নগাঁও জিলাত প্রায় ২১০০ হাজাৰ হেক্টৰ মাটি কালিত নানা ধৰণৰ শাক – পাচলিৰ লগতে বিভিন্ন প্ৰকাৰৰ ফল মূলৰ খেতি কৰা হয় । এই ফল মুলৰ খেতিৰ দ্বাৰা কৃষকসকল প্রত্যক্ষ পৰোক্ষভাৱে উপকৃত হোৱাৰ লগতে মহিলাসকলো ক্ষুদ্র উদ্যোগৰ দ্বাৰা আত্মনির্ভশীল হোৱাৰ বহু উদাহৰণ আছে । ফল – মূলৰ পৰা জাম , জেলি , চৰবত , আচাৰ আদি বনাই ঘৰখনৰ চাহিদা পূৰণ কৰাৰ উপৰিও এইসমূহ খাদ্য সামগ্রী বিক্ৰীৰ দ্বাৰা মহিলাসকল আৰ্থিকভাৱে বহুপৰিমাণে উপকৃত হ’ব পাৰে । এই মন্তব্য নগাঁও জিলা কৃষি বিষয়া তৰুণ হাজৰিকাৰ । জিলা কৃষি বিষয়াৰ অন্তৰ্গত নগাঁৱৰ সমূহীয়া ফলমূল সংৰক্ষণ প্রশিক্ষণ তথা কেন্দ্রৰ কাৰ্যালয়ত মহিলা সবলীকৰণ কাৰ্যসূচীৰ অংশ হিচাপে ১০ জনীয়া এক মহিলা গোটৰ সদস্যাসকলক বিনামূলীয়াকৈ প্রশিক্ষণ দিয়াৰ এক সুবিধা কৰা হৈছে । এই ৬ দিনীয়া বিনামূলীয়া ফল মুল প্ৰশিক্ষণৰ দ্বাৰা মহিলাসকলক বিজ্ঞানসম্মত ভাৱে জাম , জেলি , চৰবত , আচাৰ ইত্যাদি বনোৱাৰ কৌশলবোৰ ব্যৱহাৰিকভাৱে শিকোৱাৰ লগতে বিভিন্ন প্ৰকাৰৰ  দিহা পৰামৰ্শ দিয়া হয় ।

যাতে প্রশিক্ষণপ্রাপ্ত মহিলাসকলে স্বাধীনভাবে এই খাদ্যসামগ্ৰীবোৰ প্ৰস্তুত আৰু সংৰক্ষণ কৰি নিজক নিজেই আত্মনিৰ্ভৰশীল হ’ব পাৰে । নগাঁও জিলাৰ বিভিন্ন প্ৰান্তৰ প্ৰায় ১০ গৰাকী উদ্যমী মহিলাই এই ৬ দিনীয়া প্ৰশিক্ষণ কাৰ্যসুচীত অংশগ্ৰহণ কৰে । প্ৰশিক্ষণৰ সামৰণি অনুষ্ঠানত নগাঁও জিলা কৃষি বিষয়া তৰুণ হাজৰিকাই প্ৰশিক্ষার্থীসকলক ব্যবহাৰিক ক্ষেত্ৰত প্ৰয়োগ কৰি জাম , জেলি , চৰবৰ্তৰ ক্ষুদ্ৰ উদ্যোগ খুলি নিজৰ লগতে আন মহিলাসকলক উৎপাদনমুখী হ’বলৈ আহ্বান জনায় । আনহাতে প্রত্যেকগৰাকী প্রশিক্ষণ প্রাপ্ত মহিলাক একোখনকৈ প্ৰমাণপত্ৰ প্ৰদান কৰা হয় । উক্ত অনুষ্ঠানত মহকুমা কৃষি বিষয়া মুকুল ভাৰতী নাথ , অমিয় সিংহা , ৰঞ্জন ডেকা , মিজানুৰ ৰহমান চৌধুৰী , প্রশিক্ষক বিষ্ণুজিৎ পাল আৰু কল্যাণ বৰুৱা উপস্থিত থাকে । পৰবৰ্তী সময়তো গ্ৰামাঞ্চলৰ লগতে চহৰাঞ্চলৰ মহিলা সকলক এই ধৰণৰ বিভিন্ন ফলমুলৰ দ্বাৰা জাম,জেলি,আচাৰ,চৰৱত আদি বনোবাৰ প্ৰশিক্ষণ প্ৰদান কৰা হব বুলি জিলা কৃষি বিষয়া তৰুণ  হাজৰিকাই জানিব দিছে ৷

ভাৰতীয় জনতা পাৰ্টিৰ ৪২ সংখ্যক প্ৰতিষ্ঠা দিৱস বুধবাৰে বঙাইগাঁৱতো পালন কৰা হয়৷ বঙাইগাঁও জিলা বিজেপি কাৰ্যালয়ত পালন কৰা দলটোৰ প্ৰতিষ্ঠা দিৱস উপলক্ষে পুৱা পতাকা উত্তোলনেৰে কাৰ্যসূচী মুকলি কৰে জিলা সভানেত্ৰী হিমানী অধিকাৰীয়ে । তাৰ পিছতেই জিলাৰ বিষয় ববীয়া আৰু কাৰ্যকৰ্তাসকলৰ উপস্থিতিত এখন সভা অনুষ্ঠিত হয়। জিলা বিজেপিৰ সাধাৰণ সম্পাদক শংকৰ বিশ্বাসে আঁত ধৰা সভাত বিজেপিৰ ৰাজ্যিক কাৰ্যনিৰ্বাহক সদস্য সুকেন ৰায় আৰু জিলা সভানেত্ৰী হিমানী অধিকাৰীয়ে ভাৰতীয়  জনতা পাৰ্টিৰ স্বৰ্ণিল  ইতিহাস সোঁৱৰণ কৰি প্ৰতিষ্ঠা দিৱস সম্পৰ্কত  ভাষণ ৰাখে । সভাত জিলা বিজেপিৰ প্ৰাক্তন সভাপতি গোপেশ্বৰ তালুকদাৰৰ লগতে জ্যোতিৰ্ময় সৰকাৰ, ডাঃ ইতেশ বৰদলৈ, জিলা যুৱ মৰ্চাৰ সভাপতি সঞ্জয় ৰায় আদিও উপস্থিত থাকে ৷

সেইদৰে পুৱা ১০ বজাৰ পৰা ভাৰতৰ প্ৰধান মন্ত্ৰী নৰেন্দ্ৰ মোদীয়ে ভাৰ্চুৱেল সভাযোগে কাৰ্যকৰ্তাসকলক উদ্দেশ্যি কৰা সম্বোধন শুনে । তাৰ পিছতে  জিলা কাৰ্যালয়ৰ পৰা ৪২ সংখ্যক প্ৰতিষ্ঠা দিৱস উপলক্ষে জিলা বিজেপিৰ উদ্যোগত মহিলা মৰ্চা, যুৱ মৰ্চা সমন্বিতে এক শোভাযাত্ৰা উলিয়ায় । উল্লেখ্য যে ৬ এপ্ৰিলৰ পৰা ২০ এপ্ৰিললৈ প্ৰতিষ্ঠা দিৱসৰ লগত সংগতি ৰাখি জিলা  বিজেপিয়ে বিভিন্ন কাৰ্যসূচী গ্ৰহণ কৰিব ৷ ইপিনে বঙাইগাঁও পৌৰসভাৰ ২ নং ৱাৰ্ডত পালন কৰা দলৰ প্ৰতিষ্ঠা দিৱসৰ অনুষ্ঠানত পতাকা উত্তোলন কৰে স্থানীয় ৱাৰ্ড কমিচনাৰ সৰস্বতী সৰকাৰে ৷ প্ৰতিষ্ঠা দিৱস উলক্ষে এক শোভাযাত্ৰা উলিওৱাৰ লগতে বিজেপিৰ কাৰ্যকৰ্তাসকলে একেলগে সমবেত হৈ প্ৰধানমন্ত্ৰীৰ ভাৰ্চুৱেল ভাষণ শুনে ৷ দলটোৰ প্ৰতিষ্ঠা দিৱস প্ৰতিটো ৱাৰ্ড, মণ্ডল আৰু বুথ পৰ্যায়ত পালন কৰে ৷ 

অত্যাৱশ্যকীয় সামগ্ৰীৰ দ্ৰুতহাৰত মূল্য বৃদ্ধিৰ প্ৰতিবাদত আজি শিৱসাগৰ  জিলাৰ মুক্তি নাথ চাৰিআলিত বিক্ষোভ কাৰ্যসূচী ৰূপায়ণ কৰি উত্তাল প্ৰতিবাদ সাব্যস্ত কৰে শিৱসাগৰ আঞ্চলিক ছাত্ৰ সন্থাই। প্ৰতিবাদী কাৰ্যসূচী ৰূপায়ণ কৰি আছুৰ প্ৰতিবাদকাৰীসকলে বিজেপি চৰকাৰক তীব্ৰ ভাষাৰে সমালোচনা কৰে। প্ৰতিবাদী কাৰ্যসূচী ৰূপায়ণ কৰি চৰকাৰখনৰ ব্যৰ্থতাৰ বাবেই পেট্ৰল’জাত সামগ্ৰী, ৰন্ধন গেছৰ লগতে অত্যাৱশ্যকীয় খাদ্য সামগ্ৰীৰ মূল্য দ্ৰুত হাৰত বৃদ্ধি পোৱা বুলি উল্লেখ কৰি অসমৰ সাধাৰণ জনতাৰ এতিয়া হাহাকাৰ অৱস্থাৰ সৃষ্টি হোৱা বুলিও উল্লেখ কৰে আছুৰ কেন্দ্ৰীয় কাৰ্যনিৰ্বাহক সমীৰণ ফুকনে।

লগতে তেওঁ চৰকাৰ খনৰ মন্ত্ৰী-বিধায়কৰ বণিক গোষ্ঠীক নাকী লগাবৰ নোৱাৰাৰ বাবেই খাদ্য সামগ্ৰীৰ মূল্য বৃদ্ধিৰে জনসাধাৰণক কোঙা কৰি পেলোৱা বুলি দোষাৰোপ কৰে।অন্যহাতে চৰকাৰ খনৰ মন্ত্ৰী-বিধায়কৰ বিভিন্ন অচিলাৰে ব্যাপক হাৰত কমিছন আদায় কৰাৰ বাবেই অত্যাৱশ্যকীয় সামগ্ৰীৰ ব্যাপক ৰূপত মূল্য বৃদ্ধি হোৱা বুলি অভিযোগ তুলিছে সংগঠনৰ নেতৃবৃন্দই। শিৱসাগৰ জিলাৰ আঞ্চলিক ছাত্ৰ সন্থাৰ এই প্ৰতিবাদত অৰ্ধশতাধিক সদস্যই প্ৰতিবাদত অংশগ্ৰহণ কৰি পৰিবেশ উত্তাল কৰি তোলে।

ধুবুৰী জিলা সমিতিৰ উদ্যোগত কাৰ্যকর্তা সন্মিলন আৰু ত্ৰিশূল দীক্ষা সমাৰোহ অনুষ্ঠানত  আন্তঃৰাষ্ট্ৰীয় হিন্দু পৰিষদৰ সভাপতি ডাঃ প্ৰবীণ ভাই টোগৰীয়া উপস্থিত হৈ হিন্দু সুৰক্ষা সন্দৰ্ভত ভাষন প্ৰদান কৰে।ভাষন প্ৰসংগত কয় যে ভাৰত বৰ্ষ এখন দেশ যিখন ভাগ কৰি কৰি তিনিখন দেশ ক্ৰমে বাংলাদেশ, পাকিস্তান, পিছত আফগানিস্তান হয় ।। ভূমি আমাৰ ,ৰাজ্য আমাৰ । কিন্তু সংকট ত হিন্দু ।সুৰক্ষা দিম ধুবুৰীৰ হিন্দুক।এগৰাকী হিন্দুৰ হৈ অসম ,ভাৰতৰ হিন্দু থিয় দিব ,হিন্দুৰ বাবে শপত পাঠ কৰায় টোগড়ীয়াই।দুই কোটি হিন্দু ক থিয় কৰাম ত্ৰিশুল সমাৰোহত ।আমি যদি মৰি নাযাওঁ তেন্তে ভয় কিয় খাম ।টোগড়ীয়াই ভাষনত জেহাদি সন্দৰ্ভত  জেহাদিক সতৰ্ক বাণী শুনায়। টোগড়ীয়া হিন্দুৰ বাবে আছে ।হিন্দু ক ৰক্ষা কৰিবলৈ পুলিচ আৰু সেনা বাহিনীক যোগদান কৰিব লাগিব ।

NRC সন্দৰ্ভত কয় য়ে1951  পিছত অহা মুছলমান বাংলাদেশীক বাংলাদেশ লৈ প্ৰেৰণ কৰিব লাগিব ।DNA পৰীক্ষা কৰি ৫০ লাখ বাংলাদেশীক ভাগ কৰি পঠাব লাগিব বাংলাদেশত ।হিন্দুৰ লগত অসমৰ লগত গোটেই ভাৰত বৰ্ষ আছে ।অসমৰ মুখ্যমন্ত্ৰীক ধন্যবাদ দি কয় য়ে, এক হেজাৰ হেক্টৰ মাটি বাংলাদেশীৰ পৰা মুক্ত কৰাত । হিন্দু সুৰক্ষা আৰু সমৃদ হিন্দু , এক হিন্দু ।গৰিব মুক্ত ভাৰত,শ্ৰমিক আৰু কৃষক সন্দৰ্ভত  কয় য়ে কৃষক ছয় হেজাৰ দিয়াৰ লগতে শ্রমিকক ছয় হেজাৰ দিলে দেশ সমৃদ হব ।কোনো ঔৰং দেৱৰ পুত্ৰক থাকিবলৈ দিয়া নহব অসমত।অসম আৰু ভাৰতৰ হিন্দু এক হলে বাংলাদেশী যাবই ।আমাৰ ভাষা বেলেগ হলেও আমি সকলোৱে মা কামাখ্যা দেৱীৰ পুত্ৰ ।ভাৰত 2 কোটি আৰু অসমত 5 লাখ ক ত্ৰিশূল ধাৰী বনাব ভাষন প্ৰসংগত উল্লেক টোগড়ীয়াই ।