ধুবুৰী জিলাৰ চাপৰ শালকোচা উন্নয়ন খণ্ডত অন্তৰ্গত ৰঙামাটি গাওঁ পঞ্চায়ত ছাচলাপাৰা ২য় খণ্ড গাঁওত আছে এই পথ । উল্লেখ্য যে যোৱা ৫০ বছৰ ধৰি এই পথছোৱা এনেদৰে জৰা জীৰ্ণ হৈ আছে কিন্তু আজি লৈকে জন প্ৰতিনিধি তথা স্হানীয় বিধায়ক নাই কোনো কাণ-সাৰ।এক সময়ত আটাইতকৈ দক্ষ বিধায়ক বুলি নিজকে জাহিৰ কৰিব বিচৰা বিধায়ক অশোক কুমাৰ সিংহীৰ আছিল এইখন সমষ্টিৰ কিন্তু দক্ষ বিধায়ক জনেও দিছে এইখন গাওঁৰ ৰাইজক ৰাম গঠন।বাৰে বাৰে অবগত কৰাৰ পিছতো নহ’ল কোনো কাম। সেই কাৰণে আজি অসম চৰকাৰ হা হা ধ্বনি দিলে। এইখন গাওঁখনৰ ৰাইজে। কিন্তু  অসমীয়াত এসাৰ কথা আছে নহয় যিয়ে লংকাত যায় সিয়ে ৰাৱণ হয়। কিন্তু এইবাৰ আকৌ  নতুন বিধায়ক ।নৱ নিৰ্বাচিত বিধায়ক ছামছুল হুদা ।হুদাক অবগত কৰিছে এই পথছোৱাৰ বিষয়ে এইখন গাওঁৰ দুখীয়া ৰাইজে আমাক জানিবলৈ দিয়ে পিছে বিধায়ক ছামছুল হুদায় এই গাওঁ খনৰ ৰাইজৰ কথা শুনে নে নাই। আৰু কি ব্যৱস্থা গ্ৰহণ কৰে। আমি পৰবৰ্তী প্ৰতিবেদনত সবিস্তাৰে প্ৰকাশ কৰিম।

অসম অৰুনাচল প্ৰদেশৰ সীমান্তৱৰ্তী  ওদালগুৰি জিলাৰ ৭০ নং মাজবাট বিধান সভা সমষ্টিত থকা মহলীয়াপাৰা আৰ্দশ চিকিৎসালয় । উল্লেখযোগ্য যে বৃহৎ  অঞ্চলটোৰ চিকিৎসা সেৱাৰ প্ৰতি লক্ষ্য ৰাখি তদানীন্তন বিটিচি প্ৰধান হাগ্ৰামা মুহিলাৰী,৭০ নং মাজবাট বিধান সভা সমষ্টি বিধায়ক চৰন বড়ো আৰু বিটিচিৰ ই এম শ্যাম চুন্ডী সদিচ্ছাতে  স্থাপিত হৈছিল এই খন মহলীয়াপাৰা  আৰ্দশ চিকিৎসালয় । কিন্তু বিটিচি প্ৰধান হাগ্ৰামা মুহিলাৰীয়ে শাসনৰ বাঘজৰী হেৰুৱাৰ পাছত ওৰাং খন্ড প্ৰাথমিক স্বাস্থ্য কেন্দ্ৰৰ অধীনত থকা অতি সুন্দৰ ভাবে নিৰ্মাণ কৰা চিকিৎসালয় খনৰ আন্তঃগাঁথনিৰ উন্নয়নৰ কাম ৩০ শতাংশ বাকী থকাৰ পাছতো বিধান সভা নিৰ্বাচনৰ আগে আগে কেবল ভোটৰ অংকত সস্তীয়া জনপ্ৰিয়তা বিচাৰি বিটিআৰ প্ৰধান প্ৰমোদ বড়োৱে হাগ্ৰামা মুহিলাৰী,বিধায়ক চৰন বড়ো আৰু বিটিচিৰ প্ৰাক্তন ই এম শ্যাম চুন্ডীৰ নামত মহলীয়াপাৰা আৰ্দশ চিকিৎসালয়ত থকা নাম ফলক সমুহ ভাঙি প্ৰমোদ বড়োৱে ”হাপাই আনিলে তিৰি শিয়ালে হ’ল গিৰি লেখিয়াকৈ  চিকিৎসালয়  খন উদ্বোধন কৰিলে । যদিও প্ৰকৃততে চিকিৎসালয় খনত প্ৰমোদ বড়োৱে ৰাইজক চিকিৎসা সেৱা আগবঢ়োৱাত সম্পূৰ্ণ ভাবে ব্যৰ্থ হল ।পৰবৰ্তী সময়ত  টলা উলুমি থকা চিকিৎসালয় খনত  চিকিৎসা সেৱা আগবঢ়াবলৈ ৰাইজৰ প্ৰবল দাবীত বিটিআৰ প্ৰধান গৰাকীয়ে মাজবাট টাউনত থকা ক্ষুদ্ৰ প্ৰাথমিক চিকিৎসালয় খনৰ কৰ্মৰত তিনি গৰাকী  চিকিৎসক, নাৰ্চ     ফাৰ্মাচীষ্ট আৰু অন্যান কৰ্মছাৰী সকলকে কনা হাঁহক পতান দিয়া লেখিয়াকৈ মহলীয়াপাৰা আৰ্দশ চিকিৎসালয়ত  চিকিৎসা সেৱা আগবঢ়াবলৈ পৰামৰ্শ আগবঢ়াই । যদিও  নতুনকৈ চিকিৎসালয় খনত চিকিৎসক, নাৰ্চ, আল্ট্ৰা চাউণ্ড, এস্কৰে,পৰ্যাপ্ত পৰিমাণে ঔষধ অন্যান যন্ত্ৰ পাতি, সা সুবিধা প্ৰদান কৰাটো দুৰৈৰ কথা ৰোগী সকলক এটুপি খোবা পানী যোগান ধৰিবলৈ সক্ষম হোৱা নাই । চিকিৎসালয় খনত অইন ৰোগীৰ কথা নকওঁ নিশা থাকিব লগীয়া প্ৰসুতি ৰোগীৰ বাবে এটুপি পানী নাই, এটা দমকল নাই  এই খন মহলীয়াপাৰা আৰ্দশ চিকিৎসালয়ত । তদুপৰি চিকিৎসালয় খনৰ ওচৰত এখন দোকান নোহোৱাৰ বাবে   ৰোগী সকলে ঘৰৰ পৰা নাইবা   এটুপি খোবা পানীৰ বাবে প্ৰায়  দুই কিলোমিটাৰ মাজবাট টাউনৰ পৰা  পানী আনিব লগীয়া হয়।  এই ক্ষেত্ৰত ৰোগী সকলৰ লগতে কৰ্মৰত চিকিৎসক সকলে খোবা পানীৰ সমস্যা কথাটো বিৰ্ভাগীয কৰ্তৃপক্ষৰ লগতে বিটিআৰ ৪০ নং ৰৌতা পৰিষদীয় সমষ্টিৰ ই এম ড0 নিলুৎ স্বৰ্গীয়াৰী, পাচঁনৈ চেৰফাং পৰিষদীয় সমষ্টিৰ এম চি এল এ দীপক মৌৰক বাৰম্বাৰ অনুৰোধ কৰাৰ পাছতো চিকিৎসালয় খনত এটা দমকল স্থাপন কৰি  ৰোগী সকলৰ বাবে খোৱা পানীৰ ব্যৱস্থা গ্ৰহণ নকৰাটো আচাৰ্য্যজনক । ইফালে চিকিৎসালয় খনত চিকিৎসক, নাৰ্চ সকলে পুৰনি ভঙা ছিঙা চকীতে বহি চিকিৎসা সেৱা আগবঢ়াই থকা বুলি অভিযোগ উত্থাপিত হোৱাৰ লগতে চিকিৎসক,নাৰ্চ সকলৰ গৃহত আইৰন যুক্ত পানী হোবাৰ বাবেও ভীষন সমস্যাৰ সৃষ্টি হৈছে । সেয়েহে অসম অৰুনাচল সীমান্তৱৰ্তী ওদালগুৰি জিলাৰ ৭০ নং মাজবাট বিধান সভা সমষ্টিৰ মহলীয়াপাৰা আৰ্দশ চিকিৎসালয় খন উদ্ধোধন কৰিয়েই দায়িত্ব সামৰনি মৰা বিটিআৰ প্ৰধান প্ৰমোদ বড়োৰ পৰিবৰ্তে ৭০ নং মাজবাট বিধান সভা সমষ্টিৰ  বিধায়ক চৰন বড়োক খোবা পানীৰ সমস্যাৰ লগতে চিকিৎসালয় খনত ডাক্তৰ, নাৰ্চ প্ৰয়োজনীয় যন্ত্ৰ পাতি, পৰ্যাপ্ত পৰিমাণে ঔষধ পাতি যোগানৰ যাবতীয় ব্যৱস্থা গ্ৰহণ কৰিবলৈ মাজবাট বাসী ৰাইজে অনুৰোধ জনাইছে ।

অসমত বসবাস কৰা এশৰো অধিক চাহ জনগোষ্ঠীৰ আদিবাসী সম্প্রদায় বিভিন্ন জাতি উপজাতি সকলক লৈ ৰাজ্যিক ভিত্তিত। অসম চাহ জনগোষ্ঠী জাতীয় মহাসভা নামেৰে এটি সংগঠনে  ২০০৩ চনৰ ৬ এপ্রিল তাৰিখে  গঠন হৈছিল  ৷ ওদালগুৰিতো এই সংগঠনটোৰ  জিলা সমিতিয়ে চাহ জনগোষ্ঠী ৰাইজৰ হকে কাম কৰি আছে।  চাহ  জনগোষ্ঠী জাতীয় মহাসভা ওদালগুৰি জিলা সমিতিৰ তৰফৰ পৰা অসমৰ শ্ৰম মন্ত্ৰীক ১৯৪২ চনৰ ২০ চেপ্তেম্বৰ তাৰিখে ঢেকীয়াজুলি আৰক্ষী থানাত ব্ৰিটিছৰ  পতাকা নমাই ভাৰতীয় পতাকা উত্তোলন কৰিব গৈ ব্ৰিটিছৰ গুণী বুকু পাতি যোৱা ১৩ গৰাকী বীৰ শ্বহীদৰ এগৰাকী অন্যতম হল দয়াল দাম পাণিকা ৷এই বীৰ শ্বহীদ গৰাকীৰ  বংশ পৰিয়াল বর্তমান ওদালগুৰি জিলাৰ মাজৰাট ৰাজহ চক্ৰৰ অন্তৰ্গত ৰৌতা গাওঁত বসবাস কৰি আছে।এইজন বীৰ শ্বহীদ দয়াল দাস পাণিকাৰ  যুগমীয়াৰ কৰিবৰ বাবে চাহ জনগোষ্ঠী জাতীয় মহাসভাৰ ওদালগুৰি জিলা সমিতিৰ ৫ টা দাবী সমূহ  শ্ৰম মন্ত্ৰীক  জ্ঞাতাৰ্থে আৰু সমাধানৰ আশাৰে  দৃষ্টিগোচৰ কৰা হ’ল,আমাৰ দাবী সমূহ ক্ৰমে -যিহেতু এই শ্বহীদ পৰিয়ালটি মাজবাটতে বসবাস কৰি আছে সেয়ে  শ্বহীদ গৰাকীৰ নাম যুগমীয়া কৰি ৰাখিবলৈ ইতিমধ্যে নির্মাণ কৰা মাজবাট মহলীয়াপাৰা আদর্শ চিকিৎসালয় নামটো শ্বহীদ দয়াল দাস পাণিকাৰ আদর্শচিকিৎসালয়ৰ নামাকৰণ হব লাগে, মাজবাটত শ্বহীদ দয়াল দাম পাণিকাৰ প্ৰতিমূৰ্তি নিৰ্মাণৰ লগভে এহেজাৰ আসনযুক্ত প্ৰেক্ষাগৃহ নিৰ্মাণৰ বাবে দাবী, যোৱা  ২০১৭ চনৰ ১৯ আগষ্ট তাৰিখে বলিদান দিৱসৰ দিনা অসমৰ প্ৰাক্তন মুখ্যমন্ত্রী  সর্বানন্দ সোনোৱাল দেৱৰ উপস্থিত ঢেকীয়াজুলী স্বহীদ বাকৰিত অনুষ্ঠিত হোৱা ৰাজহুৱা সভাত শ্বহীদ পৰিমাণ বৰ্গক  একালীন ৫ লাখ  টকাৰ আর্থিক সাহায্য দিয়াৰ ঘোষনা কৰিছিল ৷যদিও আজি চাৰি বছৰে এই পৰিয়ালটো কোনো ধৰণৰ  সাহায্য নাপালে। গতিকে বিভাগীয় কর্তৃপক্ষৰ পৰা শ্বহীদ পৰিয়ালটি আর্থিক সাহায্য   লগতে পৰিয়ালটির এজন সদস্য কর্ম সংস্থাপন দিয়াৰ ব্যৱস্থা শীঘ্ৰে কৰিবলৈ দাবী জনোৱা হ’ল। গতিকে  ভাৰত ভ্যাগ আন্দোলন এগৰাকী অগ্রণী শ্বহীদ দয়াল দাস  পাণিকাৰ বিষয়টো সহানুভুতিৰে বিবেচা কৰি সমাধানৰ বাবে পদক্ষেপ গ্ৰহণ কৰি কৃতার্থ কৰিবলৈ অসম চাহ জনগোষ্ঠী জাতীয় মহাসভা ওদালগুৰি জিলা সমিতিৰ সভাপতি ৰামকৰণ গোড় আৰু সম্পাদক লাধু লোহাৰৰ স্বাক্ষৰিত স্মাৰক পত্ৰখন ২১ছেপ্তেম্বৰত প্ৰদান কৰে ৷

বৰ্তমান সময়ত ইউ এল বিৰ কোনো প্ৰয়োজন নাই।বিটিচিত এতিয়া তেওঁলোকক কোনেও গ্ৰহন নকৰে।ইউ  এল বিৰ জন্মৰ আঁৰত ৰাজনৈতিক চক্ৰ জড়িত আছে।এই বিস্ফোৰক মন্তব্য বিটিচিৰ উপ মুখ্য কাৰ্যবাহী তথা বিধায়ক গোবিন্দ চন্দ্ৰ বসুমতাৰীৰ।তেওঁ লগতে উল্লেখ কৰি কয়- বড়ো ভূমিত এতিয়া  সশস্ত্ৰ সংগ্ৰামৰ প্ৰয়োজন নাই। ৰাজনৈতিক মুনাফাৰ বাবে কোনো ৰাজনৈতিক শক্তিৰ প্ৰৰোচনাতহে  গঠন হৈছে ইউ এল বি  সংগঠনৰ ।বি টি এ ডিৰ কোনো সমাজে ,কোনো লোকে গ্ৰহণ নকৰে ।ৰঞ্জন দৈমাৰীৰ মুক্তিৰ বাবে কোনো সশস্ত্ৰ সংগ্ৰামৰ প্ৰয়োজন নাই বুলিও মন্তব্য কৰে । শেহতীয়াকৈ ইউ এল বি সংগঠন গঠন হোৱা আৰু তাৰপিছতেই দুজনক আৰক্ষীয়ে গুলিয়াই হত্যা কৰাৰ পিছত অশান্ত হৈ পৰিছে আৰু হত্যাৰ প্ৰতিবাদত প্ৰতিবাদ আৰম্ভ হৈছে। তেনে সময়তে এসময়ৰ  এন ডি এফ বিৰ নেতা বৰ্তমানৰ বিধায়ক তথা বিটি চিৰ উপ মূখ্য কাৰ্যবাহী সদস্য গোবিন্দ চন্দ্ৰ বসুমতাৰীয়ে সশস্ত্ৰ সংগ্ৰামৰ প্ৰয়োজন নাই বুলি মন্তব্য কৰা মন্তব্য তাৎপৰ্যপূৰ্ণ।আজি ওদালগুৰি জিলাৰ ৰেচম বিভাগৰ কাৰ্য্যালয়ত তেওঁ সাংবাদিকক নৱ গঠিত ইউ এল বি   সংগঠনটোৰ ওপৰত কেবাটাও গুৰুত্বপূৰ্ণ মন্তব্য আগবঢ়াই  তেওঁ আওপকীয়াকৈ নিজে গাদী দখল কৰাৰ পিছত ৰঞ্জন দৈমাৰীৰ দৰে নেতাৰ মুকলি সন্দৰ্ভত নিৰ্লিপ্ত ভূমিকা লোৱা নাই বুলি মন্তব্য কৰি অঞ্জলি দৈমাৰীকো সমালোচনা কৰে। আনফালে কোনোবা ৰাজনৈতিক নেতাৰ প্ৰৰোচনাতে নিৰীহ দুজন যুৱকৰ প্ৰাণ হানি হ’ল বুলি মন্তব্য কৰি এই হত্যাৰ তদন্ত হোৱা উচিত বুলি মন্তব্য কৰে। ওদালগুৰিত সাংবাদিকৰে হোৱা বাৰ্তালাপত বসুমতাৰীয়ে লগতে কয়- বিটিচিত সম্প্ৰতি সকলো জাতি জনগোষ্ঠীয়ে সম উন্নয়ন,সম অধিকাৰ লাভ কৰি থকাৰ সময়তে সশস্ত্ৰ সংগ্ৰাম দুৰ্ভাগ্যজনক।কাৰণ তেওঁলোকে সশস্ত্ৰ সংগ্ৰামৰ মাজেৰে ওলাই অহা নাই।ৰাজনৈতিক লাভালাভৰ বাবেই গঠন কৰা হৈছে।এনকাউন্টাৰযোগে দুজনকৈ নিৰীহ যুৱক নিহত হোৱাৰ ঘটনা কোনেও সমৰ্থন নকৰে।এনে ঘটনাৰ তদন্তৰ বাবে তদন্ত আয়োগ গঠন কৰা হৈছে।এই তদন্তৰ জৰিয়তে প্ৰকৃত ঘটনাৰ  তদন্ত হব বুলি তেওঁ লগতে উল্লেখ কৰে।

অসমীয়া গ্ৰাম্য  সমাজৰ জীৱনক লৈ নিৰ্মান কৰা “দিঠকত হেৰাল সপোন” কথাছবিখন পৰিচালনা কৰি সংস্কৃতিৰ পূজাৰী খ্যাত পঙ্কজ পল্লৱ শৰ্মাই লাভ কৰিছে ইণ্ডিয়ান গ্ল’ৰী এৱাৰ্ড ২০২১। পাঞ্জাৱ লুধিয়ানাৰ কাইটচ প্ৰডাকচনে আগবঢ়াইছে এই বিশেষ বটা।  বটা প্ৰাপ্ত পৰিচালক পঙ্কজ পল্লৱ শৰ্মাক দক্ষিণ ৰঙিয়া প্ৰেছ ক্লাৱত উষ্ণ আদৰণি জনোৱা হয়। সাংবাদিক অজন্তা চৌধুুৰীয়ে পৰিচালনা কৰা আদৰণি অনুষ্ঠানত  পৰিচালক গৰাকীক ফুলাম গামোছাৰে সম্বৰ্ধনা জনায় কামৰূপ জিলা সাংবাদিক সংস্থাৰ সম্পাদক তৰণী চৰন কলিতা, জয়ন্ত কুমাৰ শৰ্মা আৰু ধ্ৰুব জ্যোতি ডেকাই। নিজৰ ভাষনত তৰণী চৰন কলিতাই পঙ্কজ পল্লৱ শৰ্মাক স্বাগতম জনাই ন ন কাম কৰি যাবলৈ শুভেচ্ছা জনায়। ৰাষ্ট্ৰীয় পৰ্যায়ত জিলিকি উঠা পঙ্কজ পল্লৱ শৰ্মাক  ৰঙিয়াৰ গৌৰৱ আখ্যা দি সাংবাদিক জয়ন্ত কুমাৰ শৰ্মাই মুক্তি পাবলগীয়া পঙ্কজ পল্লৱ শৰ্মাৰ  পৰিচালনাৰ আৰু অজিত বৰ্মন  প্ৰযোজিত    “দিঠকত হেৰাল সপোন” ছবিখন উপভোগ কৰিবলৈ আহ্বান জনায়।  সম্বৰ্ধনা গ্ৰহণ কৰি পৰিচালকগৰাকীয়ে কয় “বঁটা- বাহনে নিজ কৰ্মক্ষেত্ৰত নতুন উদ্যমেৰে কাম কৰাৰ বাবে উৎসাহ যোগায়।” প্ৰসঙ্গক্ৰমে “সমতা সাহিত্য একাডেমী আগবঢ়োৱা কলা-নাট্য ৰাষ্ট্ৰীয় বঁটা২০১২, মুনলাইট মিডিয়া পৰিচালক পঙ্কজ পল্লৱ শৰ্মাই। লকডাউনৰ সময়চোৱাত  বিভিন্ন সমস্যাৰ আঁত ধৰি ইংৰাজী, অসমীয়া , হিন্দী ভাষাত প্ৰায় ষোল্লখনৰো অধিক  চুটি ছবি নিৰ্মাণ কৰি এক অভিলেখ সৃষ্টি কৰিছে । সুদক্ষ পৰিচালক পংকজ পল্লব শৰ্মাৰ প্ৰতিখন চুটি ছবি দৰ্শকে আকোঁৱালি লোৱা পৰিলক্ষিত হৈছে । তাৰে ভিতৰত অভিনেতা পৰিচালক পংকজ পল্লব শৰ্মাৰ কাহিনী, চিত্ৰনাট্য,সংলাপ আৰু পৰিচালনাৰে অক্টোপাছ (হিন্দী) , ভেঞ্চাৰ শিক্ষকৰ বিলৈ, ৰান্ধনীৰ বিলৈ, অধ্যয়ন কৰো আহক, কৰ’না, নলবৰীয়া ফুলাম জাপি ( ইংৰাজী) , বেলশৰ দেৱালয় (ইংৰাজী ), বালিসত্র দা টুৰিজিম স্পট অব আসাম  (ইংৰাজী ),  চাইলেন্ট কিলাৰ, ,  প্ৰাইভেট শিক্ষা, বাৰিষা, ধৰ্ষীতা ভনী অন্যতম। এই ছবি সমূহৰ জৰিয়তে সমাজৰ বিভিন্ন স্তৰৰ সমস্যা ৰাইজৰ আগত উপস্থাপন কৰা দেখা গৈছে । তাৰোপৰি পংকজ পল্লব শৰ্মাই চিত্ৰনাট্য,  সংলাপ আৰু পৰিচালনা কৰা   অন্য চুটিছবি কেইখন হৈছে ৰজী ভট্টৰ “পতি ধৰ্ম” , তিলক বৈশ্যৰ “ইচ্ছামৃত্যু কিমান গ্ৰহনযোগ্য”, ৰুদ্ৰকান্ত শৰ্মাৰ “অভিশপ্ত বাৰ্থডে”,  আৰু এম মহিবুৰ ৰহমানৰ কাহিনীৰে “চাৰপ্ৰাইজ”। অভিনয় শিক্ষাৰ নিৰ্ভৰযোগ্য প্ৰতিষ্ঠান সংগীত স্কুল অৱ ড্ৰামাৰ নিবেদন আৰু জয়ন্তজিত কলিতাৰ প্ৰযোজনাত নিৰ্মিত প্ৰতিখন ছবি ইতিমধ্যে দৰ্শকৰ  মাজত আলোড়ন সৃষ্টি কৰিছে  আনহাতে বহুচৰ্চিত চুটিছবি  অক্টোপাছে ৰাষ্টীয় পুৰস্কাৰ পাবলৈ সক্ষম হৈছে । এই চুটিছবি সমূহৰ জড়িয়তে অভিনেতা পৰিচালক পংকজ পল্লব শৰ্মাই অসমৰ বিভিন্ন ঠাইৰ প্ৰতিভাসম্পন্ন  যুবক যুৱতীক এখন মঞ্চ দিবলৈ চেষ্টা কৰিছে তাৰোপৰি কম সময়ৰ ভিতৰত ইমান কেইখন জনপ্ৰিয় চুটিছবি ৰাইজক উপহাৰ দিবলৈ সক্ষম হৈছে। ইয়াৰোপৰি “দি চাইলেন্ট কিলাৰ” নামৰ ৱেব চিৰিজ এখন পৰিচালনা কৰি ড্ৰাগছৰ বিৰুদ্ধে  সাংস্কৃতিক প্ৰতিবাদ কৰি আছে।

দুটা দশকজুৰি দেশৰ হকে সেৱা আগবঢ়ায় অহা ভাৰতৰ জনপ্ৰিয় প্ৰধান মন্ত্ৰী নৰেন্দ্ৰ মোডীৰ ৭১ সংখ্যক জন্ম দিৱসৰ লগত সংগতি ৰাখি ৰাজ্যিক BJP য়ে “সেৱা আৰু সমাৰ্পন” নামেৰে ২০ দিনীয়া বিস্তৃত কাৰ্যসূচীৰে পালন কৰা দেখিবলৈ পোৱা গৈছে। ইতিমধ্যে ভাৰতীয় জনতা পাৰ্টীৰ মৰিগাঁও জিলা সমিতিৰ উদ্যোগত আৰু নেশ্যনেল মেডিক’জ অৰ্গেনাইজেশ্বন চমুকৈ NMO সহযোগত ২২,২৩,২৪ ছেপ্টেম্বৰ অৰ্থাৎ জাগীৰোড, মৰিগাঁও, লাহৰিঘাটত বিনামূলীয়া স্বাস্থ্য পৰীক্ষা শিবিৰ অনুষ্ঠিত কৰিছে। উক্ত চিকিৎসা শিবিৰত চিকিৎসা সেৱা আগবঢ়োৱা চিকিৎসক সকল হৈছে ক্ৰমে গুৱাহাটী চিকিৎসা মহাবিদ্যালয়ৰ পৰা অহা ডাঃৰক্তিম তামুলী,ডাঃ মৃণাল হালৈ,ডাঃ চিৰঞ্জীৱ কৈৰালা আৰু বঘৰা ৰাজ্যিক চিকিৎসালয়ৰ ডাঃ অমৰজ্যোতি ডেকাই।