ক্ষুধাত মৃত্যুক লৈ কেন্দ্রীয় চৰকাৰে দাখিল কৰা তথ্যত অসন্তুষ্ট উচ্চতম ন্যায়ালয়৷ কেন্দ্রৰ তথ্যক লৈ অসন্তুষ্ট উচ্চতম ন্যায়ালয়ে তীব্র ভাষাৰে ককর্থনা কৰে কেন্দ্রীয় চৰকাৰক৷ বিগত কেইবাবছৰ ধৰি ক্ষুধাত কেৱল এজন লোকৰ মৃত্যু হোৱা বুলি দাখিল কৰা কেন্দ্রৰ তথ্যক লৈ অসন্তুষ্ট সর্বোচ্চ ন্যায়ালয়ৰ বিচাৰপীঠে দুসপ্তাহৰ ভিতৰত ক্ষুধাত মৃত্যুৰ সঠিক তথ্য কেন্দ্র আৰু ৰাজ্য চৰকাৰক দাখিল কৰিবলৈ নির্দেশ দিয়ে৷ কেৱল ক্ষুধাত মৃত্যুৰ তথ্য দাখিল কৰাই নহয়, শীঘ্রেই ক্ষুধা আৰু অপুষ্টিৰ বিৰুদ্ধে তথা দৰিদ্রতা নির্মূলৰ বাবে ৰাষ্ট্রীয় আদর্শ আঁচনিৰ খচৰা প্রস্তুত কৰিবলৈও সর্বোচ্চ ন্যায়ালয়ে কেন্দ্রক নির্দেশ দিয়ে৷

উচ্চতম ন্যায়ালয়ৰ মুখ্য ন্যায়াধীশ এন ভি ৰামানা নেতৃত্বাধীন ন্যায়াধীশ এ এছ বোপান্না আৰু হিমা কোহলিৰ বিচাৰপীঠে ক্ষুধাতুৰক লৈ দাখিল কৰা আবেদনৰ শুনানি গ্রহণ কৰি কেন্দ্রীয় চৰকাৰক ককর্থনা কৰাৰ লগতে সঠিক তথ্য দাখিল কৰাৰ লগতে ৰাষ্ট্রীয় আদর্শ আঁচনিৰ খচৰা প্রস্তুত কৰিবলৈ নির্দেশ দিয়ে৷ কেন্দ্রীয় চৰকাৰৰ হৈ এটর্নী জেনেৰেল কে কে বেণুগোপালে দেশত ক্ষুধাত মৃত্যুৰ কোনো চৰকাৰী তথ্য নাই বুলি যুক্তি প্রদর্শন কৰাৰ পাছতেই অসন্তুষ্ট বিচাৰপীঠে কেন্দ্রক ককর্থনা কৰে৷ লক্ষণীয় যে কেন্দ্রীয় চৰকাৰে ২০১৫–১৬ চনৰ ক্ষুধাত মৃত্যুৰ প্রতিবেদনৰ আধাৰত তথ্য উচ্চতম ন্যায়ালয়ত দাখিল কৰাৰ পাছতেই বিচাৰপীঠে এটর্নী জেনেৰেল কে কে বেণুগোপালক কয়– যদি ৰাজ্য চৰকাৰসমূহে ক্ষুধাত কোনো লোকৰ মৃত্যু হোৱাৰ তথ্য দাখিল কৰা নাই, ইয়াৰ অর্থ এয়েই নেকি যে দেশত ক্ষুধাত কোনো লোকৰ মৃত্যু হোৱা নাই৷ ভাৰত চৰকাৰে শেহতীয়া তথ্যসহ ক্ষুধাত মৃত্যুৰ তথ্য আমাক দিয়া উচিত৷ আপোনালোকৰ বিষয়াক সুধি আমাক তথ্য দিয়ক৷

নির্বাচনৰ সময়ত যদি আপোনালোকে অতিৰিক্ত খাদ্যশস্য যোগানৰ নীতি প্রস্তুত কৰি খাদ্য যোগান ধৰিব পাৰে, তেতিয়াহ’লে ৰন্ধা খাদ্যৰ নীতিও চৰকাৰে কৰিব পাৰে৷ এটর্নী জেনেৰেল বেণুগোপালে দেশত ১৩৪খন আঁচনি চলি থকা বুলি উল্লেখ কৰাত তেওঁৰ যুক্তিক খণ্ডন কৰি মুখ্য ন্যায়াধীশ ৰামানাই কয়– ক্ষুধাত মৃত্যু, ক্ষুধাত ভুক্তভোগী হৈ থকাটো উচিত নহয়৷ এই কথাত আমি প্রাধান্য দিয়া উচিত৷ আপোনালোকে বিষয়াৰ সৈতে আলোচনাত মিলিত হৈ এখন আদর্শ আঁচনি প্রস্তুত কৰক৷ আপোনালোকে আদালতক এই সন্দর্ভত ইংগিত দিয়াৰ পৰিৱর্তে সমাধানৰ ওপৰতহে গুৰুত্ব দিয়া উচিত৷ আপোনালোকৰ চৰকাৰে ক্ষুধা অথবা ভোকক লৈ একো কৰা নাই বুলি আমি কোৱা নাই৷ কিন্তু ৰাষ্ট্রীয়ভাৱে এখন আদর্শ আঁচনি বিবেচনা কৰক, খচৰা প্রস্তুতক কৰক আৰু ইয়াক চূড়ান্ত কৰি ৰাজ্যসমূহক দিয়ক৷ মন কৰিবলগীয়া যে বিচাৰপীঠে ৰাজ্য চৰকাৰসমূহৰ সৈতে আলোচনাৰে ৰাষ্ট্রীয় আদর্শ আঁচনিৰ খচৰা প্রস্তুত কৰাৰ লগতে ক্ষুধাত মৃত্যুৰ সঠিক তথ্য সংগ্রহ কৰিবলৈও পৰামর্শ দিয়ে কেন্দ্রীয় চৰকাৰক৷ উল্লেখ্য যে আন্তর্জাতিক ক্ষুধা সূচক ২০২১ৰ তালিকাত বিশ্বৰ ১১৬খন দেশৰ ভিতৰত ভাৰতে ১০১ নম্বৰ স্থানত আছে৷

২০২০ চনত এই তালিকাত ভাৰতৰ স্থান আছিল ৯৪৷ অর্থাৎ ভাৰতত ক্ষুধাতুৰৰ সংখ্যা বৃদ্ধি পাইছে৷ পৰিতাপৰ বিষয় যে চুবুৰীয়া ৰাষ্ট্র পাকিস্তান, বাংলাদেশ আৰু নেপালৰ তুলনাত ভাৰতত ক্ষুধাতুৰৰ সংখ্যা অধিক৷ এই তথ্যৰ আধাৰতে সমাজকর্মী অনুন ধাৱানসহ অনেকজনে চৰকাৰৰ বিৰুদ্ধে উচ্চতম ন্যায়ালয়ত ৰাজহুৱা স্বার্থজড়িত আবেদন দাখিল কৰিছিল৷ এই আবেদনত দেশজুৰি ক্ষুধাতুৰ লাখ লাখ লোকক খাদ্য যোগান ধৰাৰ বাবেই কমিউনিটী কিট্চেন স্থাপনৰ দাবী জনাইছে৷ বিচাৰপীঠে এই দাবীৰ প্রতি লক্ষ্য ৰাখিয়েই কেন্দ্রীয় চৰকাৰক ৰাষ্ট্রীয় আদর্শ আঁচনিৰ খচৰা প্রস্তুত কৰিবলৈ নির্দেশ দিছে৷

যোৱা ২ টা বছৰে ক’ৰনাৰ বিভেষিকাই মানৱ সভ্যতাৰ ৰাজহাড় ভাঙি থৈ গ’ল বুলি কলেও বঢ়াই কোৱা নহ’ব ৷ ক’ৰনাৰ কড়াল গ্ৰাসত পৰি মানুহৰ জীৱনৰ নিৰাপত্তা নোহোৱাৰ দৰে মানুহে দুবেলা-দুমুঠি খাবৰ বাবেও কৰিব লগা হল আৰ্তনাদ ৷ উল্লেখ্য যে, অতিমাৰীৰৰ সময়ত প্ৰকাশ পাইছে আন এক ভয়ংকৰ তথ্য ৷ ক’ভিড ১৯ মহামাৰীৰ সময়ত পিতৃ-মাতৃ উভয়কে হেৰুৱাই অনাথ হ’ল দেশৰ ১০ হাজাৰ শিশু, ইয়াৰ বিপৰীতে পিতৃ-মাতৃৰ ভিতৰত এজন লোকক হেৰুৱালে দেশৰ প্ৰায় ডেৰ লাখ শিশুৱে।

উল্লেখ্য যে, এই গুৰুত্বপূৰ্ণ তথ্যটো ভাৰতৰ উচ্চতম ন্যায়ালয়ক জনালে ৰাষ্ট্ৰীয় শিশু অধিকাৰ ৰক্ষা আয়োগে ৷ দেশত অতিমাৰীৰ সময়ত অৰ্থাৎ ২০২০ ৰ এপ্ৰিলৰ পৰা ২০২২ ৰ ১১ জানুৱাৰী পৰ্যন্ত দেশৰ ডেৰ লক্ষ্য শিশুৱে পিতৃ বা মাতৃ নতুবা পিতৃ-মাতৃ উভয়কে হেৰুৱাইছে৷ উল্লেখ্য যে, পিতৃ-মাতৃ উভয়কে হেৰুৱাই অনাথ হৈ পৰিছে মুঠ ১০ হাজাৰ ৯৪ টা শিশু বিপৰীতে পিতৃ বা মাতৃ হেৰুৱাইছে ৩৬, ৯১০ টি শিশুৱে আনহাতে গৃহহীন হ’য় ৪৮৮ টা শিশুৱে৷ এই শিশুসকলৰ অধিকাংশৰ বয়স প্ৰায় ১৩ বছৰ৷

সমীক্ষাত প্ৰকাশ পোৱা আন এক তথ্য অনুসৰি, ১৪ ৰ পৰা ১৫ বছৰীয়া লোকেও অতিমাৰীৰ ফলত পিতৃ-মাতৃক হেৰুৱাইছে, ইয়াৰ ভিতৰত ২২ হাজাৰ ৭৬৩ জন৷ এই শিশুসকলৰ ভিতৰত আছে সৰ্বাধিক ওড়িশাৰ আছে, তালিকাত তাৰ পাছতে আছে মহাৰাষ্ট্ৰ, গুজৰাট আৰু তামিলনাডু৷ শিশু অধিকাৰ আয়োগে লগতে জনাইছে যে, আটাইবোৰ শিশুৰ পিতৃ-মাতৃ কেৱল মহামাৰীৰ বা ক’ভিডত আক্ৰান্ত হৈ মৃত্যু হোৱা নাই, তেওঁলোক আন ৰোগত আক্ৰান্ত হৈও মৃত্যু হৈছে৷

দেশৰ প্ৰধানমন্ত্ৰীজনে অপৰিকল্পিতভাৱে এক হঠকাৰী সিদ্ধান্ত গ্ৰহণ কৰিলে সমগ্ৰ দেশজুৰি প্ৰযোজ্য হ’ব এক তলাবন্ধ বা লকডাউনত কাৰ্যসূচী৷ বিশেষকৈ দেশৰ মুৰব্বী গৰাকীয়ে দৰিদ্ৰ শ্ৰেণীটোৰ কথা এবাৰো নাভাবি গ্ৰহণ কৰা এনে সিদ্ধান্তৰ প্ৰতি সকলো লোকে একেমুখে গৰিহণা জনালে৷ লকডাউনত খাদ্য আৰু অন্যান্য অত্যাৱশ্যকীয় সেৱা-সামগ্ৰীসমূহ দেশৰ জনসাধাৰণে কেনেকৈ লাভ কৰিব সেই বিষয়ে এটা শব্দও নোকোৱাকৈ আগন্তুক বিপদৰ আগজাননী দি কেৱল তলাবন্ধ কাৰ্যসূচী ঘোষণা কৰিলে প্ৰধানমন্ত্ৰীয়ে।

চহৰ এৰি গাঁৱলৈ যাবলৈ সাজু হোৱা প্ৰব্ৰজনকাৰী শ্ৰমিকৰ বাবেও আহি পৰিল বৃহৎ প্ৰত্যাহ্বান। ক্ষুদ্ৰ বিক্ৰেতা, কৃষি শ্ৰমিক সকলোৱে হেৰুৱাই পেলালে জীৱনৰ ছন্দ। ৰবি শস্য চপাবলৈ নোপোৱা বা চপোৱাৰ পিছতো বজাৰলৈ উলিয়াই দিবলৈ সক্ষম নোহোৱা কৃষকৰ কাৰণেও এয়া সহজ নাছিল।

বাস্তুশাস্ত্ৰত মানুহৰ ঘৰৰ শোৱনি কোঠাটোৰ বহু মহত্ব আছে। যদি ঘৰৰ শোৱনি কোঠাত বাস্তু ত্ৰুটি থাকে তেন্তে ঘৰখনত ঋণাত্মক শক্তি উৎপন্ন হয়। ইয়াৰ ফলত অশান্তি, সংঘৰ্ষ, বিত্তীয় সংকট, টকা-পইচাৰ সমস্যা আৰু বিশেষকৈ পৰিয়ালৰ সদস্যৰ স্বাস্থ্যজনিত সমস্যা হ’ব পাৰে। বাস্তুশাস্ত্ৰৰ মতে, শোৱা কোঠাৰ সৈতে সম্পৰ্কিত কিছুমান কথাত ধ্যান ৰখাটো উচিত যাতে ঘৰখনলৈ ইতিবাচক শক্তি আহিব পাৰে। ঘৰৰ মূৰব্বী শুৱা বেডৰুমটো দক্ষিণ-পশ্চিম কোণত থাকিব লাগে।

বাস্তুশাস্ত্ৰৰ মতে মানুহৰ ঘৰৰ শোৱনি কোঠাটো কেনেকুৱা হ’ব লাগেঃ

১) শোৱনি কোঠাত ভুলতেও আক্ৰমণাত্মক জন্তুৰ ফটো বা ছবি আৰু খঙাল ভংগীত থকা দেৱ-দেৱীৰ ছবি বা মূৰ্তি ৰাখিব নালাগে।
২) শোৱনি কোঠাত কেতিয়াও উপাসনা ঘৰ বা থাপনা পাতিব নালাগে।
৩) যদি বেডৰূমত আইনা ৰখা হয়, তেন্তে নিশ্চিত কৰিব যাতে আইনাত বিচনাখন প্ৰতিফলিত নহয়।
৪) মৃত পূৰ্বপুৰুষৰ ছবি বা ফটো শোৱনি কোঠাৰ দেৱালত ওলমাই ৰাখিব নালাগে।
৫) শোৱনি কোঠাৰ বিচনাৰ বেৰত ঘড়ী বা ফটো ফ্ৰেম নাৰাখিব।
৬) যদি চালিচা বা যিকোনো ধৰ্মগ্ৰন্থ শোৱা কোঠাত ৰাখিছে তেন্তে ইয়াক লগে লগে আপোনাৰ শোৱা কোঠাৰ পৰা আঁতৰাই আন ভাল স্থানত ৰাখক।

এই কথাত ধ্যান দিবঃ

শোৱনি কোঠাত গুলপীয়া, আকাশী নীলা বা পাতল সেউজীয়া ৰং দিয়ক। ই ধনাত্মক শক্তি বৃদ্ধি কৰে। সম্পৰ্ক উন্নত কৰিবলৈ ৰাধা-কৃষ্ণৰ ছবি বা মূৰ্তি ৰাখক। শোৱনি কোঠাৰ উত্তৰ-পূব বা দক্ষিণ-পূব দিশত বিচনা নাৰাখিব। ইয়াৰ ফলত দম্পতীৰ মাজত কাজিয়া হয় আৰু উত্তৰ-পূৱ দিশত বিচনা থাকিলে স্বাস্থ্যজনিত সমস্যা হ’ব পাৰে। যদি শোৱনি কোঠাত কোনো বৈদ্যুতিক সামগ্ৰী থাকে তেন্তে ইয়াক কোঠাটোৰ দক্ষিণ-পূব কোণত ৰাখিব লাগে। এই কথাবোৰ মানুহৰ বিশ্বাসৰ ওপৰতে নিৰ্ভৰ কৰে। বাস্তুশাস্ত্ৰ যিয়ে বিশ্বাস কৰে তেনে লোকে সদায়ে এনে কথাত ধ্যান দি আহিছে।