গুৱাহাটীৰ দীঘলী পুখুৰীত মৰিছে শতাধিক মাছ। দীঘলী পুখুৰী কৰতৃপক্ষই জানিবলৈ দিয়া মতে অক্সিজেনৰ অভাৱত মৃত্যু হৈছে সহস্ৰাধিক মাছৰ। আৰু জনায় যে সূৰ্য্য উদয় নহওঁতেই পানীত উপঙি উঠিছে মৃত মাছবোৰ।

নিয়ন্ত্ৰণত ব্যৰ্থ নগাঁও যান-বাহন আৰক্ষী 

সমগ্ৰ নগাঁও জিলাৰ ওপৰি নগাঁও চহৰত ক্ৰমৰ্ব্ধমান গতিত বৃদ্ধি পাই অহা যান-যটঁৰ সমস্যাই দীৰ্ঘদিনৰ পৰা সৰ্বসাধাৰণ নাগৰিকৰ যাতায়তৰ ক্ষেত্ৰত তীব্ৰ সমস্যাৰ সৃষ্টি কৰি আহিছে ৷ নগাঁও যান-বাহন শাখাৰ আৰক্ষীৰ অকৰ্মণ্যতাৰ পূৰ্ণ সুযোগ গ্ৰহণ কৰিয়েই একাংশ যান-বাহনৰ গৰাকীয়ে নগাঁও চহৰখনৰ য’তে-ত’তে, যধেমধে নিজ খেয়ালখুচি মতে যান-বাহন সমূহ ৰখোৱাৰ ফলতেই চহৰখনত দিনক দিনে এইদৰে এক অভাৱনীয় যান-যঁটৰ সৃষ্টি হৈ আহিছে বুলি সচেতন মহলে দাবী কৰি আহিছে ৷ নগাঁও পৰিবহন বিষয়া কাৰ্যালয়ৰ উচ্চস্তৰীয় সূত্ৰৰ এক তথ্যৰ পৰা জানিব পৰা মতে, বৰ্তমান নগাঁৱৰ পৰিবহন বিষয়া কাৰ্যালয়ত পঞ্জীয়নভুক্ত যান-বাহনৰ সংখ্যা প্ৰায় ৩,২৯,৭০৪ খন ৷ গড় হিচাপত প্ৰতি মাহে নগাঁও পৰিবহন বিষয়া কাৰ্যালয়ত পঞ্জীয়নভুক্ত হোবা যান-বাহনৰ সংখ্যা প্ৰায় ২,২০০ হেজাৰৰো অধিক ৷ নগাঁও পৰিবহন বিষয়া কাৰ্যালয়ত বিগত আৰু চলিত বিত্তীয় বৰ্ষত পঞ্জীয়নভুক্ত যান-বাহন সমূহৰ নাম সহ তাৰ পৰিমান উল্লেখ কৰা হল ৷ জিলা খনত বৰ্তমানলৈকে পঞ্জীয়নভুক্ত ট্ৰাকৰ সংখ্যা হৈছে ৬,০৩৪ খন (মিডিয়াম/হেভী) ৷ ডাম্পাৰ ১,০৭৫ খন ৷ ইয়াৰ বিপৰীতে এল.চি.ভি গুড’চ ১৩,৩২১ খন (চাৰি চকীয়া) ৷এল.চি.ভি গুড’চ ২১৩৫ খন (তিনি চকীয়া)৷ আনহাতে,বাছ ৯৪৮ খন,ইয়াৰ ভিতৰত ষ্টেজ কেৰিয়েজ বাছ ৭৮ খন,কনটেক্ট কেৰিয়েজ বাছ ৭০০ খন,উমনি বাছ ৭৯ খন,স্কুল বাছ ৯১খন ৷ আনহাতে, এ এ টি টি টেক্সি ৮০ খন,লোকেল ট্ৰেক্সি ২৯৮৩ খন, মটৰ কেৱ্ ৫৮০ খন,মেক্সি কেৱ্ ৪৬ খন,টেম্পো/অটৰিক্সা ১২,৩০০ খন,ই-ৰিস্কা ৩৩৭,স্কুটাৰ ৩৯,০৮২ খন,ম’পেড ১০৬ খন,মটৰ চাইকেল/স্কুটাৰ ১,৯৩,৯১৪ খন,ব্যক্তিগত চাৰিচকীয়া বাহন ৪৩,৯৪৩ খন,জি’প ৭০০ খনষ্টেচন ওগেন ১০ খন,ট্ৰেইলাৰ ৭১৬ খন,টেক্টৰ ৮৩৬৮ খন,ক্ৰেণ ২৯ খন,চৰকাৰী বাহন ৪৯৬ খন(নগাঁৱৰ চৰকাৰী বিভাগ সমূহৰ)এম্বুলেন্স ৯১ খন,অন্যান্য এক্সেভেটৰ ১৬২৫ খন (সৰু-ডাঙৰ মিলি) ৷ এইসকলো মিলি মুঠ পঞ্জীয়নভুক্ত যানবাহনৰ সংখ্যা ৩,২৯,৭০৪ খন ৷ বিগত ২০২০-২১ বিত্তীয় বৰ্ষত নগাঁও পৰিবহন বিষয়া কাৰ্যালয়ত পঞ্জীয়নভুক্ত যানবাহনৰ সংখ্যা ২৬,৪৭৬ খন ৷ ইয়াৰ বিপৰীতে বৰ্তমান ২০২০-২১ বিত্তীয় বৰ্ষৰ বৰ্তমান পথত চলাচল কৰি থকা যানবাহনৰ সংখ্যা হৈছে ১,১৪,০০৩ খন ৷ সাম্প্ৰতিক সময়ত চহৰখনত বিশেষকৈ ঢাকাইপট্টি অঞ্চলৰ ৰামলাল দুৰ্গাদত্ত কাপোৰৰ বিপনীৰ পৰা আৰম্ভ কৰি বহাগী হোটেলৰ চ’কলৈকে চহৰখনৰ মূখ্য ব্যৱসায়ীক অঞ্চলটোৰ একমাত্ৰ পথটোৰ মাজলৈকে দীৰ্ঘসময় ধৰি নিজৰ ব্যক্তিগত যান-বাহন একাংশ সভ্য-গব্য ভদ্ৰলোকে ৰখাই থোবাৰ বাবেই এই পথটোত সৰ্ব্বসাধাৰণ ৰাইজে জীয়াতু ভুগিব লগাত পৰিছে ৷তদুপৰি নগাঁও মহাবিদ্যালয় পেট্ৰল পাম্পৰ ওচৰৰ ৩৭নং ৰাষ্ট্ৰীয় ঘাইপথৰ পৰা নতুন বজাৰলৈকে এই অংশতো পথৰ অধিকাংশতে যান-বাহন ৰখাই থোবাৰ ফলত এই পথটোৰে যাবলগীয়া দুৰনীবতিয়া যানবাহন সমূহও জীয়াতু ভুগিব লগাত পৰে বহু সময় ৷ ইফালে,নতুন বজাৰৰ পৰা মুকুট শৰ্মা চাৰিআলি হৈ নগাঁও ছোৱালী মহাবিদ্যালয়ৰ দলংৰ ফালে যোবা পথটোতো একাংশ অবিবেচক কাণ্ডজ্ঞানহীন লোকে উশৃঙ্খলভাৱে যান বাহন পাৰ্কিং কৰাৰ ফলত ব্যাপক যান যটঁৰ সৃষ্টি হৈ আহিছে ৷ ঠিক সেইদৰে হয়ৱৰগাঁও থানাৰ পৰা ধিং গেট পৰ্যন্ত,মৰিগাঁও বাছ আস্থান, কৃষ্ণা হল চাৰিআলিৰ পৰা জয়শ্ৰী চিনেমা হল চাৰিআলিলৈ যোৱা অতি ব্যস্ত পথছোৱাতো পুৱা ন-দহ বজাৰ পৰা নিশা পৰ্যন্ত নানা তৰহৰ যানবাহন ৰখোবাৰ ফলত সাধাৰণ নাগৰিক সকল খোজকাঢ়ি যোবাতো বহুখিনি অসুবিধাৰ সন্মুক্ষীন হৈ আহিছে ৷ তদুপৰি নগাঁৱত বৰ্তমান অধিক হাৰত অবৈধ ৰিস্কা আৰু ই-ৰিস্কাৰ চলাচলে তীব্ৰ যানযঁটৰ সৃষ্টি কৰি আহিছে ৷ স্থানীয় নাগৰিক আৰু সচেতন মহলে চহৰখনৰ যানবাহন আৰক্ষী,জিলা প্ৰশাসনৰ উৰ্ধ্বতন কতৃপক্ষ,পৌৰ সভাৰ কাৰ্য্যবাহী অভিযন্তাক বহুবাৰ অৱগত কৰিছিল যদিও কোনো ৰহস্যজনক কাৰণত আজিকোপতি সংস্লিষ্ট বিভাগৰ বৰমুৰীয়াই বৰ্তমানলৈ কোনো ব্যৱস্থা গ্ৰহণ কৰা নাই ৷ এতিয়া সময়েহে কব কুম্ভকৰ্ণৰ নিদ্ৰাত থকা এই বিভাগ সমূহৰ বৰমুৰীয়াই নগাঁৱত কেনেদৰে কি পৰিকল্পনাৰে যানযঁটৰ সমস্যা নিয়ন্ত্ৰণ কৰে ৷

অসমীয়াৰ পিছ চোতালৰ এক অবিচ্ছেদ্য অংগ আছিল ঢেঁকী শাল। বিহু আগমনৰ বতৰা দিয়া এই ঢেঁকীৰ শব্দত গুমগুমাই উঠে অসমীয়াৰ প্ৰাণ। চহা জীৱনৰ এই এৰাব নোৱাৰা সামগ্ৰীবিধ এতিয়া যেন স্মৃতিৰ গৰ্ভত বিলীন হৈ যোৱাৰ উপক্ৰম হ’ল। কেৱল বিহুৰ আগমনতেই যে ঢেঁকীৰ শব্দ শুনা যায় ,এনে নহ’য়। পূৰ্বতে অসমীয়া ঢেঁকী শালৰ পৰা তৈয়াৰী চাউলেৰে  জুহালৰ ভাতমুঠিয়ে  পুৰাইছিল পেটৰ তাড়না। বৰ্তমান চহা জীৱনৰ এই নিভাঁজ জীৱনশৈলীও নাই আৰু ঢেঁকী শালৰ সেই গুম গুমনিও নায়। এতিয়া এই সকলোবোৰ যেন স্মৃতি হৈ গ’ল আমাৰ বাবে। যদিও পুনৰ সেই নষ্টালজিক মূহুৰ্তক জীয়াই তুলিবলৈ ঢেঁকী শালৰ মাদকতা বিচাৰি গোলাঘাটৰ যোগীবাৰী গ্ৰাম্য পৰ্যটন ক্ষেত্ৰই এক গুৰুত্বপূৰ্ণ পদক্ষেপ গ্ৰহণ কৰিছে। খুমটাই সমষ্টিৰ বিধায়ক মৃনাল শইকীয়াৰ একক প্ৰচেষ্টাত যোগীবাৰী গ্ৰাম্য পৰ্যটন ক্ষেত্ৰত গঢ় লৈ উঠিছে অসমীয়া জীৱনৰ অনন্য চানেকি ঢেঁকী শাল। নিয়োজিত কৰিছে প্ৰায় ৩০ গৰাকী মহিলা। ঢেঁকী শালৰ পৰাই স্বাৱলম্বীতাৰ সপোন দেখা এই সকল মহিলাই এতিয়া দৈনিক খুন্দিছে উখোৱা  চাউল, কোমল চাউল, সান্দহ বা পিঠাগুৰি। নিসন্দেহে বিধায়ক গৰাকীৰ এই প্ৰচেষ্টাই কেৱল যে ঢেঁকী শালৰ  হেৰুৱা মান ঘূৰাই আনিছে এনে নহ’য় বহু মহিলাই এতিয়া এই ঢেঁকী শালৰ পৰাই দেখিছে  সপোন সোণালী পথাৰৰ ৰূপালী শইচ।

বিটিসিৰ নতুন চৰকাৰ গঠন হোৱাৰ ছমাহ উকলি যোৱাৰ পিছতো বাসুগাওঁ পৌৰসভাৰ নতুন পৰিচালনা সমিতি গঠনক লৈ বিটিসি চৰকাৰৰ দুই মিত্ৰজোঁটৰ অংশীদাৰী ৰাজনৈতিক দল ইউ পি পি এল আৰু বিজেপি ৰ মাজত টনা-আঁজৰা চলি থাকোতে আজি লৈকে পৌৰসভাৰ নতুন পৰিচালনা সমিতিৰ গঠন সম্ভৱপৰ হৈ উঠা নাই। ফলত স্থানীয় ৰাইজে পৌৰসভাৰ বিভিন্ন কাম-কাজৰ ক্ষেত্রত ভুগিব লগা হৈছে। কিয়োনো যোৱা ছমাহে নতুন কমিটি গঠন নোহোৱাত অস্থায়ীভাৱে এগৰাকী চৰকাৰী বিষয়াই পৌৰসভাৰ কাম-কাজ চলাই লোৱাৰ বাবে কাৰ্যবাহী বিষয়া হিচাপে যথেষ্ট ব্যস্ততাৰ মাজতে বাসুগাওঁ চহৰৰ বিভিন্ন উন্নয়ন মূলক কামৰ যোগেদি নিয়াৰিকৈ দায়িত্ব পালন কৰি আহিছে যদিও পৌৰসভাৰ নতুন পৰিচালনা সমিতি গঠনৰ যোগেদি স্থায়ী সভাপতি আৰু মুঠ চাৰিটা ওৱাৰ্ডৰ সদস্যৰ অভাৱত সৰ্বসাধাৰণ ৰাইজ বিভিন্ন সমস্যাৰ সন্মুখীন হৈ আহিছে। উল্লেখ্যযোগ্য যে চিৰাং জিলাৰ তিনিখন পৌৰসভাৰ ভিতৰত বিজনী আৰু কাজলগাওঁ পৌৰসভাৰ উন্নয়নমূলক কাম-কাজ ইতিমধ্যে ইউ পি পি এল দলৰ নেতৃত্বত গঠন হোৱা নতুন সমিতিয়ে চলাই থকাৰ বিপৰীতে কিছুদিন পূর্বে বাসুগাওঁ পৌৰসভাৰ নতুন সমিতিখনো ইউ পি পি এল দলৰ নেতৃত্বত গঠন কৰাৰ কুচ-কাৱাজ চলি আছিল যদিও বিজেপি দলৰ স্থানীয় নেতৃবৰ্গই হস্তক্ষেপ কৰাত সমিতি খন স্থগিত ৰাখিব লগীয়া হয় আৰু দুৰ্ভাগ্যবশত আজি লৈকে নতুন পৰিচালনা সমিতি খন গঠন নোহোৱাত স্থানীয় ৰাইজৰ লগতে স্থানীয় দল-সংগঠনবোৰে তীব্ৰ প্ৰতিক্ৰিয়া ব্যক্ত কৰিছে।