দৰঙত পৰিবেশ্য কলা ওজাপালিৰ জৰিয়তে মানসিক ৰোগৰ সজাগতা সৃষ্টিৰ প্ৰচেষ্টা গ্ৰহণ কৰিছে স্বাস্থ্য বিভাগে ।জিলা মানসিক স্বাস্থ্য অভিযান , জিলা স্বাস্থ্য সমিতি, দৰংৰ উদ্যোগত আৰু মঙ্গলদৈ অসামৰিক চিকিৎসালয়ৰ মানসিক ৰোগ বিভাগৰ তৰফৰ পৰা ২৫ ,২৬ নবেম্বৰত মানসিক ৰোগৰ  সজাগতাৰ বাবে দৰঙৰ  বিভিন্ন অঞ্চলত সুকনান্নী ওজাপালিৰ জৰিয়তে মানসিক ৰোগৰ সজাগতা মূলক অনুষ্ঠান  প্ৰদৰ্শন কৰা হয়।ভেৰুৱা উচ্চতৰ মাধ্যমিক বিদ্যালয়, দুনী উচ্চতৰ মাধ্যমিক বিদ্যালয়, পাথৰিঘাট সাপ্তাহিক হাট ,গণকপাৰা, ডাঁহী আদিত  স্থানীয় ৰাইজ তথা ছাত্ৰ-ছাত্ৰীৰ  মাজত দৰঙৰ বিশিষ্ট ওজাপালি প্ৰনৱ শৰ্মা আৰু সংগীবৃন্দৰ দ্বাৰা সুকনান্নী ওজাপালিৰ জৰিয়তে মানসিক ৰোগৰ সজাগতা মূলক অনুষ্ঠান  প্ৰদৰ্শন কৰে । যত প্ৰত্যক ঠাইতেই শতাধিক ৰাইজ তথা ছাত্ৰ-ছাত্ৰীযে ওজাপালি উপভোগ কৰে । বিভিন্ন মানসিক ৰোগৰ বিষয়ে ওজা প্ৰনৱ শৰ্মাই ৰচিত কৰা কথাৰে ওজাপালি প্ৰদৰ্শন কৰে লগতে সেই পদৰ মাজে মাজে পালিৰ লগত  বেমাৰবোৰৰ বিষয়ে ভাঙনি কৈ যায় ।  মঙলদৈ অসামৰিক চিকিৎসালয়ৰ নৈদানিক মনোবিজ্ঞানী পুষ্প কলিতা আৰু মানসিক সমাজসেৱী প্ৰাঞ্জল ঠাকুৰীয়াই  ৰাইজ তথা ছাত্ৰ-ছাত্ৰীৰ মাজত  মানসিক ৰোগৰ ক্ষেত্ৰত লবলগা সজাগতাৰ বিষয়ে কয় – বিশেষকৈ ৰোগ সম্পৰ্কে গুৰুত্ব নিদি বৈজ্ঞানিক ভাৱে চিকিৎসা নকৰা ,নহলে অন্ধবিশ্বাসৰ বলি হৈ ভুত -প্ৰেতে ধৰা বুলি বেজ কবিৰাজৰ দ্বাৰা জৰা ফুকা কৰা । মানসিক ৰোগ মানেই ‘পগলা’ হিচাপে  বিবেচিত কৰি লুকাই ৰখা । বেমাৰ প্ৰতি গুৰুত্ব প্ৰদান নকৰা । ৰোগীক আতংকিত নকৰি নিয়মিত ঔষধ সেৱনৰ লগতে নিয়মিতভাৱে চিকিৎসা আগবঢ়োৱা  আৰু বিশেষকৈ ছাত্ৰ-ছাত্ৰীৰ মোৱাইল ফোনৰ অত্যাধিক ব্যৱহাৰ ফলত হব পৰা মানসিক ক্ষতিৰ বিষয়ে অৱগত কৰে  । শেষত মনোৰোগ বিভাগৰ সহায়কাৰী জয়ন্ত দেৱ শৰ্মাই সকলোৰে মাজত মানসিক ৰোগৰ বিভিন্ন প্ৰচাৰ প্ৰত্ৰিকা বিতৰণ কৰে ।

এগৰাকী ৰাষ্ট্ৰীয়,ৰাজ্যিক আৰু জিলা পৰ্যায়ৰ সুদক্ষ সফলতম খেলুৱৈ ঈশ্বৰ চন্দ্ৰ নাথৰ জীৱন দুৰ্দশাৰ খবৰ এটা ল’বলৈ যে কাৰোৰে আহৰি নাই কিম্বা মনত নপৰে। দৰং জিলাৰ ছিপাঝাৰৰ লাউজান পাটগিৰি চুৱাত ১৯৬৮ চনতে লাভ কৰি স্থানীয় পাটগিৰি চুৱা প্ৰাথমিক বিদ্যালয়ৰ পৰা পাছ কৰি ১৯৭৯ চনত পশ্চিম লোক্ৰাই এম ভি স্কুলত নাম ভৰ্তি কৰে।১৯৮৬ চনত পকাদলি হাইস্কুলৰ পৰা মেট্ৰিক পৰীক্ষাত উত্তীৰ্ণ হৈ ঘৰুৱা অসুবিধাৰ বাবে শিক্ষা জীৱন সাময়িক ভাবে স্থগিত ৰাখে।পাছত ১৯৯৩ চনত বেজেৰা উচ্চতৰ মাধ্যমিক বিদ্যালয়ৰ পৰা উচ্চতৰ মাধ্যমিক পৰীক্ষাত উত্তীৰ্ণ হৈ মঙলদৈ কলেজত নাম ভৰ্তি কৰে যদিও আৰ্থিক অসুবিধাৰ বাবে স্নাতক ডিগ্ৰী লাভ নকৰাকৈয়ে বাদ দিবলগীয়া হয়।যাৰ পাছত ঘৰুৱা অৱস্থা একেবাৰে বেয়া হোৱাৰ বাবে কৰিব বিচৰা কাম কৰিব গৈয়ো কৰিব পৰা নাছিল।খেল- ধেমালিত আছিল সৰুৰে পৰাই অতি ৰাপ।১৯৮৭ চনত দুমুনিচকী ঈদোৎসৱ উপলক্ষে উদযাপন সমিতিয়ে ৰাজ্যিক ভিত্তিত অনুষ্ঠিত কৰা মাৰাথন দৌৰ প্ৰতিযোগিতাত প্ৰথম স্থান লাভ কৰি মনত পুহি ৰখা  খেলুৱৈ জীৱনৰ  প্ৰেৰণা লাভ কৰে।যি প্ৰেৰণাই ঈশ্বৰ চন্দ্ৰ নাথক পিচৰ ফালে চাবলৈ সময় দিয়া নাছিল। ইয়াৰ পিছত ১৯৯৪ চনত তিনিচুকীয়া আৰু কুমাৰীকাটাত অনুষ্ঠিত মাৰাথন প্ৰতিযোগিতাত তৃতীয় স্থান লাভ কৰি ব্ৰঞ্জৰ পদক লাভ কৰে।১৯৯৫ চনত অসম অলিম্পিক সন্থাৰ ৰাজ্যিক মাৰাথন দৌৰ প্ৰতিযোগিতাত তৃতীয়, গুৱাহাটী বিশ্ববিদ্যালয়ে আয়োজন কৰা ‘প্ৰসন্ন নাৰায়ণ চৌধুৰী’ উত্তৰ-পূব পূৰ্বাঞ্চল মাৰাথন দৌৰ প্ৰতিযোগিতাত দ্বিতীয়, শিৱসাগৰ ‘এলপাইন এডভেন্সাৰ কেন্দ্ৰ’ই অসম ভিত্তিত অনুষ্ঠিত কৰা মাৰাথন দৌৰত তৃতীয় স্থান লাভ কৰে।১৯৯৬ চনত লক্ষীমপুৰ ক্ৰীড়া সন্থাই অনুষ্ঠিত কৰা মাৰাথন প্ৰতিযোগিতাত তৃতীয়, শিৱসাগৰত অনুষ্ঠিত আজানপীৰ দৰগাহ কমিটী আৰু গ্ৰামোন্নয়ন অভিকৰণৰ উদ্যোগত ৫৫ কি:মি: মাৰাথনত ৩ ঘন্টা ১০ মিনিট সময় লৈ প্ৰথম স্থান লাভ কৰি এক ইতিহাস গঢ়ে।১৯৯৭ চনত অসম মাৰাথন সন্থাই আয়োজন কৰা প্ৰতিযোগিতাত দ্বিতীয় স্থান লাভ কৰিৰ লগতে স্বৰ্ণ ফদকো লাভ কৰে।১৯৯৬-১৯৯৯ লৈ ক্ৰমাগত ভাবে  মহাৰাষ্ট্ৰৰ থানেত অনুষ্ঠিত মাৰাথন প্ৰতিযোগিতাত প্ৰথম স্থান লাভ কৰে।১৯৯৪ চনত শিৱসাগৰৰ নাজিৰাত অনুষ্ঠিত ৰাজ্যিক ক্ৰীড়া সমাৰোহৰ মাৰাথনত অসমৰ নতুন ৰেকৰ্ড হিচাপে ২ ঘন্টা ৩১ মিনিট ৩৩ ছেকেণ্ডেৰে প্ৰথম স্থান লাভ কৰি আন এক ইতিহাস ৰচনা কৰে। ২০০০ চনত যোৰহাট ক্ৰীড়া সন্থাই আয়োজন কৰা যোৰহাট ক্লাৱৰ সোণালী জয়ন্তী উদযাপনত দ্বিতীয় স্থান,২০০৪ চনত ডিব্ৰুগড় মদাৰখাট আঞ্চলিক ছাত্ৰ সন্থা আৰু ডিব্ৰুগড় জিলা ক্ৰীড়া সন্থাৰ সহযোগত আয়োজিত প্ৰতিযোগিতাত দ্বিতীয় স্থান, ২০১০ চনত গান্ধী জয়ন্তীৰ লগত সংগতি ৰাখি লায়নছ ক্লাৱ ইন্টাৰনেছনেলৰ দ্বাৰা আয়োজিত সৰ্বভাৰতীয় মাৰাথন দৌৰত প্ৰথম স্থান লাভ কৰি স্বৰ্ণ পদক লাভ কৰিবলৈ সক্ষম হয়।আনহাতে ট্ৰাইথলনত ২০০৩ চনত ডিব্ৰুগড় উদয় এডভেঞ্চাৰ চেন্টাৰ আৰু সদৌ অসম ট্ৰাইথলন সন্থাৰ সহযোগত পোন প্ৰথমবাৰৰ বাবে যোগদান কৰি দ্বিতীয় স্থান,২০১০ চনত মধ্যপ্ৰদেশৰ ইন্দোৰৰ ৰাষ্ট্ৰীয় প্ৰতিদ্বন্দ্বী সকলৰ সৈতে প্ৰতিযোগিতাত ভাগ লৈ ১০ নম্বৰ স্থান, ২০১১ চনত ভাৰতীয় ক্ৰীড়া সমাৰোহৰ বিহাৰ, ঝাৰখণ্ডত অংশগ্ৰহণ কৰাৰ সুবিধা লাভ কৰে।   এনে এগৰাকী প্ৰতিভাধৰ ক্ৰীড়া বিদে আৰ্থিক দৈন্যতাত জৰ্জৰিত হৈ পাঁচটা পৰিয়ালে সৈতে উৰুসা‌ঁ পঁজাত বাস কৰি আছে।চৰকাৰৰ পৰা সাহায্য লাভ নকৰাত এই গৰাকী অসম সন্তানে দেশৰ বিভিন্ন ঠাইলৈ খেল খেলিবলৈ গ’লে পোহনীয়া হাঁহ-কুকুৰা,ধান, শাক-পাচলি বিক্ৰী কৰি পোৱা ধনেৰে যাব লগীয়া হোৱাটো অতিকৈ দুৰ্ভাগ্য জনক।পৰিতাপৰ কথা যে ঈশ্বৰ চন্দ্ৰ নাথে জীৱনৰ ৩০ বছৰৰো অধিক কালত খেল খেলি লাভ কৰা পৰস্কাৰ সমূহ থবলৈ এটা ভাল ঘৰ নাই।পত্নীৰ পূৰ্ণ সহযোগিতাই মনত উৎসাহ যোগাই অহা ৰাষ্ট্ৰীয় ক্ৰীড়াবিদ গৰাকীয়ে আজিও অব্যাহত ৰাখিছে ক্ৰীড়াৰ অনুশীলন।চৰকাৰ- বিভাগৰ সুদৃষ্টি পাৰিবনে ?

টাই আহোম যুৱ পৰিষদ অসম (টাইপা)ৰ উদ্যোগত মৰাণ তিলৈ গ্ৰাম্যবজাৰ প্ৰেক্ষাগৃহত ১ আৰু ২ ডিচেম্বৰত অনুষ্ঠিত সপ্তম বাৰ্ষিক কেন্দ্ৰীয় ছ্যুকাফা দিৱস তথা অসম দিৱসৰ ২ ডিচেম্বৰত নিশা সাংস্কৃতিক অনুষ্ঠান উপভোগ কৰিবলৈ অহা এগৰাকী ১৪ বছৰীয়া কিশোৰীক ধৰ্ষণৰ গুৰুত্ব অভিযোগ উত্থাপন হৈছে । কিশোৰী গৰাকীৰ পৰিয়ালৰলোকে ডিব্ৰুগড় জিলাৰ মৰাণ আৰক্ষী থানাত ঘটনাৰ সন্দৰ্ভত এজাহাৰ দাখিল কৰে । উক্ত এজাহাৰৰ ভিত্তিত মৰাণ আৰক্ষীয়ে ক ২৪৩/২০২১ নং গোচৰ পঞ্জীয়ন কৰি ভাৰতীয় দণ্ডবিধি আইনৰ ৩৭৬(D)IPC pocso Act 2012 ধাৰাত  ডিব্ৰুগড় জিলা অতিৰিক্ত আৰক্ষী অধীক্ষক বিতুল চেতিয়া আৰু মৰাণ আৰক্ষী থানাৰ ভাৰপ্ৰাপ্ত আৰক্ষী বিষয়া দীননাথ মিলিৰ তৎপৰতাত দুই অভিযুক্ত ক্ৰমে মৰাণ ফটিকাছোৱা বৰবাম গাঁৱৰ মৃত জয়ৰাম সিং ৰাজপুত পুত্ৰ পংকজ সিং ৰাজপুত (২৮) গোপাল তাঁতীৰ পুত্ৰ বিধান তাঁতী (২৭) ক গ্ৰেপ্তাৰ কৰি জেল হাজোতলৈ প্ৰেৰণ কৰে । আনহাতে, নাবালিকাগৰাকীক চাইল্ড লাইনৰ সহযোগত আদালত হাজিৰ কৰে ।

জ্যোতি প্ৰসাদ আগৰৱালা স্মৃতি বিজৰিত ঐতিয্যমন্দিত গহপুৰৰ ভোলাগুৰি চাহ বাগিচাত অসম চাহ নিগম চমুকৈ ATC ৰ অধীনত নিৰ্মাণ কৰি থকা গৃহত ব্যাপক আনিয়মৰ অভিযোগ উত্থাপিত কৰিছে স্থানীয় ভোক্তভোগী ৰাইজে ।উত্থা অভিযোগ মৰ্মে বাগিচাখনত ATC ৰ অধীনত অনুমোদিত ৯০ তা ঘৰৰ প্ৰথম পৰ্য্যায়ত ৪৫ টা ঘৰৰ নিৰ্মাণ কাৰ্য ইতিমধ্যে চলি আছে। কিন্তু অতি গুৰুত্বপূৰ্ণ বিষয় হ’ল যে যি ৪৫ টা গৃহ নিৰ্মাণ কৰি থকা হৈছে আৰু তাত ব্যৱহৃত ইটা,বালি আৰু চিমেণ্ট একেবাৰে নিম্নমানদণ্ডৰ।জনৈক দিহিঙীয়া উপিধীধাৰিৰ নেতৃত্বত  চলাই অহা গৃহ নিৰ্মাণৰ তিনি-চাৰি দিনৰ  পিছতে ঘৰৰ দেৱাল খহি পৰা পৰিলক্ষিত হৈছে।সম্প্ৰতি স্থানীয় ভোক্তভুগী ৰাইজে গৃহ নিৰ্মাণত জড়িত জনৈক দিহিঙীয়া নামৰ  ঠিকাদাৰৰ বিৰুদ্ধে দুৰ্নীতিৰ অভিযোগ উত্থাপিত কৰিছে  । স্থানীয় ৰাইজে ইয়াৰ এটা  উচ্চ পয্যায়ৰ তদন্তৰ দাবী জনাইছে ।

অসম অৰুণাচল প্ৰদেশৰ সীমান্তৱৰ্তি এলেকা চাংলাং জিলাৰ বৰডুমচা আৰক্ষী থানাৰ অন্তৰ্গত অসমৰ গুজুৰ পৰা এগৰাকী মহিলা সন্ধানহীন হোৱা ঘটনাই অঞ্চলটোত এক চাঞ্চল্য বিৰাজ কৰিছে। জানিব পৰা মতে অৰুণাচল প্ৰদেশৰ গুজু গাঁ‌ৱৰ ডুমাই মাঞ্জে নামৰ লোক জনৰ পত্মী তথা দুটি সন্তানৰ মাতৃ ফেন্নগাম লাংচিং নামৰ ২৪ বছৰীয়া মহিলা গৰাকী যোৱা ২৭ নৱেম্বৰৰ পৰা সন্ধানহীন হৈ আছে ।পৰিয়ালৰ লোকে জানিবলৈ দিয়া অনুসৰি উক্ত দিনা মহিলা গৰাকীয়ে দিনৰ ভাগত ঘৰৰ পৰা দোকানলৈ যাও বুলি যোৱাৰে পৰা নিখোজ হৈ আছে ।মহিলা গৰাকীৰ স্বামী তথা পৰিয়ালৰ লোকে মহিলা গৰাকীৰ সন্ধানত বিভিন্ন অঞ্চলত অনুসন্ধান অব্যাহত ৰাখিছে যদিও আজি পৰ্যন্ত কোনো সন্ধান লাভ কৰিবলৈ সক্ষম হোৱা নাই । ইতিমধ্যে মহিলা গৰাকী সন্ধানহীন সন্দৰ্ভত স্বামী ডুমাই মাঞ্জে অৰুণাচলৰ বৰডুমচা আৰক্ষী থানাত এক এজাহাৰো দাখিল কৰিছে। ঘৰৰ পৰিয়ালে  কোনো লোকে সন্ধান পালে ৮৪৮৬৫ ৪৪৪১৭ নম্বৰত যোগাযোগ কৰিবলৈ অনুৰোধ জনাইছে।