অসম সাহিত্য সভাৰ উপসভাপতি তথা আদৰ্শময়ী মাতৃ মৃণালিনী দেৱী বহুকেইটা কাৰ্যসূচী লৈ আজি পুৱা ১০বজাত মাজুলীত উপস্থিত হয় | তাৰেই অংশ হিচাপে দিনৰ ১১ বজাত শ্ৰী শ্ৰী ভোগপুৰ সত্ৰত অনুষ্ঠিত এখনি গাম্ভীৰ্যপূৰ্ণ সভাত অসম সত্ৰ মহাসভাৰ ভাতৃ সংগঠন সমন্বিত যুৱতীৰ্থ, অসমৰ মাজুলী জিলা সমিতি তৰফৰ পৰা সাহিত্যিকগৰাকীলৈ গামোচা, চেলেং আৰু সম্বৰ্ধনা পত্ৰৰে এক বিশেষ আদৰণী পৰ্ব সম্পন্ন হয় | শ্ৰী শ্ৰী ভোগপুৰ সত্ৰৰ ডেকা সত্ৰাধিকাৰ তথা সমন্বিত যুৱতীৰ্থ, অসমৰ মাজুলী জিলা সমিতিৰ সভাপতি উৎপল মহন্ত, মাজুলী জিলা সাহিত্য সভাৰ সম্পাদক তথা সমন্বিত যুৱতীৰ্থ, অসমৰ মাজুলী জিলা সমিতিৰ কাৰ্যকৰী সভাপতি মনোজ্যোতি ৰেগন, জিলা সম্পাদকদ্বয় ক্ৰমে শংকুসিদ্ধ নাথ আৰু চন্দন গোস্বামী, সাংস্কৃতিক সম্পাদক গোলাপ চন্দ্ৰ নাথ প্ৰমুখ্যে বিষয়ববীসকলে সহযোগিতা আগবঢ়োৱা অনুষ্ঠানটিত মাজুলীৰ বিভিন্ন দল-সংগঠন, অনুষ্ঠান-প্ৰতিষ্ঠান, সচেতন ব্যক্তিসকল উপস্থিত থাকি সাহিত্যিকগৰাকীক বিপুল সম্বৰ্ধনা জ্ঞাপন কৰে | সাহিত্য অকাদেমি অনুবাদ সাহিত্য বঁটা প্ৰাপক পুত্ৰ দিগন্ত বিশ্ব শৰ্মাৰ সংগত অসম সাহিত্য সভাৰ উপসভাপতি মৃণালিনী দেৱীয়ে মাজুলীত উপস্থিত হৈ পৰম সন্তোষ লাভ কৰাৰ লগতে মাজুলীবাসীৰ মৰম আৰু আতিথ্যত মুগ্ধ হৈ আকৌ মাজুলীলৈ অহাৰ ইচ্ছা ব্যক্ত কৰে |Attachments area

ধুবুৰীৰ ভোগদহৰ গাঁও পঞ্চায়তৰ এগৰাকী প্ৰাক্তন পঞ্চায়ত সভাপতি সহ দুজনৰ বিৰুদ্ধে ধৰ্ষণৰ অভিযোগ এগৰাকী মহিলাৰ। আৰক্ষী থানাত এজাহাৰ দাখিল নিৰ্যাতিত মহিলাৰ। অভিযোগ অনুসৰি কিছুদিন পূৰ্বে ভোগদহৰ গাঁও পঞ্চায়ত এলেকাৰ কলাপাকানী গাঁওৰ এগৰাকী বিবাহিত মহিলাৰ ধৰ্ষণৰ প্ৰস্তাৱ দিছিল এইজন প্ৰাক্তন পঞ্চায়ত সভাপতি আতাউৰ ৰহমানে। কিন্তু মহিলা গৰাকীয়ে ইয়াৰ বিৰোধিতা কৰে। ইয়াৰ পিছতেই পুণৰ যোৱা ৫ নৱেম্বৰৰ নিশা ভোগদহৰ পঞ্চায়তৰ প্ৰাক্তন সভাপতি আতাউৰ ৰহমানে ধৰ্ষণ কৰে মহিলা গৰাকীক। এনেকি জাইদুল ইছলাম নামৰ আন এজন লোকে মহিলা গৰাকীৰ মূৰত পিষ্টল টুৱাই ভয় ভাবুকিৰে ধৰ্ষণ কৰাৰ অভিযোগ নিৰ্যাতিত মহিলাৰ। এ আই ইউ ডি এফ দলৰ প্ৰাক্তন পঞ্চায়ত সভাপতি গৰাকীয়ে বলপূৰ্বক মহিলা গৰাকীক ধৰ্ষণ কৰাৰ বিপৰীতে এই কথা ৰাজহুৱা কৰিলে হত্যাৰ ভাবুকি প্ৰদান কৰাৰ দৰে গুৰুতৰ অভিযোগ মহিলা গৰাকীৰ।
       ইতিমধ্যে নিৰ্যাতিত মহিলা গৰাকীৰ এজাহাৰৰ ভিত্তিত ধুবুৰীৰ এ এম কোঃ ৰোড আৰক্ষীয়ে মহিলা গৰাকীৰ স্বাস্থ্য পৰীক্ষা কৰাই তদন্ত আৰম্ভ কৰিছে। আৰক্ষীৰ তদন্তৰ পিছতহে পোহৰলৈ আহিব সকলো তথ্য। যদিওঁ আৰক্ষীয়ে এতিয়ালৈকে গ্ৰেপ্তাৰ কৰিবলৈ সক্ষম হোৱা নাই আতাউৰ ৰহমান আৰু জাইদুল ইছলামক

 বৰপেটা জিলাৰ বিভিন্ন প্ৰান্তত চলিছে ছাগলী চোৰৰ সন্ত্ৰাস । এইবাৰ দিন-দুপৰতে ছাগলী চুৰি কৰি বৰপেটা জিলাৰ তাৰাবাৰী আৰক্ষী থানাৰ আলহী হ’ল তিনিটাকৈ কুখ্যাত ছাগলী চোৰ । আজি গুৱাহাটী দৌলাশাল পথৰ চেঙাত বলেৰো পিক‌আপ ভানত ২৩ টাকৈ চুৰি হোৱা ছাগলী উদ্ধাৰ হয় । বৰপেটাৰ চেঙাত স্থানীয় ৰাইজৰ সহযোগত তাৰাবাৰী আৰক্ষীয়ে আটক কৰিবলৈ সক্ষম হয় তিনিটাকৈ ছাগলী চোৰ । দীৰ্ঘদিন ধৰি বৰপেটাৰ বিভিন্ন প্ৰান্তৰ লগতে চেঙা , বহৰি ,পালহাজী , ৰাউলী, কাপলা আদি অঞ্চলৰ পৰা চুৰি হৈছিল ছাগলী । উল্লেখ্য যে প্ৰতিদিনে চুৰি হৈ থকা ছাগলীসমূহ কেতিয়াবা যদি ঘৰৰ পৰা চুৰি কৰিছে আৰু কেতিয়াবা কোনো লোক নথকাৰ সুযোগ বুজি পথাৰৰ পৰা চুৰি কৰিছে ছাগলী । তাৰাবাৰী আৰক্ষীয়ে ছাগলী চোৰক আটক কৰাৰ খবৰ পায় থানালৈ আহিছে ছাগলীৰ গৰাকী আৰু চিনাক্ত কৰিছে নিজৰ নিজৰ চুৰি হোৱা ছাগলী । আজি তিনিটাকৈ ছাগলী চোৰ তাৰাবাৰী আৰক্ষীৰ জালত পৰিছে চেঙা মুছলমান গাওঁৰ স্থানীয় ৰাইজৰ সহযোগত । ধৃত চোৰ কেইটা ক্ৰমে বৰপেটা জিলাৰ বৰপেটা সদৰ থানাৰ অন্তৰ্গত পালহাজী গাঁৱৰ চাইফুৰ ৰহমান (২৭) আৰু চাইফুল ইছলাম (২৪) আৰু বৰপেটা সদৰ থানাৰ অন্তৰ্গত সোনকুছি গাঁৱৰ আব্দুল আজিজ(২৫) বুলি জানিবলৈ দিয়ে তাৰাবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া চন্দন গোস্বামীয়ে । চুৰি ছাগলীসমূহ কঢ়িয়াই অনা এ.এচ- ১৫ চি -৭২৩৫ নম্বৰৰ বলেৰো পিক‌আপ ভ্যানখনো জব্দ কৰিছে আৰক্ষীয়ে । অধিক তথ্যৰ বাবে চোৰ তিনিটাক তাৰাবাৰী আৰক্ষী থানাত সোধাপোচা কৰি থকা হৈছে বুলি জানিবলৈ দিয়ে তাৰাবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া গৰাকীয়ে । আনহাতে চুৰি হোৱা ছাগলীৰ গৰাকীয়ে দাখিল কৰা এজাহাৰৰ ভিত্তিত কাইলৈ ধৃত চোৰ তিনিটাক বৰপেটা আদালতত হাজিৰ কৰোৱা হ’ব বুলি জানিবলৈ দিয়ে ভাৰপ্ৰাপ্ত আৰক্ষী বিষয়া চন্দন গোস্বামীয়ে ।

নামনি অসমত আজিও নাগাৰা নামে এক সুকীয়া স্হান দখল কৰি আহিছে। নৃত্য গীত আৰু নাটকীয় উপাদানেৰে মিশ্ৰিত এই বিধ কলাই তাহানিৰ পৰাই আজিলৈকে সমাজত  সমানে জনপ্ৰিয় হৈ আহিছে। সৰ্ব সাধাৰণ ৰাইজে উপলব্ধি কৰিব পৰা এই বিধ কলাৰ ইতিহাস সম্পৰ্কে সঠিক তথ্য পোৱা নাযায় যদিও ভাগৱতৰ চতুৰ্থ ষ্কন্ধত পৃথু ৰজাৰ ৰাজঅভিষেকৰ সময়ত নাম গোৱাৰ কিছু আভাষ পোৱা যায়।  অসমত   নৱবৈষ্ণৱ ধৰ্মৰ প্ৰৱৰ্তক   শ্ৰী শ্ৰী শংকৰদেৱেও  হৰি নাম ৰসক অমৃতৰ নদী বুলি উল্লেখ কৰিছে ।  এই লোকপৰিবেশ্য কলাৰ মূল বাদ্য নাগাৰা হেতুকে এইবিধ কলাক নাগাৰা নামবোলাৰ যথোপযুক্ত যুক্তি আছে।  অসমৰ নাগাৰা শিল্পক গতিশীল কৰা তথা একনিষ্ঠ সাধক   ১৯৯৮ চনতে  নাগাৰা নামৰ চৰকাৰী শিল্পী পেঞ্চন লাভ কৰা বৰ্ষীয়ান শিল্পী  ৰামচৰণ ভড়ালীৰ মনৰ কথা দৈনন্দিন বাৰ্তাৰ পাঠকলৈ  আগবঢ়োৱা হ’ল। ১৯৩৯ চনত  পশ্চিম নলবাৰীৰ দেহৰ কালাকুছিত জন্মগ্ৰহন কৰা ৰামচৰণ ভড়ালী অসমৰ নাগাৰা নামৰ দৰ্শক শ্ৰোতাৰ মাজত  বিশেষ ভাবে পৰিচিত এটি নাম। নাগাৰা নামক শিল্পী গৰাকীয়ে সময় উপযোগী কৰি সজাই- পৰাই  অতি মনোগ্ৰাহী কৰি তথা ধৰ্মীয় ভাবেৰে বছৰ বছৰ ধৰি চৰ্চা অব্যাহত ৰাখিছে। শিল্পী গৰাকীৰ মনৰ খবৰ লবলৈ আমি নিজবাসগৃহত কিছু কথোপকথন হৈছিলো।প্ৰশ্নঃ আপুনি ক’ত কেনেকৈ নাগাৰা নামৰ সাধনা কৰিছিল ?উত্তৰঃ প্ৰথম অৱস্হাত নাগাৰা নাম শুনি শুনি মোৰ মনত ধৰ্মীয়  অনুভূতিয়ে ক্ৰীয়া কৰিছিল ।পিছত ১৯৬৭চনৰ পৰা নাগাৰা নামত আন্তৰিকতাৰে মনোনিবেশ কৰো। মোৰ গুৰু আছিল সাতদলাৰ কুশল মালাকৰ।প্ৰশ্নঃএগৰাকী সফল শিল্পী হবলৈ হলে কি গুনৰ দৰকাৰ?   উত্তৰঃ   শিল্পীৰ একান্ত সাধনা আৰু ধৈৰ্যৰ প্ৰয়োজন।ধৈৰ্য আৰু সাধনা অবিহনে কোনো কামতে সফলতা লাভ কৰিব নোৱাৰে। প্ৰশ্নঃঅসমত বৰ্তমান প্ৰচলিত  নাগাৰা নাম সম্পৰ্কে  আপোনাৰ মতামত কি? উত্তৰঃ কেবাজনো পাঠকে বিভিন্ন ধৰনে সম্প্ৰতি নাগাৰা নামক উপস্হাপন কৰিছে ই ভাল কথা। পিচে নাগাৰা নামৰ আচল ঐতিহ্য বচাই ৰখাটো প্ৰতিগৰাকী  পাঠকৰে কৰ্তব্য। প্ৰশ্নঃনতুন চামৰ প্ৰতি আপোনাৰ কিবা পৰামৰ্শ আছে নেকি?উত্তৰঃ নতুন চামে কৰ্তব্য বোধেৰে সমাজৰ বাবে পুৰণি সকলৰ আধৰুৱা খিনিসম্পূৰ্ণ কৰক। কিয়নো পুৰণি বিলাক অতি পুৰণি হৈ এসময়ত অতীতৰ বুকুত জাহ যাৱগৈ।

অসম চৰকাৰে ৰাজ্যৰ আধ্যাত্মিক চিন্তা চৰ্চাৰ প্ৰাণকেন্দ্ৰ স্বৰুপ তথা আসমীয়া জাতিৰ সত্ৰীয়া সংস্কৃতিৰ অন্যতম নামঘৰসমূহৰ উন্নয়নৰ বাবে গ্ৰহণ কৰা অভিলাষী আঁচনি হৈছে ”অসম দৰ্শন’ আঁচনি। এই আঁচনিৰ আধাৰতে বিগত সময়ত  সৰ্বানন্দ সোণোৱালৰ নেতৃত্বাধীন চৰকাৰৰ দিনৰ পৰা নামঘৰ, মদজিদ, মঠ-মন্দিৰ আদিৰ আন্তগাঁঠনি নিৰ্মাণ কৰাৰ দৰে সম্প্ৰতি ড০ হিমন্ত বিশ্ব শৰ্মাৰ নেতৃত্বাধীন চৰকাৰেও একে ধাৰা অব্যাহত ৰাখি ২০২০-২১ বৰ্ষৰ বিত্তীয় সাহায্যৰে  অসমৰ অন্যান্য বিধানসভা সমষ্টিৰ দৰে চাবুৱা বিধানসভা সমষ্টিটো বহুকেইটা নামঘৰ নিৰ্মাণ হৈ আছে।  আজি চাবুৱা বিধানসভা সমষ্টিৰ  বিধায়ক পোনাকণ বৰুৱাই নাদুৱা গাঁও পঞ্চায়তত ৫ টাকৈ নামঘৰত  উল্লেখিত আঁচনিৰ অধীনত আধাৰশিলা স্থাপন কৰে। আধাৰশিলা স্থাপনৰ সৈতে সংগতি ৰাখি পঞ্চায়তটোৰ আটাইকেইটা নামঘৰতে মায়ামৰা ধৰ্মীয় পৰম্পৰাৰে মাংগলিক ভাৱে অনুষ্ঠানৰ আয়োজন কৰে। উল্লেখ্য , প্ৰতিটো নামঘৰৰ উন্নয়নৰ বাবে ২,৫০,০০০ .০০ টকাৰ পুঁজি প্ৰদান কৰিছে নামঘৰ পৰিচালনা সমিতিসমূহক। ৰাজ্য চৰকাৰৰ এনে  ব্যতিক্ৰমী আৰু ইতিবাচক পদক্ষেপে অসমীয়াৰ ধৰ্মীয় সমাজখনৰ ভেঁটি অধিক টনকীয়াল কৰাত উল্লেখনীয় ভূমিকা ল’ব বুলি আশা প্ৰকাশ কৰে বিধায়ক বৰুৱাই। ডিকম পঞ্চায়তৰ নাদুৱা গ্ৰাণ্ট গাঁও নামঘৰ, হাতীগান্ধৈ ফুলাম নামঘৰ, নাদুৱা গাঁও পশ্চিম নামঘৰ, তিয়ঁহজলীয়া চুবুৰী নামঘৰত আধাৰশিলা স্থাপন তথা কামৰ শুভাৰম্ভ কৰাৰ সময়ত বিধায়ক গৰাকীয়ে ৰাইজক উদ্দেশ্যি কয় যে গ্ৰাম্যাঞ্চলৰ নামঘৰ সমূহ সৰ্বাংগ সুন্দৰ হৈ  নামঘৰ সমূহত ধৰ্মৰ আৰু আধ্যাত্মিক চৰ্চাৰে কলা কৃষ্টি সংস্কৃতি বিকাশৰ কাৰণে চৰকাৰখনে কাম ত্বৰান্বিত কৰি থাকিব। ভকত আৰু আইসকল একত্ৰিত হৈ অঞ্চলটোত সুস্থ সামাজিক আৰু আধ্যাত্মিক পৰিবেশ গঢ়  তুলিবলৈ প্ৰয়াস কৰিব লাগিব। তদুপৰি বিধায়কগৰাকীয়ে ২০২০-২১ বৰ্ষত চাবুৱা সমষ্টিটোত ৪০ টা নামঘৰত অসম দৰ্শন আঁচনিৰ জৰিয়তে নিৰ্মাণ কৰিবলৈ চৰকাৰে পদক্ষেপ গ্ৰহণ কৰিছে বুলি ৰাইজক অৱগত কৰে। আজি বিধায়ক গৰাকীৰ দিনজোৰা কাৰ্যসূচী সমূহত উপস্থিত আছিল নাদুৱা গাওঁ পঞ্চায়তৰ সভানেত্ৰী শেৱালী বুঢ়াগোহাঁই ডাঙৰীয়া, অসম মহিলা পৰিষদৰ কেন্দ্ৰীয় সমিতিৰ সদস্যা অঞ্জলী গগৈ, পানীতোলা উন্নয়ন খণ্ডৰ খণ্ড উন্নয়ন বিষয়া ত্ৰিকেন্দ্ৰজিত মাৰাঙ, ডিকম গাঁও পঞ্চায়তৰ সভানেত্ৰী বন্তী শৰ্মা, অ গ প চাবুৱা বিধান পৰিষদৰ সম্পাদক নিপুল কোঁৱৰকৈ ধৰি অন্যান্যসকল ।