” বোলা হৰি  হৰি নাম মুকুন্দ  মুৰাৰি । বিনা হৰি নামে ভক্ত তৰিতে নাপাৰি ।। ”  বিটিআৰৰ  পূৱ  ওদালগুৰি  শ্ৰীমন্ত শংকৰদেৱ সত্ৰ আঞ্চলিক সমিতিৰ চতুৰ্থ বাৰ্ষিক প্ৰতিষ্ঠা দিৱস উপলক্ষে ব্যাপক প্ৰস্তুতি চলাইছে ৰঘু নাথ বৈশ্যক সভাপতি আৰু পংকজ বৰাক সম্পাদক হিচাপে নিৰ্বাচিত কৰি গঠন কৰা  উদযাপন সমিতিয়ে ।পূৱ গেলাবিল শ্ৰীমন্ত শঙ্কৰদেৱ সত্ৰখনৰ উদ্যোগত  অহা  ২২ অক্টোবৰত গেলাবিল ৰাজহুৱা নামঘৰখনৰ  প্ৰাঙ্গণত  অনুষ্ঠিত হ’ব এই   প্ৰতিষ্ঠা দিৱস  । এদিনীয়া  বৰ্ণাঢ্য কাৰ্যক্ৰমণিকা অনুসৰি  ২২ অক্টোবৰৰ  পুৱা ৫ বজাত জাগৰণ , পুৱা ৫ -১৫ বজাত পৰিৱেশ নিকাকৰণ,  পুৱা ৫ ৩০ বজাত  আইসকলৰ  নিত্য প্ৰসঙ্গ আৰু পুৱা  ৬ -৩০ বজাত বাপসকলৰ নিত্য প্ৰসঙ্গ । ইয়াৰ পাছতে পুৱা ৭ -৩০ বজাত  শৰাই অৰ্চনা কৰাৰ পাছতে  পুৱা  ৮  বজাত পূব ওদালগুৰি শ্ৰীমন্ত শঙ্কৰদেৱ সত্ৰৰ আঞ্চলিক  সমিতিৰ সভাপতি নোৱাৰাম কোচে  ধৰ্মধব্জা  উত্তোলন কৰাৰ  লগে লগে পুৱা ৮ ৩০ বজাত  বৃক্ষ ৰোপণ  কাৰ্যসূচীত অংশ গ্ৰহণ কৰিব ওৰাং আৰক্ষী থানাখনৰ  ভাৰপ্ৰাপ্ত আৰক্ষী বিষযা  প্ৰেমাংকু  হাজৰিকাই । পুৱা  ৯ বজাত ভকতক আদৰণি  । পুৱা  ৯ -৩০  বজাত সমূহীয়া নাম প্ৰসঙ্গ । এই নামভাগি পৰিচালনা কৰিব ২ নম্বৰ বটাঁবাৰী  সত্ৰৰ পাঠক নৰেন  ডেকা বাপে । দিনৰ ১১-৩০ বজাত ৰাজহুৱা সেৱা  আৰু মাহ প্ৰসাদ বিতৰণ  ।  দুপৰীয়া ১২ বজাত মহাপ্ৰসাদ বিতৰণৰ পাছতে দূপৰীয়া ১২ -৩০ বজাৰ  পৰা মুকলি  ধৰ্মালোচনী সভা অনুষ্ঠিত হ’ব  । নোৱাৰাম কোচে সভাপতিত্ব কৰা সভাখন  উদ্ধোধন কৰিব ৰাষ্ট্ৰপতি বটাঁ প্ৰাপ্ত অৱসৰী শিক্ষক কৃষ্ণ কান্ত বৰাই । সভাখনত  নিদিষ্ট বক্তা হিচাপে উপস্থিত থাকিব বিশিষ্ট শিল্পী,  সাহিত্যিক  চমৰীয়া সত্ৰৰ ৰামমুৰাৰী গোবিন্দ বৈশ্যই ।  ওদালগুৰি হৰিশিঙাৰ  যুৱ বক্তা বিবেক কুমাৰ দাসে উপষ্ঠিত থাকি বক্তব্য আগবঢ়োৱাৰ উপৰিও বিশিষ্ট আৰু আমন্ত্ৰিত অতিথি হিচাপে অংশ গ্ৰহণ কৰি সাৰুৱা বক্তব্য আগবঢ়াব গুৱাহাটী উজানবজাৰৰ সমাজ সেৱক গৌৰৱ জ্যোতি পাঠকে । ৭০ নম্বৰ  মাজবাট বিধানসভা সমষ্টিৰ বিধায়ক চৰণ বড়ো  আৰু শিক্ষক বিনোদ বৈশ্য ,  ডালিম কছাৰী,  প্ৰিয়ংকা শইকীয়া প্ৰমুখ্যে কেইবাগৰাকী বিশিষ্ট অতিথি ৰূপে  সভাখনত উপস্থিত থাকি  পূব ওদালগুৰি শ্ৰীমন্ত শঙ্কৰদেৱ সত্ৰৰ এই চতুৰ্থ বাৰ্ষিক প্ৰতিষ্ঠা দিৱসৰ মুকলি ধৰ্মালোচনী সভাত ভাষণ দিয়াৰ শেষত  আবেলি ৪ বজাত  আয়তী সকলৰ থিয়নাম প্ৰদৰ্শন কৰা হ’ব  ।  সন্ধিয়া ৫ -১৫ বজাত  ধৰ্মীয় পতাকা  অৱতৰণ কৰি  সন্ধিয়া ৫-৩০ বজাত  সমূহীয়া বন্তি প্ৰজ্বলন কৰাৰ পাছতে জয় গুৰু শ্ৰীমন্ত শংকৰদেৱৰ নাম লৈ বিশ্ব কালান্তক  কভিড ১৯ মহামাৰীৰ কেন্দ্ৰীয় আৰু ৰাজ্য চৰকাৰৰ সকলো চৰকাৰী নীতি – নিৰ্দেশনা প্ৰক্ৰিয়া মানি চলা  ধৰ্মীয় সমূহীয়া অনুষ্ঠানৰ সামৰণি পৰিব  । গতিকে এই অনুষ্ঠানত ওদালগুৰি জিলাখনৰ বাপ- বান্ধৱ, আই- মাতৃকে ধৰি সকলো ধৰ্মপ্ৰাণ ৰাইজকে  উপস্থিত  থাকি সহায় – সহযোগ তথা  দিহা পৰামৰ্শ প্ৰদান কৰিবলৈ পূব ওদালগুৰি শ্ৰীমন্ত শংকৰদেৱ সত্ৰ আঞ্চলিক সমিতিৰ সম্পাদক ভোলাৰাম ডেকাই   আন্তৰিকতাৰে আহ্বান  জনাইছে ।

যোৱা কালি নগাঁৱৰ কচুৱা দুজন ডকাইতে মৰিগাঁৱৰ জালুগুটিত ডকাইতি কৰিব আহিছিল।মৰিগাঁৱৰ জালুগুটিত এঘৰ মানুহৰ ঘৰত ডকাইতি কাণ্ড সংঘটিত কৰিবলৈ আবেলিৰ পৰা খাপপিতি আছিল জালুগুটিত। মৰিগাঁৱৰ আৰক্ষীয়ে গোপন সূত্ৰে গম পাই ঘটনাস্থলীত উপস্থিত হৈ ডকাইত দুজনক গ্ৰেপ্তাৰ কৰিব সক্ষম হয়।ডকাইত দুজন ক্ৰমে মুস্তাফা আহমেদ আৰু দিলদাৰ হুচেইন।আৰক্ষীয়ে জালুগুটিত  গ্ৰেপ্তাৰ কৰা ডকাইত দুজনৰ পৰা  দুটা পিষ্টল সহ পাঁচ জাই গুলি উদ্ধাৰ কৰে।

মহামাৰী ক’ভিড পৰিস্থিতিৰ মাজতেই ৰাজ্যজুৰি আজি ষষ্ঠীৰে পৰা আৰম্ভ হৈছে শাৰদীয় দুৰ্গোৎসৱ ৷ বিগত বৰ্ষত ক’ভিডৰ বাবে শাৰদীয় দুৰ্গোৎসৱ অনুষ্ঠুপীয়াকৈ উদযাপিত হৈছিল যদিও এইবাৰ পৰিৱেশ কিছু উন্নত হোৱাত চাৰিওফালে পূজাৰ আয়োজন চলা পৰিলক্ষিত হৈছে ৷ অন্যান্য ঠাইৰ লগতে পশ্চিম অসমৰ বঙাইগাঁও চহৰতো দুৰ্গোৎসৱকলৈ এইবাৰ লোকৰ মাজত উছাহ পৰিলক্ষিত হৈছে ৷ পূজাৰ কাপোৰ কিনিবলৈ শ্বপিংমল আৰু দোকানে- পোহাৰে লোকে কিছু  ভীৰ কৰা পৰিলক্ষিত হৈছে ৷ উল্লেখ্য যে এইবেলি বঙাইগাঁও সদৰ থানাৰ অন্তৰ্গত বঙাইগাঁও চহৰৰ লগতে নিউ বঙাইগাঁও,  নৰ্থ বঙাইগাঁও, বিদ্যাপুৰ আদি বিভিন্ন এলেকাত মুঠ ৭৪ খন দুৰ্গা পূজা অনুষ্ঠিত হৈছে ৷ সেইদৰে বঙাইগাঁও চহৰৰ ঐতিহ্য মণ্ডিত বাঘেশ্বৰী মন্দিৰতো অনুষ্ঠিত হৈছে দুৰ্গা পূজা ৷ জমিদাৰী আমোলৰ পৰা চলি অহা এই পূজাত নাই কোনো জাক- জমকতা ৷ প্ৰাচীন ধৰ্মীয় পৰম্পৰাৰে চলি অহা এই বাঘেশ্বৰী মন্দিৰত পূজাৰ বাবে নাই কোনো প্ৰতিমাৰ ব্যৱস্থা ৷

কাৰণ বাঘেশ্বৰী মন্দিৰৰ মূল মাটিৰ বেদীৰ ওপৰত থকা সিংহাসনত প্ৰতিমাৰ সলনি সদা অধিষ্ঠিত হৈ আছে লোৰ এখন বলি কটা দা ৷ এই দাখনকে দিনৰ পিছত দিন ধৰি বাঘেশ্বৰী মন্দিৰত কৰি অহা হৈছে পূজা- অৰ্চনা ৷ এইয়াই হৈছে বাঘেশ্বৰী মন্দিৰৰ পৰম্পৰা ৷ আনহাতে মহা নৱমীৰ দিনা এইবাৰো ম’হ বলি দিয়া হ’ব বুলি জানিব পৰা গৈছে ৷ বাঘেশ্বৰী মন্দিৰত সপ্তমীৰ পৰা নৱমীলৈ চলিব পূজা-অৰ্চনা ৷ উল্লেখ্য যে পূজা উদযাপন কৰিবলৈ লোৱা হৈছে যদিও পূৰ্বৰ দৰে নাই বিশেষ জাক জমকতা ৷ নাই বিশেষ কাৰিকৰী চমক ৷ বেছিভাগ পূজা কমিটিয়ে সাধাৰণভাৱে পূজাৰ মণ্ডপ সাজি উলিয়াইছে ৷ অৱশ্যে তাৰ মাজতো কেইবাটাও পূজা মণ্ডপ কিছু ব্যতিক্ৰমভাৱে সাজি উলিওৱাত আকৰ্ষিত কৰিব পূজা দৰ্শনাৰ্থীক ৷ ইপিনে সন্ধিয়াৰ ভাগত পূজা বুলি ওলাই আহিল লোক ৷ পূজা কমিটিসমূহে চৰকাৰে বান্ধি দিয়া ক’ভিড প্ৰটক’ল মানি চলিব বুলি প্ৰকাশ কৰিছে ৷