শোণিতপুৰ জিলাৰ ইটাখোলাৰ সমীপ কেৰাণীপাম গাঁওৰ পৰা যোৱা ১২ অক্টোবৰৰ পৰা ২ বছৰীয়া কণ্যা সন্তানৰ সৈতে মহিলা নিৰুদ্দেশ হৈ আছে । জানিব পৰা মতে ইটাখোলা সমীপৰ জামুগুৰি থানাৰ অন্তৰ্গত কেৰাণীপাম গাঁওৰ দিগন্ত শইকীয়া (২৫) ৰ পত্নী জাহ্নৱী দাস শইকীয়া (২৩) য়ে নিজ ২ বছৰীয়া কণ্যা সন্তান সুমিত্ৰা শইকীয়াৰ সৈতে দূৰ্গা পূজাৰ মাজতে অৰ্থাত ১২ অক্টোবৰ দিনাৰ পৰা নিৰুদ্দেশ হৈ আছে । পতী দিগন্ত শইকীয়াই জানিব দিয়া মতে ১২ অক্টোবৰৰ দিনা ৰাতিপুৱা চতিয়াস্থিত পহুচোৱা গাঁওৰ নিজ মাকৰ ঘৰলৈ যাম বুলি ওলাই অহা জাহ্নৱী আজি পৰ্যন্ত মাকৰ ঘৰলৈ গৈ নেপাই নিৰুদ্দেশ হৈ আছে । উক্ত দিনাই মাকৰ ঘৰলৈ গৈ নোপোৱাৰ পিছৰ পৰা দিগন্তই নিজ পৰিয়ালৰ লগতে বহু ঠাইত বিছাৰে যদিও আজিলৈকে উদ্ধাৰ কৰিবলৈ সক্ষম নহল । এই সন্দৰ্ভত দিগন্তই জামুগুৰি থানাত জনাই যদিও জামুগুৰি আৰক্ষীও আজি লৈকে নিৰুদ্দেশ হোৱা মহিলা গৰাকীৰ লগতে শিশুটিৰ কোনো সম্ভেদ পোৱা নাই ।
ইণ্ডিয়া বুক অব ৰেকৰ্ডছত অন্তৰ্ভুক্ত হ’ল “প্ৰতিদিন টাইম”ৰ গহপুৰৰ সাংবাদিক ৰমেন বৰাই লিখা দেশপ্ৰেমমূলক গীতটো।
১৯৪২ চনৰ ভাৰত ত্যাগ আন্দোলনৰ ছয়দুৱাৰ তথা গহপুৰৰ শ্বহীদ কনকলতা বৰুৱা, মুকুন্দ কাকতিৰ লগতে সংগৃহীত ২৬ গৰাকীকৈ স্বাধীনতা সংগ্ৰামীৰ নাম সন্নিবিষ্ট কৰি প্ৰতিদিন টাইমৰ গহপুৰৰ সাংবাদিক ৰমেন বৰাই লিখা দেশপ্ৰেমমূলক গীতটোৱে স্থান পালে India Book of Recordsত। গহপুৰ আৰক্ষী থানাত ত্ৰিৰঙ্গা পতাকা উত্তোলন কৰিবলৈ আহি বৃট্ৰীছ পুলিচৰ গুলীত শ্বহীদ হোৱা কনকলতা বৰুৱা, মুকুন্দ কাকতিৰ নামৰ লগতে উক্ত দিনটোৰ কাৰ্যসূচীত অংশগ্ৰহণ কৰা সংগৃহীত ২৬ গৰাকী পুৰুষ মুক্তিযুজাৰু ক্ৰমে ত্ৰিৰংগা পতাকা উত্তোলন কৰা ৰামপতি ৰাজখোৱা, থুলেশ্বৰ ৰাজখোৱা, খৰ্গেশ্বৰ বৰুৱা, জীতেন্দ্ৰ কুমাৰ বৰা, অৰ্জুন ৰাজখোৱা, লক্ষী বৰা, হেম বৰুৱা, মিনাৰাম বৰুৱা, থানেশ্বৰ বৰুৱা, ভোলাৰাম বৰদলৈ, জোনাৰাম ভূঞা, কৰ্ণেশ্বৰ হাজৰিকা, পদ্মনাথ গোস্বামী, পুতুল সিং, চন্দ্ৰকান্ত বৰদলৈ, থানেশ্বৰ বৰুৱা(কলাবাৰী), মোহন মহন্ত, বেণুধৰ দত্ত, মনোৰাম বৰা, তোষণ চন্দ্ৰ মহন্ত, তিলেশ্বৰ বৰুৱা, মাঘিৰাম বৰা, গজেন্দ্ৰ নাথ গোস্বামী, হেমকান্ত বৰুৱা, হৰেন্দ্ৰ নাথ শইকীয়া, দণ্ডেধৰ গগৈ আৰু মহিম চন্দ্ৰ সিং ৰ নাম সন্নিবিষ্ট কৰি সাংবাদিক ৰমেন বৰাই লিখা ‘মই কনকলতা মুকুন্দৰে গহপুৰৰ ডেকা’ শীৰ্ষক গীতটোক ৰেকৰ্ড হিচাপে স্বীকৃতি প্ৰদান কৰিছে India Book of Records কৰ্তৃপক্ষই। গহপুৰৰ বৰঙাবাৰীৰ মৰ্ণিং ষ্টাৰ হাইস্কুলৰ পৰিচালন সঞ্চালক তথা জনপ্ৰিয় সংগীত শিল্পী যাদৱ চলিহাই কণ্ঠদান কৰা, প্ৰবীন সংগীত শিল্পী বিজয় বৰাই সুৰ কৰা আৰু উদীয়মান সংগীত ব্যৱস্থাপক মানস প্ৰতীম বৰাই সংগীত সংযোজন আৰু সংমিশ্ৰন কৰা গীতটোৱে India Book of Records স্থান পোৱাত উৎফুল্লিত হৈছে গীতটোৰ গীতিকাৰ ৰমেন বৰাৰ লগতে তেওঁৰ শুভাকাংক্ষী আৰু সংগীত প্ৰেমী ৰাইজ। উল্লেখ্য যে গহপুৰ মহকুমাৰ ককিলা চাৰিআলি নিৱাসী অসৱৰ প্ৰাপ্ত ভাৰতীয় বায়ু সেনাৰ জোৱান আৰু অৱসৰপ্ৰাপ্ত বিষয় শিক্ষক ডম্বৰু বৰাৰ একমাত্ৰ পুত্ৰ,প্ৰতিদিন টাইমৰ সাংবাদিক ৰমেন বৰাই লিখা পাঁচটাকৈ দেশপ্ৰেমমূলক গীতকে ধৰি ভিন্ন সুৰৰ মুঠ ২১টা গীত ইতিমধ্যে মুক্তি লাভ কৰিছে। India Book of Records কৰ্তৃপক্ষই ৰেকৰ্ড স্থাপনৰ স্বীকৃতি স্বৰূপে ৰমেন বৰালৈ এখন প্ৰমাণ পত্ৰ, সোণালী ৰঙৰ এটা মেডেল, ইণ্ডিয়া বুক অব ৰেকৰ্ডছৰ এখন কিতাপ, এটা বেজ, এখন পৰিচয় পত্ৰৰ লগতে এটা কলম প্ৰেৰণ কৰিছে।
কেঁচা চাহ পাতৰ মূল্য পাঁচ টকা, ক্ষুদ্ৰ চাহ খেতিয়কৰ হাহাকাৰ অবস্থা।
দুৰ্গা পূজাৰ পিছৰ পৰাই উজনি অসমৰ ক্ষুদ্ৰ চাহ খেতিয়ক সকল গভীৰ সংকটৰ সন্মুখীন হোৱা দেখা গৈছে । চাহ বাগিছাৰ পাত মালিকে নিজেই তুলিব নে কৰ্মচাৰীক তুলিব দিব ই অতি দুখ জনক ? বিশেষকৈ উজনি অসমৰ তিনিচুকীয়া জিলাত থকা প্ৰায় ত্ৰিশ হাজাৰ ক্ষুদ্ৰ চাহ খেতিয়কৰ বৰ্তমান পানীত হাঁহ নচৰা অৱস্থা হৈছে । জিলা খনৰ ক্ষুদ্ৰ চাহ খেতিয়ক সকলে কেঁচা চাহ পাত বিক্ৰী কৰিয়েই নিজৰ পৰিয়াল পোহপাল দি আহিছে। দুৰ্গা পূজাৰ সুযোগ লৈ এটা শক্তিশালী চক্ৰই অতি কৌশলৰে কেঁচা চাহ পাতৰ দাম নিম্ন কৰি অধিক মুনাফা লুটাৰ ফলত চাহ পাতৰ খেতিয়কৰ মাজত হাহাকাৰ অৱস্থাই দেখা দিছে । ক্ষূদ্ৰ চাহ খেতিয়ক সকলক ৰাম টাঙোন দি অভাৱনীয় ভাৱে বটলিফ ফেক্টৰীৰৰ মালিক পক্ষই প্ৰতি দিনাই হ্ৰাস কৰি আহিছে কেচা চাহ পাতৰ দৰ। যাৰ ফলত, এই বছৰত কভিড কালিন পৰিস্থিতিৰ পিছত পুনৰ পূজাৰ পিছে পিছে ব্যাপক ভাৱে লোকচান হৈছে ক্ষুদ্ৰ চাহ খেতিয়ক সকল। তিনিচুকীয়া জিলাৰ অসম অৰুণাচল সীমামূৰীয়া অঞ্চলত বসবাস কৰা চহা খেতিয়ক সকলৰ উপাৰ্জনৰ মুল কেন্দ্ৰ হৈছে কেঁচা চাহপাত। বৃহত্বৰ ফিল’বাৰী, কৰিয়াজন, কুজুপথাৰ, কঠালগুৰি লগতে বুঢ়ীদিহিং মৌজাৰ প্ৰতিখন গাঁৱৰ প্ৰায় লোকৰ ঘৰে গড়ে প্ৰায় দুই বিঘাকৈ ক্ষুদ্ৰ চাহ বাগিচা আছে। আনহাতে চাহ বাগিচাত ব্যৱহাৰ কৰা কিটনাশক দ্ৰব্য সমুহৰ দৰ হ্ৰাস কৰিবলৈ চৰকাৰ সক্ষম হোৱা নাই । বিগত বৰ্ষত ৰাজ্যত কেঁচা চাহপাতৰ দাম বৃদ্ধি হোৱাৰ বাবে বাহ বাহ লোৱা ৰাজ্য চৰকাৰে কিন্তু বৰ্তমান সময়ত কেচা চাহপাতৰ দৰ হ্ৰাস হোৱাত একেবাৰে নিমাতে থকাৰ অভিযোগ কৰিছে স্থানীয় ক্ষুদ্ৰ চাহ খেতিয়ক সকলে ।বিগত বৰ্ষৰ ক্ষুদ্ৰ চাহ খেতিয়ক সকলে ৩৫ টকাৰ পৰা ৪০ টকা লৈকে কেজি কেঁচা চাহ পাতত লাভ কৰিছিল কিন্তু বৰ্তমান সময়ত ক্ষুদ্ৰ চাহ খেতিয়ক সকলে প্ৰতি কেজিত মাত্ৰ ৬ টকাৰ পৰা ১০ টকা ভিতৰত দৰ লাভ কৰিছে। প্ৰণিধান যোগ্য যে বৰ্তমান সময়ত ক্ষুদ্ৰ চাহ খেতিয়কৰ বাগিচাত প্ৰতি কিলোগ্ৰাম কেঁচা চাহ পাতৰ উৎপাদনী ব্যয় হয় প্ৰায় ১৫.৫০ টকা। আজিৰ তাৰিখত বটলিফ ফেক্টৰী সমূহে দৈনিক দুই টকাৰ পৰা চাৰি টকা পৰ্য্যন্ত কেঁচা পাতৰ মূল্য হ্ৰাস কৰিছে। ক্ষুদ্ৰ চাহ খেতিয়ক সকলে আশা কৰে যে, চৰকাৰে এই ক্ষেত্ৰত বিহীত ব্যৱস্থা গ্ৰহণ কৰিব।
হাবি বননিয়ে ভৰি থকা লাহৰীঘাট অঞ্চলৰ এটা অংগনৱাড়ী কেন্দ্র
ৰাজ্য চৰকাৰে সমাজ কল্যাণ বিভাগে জনকল্যাণমূলক বিভিন্ন আঁচনিৰ দ্বাৰা শিশু শিক্ষাৰ উন্নয়নৰ বাবে। যথেষ্ট পৰিমাণৰ বাজেট ৰাখে। তাৰ ভিতৰত অংগনৱাড়ী কেন্দ্ৰবোৰো সামৰি লোৱা হয়। সম্প্রতি লক ডাউনৰ প্ৰতি ৰাখি অংগনৱাড়ী কেন্দ্ৰৰ পাঠদান সমূলি বন্ধ যদিও শিশুৰ খাদ্য সামগ্রী আদি নিয়মিত ভাৱে বিভাগে কেন্দ্ৰত যোগান দি আছে। কেনেকৈ বিতৰণ কৰিছে সেয়া আমাৰ কবলৈ একো নাই কাৰণ বিভাগে হয়তো তথ্য পাতি পাই আছে। এতিয়া মূল বিষয় লৈ আহোজনবহুল এলেকাৰ ওপৰিও লাহৰীঘাট বজাৰলৈ যোৱা চৰকাৰী পথৰ দাঁতিত। কেন্দ্ৰটিৰ পশ্চিম ফালে মৰিতলী প্ৰাথমিক বিদ্যালয়ৰ প্ৰাক্তন সভাপতিৰ ঘৰ, দক্ষিণে অৰ্থাৎ যাৰ পদূলীত কেন্দ্ৰটি স্হাপন কৰা হৈছে বৰ্তমান এই কেন্দ্ৰ পৰিচালনা সমিতিৰ সভাপতিৰ পূত্ৰৰ। পূৱফালে কেন্দ্ৰৰ পৰা মাথো ২০০ মিটাৰ দূৰৈত ধিঙ্গৰআটি গাৱত কৰ্মী তথা B L O মাহফুজা বেগম বাইদেউৰ ঘৰ। এতিয়া হয়তো সকলোৱে ভাবি আছে কেন্দ্ৰটো নিশ্চয় বহু নামজ্বলা হব। পিছে নহয় বাতৰিৰ পিছত হয়তো কেন্দ্ৰৰ ৰূপ ৰেখা সলনি হৈ যাব। মৰিগাঁও জিলাৰ লাহৰীঘাট সংহত শিশু উন্নয়ন আঁচনিৰ অধীনস্থ ১২৪ নং মৰিতলী পথাৰ অংগনৱাড়ী কেন্দ্র। যি কেন্দ্রত কোনো দিনেই চাইনবোৰ্ড বা ফলক লগোৱা হোৱা নাই। স্হানীয় ৰাইজৰ অভিযোগ মতে বিগত ২ বছৰ ধৰি সম্পূর্ণ ৰূপে তলা বন্ধ ৰখাত কেন্দ্ৰটিৰ ভিতৰ চৰাত হাবি জংগলে বনাঞ্চলৰ ৰূপ লৈছে। যত দিনতে সাপৰ ভয় লাগে। কেন্দ্ৰটিৰ মূধচৰ কেবাটাও টিনপাত ধুমুহাৰ ফলত খঁহি ভিতৰতে পৰি আছে। বৰষুণৰ পানীয়ে এই হাবি বননিয়ে চানি ধৰিছে। এতিয়া কথা হল কেন্দ্ৰটিৰ টিনপাত খহি পৰা, বৰষুণৰ পানী পৰি ভিতৰত প্ৰকাণ্ড গছ, বন জংগলে ছানি ধৰা এমাহ দুমাহে নহয় হয়তো ১/২ বছৰ লাগিছে, তথাপি কৰ্মী,সহকৰ্মীৰ আৰু পৰিচালনা সমিতিৰ কেন্দ্রটি লৈ মনযোগ দিয়া নাই,বা মেৰামতিৰ বাবে বিভাগীয় কতৃপক্ষক অৱগত কৰোৱা নাই । অৱশ্যে অনবৰতে দুটা খীৰিকী খুলা আছে, যাৰ ফলত দৰ্শকে অনায়াসে প্ৰাকৃতিক দৃশ্য উপভোগ কৰিব পাৰে। আৰু আমাৰ সাংবাদিকেও দৃশ্যৰ ফটো, ভিজুৱেল লবলৈ সুবিধা পালে। যদি কৰ্মী বা পৰিচালনা সমিতিয়ে বিভাগীয় কতৃপক্ষক এই বিষয়ে জ্ঞাত কৰিছে তেন্তে আমাৰ কবলগীয়া একো নাই। কিন্তু এটা কথা সত্য যে ভিতৰত থকা গছৰ দৃশ্যই প্ৰমাণ কৰে যে কেই বছৰ লাগিছে ডাঙৰ হবলৈ। আমাৰ কাম সত্য পোহৰলৈ আনি দিয়া, বাকি দায়িত্ব বিভাগীয় কতৃপক্ষৰ। উল্লেখ্য যে লাহৰীঘাট সংহত শিশু উন্নয়ন আঁচনিৰ অধীনস্থ বহু কেন্দ্ৰতেই নাম ফলক পৰিলক্ষিত নহয় ইয়াৰ বা কি ৰহস্য সেয়া হয়তো অজ্ঞাত।
লাহৰীঘাটত অগপ বিধান পৰিষদ সমিতৰ সংবাদমেল
বৃহস্পতি বাৰে বিয়লি মৰিগাঁও জিলাৰ লাহৰীঘাটত অগপ দলৰ বিধান পৰিষদৰ অস্থায়ী কাৰ্যালয়ত নতুনকৈ অনুমোদন পোৱা বিধান পৰিষদ সমিতিৰ তৰফৰ পৰা এখনি সংবাদ মেল অনুষ্ঠিত কৰা হয়। সংবাদ মেলত কেন্দ্রীয় সাধাৰণ পৰিষদৰ সদস্য সাহজাহান আহমেদ, নব গঠিত লাহৰীঘাট বিধান পৰিষদৰ সভাপতি ৰাজেন বৰা, উপ সভাপতি তিলক চন্দ্র ডেকা, সম্পাদকদ্বয় মিৰাজ আলী মেহদী, ফৰিদুদ জামান, সাংগঠনিক সম্পাদক ৰমেন চন্দ্র বসুমতাৰী, সহ সম্পাদক আবুল ৰাশিদ, কাৰ্যালয় সম্পাদক শ্বহিদুল ইছলামৰ লগতে দলীয় বহু কৰ্মী সকল উপস্থিত আছিল। উল্লেখ্য যে নব গঠিত বিধান পৰিষদৰ নতুন সমিতিত মুঠ ৬৪ জনীয়া সদস্যক লই সমিতিক অনুমোদন দিয়ে বুলি সংবাদ মেলত প্ৰকাশ কৰে সভাপতি আৰু সম্পাদকে।
মৰিগাঁৱত জিলা উপায়ুক্তৰ পৌৰহিত্যত বিনামূলীয়া কভিড-১৯ ভেকচিন প্ৰদানৰ ওপৰত সভা
সমগ্ৰ ভাৰতবৰ্ষই যোৱা কালি বিনামূলীয়া কভিড ১৯ ভেকচিন প্ৰদানৰে বিশ্বৰ ভিতৰতে এক গৌৰৱ কঢ়িয়াই আনিছে | এই ঐতিহাসিক দিনটো ৰাজ্যখনৰ লগতে মৰিগাঁও জিলাতো উদযাপন কৰা হয় | এই উপলক্ষে জিলা উপায়ুক্ত প্ৰকাশ ৰঞ্জন ঘৰফলীয়াৰ পৌৰাহিত্যত উপায়ুক্ত কাৰ্যালয়ৰ সভাকক্ষত এখন সভা অনুষ্ঠিত কৰা হয় | এই অনুষ্ঠানতে কঠিন সময়ৰ মাজতো অশেষ কষ্ট আৰু ত্যাগ স্বীকাৰ কৰি নিৰন্তৰ প্ৰতিষেধক প্ৰদান কাৰ্যসূচী চলাই থাকি জিলাখনৰ ভিতৰতে বিশেষ পাৰদৰ্শিতা পৰিদৰ্শন কৰা তিনিগৰাকী এ. এন. এম. ক্ৰমে লুণা মেধি, দুলুমনি দাস আৰু সংগীতা বৰাক জিলা উপায়ুক্তই সম্বৰ্ধনা জনায় | ভাষণ প্ৰসংগত উপায়ুক্ত গৰাকীয়ে জিলাখনৰ স্বাস্থ্য বিভাগৰ সমুহ কৰ্মীৰ নিস্বাৰ্থ সেৱাৰ শলাগ লয় আৰু অনাগত দিনত একেই উদ্যম আৰু সেৱাৰ মানসিকতাৰে কাম কৰি যাবলৈ আহ্বান জনায় | সভাত অতিৰিক্ত উপায়ুক্ত গৰ্গমোহন দাস, ৰিংখাং মাছাহাৰী, অতিৰিক্ত যুটীয়া স্বাস্থ্য সঞ্চালক ডা ৰোহিনী বৰকটকী, অতিৰিক্ত মুখ্য চিকিৎসা ও স্বাস্থ্য বিষয়া ডা যুগল কলিতা আৰু স্বাস্থ্য বিভাগৰ বহু কেইগৰাকী বিষয়া আৰু কৰ্মচাৰী উপস্থিত থাকে |
উত্তৰাখণ্ডৰ বাগেশ্বৰত ৫ জন পৰ্যটকৰ মৃত্যু, হিমাচলৰ লাহৌল-স্পিতিত ৮০ জন আৱদ্ধ
উত্তৰাখণ্ডত আকৌ এবাৰ বৰষুণৰ ফলত ধ্বংসৰ সাক্ষী হৈছে। শেহতীয়া তথ্যঅনুসৰি, কুমাওনৰ কাপকোটত আৱদ্ধ হৈ থকা পাঁচজন পৰ্যটকৰ মৃত্যু হৈছে। বিষয়াসকলে বৃহস্পতিবাৰে কৈছিল যে শেহতীয়া বৰষুণে ৰাজ্যখনত মৃত্যুৰ সংখ্যা ৬৫ লৈ বৃদ্ধি কৰিছে। এই সকলোবোৰত, ৰাজ্যখনৰ মুখ্যমন্ত্ৰীয়ে 7,000 কোটি টকাৰ লোকচান ৰখাৰ আকলন কৰিছে।বাগেশ্বৰ জিলাৰ কাপকোটৰ সুন্দৰধুঙ্গা হিমবাহৰ ওচৰত ৫ জন পৰ্যটকৰ মৃত্যু নিশ্চিত কৰা হৈছিল যিদিনা কেন্দ্ৰীয় গৃহ মন্ত্ৰী অমিত শ্বাহে ৰাজ্যখনৰ আটাইতকৈ বেছি ক্ষতিগ্ৰস্ত অঞ্চলত বৰষুণৰ ক্ষয়ক্ষতিৰ আকাশী জৰীপ চলাইছিল। আগতে চৰকাৰীভাৱে মৃত্যুৰ সংখ্যা আছিল ৬০ জন। বিষয়াসকলে কৈছিল যে মৃত পাঁচজনৰ উপৰিও এজন পৰ্যটক সন্ধানহীন হৈ আছে আৰু আন চাৰিজনক উদ্ধাৰ কৰা হৈছে।বাগেশ্বৰৰ উচ্চ উচ্চতাত প্ৰায় ৬৫ জন পৰ্যটক আৱদ্ধ হৈ থকাৰ খবৰ পোৱা গৈছে আৰু উদ্ধাৰকাৰী দলে জীৱিতসকলক স্থানান্তৰ কৰিবলৈ কাম কৰি আছে।ইয়াত, কৰ্ণাটক চৰকাৰে উত্তৰাখণ্ডত আৱদ্ধ হৈ থকা ইয়াৰ ৰাজ্যখনৰ নাগৰিকসকলক লৈ চিন্তিত। আমি উত্তৰাখণ্ডত আৱদ্ধ হৈ থকা আমাৰ লোকসকলৰ বাবে এটা হেল্পলাইন জাৰী কৰিছো, ৰাজ্যিক মন্ত্ৰী আৰ অশোকে বাংগালুৰুত কয়। যাৰ পিছত আমাৰ ১০ টা পৰিয়ালে আমাৰ সৈতে যোগাযোগ কৰিছে। আমাৰ বিষয়াসকলে উত্তৰাখণ্ড চৰকাৰৰ সৈতে যোগাযোগ কৰি আছে আৰু তেওঁলোকৰ লোকসকলৰ সুৰক্ষা নিশ্চিত কৰি আছেউত্তৰাখণ্ডৰ উপৰিও, বেয়া বতৰৰ বাবে হিমাচল প্ৰদেশৰ লাহৌল-স্পিতি জিলাতো 80 জন লোক আৱদ্ধ হৈ আছে। এই তথ্যবৃহস্পতিবাৰে দুৰ্যোগ ব্যৱস্থাপনা ৰ এজন বিষয়াই দিছিল। তেওঁ কৈছিল যে বাটালত আৱদ্ধ হৈ থকা সকলৰ ভিতৰত এঘাৰজন পৰ্যটক গাড়ীত ভ্ৰমণ কৰি আছে। বিষয়াজনে কৈছিল যে তেওঁলোকে বাটালৰ ৰাজহুৱা নিৰ্মাণ বিভাগৰ বিশ্ৰাম গৃহ আৰু খুৰাকৰ ধাবাত আছে। তেওঁ কৈছিল যে শুক্ৰবাৰে বাহনসমূহে তেওঁলোকক সুৰক্ষিত স্থানলৈ লৈ যোৱাৰ পৰিকল্পনা কৰিছে।
বিজ্ঞানীসকলে 100 বছৰ পুৰণি কেঁকোৰা বিচাৰি পাইছে, সাগৰত বা মাটিত বাস কৰা নাছিল
এম্বাৰ (এম্বাৰ) (জীৱাশ্ম)ত আৱদ্ধ জীৱাশ্মবোৰ শেহতীয়া বছৰবোৰত জীৱাণুবিজ্ঞানৰ আটাইতকৈ আকৰ্ষণীয় আৱিষ্কাৰবোৰৰ ভিতৰত অন্যতম। পেলিয়ণ্টোলজিষ্টসকলে (জীৱবিজ্ঞানী) শেহতীয়াকৈ এম্বাৰত সংৰক্ষিত কেঁকোৰা (কেঁকোৰা)ৰ জীৱাশ্ম চিনাক্ত কৰিছে, যি প্ৰায় 100 নিযুত বছৰ পুৰণি। ম্যানমাৰত ইয়াৰ আৱিষ্কাৰৰ পিছত জীৱাশ্মটো চীনৰ য়ুনান প্ৰদেশৰ লংগিন্স এম্বাৰ সংগ্ৰহালয়ত সংৰক্ষণ কৰা হৈছিল। এইটো আটাইতকৈ সম্পূৰ্ণ প্ৰকাৰৰ কেঁকোৰা।হাৰ্ভাৰ্ড বিশ্ববিদ্যালয়ৰ জৈৱিক আৰু বিৱৰ্তনশীল জীৱবিজ্ঞান বিভাগৰ (হাৰ্ভাৰ্ড বিশ্ববিদ্যালয়ৰ জীৱবিজ্ঞান আৰু বিৱৰ্তনশীল জীৱবিজ্ঞান বিভাগ) এজন পোষ্টডক্টৰেল গৱেষক জেভিয়াৰ লুকে কয়, “নমুনাটো চমৎকাৰ, ই এক সম্পূৰ্ণ প্ৰকাৰৰ নমুনা।উত্তৰ ম্যানমাৰৰ পৰা উদ্ভৱ হোৱা এম্বাৰ নমুনাৰ ওপৰত কাম কৰা চীনা, আমেৰিকা আৰু কানাডিয়ান বিজ্ঞানীসকলে সৰু কেঁকোৰাটোৰ নাম ক্ৰেটাপ্ৰাচা আথাণ্টা ৰাখিছিল। এই নামটোৱে ডাইনোচৰ যুগৰ সময়ক বুজায়। গ্ৰীক ভাষাত ইয়াৰ অৰ্থ হৈছে অমৰ।কম্পিউটাৰাইজড ট’পোগ্ৰাফীত, দেখা যায় যে 100 নিযুত বছৰ পুৰণি, এই জীৱবোৰ 5 মিলিমিটাৰ দীঘল। ইয়াৰ শৰীৰৰ অংশবোৰ স্পষ্ট। মুখৰ অংশত চুলিও আছে।গৱেষকসকলে বিশ্বাস কৰে যে ক্ৰেটাপ্ৰা সাগৰীয় কেঁকোৰা বা সম্পূৰ্ণৰূপে ভূমিত বাস কৰা ব্যক্তি নাছিল। তেওঁলোকে ভাবে যে ই নিশ্চয় অৰণ্যৰ তলত সতেজ পানী বা নিমখীয়া পানীত বাস কৰিছিল। তেওঁ কৈছিল যে এই প্ৰাণীবোৰ ভূমিলৈ প্ৰব্ৰজন কৰাৰ সম্ভাৱনা আছে। পিছত মাটিলৈ ঘূৰি আহিল।গৱেষকসকলে কৈছিল যে ক্ৰেতাৰ পেৰাই প্ৰমাণ কৰে যে ডাইনোচৰ যুগত কেঁকোৰাবোৰে সাগৰৰ পৰা ভূমি আৰু সতেজ পানীলৈ জঁপিয়াই ছিল। এইটো সামুদ্ৰিক অন্বেষণত এতিয়ালৈকে প্ৰাপ্ত কৰা আটাইতকৈ ডাঙৰ সাফল্য বুলি গণ্য কৰা হয়।
হলিউড তাৰকা এলেক বল্ডউইনে দুৰ্ঘটনাক্ৰমে মঞ্চত গুলী চালনা কৰে, মহিলা কেমেৰামেন নিহত, এজন আহত
প্ৰসিদ্ধ আমেৰিকান অভিনেতা এলেক বল্ডউইনে ‘ৰাষ্ট’ চলচ্চিত্ৰখনৰ দৃশ্যগ্ৰহণৰ সময়ত দুৰ্ঘটনাক্ৰমে এগৰাকী মহিলা কেমেৰামেনক দৃশ্যগ্ৰহণ কৰিছিল। এই তথ্যছাণ্টা এফ কাউণ্টি শ্বেৰিফৰ কাৰ্যালয়ে দিছিল। বাতৰি অনুসৰি, কেমেৰামেনজনক গুলীয়াই হত্যা কৰা হৈছিল আৰু এজন চলচ্চিত্ৰ পৰিচালকো আঘাতপ্ৰাপ্ত হৈছিল। কেইবাখনো সংবাদ মাধ্যমৰ বাতৰি অনুসৰি, বৃহস্পতিবাৰে নিশা ‘ৰাষ্ট’ৰ ছেটত সংঘটিত দুৰ্ঘটনাৰ ফলত এজন লোকৰ মৃত্যু হয় আৰু আন এজন আহত হয়।শ্বেৰিফৰ কাৰ্যালয়ে এক বিবৃতি জাৰি কৰি কয়, “শ্বেৰিফৰ কাৰ্যালয়ে নিশ্চিত কৰিছে যে অভিনেতা আৰু প্ৰযোজক এলেক বল্ডউইনৰ (৬৮) পৰা দুৰ্ঘটনাক্ৰমে গুলীচালনা কৰাৰ বাবে দুজন লোক – ফটোগ্ৰাফী পৰিচালক হেলেনা হাচিন্সচো (৪২) আৰু পৰিচালক জোৱেল চুজা (৪৮)ক ৰাষ্টৰ ছেটত গুলীয়াই হত্যা কৰা হৈছিল। বিষয়াসকলে ঘটনাটোৰ তদন্ত আৰম্ভ কৰিছে। বিবৃতিঅনুসৰি, ঘটনাটোৰ সন্দৰ্ভত এতিয়ালৈকে কোনো গোচৰ ৰুজু কৰা হোৱা নাই।বাতৰি অনুসৰি, চিত্ৰগ্ৰহণ কৰা দৃশ্যটোত এটা প্ৰপ গান ব্যৱহাৰ কৰা হৈছিল, যাক খালী কৰা হৈছিল। বন্দুকটো কেনেকৈ আৰু কেনেকৈ গুলী চালনা কৰিছিল আৰু মাৰাত্মক ঘটনাটো সংঘটিত হৈছিল সেই বিষয়ে অনুসন্ধান চলি আছে। ঘটনাটোৰ পিছত ৪২ বছৰীয়া মহিলা কেমেৰামেনগৰাকীক বিমানেৰে নিউ মেক্সিকো বিশ্ববিদ্যালয়ৰ চিকিৎসালয়লৈ লৈ যোৱা হয়। পৰিচালক জোৱেল চুজাক এম্বুলেন্সেৰে এখন পৃথক চিকিৎসালয়লৈ লৈ যোৱা হৈছিল য’ত তেওঁক জৰুৰীকালীন চিকিৎসা সেৱা প্ৰদান কৰা হৈছে।
বাংলাদেশত সনাতনী হিন্দুৰ ওপৰত হোৱা অমানৱীয় অত্যাচাৰৰ বিৰুদ্ধে টংলাত মৌন সমদল
বাংলাদেশত বাস কৰা সনাতনী হিন্দু সকলক কৰা অত্যাচাৰ এয়া কনো নতুন কথা নহয় প্ৰায়ে নিৰ্যাতনৰ বলি হৈ আছিছে বাংলাদেশী হিন্দু সকল ।সেয়েহে এইবাৰো ২০২১ বৰ্ষৰ দুৰ্গোৎসৱৰ সময়ত বাংলাদেশৰ সনাতনী হিন্দু সকলক কৰা অমানৱীয় অত্যাচাৰ তথা মন্দিৰ পৰ্যন্ত ভাঙি দিয়া ঘটনাই সমগ্ৰ বিশ্বতে খলকনীৰ সৃষ্টি কৰিছিল।পৰিপেক্ষিতত হিন্দু সমাজক কৰা এনে অত্যাচাৰ আৰু নিৰ্যাতনৰ বিৰুদ্ধে বিভিন্ন জনে বিভিন্ন ঠাইত প্ৰতিবাদী কাৰ্যসূচী ৰূপায়ণ কৰা দেখা গৈছিল ।সমান্তৰালকৈ বৃহস্পতিবাৰে নিশা ওদালগুৰি জিলা টংলা চহৰতো টংলা আঞ্চলিক সনাতনী সন্থা টংলা আঞ্চলিক ৰাম সেনা অসম লগতে টংলা বজৰংগ খণ্ডৰ উদ্যোগত যুটিয়াভাৱে টংলা চহৰত সহশ্ৰাধিক প্ৰতিবাদকাৰীৰ উপস্থিতিত মৌন সমদল কাৰ্যসূচী ৰূপায়ণ কৰাৰ পৰিলক্ষিত হয়।
