মাজুলী জিলা ভাওনা সন্মিলনৰ উদ্যোগত দেওবাৰে উজনি মাজুলী আঞ্চলিক সমিতিখন গঠন কৰা হয় | সেই অনুসৰি মুদৈবিল মিলনজ্যোতি ৰঙ্গমঞ্চত  আয়োজন কৰা উজনি মাজুলীৰ গৰিষ্ঠসংখ্যক ভাওনা শিল্পী আৰু স্থানীয় বিভিন্ন বিষয়ৰ শিল্পীসকলৰ লগতে সংস্কৃতিবান বয়োজ্যেষ্ঠ লোকসকলৰ উপস্থিতিৰে এখনি ৰাজহুৱা সভাৰ আয়োজন কৰা হয় | মাজুলী জিলা ভাওনা সন্মিলনৰ সভাপতি প্ৰভাত বৰা বুঢ়াভকতৰ সভাপতিত্বত অনুষ্ঠিত হোৱা ৰাজহুৱা সভাখনিৰ উদ্দেশ্য ব্যাখ্যা কৰে জিলা সন্মিলনৰ সাধাৰণ সম্পাদক জয়ন্ত হাজৰিকাই | গুৰুজনা সৃষ্ট ভাওনাক পৰম্পৰাগত ৰীতি-নীতিৰে আৰু যথাৰ্থ ৰূপত পৰিবেশন, সংৰক্ষণ আৰু সংবৰ্ধন আৰু ভাওনা শিল্পীসকলৰ মৰ্যাদা, চৰকাৰী সন্মান, শিল্পী স্বীকৃতিৰ হকে মাজুলী জিলা ভাওনা সন্মিলনে কাম কৰি যাব |

তাৰেই অংশ হিচাপে জিলা সন্মিলনখনিয়ে সমগ্ৰ মাজুলী সামৰি উজনি মাজুলী আঞ্চলিক, পুৱ মাজুলী আঞ্চলিক, মধ্য মাজুলী আঞ্চলিক আৰু নামনি মাজুলী আঞ্চলিক সমিতি গঠনৰ উদ্দেশ্যে এই সভাখনিৰ আয়োজন কৰা হৈছে বুলি জয়ন্ত হাজৰিকাই উদ্দেশ্য ব্যাখ্যা আগবঢ়ায় | এই সভাখনিৰ আৰম্ভণিতে জিলা সন্মিলনৰ উপ-সভাপতি , বিশিষ্ট শিল্পী দীপক বৰুৱাৰ মাতৃ বিয়োগৰ সংবাদ লাভ কৰি এক মিনিট সময় মৌন প্ৰাৰ্থনা আৰু শোক প্ৰস্তাৱ গ্ৰহণ কৰা হয় | চিনাকী পৰ্ব অনুষ্ঠানত জিলা সভাপতি প্ৰভাত বৰা বুঢ়াভকত, কাৰ্যকৰী সভাপতি ড০ অৰূপ কুমাৰ বৰা, সাধাৰণ সম্পাদক জয়ন্ত হাজৰিকা, সম্পাদক যতীন বৰা, আৰু সাংগঠনিক সম্পাদক কুশদীপ হাটীমতাক একোখন ফুলাম গামোচাৰে আদৰণি জনোৱা হয় | ইয়াতে জিলা সমিতিৰ সাংগঠনিক সম্পাদক প্ৰনৱ শইকীয়া, সাংস্কৃতিক সম্পাদক অতুল কলিতা,কাৰ্যকৰী সদস্য ক্ৰমে সত্যেন দত্ত, সঞ্জীৱ সেনাপতিয়েও অংশগ্ৰহণ কৰে | সভাপতি প্ৰভাত বৰা বুঢ়াভকতে এটি মনোজ্ঞ বক্তব্যৰে সভাখনিৰ গুৰুত্বতা বৃদ্ধি কৰাৰ পিছতে আঞ্চলিক সমিতিখনৰ পোষকতা কৰি বিপিন হাজৰিকা, জয়ন্ত হাজৰিকা, কুশদ্বীপ হাটীমতা, স্থানীয় সমাজ সচেতন ব্যক্তি গণেশ ৰাজখোৱা, জিলা কাৰ্যকৰী সভাপতি ড০ অৰূপ কুমাৰ বৰা , বিশিষ্ট শিল্পী এলেঙ্গী নৰসিংহ সত্ৰৰ পৰা অংশগ্ৰহণ কৰা নৱজ্যোতি মহন্ত প্ৰভৃতি বিশিষ্ট লোকসকলে বক্তব্য আগবঢ়ায় | ইয়াৰ পিছতে উজনি মাজুলী আঞ্চলিক সমিতিখন গঠন কৰা হয় | সেইমৰ্মে সভাত উপস্থিতসকলৰ সৰ্বসন্মতিক্ৰমে অতুল কলিতাক সভাপতি, কাৰ্যকৰী সভাপতি নৱজ্যোতি মহন্ত , বিপিন হাজৰিকাক  সম্পাদক, বসন্ত ৰাজখোৱা আৰু প্ৰনৱ শইকীয়া (হেম) উপ সভাপতি, সত্যেন দত্ত, নিতুল শইকীয়া, প্ৰণৱজ্যোতি শইকীয়াক সহকাৰী সম্পাদক, সাংস্কৃতিক সম্পাদকৰূপে- বিতোপন শৰ্মা, কৃষ্ণা মেধি, জীৱনজ্যোতি হাজৰিকা, সাংগঠনিক সম্পাদক- ৰুবুল দত্ত, ধৰ্ম বেজ, যতীন বৰা, জয়ন্ত শইকীয়া, সঞ্জীৱ সেনাপতি, প্ৰচাৰ সম্পাদকৰূপে ৰঞ্জন বৰা, ৰাজীৱ পাতিৰ , প্ৰাঞ্জল  খাউণ্ড , কাব্যশ্ৰী বৰা, সঞ্জীৱ অভয়পুৰীয়া, ৰূপজ্যোতি বৰা, কাৰ্যকৰী সদস্য হিচাপে অনুৰাগ শইকীয়া, ৰাজু দাস, জিন্তু শইকীয়া, বিপুল খাউণ্ড ,উত্তম বৰা আৰু জয়ন্ত বৰাক মনোনীত কৰা হয় | এই সমিতিখনিৰ উপদেষ্টাৰূপে পোনা বায়ন, গনেশ ৰাজখোৱা, বিপিন হাজৰিকা, দুৰ্গেশ্বৰ শইকীয়া আৰু অৱনী বৰাক গ্ৰহণ কৰে |

উল্লেখযোগ্য যে এই আঞ্চলিক সমিতিখন পৰৱৰ্তী সময়ত বৰ্ধিত কলেৱৰত অঞ্চলৰ সকলো ভাওনা শিল্পীকে সামৰি লোৱাৰ সিদ্ধান্ত গ্ৰহণ কৰা হয় |নৱ নিৰ্বাচিত  আঞ্চলিক সমিতিখনলৈ জিলা সভাপতি প্ৰভাত বৰা বুঢ়াভকত, কাৰ্যকৰী সভাপতি ড০ অৰূপ কুমাৰ বৰা, সাধাৰণ সম্পাদক জয়ন্ত হাজৰিকা, কুশদীপ হাটীমতা আৰু যতীন বৰাই অভিনন্দন জ্ঞাপন কৰে | বৃহত্তৰ উজনি মাজুলীৰ ভাওনা শিল্পীসকলক সমবেত কৰাই এখন আঞ্চলিক সমিতি গঠন কৰাৰ দিহা কৰা বাবে অতুল কলিতা, সত্যেন দত্ত, হেম শইকীয়া আৰু সঞ্জীৱ সেনাপতিক জিলাৰ সাধাৰণ সম্পাদক জয়ন্ত হাজৰিকাই ভূয়সী প্ৰশংসা আৰু শলাগ লয় | একেদৰে মুদৈবিল গাঁৱৰ ৰাইজ, যুৱকবৃন্দ আৰু মুদৈবিল মিলনজ্যোতি ৰঙ্গমঞ্চ পৰিচালনা সমিতিৰো শলাগ লোৱা হয় | মাজুলী জিলা ভাওনা সন্মিলনৰ উদ্যোগত ঘোষণা কৰা মাতৃভাষা ভাওনা নাটৰ পাণ্ডুলিপি প্ৰতিযোগিতাৰ প্ৰাক্ মুহূৰ্তত এই আঞ্চলিক সমিতিৰ গঠনে জিলা সমিতিখনি অধিক শক্তিশালী কৰি তুলিব বুলি সভাৰ বিশিষ্ট অতিথিসকলে মত প্ৰকাশ কৰিছে | জিলা সভাপতিজনাৰ অভিনন্দন আৰু শলাগেৰে সভাখনিৰ সফল সামৰণি ঘটোৱা হয় |

প্ৰধানমন্ত্ৰী নৰেন্দ্ৰ মোডী বিশ্বৰ ভিতৰতে মিছলীয়া প্ৰধানমন্ত্ৰী। আজি সেই কথা আকৌ এবাৰ প্ৰমাণ হ’ল। দেশত কোৰোনাজৰ্জৰ পৰিস্থিতিৰ সময়ত প্ৰধানমন্ত্ৰীয়ে কোৱা কথা যে সম্পূৰ্ণৰূপে মিছা আছিল, সেই কথা পুনৰবাৰ প্ৰমাণিত হ’ল।’ -এই মন্তব্য অসম প্ৰদেশ যুৱ কংগ্ৰেছৰ মুখপাত্ৰ তথা সম্পাদক দীপাংকৰ দাসৰ। শুক্তবাৰে বিয়লি প্ৰায় পাঁচ বজাত ভৱানীপুৰ ৰাজীৱ ভৱনত আয়োজিত এখন সংবাদমেলত অসম প্ৰদেশ যুৱ কংগ্ৰেছৰ মুখপাত্ৰগৰাকীয়ে যোৱা ৫ মে’ত বিশ্ব স্বাস্থ্য সংস্থাই সমগ্ৰ বিশ্বতে কোৰোনাজৰ্জৰ সময়ছোৱাত মৃত্যু ঘটা লোকৰ পৰিসংখ্যাক লৈ প্ৰকাশ কৰা এক প্ৰতিবেদনত ভাৰতৰ ক্ষেত্ৰত প্ৰদান কৰা প্ৰতিবেদনক লৈ গভীৰ উদ্বেগ প্ৰকাশ কৰে।উল্লেখ্য, বিশ্ব স্বাস্থ্য সংস্থাৰ প্ৰতিবেদনত ২০২০-২১ বৰ্ষৰ সময়ছোৱাত সমগ্ৰ পৃথিৱীতে ৪,৭২৯,৫৪৮ গৰাকী লোকৰ মৃত্যু হোৱাৰ কথা উল্লেখ কৰা হৈছিল।

আনহাতে এইক্ষেত্ৰত সমগ্ৰ পৃথিৱীতে কোৰোনাজৰ্জৰ সময়ছোৱাত মৃত্যু ঘটা লোকৰ এক তৃতীয়াংশই ভাৰতবৰ্ষৰ আছিল বুলিও বিশ্ব স্বাস্থ্য সংস্থাৰ একেখন প্ৰতিবেদনত প্ৰকাশ পাইছে। সেই তথ্য অনুসৰি উক্ত সময়ছোৱাত ভাৰতত প্ৰায়  ৪৭ লাখ লোকৰ কোৰোনাত মৃত্যু ঘটিছিল। গতিকে, সেই সময়ত বিজেপি চৰকাৰে যি তথ্য দিছিল, তাৰ তুলনাত দহ গুণ বেছি মানুহৰ মৃত্যু ঘটাৰ কথা প্ৰতিবেদনত প্ৰকাশ পাইছে। প্ৰদেশ কংগ্ৰেছৰ মুখপাত্ৰগৰাকীৰ মন্তব্য- ইমানদিনে কেন্দ্ৰৰ নৰেন্দ্ৰ মোডী নেতৃত্বাধীন বিজেপি চৰকাৰখনে অকল ভাৰতবৰ্ষৰ জনসাধাৰণকেই নহয়, সমগ্ৰ বিশ্বৰ জনসাধাৰণকে মিছা কথাৰে আভুৱা ভাৰি আহিছিল।নৰেন্দ্ৰ মোডীয়ে সমগ্ৰ বিশ্ববাসীৰ ওচৰতে ভাৰতবাসীক লজ্জাৱনত কৰিছে। সেয়ে বিশ্ববাসীৰ ওচৰত মিছা কথা কৈ ভাৰতীয় জনসাধাৰণক যেনেদৰে অন্ধকাৰত ৰাখিলে, তাৰ বাবে সমগ্ৰ ভাৰতবাসীৰ হৈ বিশ্ব জনগণৰ ওচৰত প্ৰধানমন্ত্ৰীক ক্ষমা খোজাৰ দাবী জনায় সংবাদমেলযোগে। আনহাতে উপযুক্ত চিকিৎসাৰ লগতে কোৰোনা প্ৰতিষেধকৰ অভাৱ আৰু সময়ত অক্সিজেন যোগান ধৰিব নোৱাৰা বিজেপি চৰকাৰখনক কোৰোনাত মৃত্যু ঘটা প্ৰতিগৰাকী লোককে চাৰি লাখকৈ ক্ষতিপূৰণ দিয়াৰো দাবী জনায় অসম প্ৰদেশ যুৱ কংগ্ৰেছৰ মুখপাত্ৰগৰাকীয়ে পূৰ্বতে কংগ্ৰেছ নেতা ৰাহুল গান্ধীয়ে তথ্য সহকাৰে এই কথা উন্মোচন কৰিছিল বুলিও সংবাদমেলত মুখপাত্ৰগৰাকীয়ে মন্তব্য কৰে। প্ৰদেশ কংগ্ৰেছৰ মুখপাত্ৰ গৰাকীৰ মন্তব্য- এই তথ্য আমাৰ নহয়, বিশ্ব স্বাস্থ্য সংস্থাৰ দৰে এক নিৰপেক্ষ সংস্থাইহে দীৰ্ঘদিন কৰা প্ৰণালীবদ্ধ গবেষণা আৰু অনুসন্ধানৰ পিছতহে এই কথা প্ৰকাশ কৰিছে। বিশ্ব স্বাস্থ্য সংস্থাৰ এই প্ৰতিবেদনক এশ শতাংশই সঁচা বুলি দাবী কৰি যুৱ কংগ্ৰেছৰ মুখপাত্ৰগৰাকীৰ মন্তব্য- বিশ্ব স্বাস্থ্য সংস্থা সংস্থা কংগ্ৰেছ দলৰ নিৰ্দেশত‌ চলা সংস্থা নহয়।

তেওঁলোক নিৰপেক্ষ, এই কথা বিশ্বজুৰি স্বীকৃত। সেয়ে বিশ্বৰ বাকী দেশসমূহে বিশ্ব স্বাস্থ্য সংস্থাৰ এই প্ৰতিবেদন মানি লৈছে। আনহাতে বিশ্ব স্বাস্থ্য সংস্থাৰ প্ৰতিবেদনক যদি ভুল বুলি কোৱা হয়,তেন্তে কোৰোনাকালীন সময়ত কেন্দ্ৰীয় চৰকাৰে দিয়া নীতি-নিৰ্দেশনাসমূহো মিছা বুলি প্ৰমাণিত হ’ব লাগিব।  সংবাদমেলত অসন প্ৰদেশ যুৱ কংগ্ৰেছৰ মুখপাত্ৰ দীপাঙ্কৰ দাসৰ সৈতে ভৱানীপুৰ ব্লক কংগ্ৰেছ কমিটীৰ সভাপতি ইছমাইল হুছেইন, ভৱানীপুৰ সমষ্টি যুৱ কংগ্ৰেছৰ সভাপতি মকিবুল ইছলাম আৰু সাধাৰণ সম্পাদক আব্দুল্লা আহমেদো উপস্থিত আছিল। Attachments area

শুক্ৰবাৰে হঠাৎ শাৰীৰিকভাৱে অসুস্থ হৈ পৰে সাংবাদিক ইমদাদ আলী। বৰ্তমান সাংবাদিকজনক গুৱাহাটী চিকিৎসা মহাবিদ্যালয়ত চিকিৎসা কৰি থকা হৈছে। চিকিৎসকৰ মতে অতি শীঘ্ৰেই সাংবাদিকজন সুস্থ হৈ উঠিব। বিশেষ চিন্তাৰ কোনো কাৰণ নাই।

উল্লেখ্য যে সাংবাদিক ইমদাদ আলী বৰ্তমান দিশপুৰ প্ৰেছ ক্লাৱৰ উপ সভাপতিৰ লগতে দৈনন্দিন বাৰ্তাৰ ডিজিটেল মাধ্যম ডিবি নিউজৰ পৰিচালন সম্পাদকৰ দায়িত্বত আছে। সাংবাদিকজন সোনকালে সুস্থ হৈ পুনৰ ন ন কৰ্ম কৰাৰ আশা সকলোৰে।