কৰোনাতাংকৰ মাজতে কভিড প্ৰটোকলৰ মাজেৰে  পূৰ্ণ গতিত আখৰা কৰিছে সমুদ্র তালুদাৰৰৰ প্ৰযোজিত সন্ধ্যাতৰা ভ্ৰাম্যমাণ নাট্যদলে। যোৱা দুটা বৰ্ষৰ অভূতপূর্ব সফলতাৰ পিছত নাট্যপ্ৰেমী ৰাইজৰ মৰম আৰু আশীর্বাদ বিচাৰি সন্ধ্যাতৰা ভ্ৰাম্যমাণ নাট্যদলে  এই বৰ্ষত নিবেদন কৰিব হাঁহি কান্দোনেৰে ভৰপূৰ এখনি মননশীল নাটক নাট্যকাৰ প্ৰদীপ শৰ্মাৰ “নিয়ৰৰ চকুলো” তাৰোপৰি সন্ধ্যাতৰা ভ্ৰাম্যমাণ নাট্যদলৰ আন দুখন উল্লেখযোগ্য নাটক হল যোৱাটো বৰ্ষৰ এখনি উল্লেখযোগ্য জনপ্রিয় নাট অনিল তালুকদাৰৰ “মানুহ খোৱা মানুহ” আৰু হিৰক দাসৰ “শান্তিপুৰৰ শান্তি”। ইতিমধ্যে আখৰা কৰি সম্পূর্ণ ৰূপে সাজু হোৱা সন্ধ্যাতৰা ভ্ৰাম্যমাণ নাট্যদলৰ সমূহ শিল্পী কলাকুশলী বিচাৰিছে চৰকাৰ আৰু নাট্যপ্ৰেমী ৰাইজৰ সহাৰি। এইবাৰ সন্ধ্যাতৰাৰ মঞ্চত অভিনয় কৰিব ক্ৰমে সমুদ্র তালুকদাৰ, সৌৰভ তালুকদাৰ, প্ৰশান্ত কলিতা, মানবেন্দ্র তালুকদাৰ, হিৰক দাস, কুলেশ্বৰ ডেকা, জয়ন্ত হালৈ,ধ্ৰুৱজ্যোতি (পাপু), জয়ন্ত শৰ্মা, ৰূপালী কলিতা, চুমি হালৈ, নীলাক্ষী দাস, ডিম্পী আৰু মিছ লভিতাই। নাট্যদলটোৰ সংগীত সীমান্ত বেজবৰুৱা আৰু উমেশ বেজবৰুৱাৰ আনহাতে নৃত্য নিৰ্দেশনা আকাশদ্বীপৰ। সন্ধ্যাতৰা ভ্ৰাম্যমাণ নাট্যদলৰ মূখ্য কাৰ্য্যবাহী পৃষ্ঠপোষক শ্রীযুত বিপিন তালুকদাৰ আৰু দলপতি উমেশ বেজবৰুৱা তদুপৰি সাংগঠনিক সম্পাদক হিৰক দাস আনহাতে নাট্যদলটোৰ পোহৰ অৰুপ কলিতাৰ আৰু শব্দ পাপুৰ। অপেক্ষা মাথো চৰকাৰৰ সহাৰিলৈ।

ওদালগুৰি জিলাৰ অন্তৰ্গত শিৱপুৰ ডিচিডিচিৰ কাৰ্যালয়ত শিৱপুৰ,লাউদং আৰু বালিচন্দা অঞ্চল সামৰি নৰ্থ-ইষ্ট স্মল ফাইনেন্স বেংক,ওদালগুৰি শাখাৰ উদ্যোগত ২৯ ছেপ্তেম্বৰত  এখনি বৈদ্যুতিক বেংকিং সজাগতা সভা আৰু প্ৰশিক্ষন অনুষ্ঠিত হৈ যায়।ওদালগুৰি শাখাৰ প্ৰধান মনোজ শৰ্মাই আঁতধৰা উক্ত সজাগতা সম্পৰ্কীয়  প্ৰশিক্ষন কাৰ্যসূচী উদ্বোধন কৰে ওদালগুৰি জিলা উপায়ুক্ত কাৰ্যালয়ৰ সহকাৰী আয়ুক্ত এ চি এছ সুপ্ৰিয়া বাউলাৰীয়ে।প্ৰশিক্ষনত উপস্থিত থাকি নৰ্থ-ইষ্টৰ মুখ্য চি এছ আৰ চাহেল হকে কয়- বৰ্তমান সময়ত এচাম হেকাৰ তথা প্ৰৱঞ্চকে বেংকৰ গ্ৰাহক সকলৰ একাউন্ট অথবা এটিএমৰ জৰিয়তে বৈদ্যুতিক অথবা অনলাইন যোগে ধন হৰলুকি কৰি এক হাহাকাৰৰ অৱস্থাৰ সৃষ্টি কৰি আহিছে।সেয়ে এই ক্ষেত্ৰত গ্ৰাহক সকলে নিজৰ জমাধন কিদৰে হৰলুকি নোহোৱাকৈ সুৰক্ষিত কৰি ৰাখিব পৰা যায় সেই সন্দৰ্ভত  ২৯ছেপ্তেম্বৰত বিশেষ প্ৰশিক্ষনৰ ব্যৱস্থা কৰা হৈছে।সেয়ে গ্ৰাহক সকলক তেওঁলোকৰ নিজা বেংক একাউন্ট,এটিএমৰ পিন নম্বৰ অথবা বেকৰ গোপনীয়তা কোনো তথ্য আনৰ ওচৰত প্ৰকাশ নকৰিবলৈ আহ্বান জনায়।উক্ত প্ৰশিক্ষনত ৰিজাৰ্ভ বেংকৰ অফিচাৰ কিষন কুমাৰে স্ক্ৰীন প্ৰজেক্ট ব্যৱহাৰ কৰি নিজৰ ধন সুৰক্ষিত ৰখাৰ ক্ষেত্ৰত গ্ৰাহক সকলক সজাগ হবলৈ প্ৰশিক্ষন দিয়ে আৰু প্ৰৱঞ্চনাৰ পৰা ৰক্ষা পাবলৈ প্ৰৱঞ্চক সকলৰ পৰা সাৱধানতা অৱলম্বন কৰিবলৈ আহ্বান জনায়।২৯ছেপ্তেম্বৰৰ  এই প্ৰশিক্ষন কাৰ্যসূচীত সংখ্যালঘু অধূষ্যিত অঞ্চলটোৰ শতাধিক পুৰুষ-মহিলা,যুৱক-যুৱতী সকলৰ লগতে নৰ্থ-ইষ্ট স্মল ফাইনেন্স বেংকৰ আন বিষয়া,কৰ্মচাৰী সকল উপস্থিত থাকি সহযোগিতা আগবঢ়ায়।

ওদালগুৰি উচ্চতৰ মাধ্যমিক বিদ্যালয়ৰ প্ৰেক্ষাগৃহত ওদালগুৰি বিদ্যালয় সমূহৰ পৰিদৰ্শকৰ উদ্যোগত আৰু জিলা অধিবিদ্যা পৰিষদৰ সহযোগত নৱম আৰু দশম শ্ৰেণীৰ ৫৭৩১ গৰাকী দৰিদ্ৰ সীমা ৰেখাৰ তলৰ দুখীয়া ছাত্ৰলৈ চাইকেল বিতৰণ কৰা হয়।ওদালগুৰি জিলা বিদ্যালয়ৰসমূহৰ পৰিদৰ্শক জয়পাল সিং ব্ৰহ্মৰ সভাপতিত্বত অনুষ্ঠিত চাইকেল বিতৰণ অনুষ্ঠানত উপস্থিত থাকি বিটিচিৰ উপ মুখ্য কাৰ্যবাহী তথা বিধায়ক গোবিন্দ চন্দ্ৰ বসুমতাৰীয়ে কয়- ছাত্ৰ ছাত্ৰী সকলে অধ্যয়নৰ জৰিয়তে চৰকাৰী সা সুবিধাও গ্ৰহন কৰিব লাগিব।উক্ত অনুষ্ঠানত অতিথি হিচাপে উপস্থিত থাকি হৰিশিঙা সমষ্টিৰ এম চি এল এ সঞ্জয় স্বৰ্গীয়াৰীয়েও বক্তব্য ৰাখে।ওদালগুৰি জিলাৰ ৮১খন বিদ্যালয়ৰ সামৰি মুঠ ৫৭৩১ খন চাইকেল বিতৰণ কৰা অনুষ্ঠানত ৫খন বিদ্যালয়ৰ ৫গৰাকীকৈ ছাত্ৰক প্ৰতীকি হিচাপে ২৫খন বিনামূলীয়া চাইকেল আনুষ্ঠানিকভাবে বিতৰণ কৰা হয়।ওদালগুৰি জিলা অধিবিদ্যা পৰিষদৰ সহকাৰী সম্পাদক গায়ত্ৰী ভট্টৰায়ে আঁঁতধৰা  বিটিআৰ চৰকাৰৰ জৰিয়তে বিতৰণ কৰা উক্ত অনুষ্ঠানত উপস্থিত থাকে বিটিআৰৰ এম চি এল এ সঞ্জয় স্বৰ্গীয়াৰী,এম চি এল এ দীপক মৌৰ, ওদালগুৰি জিলা বিদ্যালয়ৰ সমূহৰ পৰিদৰ্শকৰ লগতে বিভিন্ন বিদ্যালয়ৰ অধ্যক্ষ,অধ্যক্ষা,প্ৰধান শিক্ষক সকল উপস্থিত থকাৰ উপৰিও ছাত্ৰ-ছাত্ৰী সকল উপস্থিত আছিল।

২৯ছেপ্তেম্বৰ  বৃহস্পতি বাৰে ওদালগুৰি জিলাৰ অন্তৰ্গত ভেৰগাঁও মণ্ডলৰ বৰংগাজুলি সত্ৰ প্ৰাঙ্গণত বিজেপি দলৰ এখনি  “কাৰ্যকৰ্তা সভা” অনুষ্ঠিত হৈ যায় । উক্ত সভাত ভাৰতীয় জনতা পাৰ্টিৰ ৰাষ্ট্ৰীয় সাধাৰণ সম্পাদক তথা মঙ্গলদৈ লোকসভা সমষ্টিৰ যুৱ সাংসদ দিলীপ শইকীয়াৰ লগতে  ওদালগুৰি জিলা বিজেপি সভাপতি  সুনীল বসুমতাৰীও উপস্থিত থাকে । ওদালগুৰি জিলা সভাপতি সুনীল বসুমতাৰীয়ে সভাপতিত্ব কৰা  উক্ত বিজেপিৰ কাৰ্যকৰ্তা সভাত বিজেপি কাৰ্যকৰ্তা সকলক  দলৰ সাংগঠনিক ভেঁটি সুদৃঢ় কৰাৰ ক্ষেত্ৰত নিজ দায়িত্ব নিষ্ঠা সহকাৰে পালন কৰিবলৈ সাংসদ দিলীপ শইকীয়াই আহ্বান জনায় ৷ ইয়াৰোপৰি, কেন্দ্ৰ আৰু ৰাজ্য চৰকাৰৰ জনকল্যাণমুখী আঁচনি সমূহ সঠিক ৰূপায়ণৰ ক্ষেত্ৰত চৰকাৰক পূৰ্ণ সহযোগিতা আগবঢ়াই প্ৰতিজন প্ৰকৃত হিতাধিকাৰীক উপকৃত কৰিবলৈ সাংসদ শইকীয়াই  বিশেষ ভাৱে অনুৰোধ জনায় ।আজিৰ অনুষ্ঠিত হোৱা এই সভাত ওদালগুৰি জিলা বিজেপিৰ সভাপতি সুনীল বসুমতাৰীয়েও তেওঁৰ ভাষণ প্ৰসংগত ওদালগুৰি জিলা বিজেপিৰ সাংগঠনিক ভেটি অধিক শক্তিশালী কৰাৰ ক্ষেত্ৰত ওদালগুৰি জিলা  বিজেপিৰ নবীন প্ৰবীণ সকলো বিজেপি দলীয় কাৰ্যকৰ্তা সকলক লগত লৈ ওদালগুৰি জিলা বিজেপিৰ সাংগঠনিক ভেটি সক্ৰিয় কৰাত অধিক গুৰুত্ব প্ৰদান কৰাৰ কথা ব্যক্ত কৰে । লগতে জিলা সভাপতি বসুমতাৰীয়ে অনাগত দিনত ওদালগুৰি জিলা বিজেপিৰ  সাংগঠনিক ভেটি অধিক শক্তিশালী হব বুলি পোষকতা কৰে  আৰু এই ক্ষেত্ৰত সকলো দলীয় কাৰ্যকৰ্তা সকলৰ যথেষ্ট সহায় সহযোগিতাৰ  কামনা কৰে ।সভাত উপস্থিত থাকি ওদালগুৰি জিলা প্ৰভাৰী  প্ৰাণ কুমাৰ দাসেও দলৰ সাংগঠনিক দিশত আলোকপাত কৰে ।  এই সভাত বিটিচি EM  দিগন্ত বৰুৱা, EM সঞ্জীৱ তাঁতী MCLA  অৰ্পনা মেধি  প্ৰমুখ্য কৰি দলীয় ওদালগুৰি জিলা বিজেপি অফিচ বিয়াৰাৰ সকল ,ভেৰগাঁও মণ্ডলৰ সভাপতি আৰু কেইবাগৰাকী মণ্ডল সভাপতি লগতে যুৱ মৰ্চা মহিলা মৰ্চা কে ধৰি বিভিন্ন মৰ্চাৰ বিষয় ববীয়া আৰু  কাৰ্যকৰ্তা সকল উপস্থিত থাকে ৷

পৰিবহন মন্ত্ৰী চন্দ্ৰ মোহন পাটোৱাৰীয়ে ২৯ ছেপ্তেম্বৰত  ওদালগুৰি জিলাত বিভিন্ন চৰকাৰী আঁচনিৰ খতিয়ানৰ বুজ লয়।তেওঁ চৰকাৰী আঁচনিৰ বুজ লৈ কয় ওদালগুৰি অসামৰিক সিকিৎসালয়ত অতি শীঘ্ৰে  ১৫খন বিচনাযুক্ত আইচিইউ সেৱাৰ ব্যৱস্থা কৰা হব।চৰকাৰী ভ্ৰমণ কাৰ্যসূচীৰে ২৯ ছেপ্তেম্বৰত  ওদালগুৰিত উপস্থিত হৈ ৰাজ্যৰ পৰিবহন মন্ত্ৰী চন্দ্ৰ মোহন পাটোৱাৰীয়েে  নিজৰ ভ্ৰমণ কালত  ওদালগুৰিৰ বিভিন্ন চৰকাৰী আঁচনিৰ কামৰ অগ্ৰগতিৰ বুজ লোৱাৰ লগতে এখন আদৰ্শ অংগনবাদী কেন্দ্ৰ উন্মোচন তথা জল জীৱন মিছন আঁচনি অন্তৰ্গত ঘৰে ঘৰে খোৱা পানী যোগান ব্যৱস্থাৰ বুজ লয়। তেওঁ লগতে ওদালগুৰি অসামৰিক চিকিৎসালয়ত উপস্থিত হৈ  নতুনকৈ নিৰ্মাণ কৰা আইচিইউ কক্ষ পৰিদৰ্শনৰ লগতে অক্সিজেন প্লান্ট পৰিদৰ্শন কৰি অতি কম ভিতৰত এই দুয়োটা সেৱা ৰাইজৰ বাবে মুকলি কৰা হব বুলি সাংবাদিকৰ আগত সদৰি কৰে। ইয়াৰপূৰ্বে তেওঁ ওদালগুৰিত জল জীৱন মিছন আঁচনিৰ দ্বাৰা ৰাইজ প্ৰকৃততে উপকৃত হৈছে নে তাৰ বুজ লবলৈ মনপুৰৰ কেবাজনো  লোকৰ ঘৰত সোমাই ঘৰৰ গৃহস্তৰ সৈতে কথা বাৰ্তাত মিলিত হোৱাৰ লগতে স্থানীয় বড়ো সম্প্ৰয়াদৰ লোকে নিজৰ ঘৰৰ চোলালত গঢ়ি তোলা সুন্দৰ ফুলৰ বাগিছাৰ মাজত ফুলৰ সুভাষ লোৱাৰ লগতে সুন্দৰ ফুলনি গঢ়ি তোলাৰ বাবে ঘৰৰ গৰাকীক ধন্যবাদ জ্ঞাপন কৰে। উল্লেখ্য যে, পূৱা ১১টা বজাত উপস্থিত হৈ মন্ত্ৰী গৰাকীয়ে কেবাটাও চৰকাৰী আঁচনিৰ কাম আৰু ভেকচিনেচন কেম্প পৰিদৰ্শনৰ কাৰ্যসূচীতৰ অংশ লোৱাৰ কথা আছিল যদিও আবেলি প্ৰায় তিনিটা বজাত ওদালগুৰিত উপস্থিত হোৱাত জিলাখনৰ বিভিন্ন বিভাগৰ মুৰব্বী বিষয়াসকলৰ সৈতে অনুষ্ঠিত হব লগীয়া উন্নয়নৰ খতিয়ান সম্পৰ্কীয় সভা বাতিল হোৱা বুলি জানিব পৰা গৈছে। অৱশ্যে ইয়াৰ মাজতেই মন্ত্ৰী চন্দ্ৰ মোহন পাটোৱাৰীয়ে ওদালগুৰিৰ জিলা উপায়ুক্ত ডঃ পি উদয় প্ৰবীণক লগত লৈ ওদালগুৰিৰ বিভিন্ন চৰকাৰী আঁচনিৰ কাম পৰিদৰ্শনৰ লগতে বিদ্যালয়, ভেকচিনেচন চেন্টাৰ, স্বাস্থ্য কেন্দ্ৰ সমূহ পৰিদৰ্শন কৰি সন্তোষ প্ৰকাশ কৰে।

কমতাপুৰ স্বায়ত্বশাসিত পৰিষদৰ পাৰিষদসকলে শপত গ্ৰহণ কৰাৰ পিছত বুধবাৰে বিয়লিৰ ভাগত পৰিষদৰ এখন অনানুষ্ঠানিক বৈঠক অনুষ্ঠিত হয় ৷ বঙাইগাঁও আৱৰ্ত ভৱনৰ সভাকক্ষত অনুষ্ঠিত বৈঠকত বিশেষকৈ প্ৰথম পৰ্যায়ত কি কি কাম কৰিব সেই বিষয়লৈ আলোচনা কৰে ৷ লগতে আন কিছুমান বিষয়টো প্ৰস্তাৱ লয় ৷ পৰিষদৰ অধ্যক্ষ হিতেশ্বৰ বৰ্মনৰ অধ্যক্ষতাত অনুষ্ঠিত বৈঠকত উপাধ্যক্ষ সুকেন ৰায়,  মুখ্য কাৰ্যবাহী পাৰিষদ গোকুল বৰ্মনৰ লগতে আন ন গৰাকী কাৰ্যবাহী পাৰিষদ অতুল ৰায়, কৰ্মেশ্বৰ ৰায়, জীৱেশ ৰায়,  প্ৰদীপ কুমাৰ ৰায়,  সুধীৰ চন্দ্ৰ ৰায় , গোলাপ পাঠক, হিমু ৰাজবংশী, কাৰ্তিক ৰায়, পূৰবী সৰকাৰ উপস্থিত থাকে ৷ ইপিনে বৈঠকৰ পিছত আয়োজিত সংবাদ মেলত পৰিষৰ অধ্যক্ষ হিতেশ্বৰ বৰ্মনে কয় যে আমি যদিওবা বৰ্তমানলৈকে চৰকাৰীভাৱে বিষয়বাব পোৱা নাই তথাপিতো অনানুষ্ঠিকভাৱে হলেও বৈঠক অনুষ্ঠিত কৰিছো ৷ বৈঠকত মূলত আমাৰ বিভিন্ন দাবীসমূহৰ লগতে আমি প্ৰথম পৰ্যায়ত কি কি কাম কৰিম , বৰ্তমান পৰিষদৰ অস্থায়ী কাৰ্যালয় স্থাপন আদি বিষয়সমূহৰ ওপৰত আলোচনা কৰা হয় ৷ অধ্যক্ষগৰাকীয়ে জানিবলৈ দিয়া মতে পৰিষদৰ কাম – কাজ চলাই নিয়াৰ বাবে যিহেতু কাৰ্যালয়ৰ প্ৰয়োজন সেয়ে সদ্যহতে বঙাইগাঁও জিলাৰ উত্তৰ শালমাৰাৰ অসম চৰকাৰৰ পৰ্যটন বিভাগৰ প্ৰশান্তি ল’জটোক কিছু উন্নত কৰি অস্থায়ী কাৰ্যালয় হিচাপে ব্যৱহাৰ কৰিবলৈ আলোচনাত প্ৰস্তাৱ লোৱা হয় ৷ দ্বিতীয়তে আক্ৰাছুই যিহেতু পৃথক কমতাপুৰ ৰাজ্য বিছাৰিছো আৰু ইয়াৰ মান্যকা প্ৰদান কৰি অসম চৰকাৰে ইতিমধ্যে কমতাপুৰ স্বায়ত্বশাসিত পৰিষদ প্ৰদান কৰিলে, গতিকে এই কমতাপুৰ আন্দোলনৰ সময়ত যিসকল ছহিদ হৈছিল সেই ছহিদসকলৰ পৰিয়ালৰ ঘৰে ঘৰে গৈ সমবেদনা জনাম ৷ লগতে ৰাজ্য চৰকাৰে ছহিদৰ পৰিয়ালক ইতিমধ্যে ঘোষণা কৰা পাঁচ লাখকৈ টকাৰ আৰ্থিক সাহাৰ্য নবেম্বৰত চেকযোগে প্ৰদান কৰিব ৷ আনহাতে কে এ চিৰ অন্তৰ্গত চাৰিখন জিলাত যথেষ্ট জনসংখ্যা আছে আৰু কোচ ৰাজবংশী লোকো বহু আছে ৷ সেয়ে জনসংখ্যাৰ প্ৰতিলক্ষ্য ৰাখি যিহেতু বাজেট নিৰ্দ্ধাৰণ হ’ব সেয়ে ২০২১ চনৰ বাজেট হিচাপে আমি ৫০০ কোটি টকা অসম চৰকাৰৰ ওচৰত দাবী জনাম ৷ কোচ ৰাজবংশী ছাত্ৰ সন্থাই ৰজা নৰনাৰায়ণ আৰু বীৰ চিলাৰ যি আদৰ্শ সেই আদৰ্শক আমি গুৰুত্বসহকাৰে লৈছো আৰু কে এ চিৰ বিষববীয়াসকলে আমিনগাঁৱত সংকল্প লৈছো যে আমি জাতিটোক একত্ৰিত কৰিম আৰু ঐক্যতাৰে আগবাঢ়িম ৷ তাৰ কাৰণে আমি অতিশীঘ্ৰে বঙাইগাঁৱত যিমান কোচ ৰাজবংশী দল- সংগঠন আছে সেই সংগঠনসমূহৰ লগতে বিভিন্ন সংগঠনৰ প্ৰাক্তন ব্যক্তিসকলক মাতিম ৷ কোচ ৰাজবংশী জনগোষ্ঠী একত্ৰিত হওক আৰু জনজাতিকৰণৰ যি প্ৰক্ৰিয়া সেই প্ৰক্ৰিয়াটো যাতে সকলোৱে মিলি জুলি চৰকাৰে দিয়া প্ৰতিশ্ৰুতি অনুসৰি আলোচনা বিলোচনাৰ জৰিয়তে শীঘ্ৰে আনিব পাৰো তথা আক্ৰাছুক যাতে  একত্ৰিত কৰিব পাৰো তাৰ বাবেও সিদ্ধান্ত লৈছো ৷ ইপিনে অসম চৰকাৰে যি এক লাখ শিক্ষিত নিবনুৱাক এইবাৰ নিযুক্তি প্ৰদানৰ ঘোষণা কৰিছে, তাৰ ভিতৰত দহ হাজাৰ শিক্ষিত কোচ ৰাজবংশী যুৱক – যুৱতীক নিযুক্তি দিবলৈ কে এ চি ৰ তৰফৰ পৰা ৰাজ্য চৰকাৰক আহ্বান জনাব বুলি কয় ৷ সেই দৰে ভূমিৰ অধিকাৰ সন্দৰ্ভত কয় যে মূল বিষয়ে হ’ল আমাৰ ভূমি ৷ ভূমিকলৈ ইতিমধ্যে আলোচনা হৈছে আৰু সেই কাৰণে পৰিষদৰ নাম কমতাপুৰ হৈছে ৷ পৰিষদক এতিয়াও ভূমি আৰু ৰাজহ বিভাগ দিয়া নাই ৷

কিন্তু অতিশীঘ্ৰে আমাক এই ভূমি আৰু ৰাজহ বিভাগটো লাগিব ৷ এই সন্দৰ্ভত আমি মুখ্যমন্ত্ৰীক আহ্বান জনাইছো ৷ কাৰণ  কে এ চি ত কিছু প্ৰব্ৰজনকাৰী আহিছে ,সেয়ে ভূমিখিনি কি দৰে সুৰক্ষিত কৰিব পাৰি সেই বিষয়টো জড়িত হৈ আছে ৷ ইপিনে কে এ চি ৰ সীমা নিৰ্দ্ধাৰণ সন্দৰ্ভত অধ্যক্ষগৰাকীয়ে কয় যে কে এ চি  আৰু বি টি আৰ সীমামূৰীয়া ৷ সেয়ে এই  সীমামূৰীয়া অঞ্চলসমূহৰ যি সমূহ কোচ ৰাজবংশী অধ্যুষিত অঞ্চল আছে সেই অঞ্চলসমূহ বি টি আৰ এক্টমতে অন্তৰ্ভূক্ত কৰিব পৰা যায় এই সন্দৰ্ভটো আমি মুখ্যমন্ত্ৰী আৰু বিভাগীয় কৰ্তৃপক্ষৰ সৈতে আলোচনা কৰিম ৷ ইতিমধ্যে সেই অঞ্চলসমূহ জৰিপ কৰা হৈছে আৰু অঞ্চলসমূহ যাতে ৰে এ চিত অন্তৰ্ভূক্ত কৰিব পৰা যায় তাৰ বাবে মুখ্যমন্ত্ৰীক দাবী জনাম ৷ আনহাতে কে এ চি ৰ প্ৰিন্সিপাল ছেক্ৰেটাৰীৰ বাবে ইতিমধ্যে নাম প্ৰস্তাৱ কৰি বঙাইগাঁও জিলাৰ উপায়ুক্তৰ ওচৰত দাখিল কৰা বুলি কৈ সোনকালে নিযুক্ত প্ৰদান কৰাৰ বাবেও আহ্বান জনায় ৷  ইপিনে সংবাদ মেলত কে এ চিৰ মুখ্য কাৰ্যবাহী পাৰিষদ গোকুল বৰ্মনে কয় যে আমি শপত গ্ৰহণ কৰাৰ পিছত প্ৰথমবাৰৰ বাবে অধ্যক্ষ ,উপাধ্যক্ষ আৰু কাৰ্যবাহী পাৰিষদসকলক লৈ এখন বৈঠক অনুষ্ঠিত কৰিছো ৷ বৈঠকৰ জৰিয়তে অনাগত দিনত কমতাপুৰ স্বায়ত্বশাসিত পৰিষদৰ মুখ্য কাৰ্যালয় আৰু কিদৰে আমি পৰিষদখনক এক নতুন ৰূপত সজাই পৰাই বিকাশ সাধন কৰিব পাৰো সেই বিষয়লৈ আলোচনা কৰিছো ৷ বৈঠকত উত্তৰ শালমাৰাৰ প্ৰশান্তি ল’জত অস্থায়ী ৰূপত কে  এ চিৰ কাৰ্যালয়ৰ স্থাপন কৰি কাম – কাজ চলাই নিয়াৰ বাবে প্ৰস্তাৱ গ্ৰহণ কৰিছো ৷ কিন্তু পৰৱৰ্তী সময়ত জনগোষ্ঠীটোৰ সংগঠন, বুদ্ধিজীৱিৰ সৈতে আলোচনা কৰি স্থায়ী কাৰ্যালয়ৰ স্থান নিৰ্দ্ধাৰণ কৰিম ৷ আনহাতে আক্ৰাছুৰ আন্দোলনৰ সময়ত যিসকল ছহিদ হৈছিল সেই ছহিদ পৰিয়ালক ৰাজ্য চৰকাৰৰ তদানীন্তন বিত্তমন্ত্ৰী ড°হিমন্ত বিশ্ব শৰ্মাই পাঁচ লাখকৈ টকা আৰু এটা চৰকাৰী চাকৰি প্ৰদানৰ যি প্ৰতিশ্ৰুতি দিছিল ,সেই প্ৰতিশ্ৰুতি হিচাপে প্ৰথম পৰ্যায়ত অহা নবেম্বৰ মাহত বঙাইগাঁৱত অনুষ্ঠিত হ’বলগীয়া অসম চৰকাৰৰ কেবিনেট বৈঠকতৰ দিনা মুখ্যমন্ত্ৰীয়ে ছদিহ পৰিয়ালক আৰ্থিক অনুদান প্ৰদান কৰিব ৷ বাকী চাকৰি প্ৰদানৰ প্ৰক্ৰিয়াটো চলি থাকিব ৷ এয়া জনগোষ্ঠীটোৰ কাৰণে সু খবৰ ৷ মুখ্য পাৰিষদগৰাকীয়ে সংবাদ মেলত সদৰি কৰা মতে কে  এ চিৰ বাবে কাৰ্যালয়ৰ ষ্টাফ ল’বলগীয়া আছে ,সেই সন্দৰ্ভত ইতিমধ্যে আমি বিভাগীয় মন্ত্ৰীৰ সৈতে যোগাযোগ কৰিছো আৰু বিভাগীয় মন্ত্ৰীয়ে জিলা উপায়ুক্তলৈ নিৰ্দেশনা প্ৰেৰণ কৰিছে ৷ সোনকালে কাৰ্যালয়ৰ ষ্টাফ লাভ কৰিম ৷ ইয়াৰ পৰৰ্তী পৰ্যায়ত গাঁও নিৰ্ধাৰণ, সামা নিৰ্ধাৰণ আদি কাম কাজসমূহ আমি আগবঢ়াই লৈ যাম৷ সেয়ে কে এ চিৰ অন্তৰ্গত ৰাইজক পৰিষদখন শক্তিশালী ৰূপত গঢ়ি তুলি সকলোৰে বিকাশ সাধন কৰাৰ সুযোগ সুবিধা প্ৰদান কৰাৰ ক্ষেত্ৰত সহায় সহযোগিতা আগবঢ়াবলৈ আহ্বান জনায় ৷ ইপিনে জনজাতিকৰণ সন্দৰ্ভত সাংবাদিকে সোধাত মুখ্য কাৰ্যবাহী পাৰিষদগৰাকীয়ে কয় যে মুখ্যমন্ত্ৰীয়ে ৰাজহুৱা সভাত কৈ গৈছিল যে জনজাতিকৰণৰ নব্বৈ শতাংশ কাম সম্পূৰ্ণ হৈছে ৷ দহ শতাংশ কাম বাকী আছে আৰু সেই দহ শতাংশ কাম আমাৰ ওপৰতহে আছে ৷চৰকাৰৰ ওপৰত নাই ৷ সকলোৱে জানে যে কোচ ৰাজবংশী শংগঠনসমূহ বহুধা বিভক্ত হৈ আছে ৷ যিদিনা সংগঠনসমূহ একেখন মঞ্চত ঠিয় হ’ব তেতিয়াই অসম চৰকাৰৰ ফালৰ পৰা জনজাতিকৰণ কৰাৰ ক্ষেত্ৰত এখন পকেটৰ পৰা ওলাই এখন পকেটত জনজাতিকৰণ কৰিব ৷ সকলোৰে লক্ষ্য যিহেতু একেটা ,সেয়ে পৰিষদৰ তৰফৰ পৰা বহুধা বিভক্ত সংগঠনসমূহ একত্ৰিত হৈ চৰকাৰৰ ওচৰত যোৱাৰ লগে লগে জনজাতিকৰণ লাভ কৰাটো নিশ্চিত ৷ সকলো একত্ৰিত হোৱাৰ পিছত বৰ্তমান মু্খ্যমন্ত্ৰী ড° হিমন্ত বিশ্ব শৰ্মা থকাৰ কাৰণে কোচ ৰাজবংশীসকলে আৰু চিন্তা কৰিবলগীয়া একো নাই ৷ 

 বাক্সা জিলাৰ অন্তৰ্গত গোবৰৰ্ধনা আই, চি,ডি,এছ ৰ অধীনত বেৰেংগাবাৰীত ৰাষ্ট্ৰীয় পোচন অভিযান কাৰ্যসূচী ৰূপায়ণ কৰা হয় । এই পোষণ অভিযান উপলক্ষে শিশু মংগল দিৱস শীৰ্ষক কাৰ্যসূচী ও অনুষ্ঠিত কৰা হয়  । বেৰেংগাবাৰী আংগনৱাড়ী কৰ্মী সকলে অনুষ্ঠিত কৰা এই পোষণ অভিযান কাৰ্যসূচীত অংশগ্ৰহণ কৰে আংগনৱাড়ী চুপাৰভাইচৰ ৰমনী প্ৰভা ডেকা । উক্ত অনুষ্ঠানত বক্তা হিচাপে উপস্থিত থাকে শিক্ষক শ্যামল পাল, নিৰ্মলা চৌধুৰী,   এন আই টি আই- এ ডি টি প্ৰজেক্টৰ অনুপ চৌধুৰী।  ভাষণ প্ৰসংগত বক্তা সকলে ৰাষ্ট্ৰীয় পোষণ মাহ বিষয় সন্দৰ্ভত আলোকপাত কৰে ।

প্ৰথমে মুখ্যমন্ত্ৰী গৰাকীয়ে হেলিকপ্তাৰ যোগে বিহালী মহাবিদ্যালয় অস্থায়ী হেলীপেডত অবতৰণ কৰি বিধায়ক ৰঞ্জিত দত্তৰ ঘৰত পুৱাৰ আহাৰ গ্ৰহন কৰে৷ইয়াৰ পিছত বিহালীৰ বৰবীল চাহ বাগিচাৰ যি শ্ৰী শ্ৰী জাগ্ৰত কালি মন্দিৰত উপস্থিত হ’ব৷ ।এই কালি মন্দিৰত উপস্হিত হৈ আশীষ গ্ৰহণ কৰিব মুখ্যমন্ত্ৰী গৰাকীয়ে।ইয়াৰ পিছতে মুখ্যমন্ত্ৰী গৰাকীয়ে বিহালী সমষ্টিৰ অন্তৰ্গত চিলাহৰণ প্ৰাথমিক বিদ্যালয় উপস্হিত হৈ শিশু সকলৰ খাদ্য বিতৰণ কৰাৰ লগতে পাঠ দানতো অংশ লয় । ইয়াৰ পিছতে মুখ্যমন্ত্ৰী গৰাকীয়ে শ্ৰী শ্ৰী গাংমৌথানত   আৰ্শীষ গ্ৰহন কৰাৰ লগতে থানখনত অসম দৰ্শন আঁচনিৰ অধিনত চলি থকা নিৰ্মান কাৰ্যৰ বুজ লৈ গাংমৌ থানত এখন সম্বৰ্ধনা সভাত অংশ গ্ৰহন কৰি পুনৰ মুখ্যমন্ত্ৰী গৰাকীয়ে বিহালী সমষ্টিৰ ৰাংছালী চেণ্টাৰত সদৌ ৰাংছালী আৰ্থসামাজিক উন্নয়ণ সমিতিয়ে আদৰণি  জনৈৱাৰ পিছত  বটিয়ামাৰিৰ ব্ৰহ্মপুৰ  গড়াখহনীয়া অঞ্চলৰ পৰিৰ্দশন কৰি ভানু ৰংগমঞ্চত ৰাজহোৱা সভাত অংশ লয় কয় যে (এম ডি ৰোড )মোনাবাৰীৰ  পৰা বৰঙাবাৰী পথটি  ছহীদ কনকলতা বৰুৱা নামত ঘোষণা কৰে। তদুপৰি ভানু ৰঙ্গমঞ্চলৈ ১০ লাখ ;বটিয়ামাৰীৰ শৈশিক দিশ উত্তোৰণৰ ক্ষেত্ৰত এখন হাইস্কুলৰো ঘোষণা কৰে মুখ্যমন্ত্ৰী গৰাকীয়ে ।তাৰ পিছতে মুখ্য মন্ত্ৰী গৰাকীয়ে পোনে পোনে যাব গহপুৰত।গহপুৰত মুঠ পাঁচটা কাৰ্য্যসূচীত অংশগ্ৰহণ কৰিব মুখ্যমন্ত্ৰী ড: হিমন্ত বিশ্ব শৰ্মাই।

১/ছিগনেচাৰ আঁচনিৰ অধীনত নিৰ্মীয়মান অৱস্থাত থকা গহপুৰৰ ছয়দুৱাৰ উন্নয়ন খণ্ডৰ অন্তৰ্গত ঘাঁহিগাঁও ষ্টেডিয়ামৰ কামৰ অগ্ৰগতিৰ বুজ ল’ব মুখ্যমন্ত্ৰী ড:হিমন্ত বিশ্ব শৰ্মাই।
২/ছিগনেচাৰ আঁচনিৰ জৰিয়তে ইতিমধ্যে নিৰ্মাণৰ কাম সম্পূৰ্ণ হোৱা ঘাঁহিগাঁও চাৰিআলিৰ পৰা দক্ষিণলৈ সোমাই যোৱা ছহিদ কনকলতা বৰুৱা আৰু মুকুন্দ কাকতি গড়কাপ্তানি পথৰ আনুষ্ঠানিকভাৱে দ্বাৰ মুকলি কৰিব মুখ্যমন্ত্ৰী ড: হিমন্ত বিশ্ব শৰ্মাই।
৩/ইয়াৰ পিছত ঘাঁহিগাঁৱস্থিত হেলেম সাহাৰ্য্যপ্ৰাপ্ত চিকিৎসালয়খন পৰিদৰ্শন কৰিব মুখ্যমন্ত্ৰীগৰাকীয়ে।
৪/যাত্ৰাপথত তেওঁ বৰঙাবাৰীস্থিত ছহিদ কনকলতা বৰুৱাৰ প্ৰতিমূৰ্তিত পুস্পাঞ্জলী অৰ্পণ কৰিব।
৫/অন্তিমটো কাৰ্য্যসূচী অনুসৰি ডিপৰাস্থিত শ্ৰীশ্ৰী মা কল্যানী দেৱালয়ত মুখ্যমন্ত্ৰী ড: হিমন্ত বিশ্ব শৰ্মাই সেৱা আগবঢ়োৱাৰ লগতে নিৰ্মীয়মান কামৰ অগ্ৰগতিৰ বুজ ল’ব।ইয়াৰ পিছতে তেওঁ ডিপৰাৰ অস্থায়ী হেলিপেডৰ পৰা ধেমাজিলৈ উৰা মাৰিব।
মুখ্যমন্ত্ৰী হোৱাৰ পিছত প্ৰথমবাৰলৈ গহপুৰলৈ আহিবলগীয়া ড: হিমন্ত বিশ্ব শৰ্মাৰ আগমনক লৈ উৎফুল্লিত হৈ পৰিছে গহপুৰ বাসী।সকলো কাৰ্য্যসূচীতে গহপুৰ বাসী ৰাইজৰ আন্তৰিক সহযোগিতা আৰু উপস্থিতি কামনা কৰিছে গহপুৰ বিধান সভা সমষ্টিৰ বিধায়ক উৎপল বৰাৰ লগতে বিশ্বনাথ জিলা বিজেপিৰ সাধাৰণ সম্পাদক নোমল বৰুৱা আৰু হেলেম মণ্ডল বিজেপিৰ সভাপতি নিৰণ হাজৰিকাই। বিজেপিৰ সাধাৰণ  সম্পাদক কিশোৰ উপাধ্যায় আদিয়ে অংশ লয় ।

ঐতিহাসিক ২০০ বছৰৰ পুৰণি গৌৰীপুৰ ৰাজপৰিয়ালৰ মা মহামায়া মন্দিৰ বৰ্তমান ৰাজপৰিয়ালৰ অংশীদাৰৰ মাজত খোৱা কামোৰাৰ বাবে মন্দিৰত একপ্রকাৰ একপ্রকাৰ বন্দী হৈ পৰিছে একপ্রকাৰ মা মহামায়া দেবী। যাৰ বাবে ভক্ত সকলৰ মাজত তীব্র ক্ষো ভৰ সৃষ্টি হৈছে। ভক্ত সকল ৰ অভিযোগ  ঐতিহাসিক  পুৰণি  মন্দিৰটো একমাত্র অৰ্থ ৰ লোভে ৰাজপৰিয়ালৰ একাংশৰ বাবে মন্ডলে মন্দিৰৰ মাটি বিক্রি কৰাৰ চেষ্টা কৰিছে আৰু চাৰিওফালে বেৰ লগাই প্ৰবেশ পথ বন্ধ কৰি দিয়াত এতিয়া ৰাজবাৰি ৰ পৰা মন্দিৰলৈ অহা প্ৰবেশ পথ বন্ধ হৈ পৰিল। উক্ত মন্দিৰ কমিটিৰ সভাপতি জিলা উপায়ুক্ত আৰু সম্পাদক প্ৰবীৰ বৰুৱা।ভক্ত সকল ৰ অভিযোগ পুৰনি মন্দির টো মেৰামতি হোৱা নাই,। পোহৰৰ ব্যাবস্তা নাই। বিভিন্ন সমষ্যাত ভুগিছে মন্দিৰটোত সন্ধ্যা আৰতি বন্ধ হৈ পৰিছে। অসম দৰ্শন ৰ কোন আচনীৰ টকা ঢুকি পোৱা নাই। মন্দিৰৰ চাৰিওফালে বহু মাটি বেদখল হৈ পৰিছে। 

ইপিনে ৰাজবাৰি মাটি কেলেঙ্কাৰিৰ প্ৰতিবাদ আজিও অব্যা হত আছে। 
যোৱা ২৬ চেপ্তেম্বৰ  তাৰিখ ত  লাট   মন্ডল মাপ জোখ আৰম্ভ কৰাত কাৰোবাক একো নজনাকৈ। 
ৰাজবাৰি সংলগ্ন মা মহামায়া মন্দিৰ, ৰামকৃষ্ণ সাৰদা সংঘ, আৰু ৰাজবাৰি অহা যোৱা বাট বেলেগ নম্বৰ দাগ দি বন্ধ কৰি দিয়াত স্হানীয় ৰাইজ তীব্র প্রতিবাদ কৰে লাট মন্ডলৰ ওচৰত। মন্ডলৰ বক্তব্য ৰাজপৰিয়ালৰ অংশীদাৰৰ নিৰ্দেশ ত তেও কাম কৰিছে। 
 ইতিমধ্যে এই সম্পর্কে জিলা উপায়ুক্ত ক এই সম্পর্কে অবগত কৰা হৈছে।ৰাইজ ৰ অভিযোগ ৰাজবাৰি ৰ অহা যোৱা কৰা ৰাস্তা, মা মহামায়া মন্দিৰ ৰ আৰু ৰামকৃষ্ণ সাৰদা সংঘৰ ৰাস্তা বন্ধ কৰি দিয়া ঘটনা ৰ। উচিত তদন্ত ৰ দাবি জনাইছে ৰাইজ।দখল বেদখলৰ মাজেদি সংকুচিত হৈ অহা ৰাজ পৰিয়ালৰ মাটি এই সম্পর্কে গৌৰীপুৰ ৰাজপৰিয়ালৰ ৰাজকন্যা মৌসুমী বৰুৱা ৰয় ।

এসময়ত গৌৰীপুৰ ৰাজপৰিয়ালৰ ৩৫ একৰ বিঘা মাটি আছিল। আজি বহিৰাগত একাংশ লোকৰ বাবে আজি নিশ্চিহ্ন হোৱা ৰ পথত। যি সময়ত ঐতিহাসিক কৃতচিহ্ন মঠ, মন্দির ৰ সংৰক্ষণ ৰ বাবে চৰকাৰে বিভিন্ন আপনি লৈছে তেনে সময়ত চৰকাৰে গৌৰীপুৰৰ ৰাজবাৰি ৰ ক্ষাৰ বাবে পদক্ষেপ লব  লাগে।