বিতৰ্কৰ আৱৰ্তত নগাঁৱৰ আৰক্ষী বিষয়া জোনমণি ৰাভা। প্ৰৱঞ্চনাৰে ধন আত্মসাত্ কৰাৰ অভিযোগ উত্থাপিত হৈছে আৰক্ষী বিষয়াগৰাকীৰ বিৰুদ্ধে। এইলৈ এতিয়া এতিয়া তোলপাৰ লাগিছে ৰাজ্য। ঘটনাৰ সন্দৰ্ভত এইবাৰ প্ৰতিক্ৰিয়া প্ৰকাশ কৰিছে নগাঁৱৰ আৰক্ষী অধীক্ষক লীনা দলেই।
আৰক্ষী অধীক্ষকগৰাকীয়ে কয় যে, ‘প্ৰমাণ পালে ব্যৱস্থা পালে লোৱা হ’ব জোনমণি ৰাভাৰ বিৰুদ্ধে। আৰক্ষী বিষয়া বুলি তেওঁ কোনো অনুকম্পা নাপায়। কিন্তু অডিঅ’ ৰেকৰ্ডিঙক প্ৰমাণ বুলি ধৰিব পৰা নাযায়। মাজুলী আৰক্ষীক সহযোগ কৰিব নগাঁও আৰক্ষীয়ে।’
এদিনীয়া ভ্ৰমণসূচীলৈ বুধবাৰে গুৱাহাটীলৈ আহে তৃণমূল কংগ্ৰেছৰ কেন্দ্ৰীয় সা সম্পাদক তথা লোকসভাৰ সাংসদ অভিষেক বেনাৰ্জী। মমতা বেনাৰ্জীৰ দলৰ কেন্দ্ৰীয় যুৱ নেতাগৰাকীয়ে গুৱাহাটীৰ জয়া নগৰত দলটোৰ অসম ৰাজ্যিক মুখ্য কাৰ্য্যালয় আনুষ্ঠানিকভাৱে উদ্বোধন কৰে। কাৰ্য্যালয় উদ্বোধনৰ পিছত অনুষ্ঠিত সংবাদমেলত অভিষেক বেনাৰ্জীয়ে CAA সম্পৰ্কত তৃনমূল কংগ্ৰেছৰ এটাই স্থিতি বুলি উল্লেখ কৰে। “CAA-কলৈ দুমুখীয়া স্থিতি বিজেপিৰ, বংগত কয় CAA কাৰ্যকৰী কৰা হ’ব। কিন্তু অসমত CAAৰ কথা নকয় অমিত শ্বাহে। আমি TMC য়ে “কা” কেতিয়াও নামানো।”-এই মন্তব্য সাংসদ অভিষেক বেনাৰ্জীৰ।
ইফালে বিভিন্ন ৰাজ্যত দলীয় সংগঠন সম্পৰ্কত উল্লেখ কৰি অভিষেক বেনাৰ্জীয়ে কয় যে, তৃনমূল কংগ্ৰেছে দহখন ৰাজ্যত দল শক্তিশালী কৰিব। মেঘালয়ত বিৰোধীত আছো বুলি কোৱা অভিষেক বেনাৰ্জীয়ে আগন্তুক বৰ্ষত আমি মেঘালয় , ত্ৰিপুৰাৰ নিৰ্বাচনত ভাল ফলাফল কৰিব পাৰিম বুলি আশাবাদী। কংগ্ৰেছ এতিয়া মোবাইল আৰু টুইটাৰত আছে, কংগ্ৰেছে মাটিত, পথাৰত নানামে। আমি কি কৰিম বুলি কয় প্ৰশ্নহে কৰে অভিষেক বেনাৰ্জীয়ে।
“আমি বিগত ৮/৯ বছৰ সৰ্বভাৰতীয় পৰ্যায়ত নমা নাছিলো। এতিয়া কংগ্ৰেছলৈ অপেক্ষা নকৰো, আমি নামিছো।” এই মন্তব্য অভিষেক বেনাৰ্জীৰ। ইফালে মুখ্যমন্ত্ৰী ড: হিমন্ত বিশ্ব শৰ্মাৰ মন্তব্যৰো প্ৰতিক্ৰিয়া প্ৰকাশ কৰে অভিষেক বেনাৰ্জীয়ে। “২০১১ চনৰ পৰা বংগত ডিডিৰ চৰকাৰ চলিছে। তেতিয়াৰ পৰা আমি পেট্ৰোল ডিজেলত কৰ লগোৱা নাই। বংগত দাম বাঢ়িলে অসমতো বাঢ়ে বুলি মুখ্যমন্ত্ৰীয়ে কোৱা কথা দূৰ্ভাগ্যজনক।”
অভিষেক বেনাৰ্জীয়ে লগতে কয় যে, অতি সোনকালে অসমলৈ আহিব পশ্চিম বংগৰ মুখ্যমন্ত্ৰী মমতা বেনাৰ্জী। অসমত তৃণমূল কংগ্ৰেছে বিজেপিৰ বিৰুদ্ধে যুঁজ দিবলৈ আহিছো বুলিও উল্লেখ কৰে নেতাগৰাকীয়ে। এই অসমৰ লোকে TMCত থাকি অসম চলাব। বংগ, গুজৰাট, দিল্লীয়ে অসম চলাব নোৱাৰিব বুলি কয় তৃণমূল কংগ্ৰেছৰ কেন্দ্ৰীয় সা সম্পাদক গৰাকীয়ে। বুধবাৰৰ অভিষেক বেনাৰ্জীৰ সংবাদমেলত ৰাজ্যিক সভাপতি ৰিপুণ বৰা, সাংসদ সুস্মিতা দেবো উপস্থিত আছিল।
বুধবাৰে জনতা ভৱনৰ মুখ্যমন্ত্ৰীৰ সভাকক্ষত স্বাক্ষৰিত হ’ল এক ঐতিহাসিক বুজাবুজিৰ চুক্তি ৷ টাটা টেকন’লজী আৰু অসম চৰকাৰৰ মাজত স্বাক্ষৰিত হয় এই চুক্তি ৷ ইয়াৰ জৰিয়তে অসমত স্থাপন হ’ব ৩৪খন পলিটেকনিক আৰু ৪৩খন ঔদ্যোগিক প্ৰশিক্ষণ প্ৰতিষ্ঠান ৷ এই কাৰ্যত ব্যয় হ’ব ২৩৯০ কোটি টকা। মুখ্যমন্ত্ৰী ড° হিমন্ত বিশ্ব শৰ্মাৰ উপস্থিতিত স্বাক্ষৰিত চুক্তিৰ সময়ত উপস্থিত থাকে দক্ষতা বিকাশ দপ্তৰৰ মন্ত্ৰী চন্দ্ৰমোহন পাটোৱাৰী, শিক্ষামন্ত্ৰী ডাঃ ৰণোজ পেগু, টাটা টেকন’লজীৰ অধ্যক্ষ আৰু পৰিচালন সঞ্চালক ৷
চুক্তিত স্বাক্ষৰৰ পিছত টাটা টেকন’লজীক ধন্যবাদ জ্ঞাপন কৰে মুখ্যমন্ত্ৰী ড° শৰ্মাই ৷ মুখ্যমন্ত্ৰী ড০ শৰ্মাই মুঠ ৭৭খন প্ৰতিষ্ঠানৰ এবছৰৰ ভিতৰত নিৰ্মাণ সম্পূৰ্ণ কৰা হ’ব বুলি উল্লেখ কৰে। তেওঁ এবছৰৰ ভিতৰত প্ৰস্তাৱিত ৭৭ খন পলিটেকনিক আৰু ITI স্থাপন কৰিবলৈ সংশ্লিষ্ট বিভাগক নিৰ্দেশ দিয়ে ৷ এই ৭৭ প্ৰতিষ্ঠান নিৰ্মাণ সম্পন্ন হ’লে প্ৰতিবছৰে ১৫ৰ পৰা ২০ হাজাৰ ছাত্ৰ–ছাত্ৰী উপকৃত হ’ব বুলি মুখ্যমন্ত্ৰীয়ে সদৰী কৰে ৷ লগতে উত্তীৰ্ণ হোৱা ছাত্ৰ–ছাত্ৰীসকলে টাটাৰ কোম্পানীসমূহত নিযুক্তি লাভ কৰিব বুলি আশা প্ৰকাশ কৰে মুখ্যমন্ত্ৰী ড° শৰ্মাই ৷
মিঠা অবিহনে ভাৰতত যে কোনো আহাৰ সম্পূৰ্ণ নহয়। প্ৰতিটো ভোজনৰ পিছতে মিঠাই এটা খোৱাটো প্ৰায় বাধ্যতামূলক। মিঠা খোৱাৰ হেঁপাহটো সাধাৰণতে নিশা দেৰিকৈ আহে আৰু আমি প্ৰায়েই ইয়াৰ ওচৰত নতি স্বাকীৰ কৰোঁ। চেনী খোৱাৰ লগে লগে আপোনাৰ দেহত ডোপামিন নামৰ এক ৰাসায়নিক পদাৰ্থৰ বৃহৎ পৰিমাণে বৃদ্ধি কৰে। কিন্তু গৱেষণাই পৰামৰ্শ দিয়ে যে আহাৰৰ পিছত মিঠাই খোৱাটো স্বাস্থ্যকৰ নহ’বও পাৰে। ই আপোনাৰ স্বাস্থ্য প্ৰভাৱিত কৰে আৰু কেইবাটাও অন্তৰ্নিহিত আৰু দীৰ্ঘস্থায়ী স্বাস্থ্য সমস্যাৰ সৃষ্টি কৰে। অত্যধিক পৰিমাণৰ চেনী খোৱাৰ ফলত মেদবহুলতা, অত্যধিক ৰক্তচাপ আৰু জ্বলা-পোৰাকে ধৰি কোৰোনেৰী হৃদৰোগৰ বিপদৰ কাৰকবোৰ বৃদ্ধি হ’ব পাৰে। উচ্চ-শৰ্কৰাযুক্ত আহাৰৰ ফলত কোৰোনেৰী হৃদযন্ত্ৰৰ বিকাৰৰ ফলত মৃত্যুৰ সম্ভাৱনা বাঢ়ি যায় বুলি কোৱা হয়।
আয়ুৰ্বেদে স্বাস্থ্য সমস্যা সমাধানৰ বাবে এক মুখ্য নিৰ্দেশনা হিচাপে কাম কৰি আহিছে আৰু ইয়াৰ বহুতো আৰোগ্যকাৰী গুণ আছে যি ইয়াক ঔষধৰ আটাইতকৈ বিশ্বাসযোগ্য প্ৰকাৰবোৰৰ এটা কৰি তুলিছে। শেহতীয়া অধ্যয়ন আৰু আয়ুৰ্বেদে পৰামৰ্শ দিয়ে যে আহাৰৰ আগতে মিঠাই খোৱাটো পিছত খোৱাতকৈ ভাল।
আহাৰ খোৱাৰ আগতে মিঠাই খালে ই আপোনাৰ সোৱাদৰ কলিবোৰ সক্ৰিয় কৰে আৰু আপোনাক আপোনাৰ আহাৰ ভালদৰে উপভোগ কৰিবলৈ সুযোগ দিয়ে। খোৱাৰ শেষত মিঠাই খালে পাচন প্ৰক্ৰিয়া প্ৰভাবিত হ’ব পাৰে আৰু প্ৰক্ৰিয়াটো লেহেম হ’ব পাৰে আৰু এচিডিক ৰিফ্লাক্সৰ ফলত ফাৰ্মেণ্টেচন হ’ব পাৰে। আহাৰৰ শেষত মিঠা খোৱাৰ ফলত গেছ হয় আৰু পেট ফুলি উঠিব পাৰে।
নিশা পলমকৈ যেতিয়া আপুনি গধুৰ আহাৰ খোৱাৰ পিছত মিঠাই খায়, খাদ্যৰ কণাবোৰ ভাঙিবলৈ অধিক সময় লয় আৰু সেয়েহে হজম হ’বলৈ অধিক সময় লাগে। সেয়ে আহাৰ খোৱাৰ পিছত মিঠাই খোৱা পৰিহাৰ কৰিবলৈ চেষ্টা কৰিব লাগে। খোৱাৰ আগতে মিঠাই খালে পাচন নিঃসৰণৰ প্ৰবাহ সক্ষম হয় যি আপোনাৰ হজম প্ৰক্ৰিয়াৰ গতি উন্নত কৰাত সহায় কৰে।
জয়পুৰৰ ৰাজপৰিয়ালৰ কন্যা দিয়া কুমাৰীৰ দাবী, ‘আমাৰ ভূমিত নিৰ্মাণ কৰা হৈছে তাজমহল, প্ৰমাণ আছে’। বিজেপি সাংসদ আৰু জয়পুৰৰ ৰাজকীয় দিয়া কুমাৰীয়ে আজি দাবী কৰে যে তাজমহল নিৰ্মাণ কৰা মাটি মূলত চহৰখনৰ এসময়ৰ শাসক জয় সিঙৰ আছিল। দিয়া কুমাৰীয়ে কয় যে মাটি খিনি মোগল সম্ৰাট শ্বাহজাহানে অধিগ্ৰহণ কৰিছিল।
সেই সম্পৰ্কীয় তথ্য-পাতি পূৰ্বৰ জয়পুৰৰ ৰাজপৰিয়ালৰ ওচৰত আছে বুলি তেওঁ দাবী কৰে। দিয়া কুমাৰীয়ে এলাহাবাদ উচ্চ ন্যায়ালয়ত এই বিষয়ত এখন আৱেদনত কৰাৰ কথাও উল্লেখ কৰিছে। উক্ত আবেদনত তেওঁ তাজমহলৰ “ইতিহাস” সম্পৰ্কে তথ্য উদ্ঘাটনৰ দাবী জনোৱাৰ লগতে এই বিষয়ত তদন্ত বিচাৰিছিল।
চেন্নাই চুপাৰ কিংছৰ প্ৰাক্তন অধিনায়ক ৰবীন্দ্ৰ জাদেজাক IPL 2022 প্ৰতিযোগিতাখনৰ বাকী খেলসমূহৰ পৰা বাদ দিয়াৰ পূৰ্ণ সম্ভাৱনা আছে। ইতিমধ্যে আঘাতৰ বাবে দিল্লী কেপিটেলছৰ বিৰুদ্ধে খেলখনত বাদ পৰিছিল জাদেজা। CSKৰ হাতত আৰু তিনিখন মেচ বাকী আছে আৰু প্লে অফৰ স্থানত শ্বট এটা ৰখাৰ বাবে তেওঁলোকে তিনিওখন জিকিব লাগিব আৰু RCB আৰু RRএ তেওঁলোকৰ বাকী থকা খেলবোৰত পৰাস্ত হ’ব লাগিব।
CSKই বৃহস্পতিবাৰে ইতিমধ্যে বাহিৰ হোৱা মুম্বাই ইণ্ডিয়ানছৰ বিৰুদ্ধে অৱতীৰ্ণ হ’ব আৰু তাৰ পিছত গুজৰাট টাইটানছ আৰু ৰাজস্থান ৰয়েলছৰ বিৰুদ্ধে খেল অনুষ্ঠিত হ’ব।Times of Indiaৰ এক বাতৰি মতে “CSK শিবিৰে যোৱা কেইদিনমান ধৰি জাদেজাৰ আঘাতৰ মূল্যাঙ্কন কৰি আছিল কিন্তু আঘাত সঠিককৈ ভাল হোৱা নাই”। বাতৰিটোত আৰু কৈছে যে প্ৰতিযোগিতাখনত CSKই প্লেঅফলৈ যোগ্যতা অৰ্জন কৰাৰ যিহেতু অতি ক্ষীণ এটা আশা আছে সেয়ে নে এক অনিশ্চিত মুহূৰ্তত জাদেজাক দলত লৈ ৰিস্ক ল’ব ৱিচৰা নাই দলটোৱে।
আঘাতৰ উপৰি জাদেজাৰ নিজৰ ফৰ্ম চিএছকেৰ বাবে এক উদ্বেগজনক কাৰণ হৈ পৰিছে য’ত অলৰাউণ্ডাৰজনে এতিয়ালৈকে খেলা ১০ খন খেলত মাত্ৰ ১১৬ ৰাণ আৰু মাত্ৰ পাঁচটা উইকেট লাভ কৰিবলৈ সক্ষম হৈছে।
দৈনন্দিন জীৱনত আমি সকলোৱে হালধীয়া ৰঙৰ হালধি ব্যৱহাৰ কৰো। আমি সচৰাচৰ ব্যৱহাৰ কৰা হালধি আমি বিশেষ খোৱা খাদ্যত ব্যৱহাৰ কৰো। যিয়ে খাদ্যসমূহ সোৱাদযুক্ত কৰি তোলে। কিন্তু আপুনি জানেনে এই হালধীয়া ৰঙৰ হালধিৰ উপৰিও উপলব্ধ হয় ক’লা হালধি। যাৰ আছে বিশেষ গুণাগুণ। ক’লা হালধি মুখ্যতঃ ভাৰতৰ উত্তৰ-পূব ৰাজ্যসমূহত পোৱা যায়। ই স্বাস্থ্যৰ বাবে অতি উপকাৰী বুলি গণ্য কৰা হয়। ছালৰ বাবে ই ঔষধতকৈ কম নহয়। পিছে কেতিয়াবা আপুনি ক’লা হালধি ব্যৱহাৰ কৰি পাইছেনে?
ক’লা হালধিৰ বিশেষ গুণাগুণ
গোসাঁইগাঁও মহকুমাৰ অন্তৰ্গত বিটিচিৰ শ্ৰীৰামপুৰ পৰিষদীয় সমষ্টিৰ ১নং ভোমৰাবিল গাঁৱত আজি দুপৰীয়া দুই বজাত ১নং ভোমৰাবিল – ৩১ নং ৰাষ্ট্ৰীয় ঘাইপথৰ হাৰাপুটা সংযোগী পুৰণি কাঠৰ দলং ভাঙি দুই পথ আৰোহী গুৰুতৰভাৱে আহত হয়। ঘটনা ক্ৰমে প্ৰায় পঁচিছ বছৰীয়া পুৰণি ১নং ভোমৰাবিল গাঁৱৰ কাঠৰ দলংখন বিগত কেইবাবছৰে গাঁওবাসীয়ে সংকট জনক অৱস্থাত যাতায়াত কৰি আছে।
কেইবছৰে স্থানীয় ৰাইজে স্থানীয় পাৰিষদ তথা ৰাইজৰ বৰঙণিৰে দলংখন মেৰামতি কৰে যদিও সৰু গাড়ী, টোটো, মটৰ চাইকেলৰ অত্যধিক যাতায়াতে দলংখন পুনৰ দুৰ্বল হৈ পৰে। আজি দুপৰীয়া দুই বজাত হঠাৎ দলংখন ভাঙি পৰে। ফলত আমান আলী (৭২) গুৰুতৰভাৱে আহত হোৱাৰ লগতে মুজাফৰ আলী আহমেদ (৪৫) আংশিকভাৱে আহত হয়।
ঘটনাৰ খৱৰ পাই শ্ৰীৰামপুৰ পৰিষদীয় সমষ্টিৰ পাৰিষদ সজল কুমাৰ সিং ঘটনাস্থলীত উপস্থিত হৈ দলংখন পুনৰ্নিৰ্মাণ কৰাৰ প্ৰতিশ্ৰুতি দিয়াৰ লগতে তাৎক্ষণিকভাৱে দলংখন মেৰামতি কৰি দিব বুলি প্ৰতিশ্ৰুতি দিয়ে।
অসম আৰক্ষীক মঙ্গলবাৰে প্ৰদান কৰা হৈছে ৰাষ্ট্ৰপতিৰ নিচান । গুৱাহাটীত আয়োজন কৰা অনুষ্ঠানত দেশৰ গৃহমন্ত্ৰী অমিত শ্বাহে প্ৰদান কৰিছে এই বিৰল সন্মান । দেশৰ দহখন ৰাজ্যৰ ভিতৰত নৱম স্থানত আছে অসমৰ স্থান । বিগত পঁচিছ বছৰত অসম আৰক্ষীয়ে শান্তি আৰু যুদ্ধ উভয় ক্ষেত্ৰতে ৰাষ্ট্ৰলৈ আগবঢ়োৱা ব্যতিক্ৰমী সেৱাৰ ওপৰত ভিত্তি কৰি সেই সেৱাৰ স্বীকৃতি স্বৰূপে আগবঢ়োৱা হৈছে এই ৰাষ্ট্ৰপতিৰ নিচান ।
অসম আৰক্ষীয়ে এই বিৰল সন্মান লাভ কৰাত উৎফুল্লিত হৈ পৰিছে লিকাবালিৰ অসম-অৰুণাচল সীমান্তত অৱস্থিত ২২ নং অসম আৰক্ষী ভাৰতীয় সংৰক্ষিত বেটেলিয়নৰ বিষয়া জোৱানসকল । অসম আৰক্ষীৰ এই সফলতা সন্দৰ্ভত ৰাইজক অৱগত কৰা তথা ৰাইজক আৰক্ষী সেৱাৰ বিষয়ে সজাগতা সৃষ্টি কৰাৰ বাবে বেটেলিনটোৰ অধিনায়ক মুছলেহউদ্দিন আহমেদৰ নেতৃত্বত মঙ্গলবাৰে বিয়লি বাহিৰ কৰা হয় এক মটৰচাইকেল ৰেলী ।
লিকাবালিৰ পৰা অৰ্দ্ধ শতাধিক মটৰ চাইকেলসহ বেটেলিয়ানটোৰ বিষয়া জোৱানসকলে ৰেলী কৰি কুলাজানলৈকে যায় । অসম আৰক্ষীৰ এই সফলতাৰ বাবে সঞ্চালকপ্ৰধান ভাস্কৰজ্যোতি মহান্তকে ধৰি সকলো উচ্চপদস্থ বিষয়ালৈ ধন্যবাদ জ্ঞাপন কৰে বেটেলিয়ানৰ অধিনায়কগৰাকীয়ে ।
