেদৰে কয় বিশিষ্ট শিক্ষাবিদ পৰেশ বৈশ্যই। ভাষণ প্ৰসংগত বৈশ্যই মহাভাৰতৰ অন্তৰ্নিহিত বিষয়  বিজ্ঞান সন্মত দৃষ্টি ভংগীৰে ব্যাখ্যা কৰে । শিক্ষক সকলে ভাষণ দিব পাৰে লিখিব নোৱাৰে এনে এক ধাৰণাৰ  বিশিষ্টা শিক্ষয়িত্ৰী বিমলা দেৱীয়ে শিশুসকলৰ বাবে যুগুত কৰা “মহাভাৰতৰ পাতে পাতে” শীৰ্ষক গ্ৰন্থখনৰ জৰিয়তে বিপৰীত ছবি প্ৰতিফলিত কৰা বুলি ভাষণ প্ৰসঙ্গত উল্লেখ কৰে বৈশ্যই । আনহাতে গ্ৰন্থ উন্মোচনী সভাখনত অসমীয়া প্ৰতিদিন কাকতৰ সহকাৰী সম্পাদক তপন কলিতাই  অংশগ্ৰহণ কৰি অতি সম্প্ৰতি গ্ৰন্থ তথা কাকতকে ধৰি ছপাজগতখনলৈ ডিজিটেল মাধ্যমে সংকট নমাই অনা বুলি অভিহিত কৰে ।সাহিত্য জীয়াই ৰাখিবলৈ পঢ়ুৱৈৰ সৃষ্টি হব লাগিব বুলি উল্লেখ কৰি নৱপ্ৰজন্মক ডিজিটেল মাধ্যমৰ সমান্তৰালভাৱে ছপা মাধ্যমৰ প্ৰতিও আগ্ৰহী কৰি তোলাৰ বাবে ভাষণ প্ৰসংগত উল্লেখ কৰে ।

কভিড কালৰ পৰৱৰ্তী সময়ৰ পৰা দ্ৰুতগতিত ছপামাধ্যমৰ জনপ্ৰিয়তা অৱনমিত হোৱা বুলি উল্লেখ কৰি কলিতাই প্ৰসঙ্গক্ৰমে বিমলাদেৱীৰ প্ৰয়াসৰ শলাগ লয় ।নৱপ্ৰজন্মই মহাভাৰতৰ পাতে পাতে গ্ৰন্থখনে বিশেষ ভাবে আদৰি লব বুলিও আশা ব্যাক্ত কৰে কলিতাই ।প্ৰকাশকসঙ্গীত গ্ৰুপ অফ ক্ৰিয়েচনৰ উদ্যোগত ৰঙিয়া ৰাইজমেল কৃষক ছহিদ ভবন প্ৰেক্ষাগৃহত আয়োজিত গাম্ভীৰ্যপূৰ্ণ অনুষ্ঠানটোত ৰঙিয়া শংকৰদেৱ শিশু নিকেতনৰ প্ৰধানাচাৰ্য দিলিপ লহকৰে লেখিকা বিমলা দেৱীক শুভেচ্ছা জ্ঞাপন কৰি সকলকে গ্ৰন্থখন আকোৱালি লবলৈ আহ্বান জনায়। এক ব্যাতিক্ৰমী চিন্তা চৰ্চাৰে পঙ্কজ পল্লৱ শৰ্মা আৰু জয়ন্ত কুমাৰ শৰ্মাই পৰিচালনা কৰা অনুষ্ঠানটোত পশ্চিম নলবাৰী প্ৰেছ ক্লাৱৰ সম্পাদক প্ৰদীপ বৰ্মন, উপসভাপতি দ্বিপেন মেনা, ৰঙিয়াৰ জেষ্ঠ অধিবক্তা প্ৰতাপ শৰ্মা, বিনোদ ৰাজবংশী,নাট্যকৰ্মী গিৰিন দাসে ভাষন দিয়ে।

নলবাৰীৰ বিশিষ্টা কবি বিভা  দত্তই কবিতা পাঠ কৰে। ৰীতা পাছনি, ৰীনা দেৱী, পখিলা কলিতা আৰু বৰষা ভৰদ্বাষে পৰিৱেশন কৰা সঙ্গীতৰ অনুষ্ঠানে সমবেত কেবা শতাধিক সাহিত্য অনুৰাগীক আপ্লুত কৰে । সভাত বিশিষ্ট শিশু সাহিত্যিক ভুপেন চন্দ্ৰ দাস, অধিবক্তা অচ্যুত কলিতা, সংগঠক মনোৰঞ্জন শৰ্মা, শিল্পী অঞ্জু কলিতা, অক্ষয় শৰ্মা, সংবাদকৰ্মী  ভাস্কৰ কলিতা, হেমেন কলিতা, খাইৰুল ইছলাম প্ৰমুখ্যে ভালেসংখ্যক সাহিত্যানুৰাগিয়ে সভাত অংশ লয়। কৌস্তভ ভৰদ্বাজ আৰু বিমলা দেৱীয়ে  শাস্ত্ৰীয় সঙ্গীতৰে আৰম্ভ কৰা অনুষ্ঠানৰ শেষত শলাগৰ শৰাই আগবঢ়াই  জেষ্ঠ অধিবক্তা তথা কবি মুনীন শৰ্মাই।

ৰাইজৰ অন্যান্য ঠাইৰ লগতে কাৰ্বি আংলং জিলাৰ হাওৰাঘাট অঞ্চলৰ শান্তিপুৰ গাঁৱৰ অংগনবাড়ী কেন্দ্ৰৰ উদ্যোগত আজি দিনজোৰা কাৰ্যসূচীৰে বিশ্ব মাতৃ দুগ্ধপান সপ্তাহ পালন কৰা হয় । এই অনুষ্ঠানৰ লগত সংগতি ৰাখি এখন সজাগতামূলক সভাও অনুষ্ঠিত কৰা হয় । চঞ্চুবালা নম:শূদ্ৰৰ সভানেত্ৰীত্বত সভাখন অনুষ্ঠিত কৰা হয় । শান্তিপুৰ অংগনবাড়ী কেন্দ্ৰৰ কৰ্মী ৰূপালী বসুমতাৰীয়ে আঁত ধৰা আৰু জোনালী বাগলাৰীয়ে উদ্দেশ্য ব্যাখ্যা কৰা বিশ্ব মাতৃ দুগ্ধপান সপ্তাহ সভাত হাওৰাঘাটৰ এ এন এম  জিমি পাঠক,  আশা কৰ্মী কৃষ্ণা বসুমতাৰী অঞ্চলটোৰ অংগনবাড়ী কেন্দ্ৰৰ কৰ্মী আৰু সহায়িকা  ক্ৰমে  শুভদ্ৰা ইংতিপি , জোনালী বাগলাৰী, মাম্পীৰাণী দাস, মণিকা বসুমতাৰী, প্ৰভাৱতী চৌহান, পূৰ্ণিমা নাৰ্জাৰী, কল্পনা নম:শূদ্ৰৰ  লগতে  কেইবাখনো গাঁৱৰ মহিলা সকল উপস্থিত থাকে ।

সভাত অংগনবাড়ী কৰ্মী ৰূপালী বসুমতাৰী, এ এন এম জিমি পাঠক আৰু আশা কৰ্মী কৃষ্ণা বসুমতাৰীয়ে বিশ্ব মাতৃ দুগ্ধপান সপ্তাহ পালনৰ উদ্দেশ্য আৰু ইয়াৰ তাৎপৰ্য ব্যাখ্যা কৰি কয় যে শিশুটিৰ বাবে প্ৰথম মাতৃ দুগ্ধপানেই হৈছে প্ৰথম প্ৰতিষেধক । গতিকে মাকৰ গাখীৰেই হৈছে শিশুৰ কাৰণে আটাইতকৈ উত্তম আহাৰ । 

তাই আহোম ছাত্ৰ সন্থাই সংবাদ মাধ্যমৰ জৰিয়তে বিজেপি নেত্ৰী আংগুৰলতা ডেকাক সমালোচনা কৰিবলৈ গৈ অসমৰ ভূমি পুত্ৰ  প্ৰাচীনতম কলিতা জনগোষ্ঠীক নানা তিৰ্য্যক মন্তব্য কৰা কাৰ্য্যৰ বিৰূদ্ধে সদৌ অসম কলিতা আলপাইন জনগোষ্ঠী সন্মিলনে গৰিহণা দিয়াই নহয় জাঙুৰ খাই উঠিছে।লগতে শুক্ৰবাৰে নিশাই সদৌ অসম কলিতা জনগোষ্ঠী সন্মিলন সাধাৰণ সম্পাদক প্ৰতুল কলিতাসহ এটি সঁজাটি দলে তাই আহোম ছাত্ৰ সন্থাৰ মুখপাত্ৰ যাধৱ কোঁৱাৰ বিৰুদ্ধে নলবাৰী সদৰ থানাত এখন এজাহাৰ দাখিল কৰে।উল্লেখ‍্য যে যোৱা ৫ আগষ্টত  তাই আহোম ছাত্ৰ সন্থাৰ মুখপাত্ৰ  যাদব কোঁবৰ নামৰ লোকজনে সংবাদ মাধ্যমৰ জৰিয়তে আংগুৰলতা ডেকা ইতিহাস নথকা জনগোষ্ঠীৰ নৰ্তকী বুলি কোৱাৰ লগতে ইতিহাস নথকা  ঢেকেৰী জনগোষ্ঠীৰ বুলি বাৰে বাৰে উল্লেখ কৰি কলিতা জনগোষ্ঠীটোক চুড়ান্ত অপমান কৰিছে।  তাই আহোম ছাত্ৰ সন্থাই জনা উচিত আহোমে ১২২৮ চনত অসম আক্ৰমণ কৰিবলৈ আহি  বৰ অসমৰ মতা হ’ব বিচাৰিছে ।

অসমৰ কলিতা আলপাইন সকল যে ভূমি পুত্ৰ তাৰ উদাহৰণ অসমীয়া ভাষা। কলিতাই  সৃষ্টি কৰা অসমীয়া ভাষাটোক লৈ ফিতাহী মাৰি অসমৰ মুধাফুটা  নেতাগিৰী কৰাটো কলিতা সকলে কোনো কালে সজ্য নকৰে  ।  আহোমৰ উপদ্ৰৱত এদিন শংকৰদেৱৰ আৰু মাধৱদেৱে গুৰু দুজনা প্ৰান ৰক্ষাৰ বাবে পলাব লগা হৈছিল । এই কলংকৰ কথা অইনে পাহৰি গলেও কলিতা আলপাইন জনগোষ্ঠী য়ে পাহৰি যোৱা নাই । সেয়েহে সদৌ অসম কলিতা আলপাইন জনগোষ্ঠী সন্মিলনে তেওঁলোকক ২৪ ঘন্টা সময় দিছোঁ, অহা ২৪ ঘন্টাৰ ভিতৰত যদি  তাই আহোম ছাত্ৰ সন্থাই ক্ষমা নোখোজে তেতিয়া হ’লে তেওঁলোকে ভয়ানক পৰিস্থিতিৰ সন্মুখীন হ’ব লাগিব বুলি সকীয়াই দিয়ে।লগতে কালি সদৌ অসম কলিতা আলপাইন জনগোষ্ঠী সন্মিলন,নলবাৰী জিলা সমিতিৰ সাধাৰণ সম্পাদক ভুৱনেশ্বৰ কলিতাই তাই আহোম ছাত্র সন্থাৰ মুখপাত্ৰ যাধৱ কোঁৱৰ বিৰুদ্ধে এখন এজাহাৰ দাখিল কৰে।  ইতিমধ্যে অসমৰ বিভিন্ন জিলা সমিতি সমূহক যাদব কোঁবৰ নামৰ লোক জনৰ ওপৰত এজাহাৰ দিয়াৰ বাবে প্ৰস্তুতি চলিছে বুলি জানিব পৰা গৈছে।।