মৰিগাঁও জিলাৰ মনহাত থকা অসম গ্ৰামীন বিকাশ বেংকত নিজৰ জমা ধন উঠাবলৈ গৈ গ্ৰাহক সকলে যমৰ যাতনা ভূগিবলগীয়া  হৈছে ৷ আজিৰ উৎকট গৰমত ঢলি পৰিল এজন বয়োজ্যেষ্ঠ গ্ৰাহক ৷ এই বৃহত্তৰ অঞ্চলৰ লোকসকল নিৰ্ভৰ এই বেংকৰ ওপৰত ৷ প্ৰায় দুই তিনিমাহ ধৰি  বেংকৰ বিভিন্ন ধৰনৰ অসুবিধাৰ কাৰণে  গ্ৰাহকে নিজৰ জমা টকা উঠাবলৈ গৈ   ৬ /৭ পাৰ হৈ যোৱাতো ধনৰ লেনদেন কৰিব নোৱাৰাৰ অভিযোগ উঠিছে  ৷ জানিব পৰামতে বেংকৰ UPS বিকল হৈ থকাৰ ফলত কাম চলাই নিয়াত কৰ্মচাৰী সকলে অসুবিধাৰ সন্মুখীন হব লগীয়া হৈছে ৷ বেংকত  আপডেট নহয় পাচবুক , প্ৰায়ে নাথাকে ছাৰ্ভাৰ,  বিদ্যুতৰ খেলি মেলি, বেংকৰ বহু মেচিন হৈ আছে বিকল , অফিচত নাই পৰ্য্যাপ্ত পৰিমানৰ কৰ্মচাৰী ৷ যাৰ বাবে গ্ৰাহক সকলে  সময়মতে পাবলগীয়া সেৱা সমূহৰ পৰা বঞ্চিত হৈ আছে ৷ বেংকৰ উৰ্দ্ধতম কৰ্তৃপক্ষলৈ গ্ৰাহক সকলৰ অনুৰোধ যাতে অতিসোনকালে এই সমস্যা সমূহৰ সমাধান কৰি গ্ৰাহক সকলৰ টকা ওঠোৱাৰ বাবে সুবিধা কৰি দিয়ে ৷ অন্যথা ক্ষোভিত গ্ৰাহক সকলে বেংকত তলা উলমাবলৈ বাধ্য হব বুলি সকীয়াই দিয়ে ৷

অসম ৰাজ্যিক গ্ৰামীণ জীৱিকা অভিযানৰ অধীনত  বিহালী খণ্ড উন্নয়ন বিষয়া কার্যালয় চৌহদত বুধবাৰে আত্ম সহায়ক গোটে প্রস্তুত কৰা থলুৱা খাদ্যৰ বিপনী বিহালীৰ বিধায়ক ৰণ্জিত দত্তই মুকলি কৰে !।অঞ্চলটোৰ লক্ষিমী “কাদম্বৰী”আদৰ্শ”স্বণময়”নৱ কিৰণ;আৰু ময়ুৰ এই , আত্ম সহায়ক গোটৰ দ্বাৰা প্রস্তুত কৰা পিঠা ,লাৰু,মুৰি লাৰু,মমো, চিৰা”দৈ’ ঘুগুনীকে আদি কৰি চাহ প্রস্তত কৰি বিক্রীৰ ব্যৱস্হা কৰিছে” তদুপৰি শিপিনী সকলে তাঁত খালত   গামোচা’ ‘চাদৰ মেখেলা ঘৰতে  বৈ তৈয়াৰ কৰি বিক্ৰী ব্যৱস্থা কৰিছে  !উল্লেখযোগ্য যে,কার্যালয় খনলৈ বহু দুৰ দুৰণিৰ লোক বিভিন্ন কাম কাজত  আহে কিন্তু ওচৰতে চাহ দোকান নথকাত চেন্টাৰলৈ যাব লগীয়া হৈছিল !এই আত্ম সহায়ক গোটৰ বিপনীয়ে কার্যালয়লৈ অহা লোকক চাহ খোৱাত সুবিধা হ’ল বুলিও বহু লোকে মন্তব্য কৰিছে !এই বিপনীৰ মুকলিৰ সময়ত অসম জীৱিকা অভিযানৰ  জিলা বিষয়া হবিবুৰ ৰহমান  আৰু মাধৱ ভান্দাৰী উপস্থিত থাকে ।

ওদালগুৰি জিলা কৰ্মচাৰী পৰিষদৰ ১৬ সংখ্যক দ্বি বাৰ্ষিক সাধাৰণ সভা আৰু মুকলি সভা খনি ৮ অক্টোবৰত  ওদালগুৰি জিলাৰ সমবায় সমূহৰ জিলা উপ পঞ্জীয়কৰ কাৰ্যালয়,সাপেখাইতিত  জিলা কৰ্মচাৰী পৰিষদৰ সভাপতি শান্তি ৰাম শৰ্মাৰ সভাপতিত্বত অনুষ্ঠিত হৈ যায়।সদৌ অসম কৰ্মচাৰী পৰিষদৰ সভাপতি প্ৰদীপ দত্তই উদ্বোধন কৰা মুকলি সভাত বিশিষ্ট অতিথি হিচাপে  উপস্থিত থাকি সদৌ অসম কৰ্মচাৰী পৰিষদৰ মুখ্য উপদেষ্টা বাসৱ চন্দ্ৰ কলিতাই কয়- চৰকাৰে গ্ৰহণ কৰা সকলো ধৰণৰ সংস্কাৰ মুখী কাৰ্যক সমৰ্থন কৰি আহিছো।আমি সদায় দূৰ্ণীতি বিৰোধী।সেইবাবে যিসকল বিষয়া কৰ্মচাৰীৰ বিৰুদ্ধে শাস্তি মূলক ব্যৱস্থা গ্ৰ্হন কৰিছে কৰ্মচাৰী পৰিষদে মাত মতা নাই।ইপিনে দালালৰাজৰ চত্ৰছায়াত আছে ৰাজনৈতিক চক্ৰ আছে এচাম  বিষয়া কৰ্মচাৰী।সেয়ে এই ক্ষেত্ৰত চৰকাৰ কঠোৰ হ’ব লাগে।আমি সততাৰে কাম কৰি যোৱাৰ পক্ষপাতি।সুস্থ মানসিকতাৰে শিক্ষক কৰ্মচাৰীক কৰ্মসংস্কৃতিৰে আগবঢ়াই নিবলৈ চৰকাৰৰ লাগিব সদিচ্ছা।আন্দোলনৰ বাবে চৰকাৰী কৰ্মচাৰীয়ে আন্দোলন নকৰে কিন্তু কৰ্মচাৰীৰ ন্যায় প্ৰাপ্তিৰ বাবে আন্দোলন চলাই যাব।২০১১ চনতে সেই সময়ৰ স্বাস্থ্য মন্ত্ৰী বৰ্তমানৰ মুখ্যমন্ত্ৰী গৰাকীয়ে কৰ্মচাৰী সকলৰ বিনামূলীয়া স্বাস্থ্য বিধি আঁচনিৰ দাবী কাৰ্যকৰী কৰিব বুলি নকৰিলে।এয়া দূৰ্ভাগ্যজনক কথা। শিক্ষক সকল সমাজৰ অভিভাৱকৰ দৰে।তেওঁলোকৰ প্ৰধান দায়িত্ব শিক্ষাদান কৰা।কিন্তু এতিয়া শিক্ষকসকলক হুৱাইট এপৰ জৰিয়তে উপস্থিতিৰ যি নিৰ্দেশনা দিয়ে। এয়া কেতিয়াও কামনা নকৰোঁ আৰু গ্ৰাম্যঞ্চলত এয়া কেতিয়াও সম্ভৱ নহয় বুলি কলিতাই লগতে উল্লেখ কৰে।ওদালগুৰি জিলা কৰ্মচাৰী পৰিষদৰ সম্পাদক বসন্ত বৰা আৰু আঞ্চলিক কৰ্মচাৰী পৰিষদৰ সম্পাদক বিবেক দাসে আঁতধৰা উক্ত সভাত  কমল উপাধ্যায়,সদৌ অসম কৰ্মচাৰী পৰিষদৰ সম্পাদক প্ৰধান শ্যামন্ত দাস,উপ-সভাপতি দ্বিপেন শৰ্মা,সদৌ অসম প্ৰাথমিক শিক্ষক সন্থাৰ আয়ুব আলি আহমেদ,উচ্চতৰ মাধ্যমিক বিদ্যালয়ৰ অধ্যক্ষ পুষ্পধৰ বাসতোলা,সদৌ অসম কৰ্মচাৰী পৰিষদৰ সাংগঠনিক সম্পাদক দণ্ডী কুমাৰ বড়োকে ধৰি কেইবাগৰাকীও বিশিষ্ট লোক উপস্থিত আছিল।ইপিনে পুৱা পতাকা উত্তোলন কৰে জিলাৰ সভাপতি শান্তি ৰাম শৰ্মাই আৰু স্মৃতি তৰ্পণ কৰে কেন্দ্ৰীয় সাংগঠনিক সম্পাদক দণ্ডীৰাম বড়োই।দিনৰ ১০ বজাত জিলা প্ৰতিনিধি সভা উদ্বোধন কৰে সমবায় সমিতি সমূহৰ জিলা উপ পঞ্জীয়ক ৰাজদ্বীপ নাথে।

ডিমৌৰ আগশাৰীৰ সেচ্ছাসেৱী অনুষ্ঠান পথিকৃতে দিচাং ৰজাবাৰীস্থিত কাৰ্যালয়ত শিক্ষাগুৰুসকলৰ সৈতে এক মত বিনিময় অনুষ্ঠান অনুষ্ঠিত কৰে। স্বাস্থ্য ৰক্ষা , মানসিক ৰোগীৰ চিকিৎসা, জনসেৱা, শিশু কল্যাণ, ছাত্ৰ-ছাত্ৰীসকলৰ শৈক্ষিক, বৌদ্ধিক বিকাশ আদি দিশত কাম কৰি অহা ২০১৭ চনত জন্মলাভ কৰা অগ্ৰণী বেচৰকাৰী সংস্থাটোৱে ৬ অক্টোবৰৰ দিনা ৰজাবাৰী, থাওৰা, পালেঙী, চৰগুৱা আদি অঞ্চলৰ ১২ খন প্ৰাথমিক বিদ্যালয়ৰ শিক্ষক-শিক্ষয়িত্ৰীসকলক আমন্ত্ৰণ জনাই শিশু আৰু প্ৰাথমিক স্তৰৰ ছাত্ৰ-ছাত্ৰীসকলক দীৰ্ঘকালীন লক ডাউনৰ সময়ৰ ক্ষতি পূৰণ আৰু পুণৰ বিদ্যালয়মুখী কৰি শিক্ষাগ্ৰহণৰ প্ৰতি উৎসাহিত কৰাৰ লক্ষ্যৰে ঐক্যবদ্ধভাৱে কাম কৰাৰ ওপৰত মত বিনিময় কৰে। বিগত লক ডাউনৰ সময়ত ছাত্ৰ-ছাত্ৰীসকলৰ ঘৰে ঘৰে গৈ পথিকৃতৰ সেচ্ছাসেৱকসকলে ৱৰ্কচিট বিতৰণ কৰাৰ উপৰি কালত লবলগীয়া পদক্ষেপ সম্পৰ্কত অভিভাৱকসকলৰ মাজত গোহাৰি বিতৰণ কৰি সজাগতা সৃষ্টি কৰে। ইয়াৰোপৰি, বিদ্যালয়লৈ ছাত্ৰীসকলক মাতি আনি পথিকৃতে শিক্ষাদান কৰি আহিছে। শিক্ষক গোলোক চন্দ্ৰ গগৈৰ সভাপতিত্বত পথিকৃতৰ প্ৰশাসক ৰূপজ্যোতি বুঢ়াগোহাঁইয়ে আঁত ধৰা মত বিনিময় অনুষ্ঠানত ডিমৌ প্ৰাথমিক শিক্ষাখণ্ডৰ অধীনৰ থঢ়ওৰা আৰু পালেঙীৰ মণ্ডল সমল কেন্দ্ৰ সমন্বয়ক শেখৰজ্যোতি দুৱৰী আৰু ৰাজীৱ বৰঠাকুৰ, অঞ্চলটোৰ ১২ খন বিদ্যালয়ৰ শিক্ষাগুৰুসকল ক্ৰমে সুৰেন্দ্ৰনাথ মহন, ৰফিকুদ্দিন আহমেদ,পৰেশ গিৰি, ত্ৰৈলোক্য ফুকন, আনন্দ মিলি, নগেন চেতিয়া, হুচেইন আলি, মৈতেন্দ্ৰ চেতিয়া, অঞ্জনা ৰবি, জুনু দেৱী গগৈ, প্ৰভা চেতিয়া, বেবিনা বেগম, সবিতা গগৈ, সাংবাদিক যদুমণি বৰা, উমেশ চেতিয়া আদি উপস্থিত থাকে। পথিকৃতৰ প্ৰতিষ্ঠাপক সম্পাদক তথা কাৰ্যবাহী সঞ্চালক নিয়ৰ গগৈয়ে শুভাৰম্ভ কৰা মত বিনিময় অনুষ্ঠানত শিক্ষাগুৰুসকলক ছাত্ৰ-ছাত্ৰীসকলৰ শৈক্ষিক দিশৰ উৎকৰ্ষ সাধন তথা বৌদ্ধিক বিকাশৰ বাবে অনাগত দিনতো পথিকৃতে গ্ৰহণ কৰিবলগীয়া পদক্ষেপত শিক্ষাগুৰুসকলৰ পূৰ্ণ সহযোগ কামনা কৰে। উপস্থিত অভ্যাগতসকলে পথিকৃতে নতুন প্ৰজন্মৰ কল্যাণৰ বাবে পথিকৃতে গ্ৰহণ কৰি অহা প্ৰশংসনীয়, সময়োপযোগী পদক্ষেপৰ শলাগ লয় আৰু পূৰ্ণ সহযোগ কৰাৰ আশ্বাস প্ৰদান কৰে। পথিকৃতৰ কৰ্মকতা ৰেচমা বেগম, মাধূ্য গগৈ, আফচানা আজিন,বিশ্বজিত গগৈ, বিনোদ কুমাৰ, মনোস্মিতা মজুমদাৰ আদিয়ে অনুষ্ঠানত উপস্থিত অতিথিসকলক এটি গছপুলি, কলম, অক্সিমিটাৰ, থাৰ্মোমিটাৰ চেনিটাইজাৰ আদি আগবঢ়াই সম্বৰ্দ্ধনা জ্ঞাপন কৰে।

ওদালগুৰি জিলাৰ হৰিশিঙা থানা অন্তৰ্গত ১নং আমজুলী শিঙৰী বস্তি নিবাসী মদন বস্নেতৰ পুত্ৰ লাল বাহাদুৰ বস্নেতৰ যোৱা তিনি-চাৰি বছৰ ধৰি হৈ থকা ফাইলেৰিয়া বেমাৰত চিকিৎসাৰ কাৰণে তেজপুৰ, গুৱাহাটী মেডিকেলত গৈও কোনো সুফল নোপোৱাত উক্ত খবৰটো যোৱা ২২ দিন আগত অসমৰ বাতৰি কাকতকে ধৰি প’ৰ্টেল সমুহত প্ৰচাৰ হোৱাত ওদালগুৰি স্বাস্থ্য বিভাগৰ দল উক্ত স্থানলৈ গৈ লাল বাহাদুৰৰ তেজৰ নমুনা সংগ্ৰহ কৰি আনিছিল যদিও স্বাস্থ্য বিভাগে সেই তেজৰ নমুনাৰ প্ৰতিবেদন দিবলৈ সময় লগোৱাত অসম গোৰ্খা সন্মিলন ওদালগুৰি জিলা সমিতিয়ে ওদালগুৰি জিলা উপায়ূক্ত পি উদয় প্ৰবীনক ৰোগীৰ বিষয় অৱগত কৰোৱাত গোৰ্খা সন্মিলনৰ খবৰত আচৰিত হয় আৰু লগে লগে ওদালগুৰি স্বাস্থ্য বিভাগক লৈ উপায়ুক্ত লাল বাহাদুৰৰ ঘৰলৈ ৮ অক্টোবৰত উপস্থিত হয়।

উপায়ুক্ত পি উদয় প্ৰবীনে ৰোগীৰ অৱস্থা আৰু ঘৰৰ পৰিবেশ  দেখি মৰ্মাহত হয়। গাওঁৰ ৰাইজ একত্ৰিত হৈ উপায়ুক্তক সেই স্থানলৈ যোৱাৰ বাবে ধন্যবাদ জনায়। উপায়ূক্তই  ৰোগী লাল বাহাদুৰৰ লগত একেলগে বহি  ৰোগ নিৰ্মুল কৰি দিয়াৰ সংকল্প লয় আৰু লাল বাহাদুৰক কিছু আৰ্থিক সাহাৰ্য্যও প্ৰদান কৰে।   অসম গোৰ্খা সন্মিলন ওদালগুৰি জিলা সমিতিৰ সভাপতি পৱন লুইটেল আৰু জিলা সমিতিৰ বিষয়ববীয়াৰ আহ্বানত ১ নং আমজুলীত যোৱা উপায়ুক্তক উক্ত ঠাইত অসম গোৰ্খা সন্মিলন ওদালগুৰি জিলা সমিতিৰ উপ সভাপতি দেৱৰাজ নেউপানে, সাংগঠনিক সম্পাদক বল বাহাদুৰ বিশ্বকৰ্মা, কুন্দৰবিল শাখা সমিতিৰ সভাপতি টংক সোনাৰীয়ে তেওঁক সম্বৰ্ধনা জনায়। স্থানীয় গাওঁবাসীয়ে অসম গোৰ্খা সন্মিলন ওদালগুৰি জিলা সমিতিৰ কাৰ্য্যক ধন্যবাদ জ্ঞাপন কৰে।