সম্প্ৰতি মহামাৰী ক’ৰোণা তথা ক’ভিড-১৯ৰ  দ্বিতীয় ঢৌয়ে জনসাধাৰণক ত্ৰাসি মধুসূদন দেখুওৱাছে । ক’ভিডৰ  দ্বিতীয় ঢৌৰ কবলত হেজাৰ হেজাৰ লোক আক্ৰান্তৰ বিপৰীতে বহুজনৰ অকাল মৃত্যু হৈছে। ডিব্ৰুগড় জিলাৰ চাবুৱাতো ক’ৰোণা মহামাৰীয়ে ব্যাপক ৰূপত  সংক্ৰমণ হোৱা পৰিলক্ষিত হৈছে। চাবুৱাত বৰ্তমান প্ৰাপ্ত তথ্য অনুসৰি ক’ভিড-১৯ ত আক্ৰান্ত সংখ্যা দুই শতাধিক অতিক্ৰম কৰিছে। ইফালে এই পৰ্যন্ত ক’ভিডত আক্ৰান্ত হৈ চাবুৱাত ৪ জন লোকৰ মৃত্যু বৰণ হৈছে । ইতিমধ্যে ক’ভিডত মৃত্যু হোৱা জেৰাই গাঁৱৰ টুটু ভূঞা নামৰ ব্যক্তি গৰাকীক চাবুৱাস্থিত শ্মশান ঘাটলৈ সৎকাৰৰ বাবে নিয়াৰ ক্ষেত্ৰত স্থানীয় প্ৰশাসনে চাবুৱা পৌৰ সভাৰ জাবৰ পেলোৱা গাড়ী ব্যৱহাৰ কৰিবলগীয়া হৈছে। জাবৰ পেলোৱা গাড়ীত মৃতদেহ কঢ়িয়াই নিয়াৰ খবৰে চাবুৱাবাসীক স্তম্ভিত কৰি তুলিছে। খুদ মুখ্যমন্ত্ৰী সৰ্বানন্দ সোণোৱালৰ গৃহস্থান হিচাপে পৰিচিত বৃহত্তৰ চাবুৱা অঞ্চলৰ বাবে মৃতদেহ কঢ়িওয়া এখন গাড়ী তথা ডেডবদী কেৰিয়াৰ ভেন অদ্যপি অভাৱ হৈ থকা বিষয়টো এক দুৰ্ভাগ্যজনক বিষয় হিচাপে বিবেচিত হৈছে । টুটু ভূঞাৰ মৃতদেহ কঢ়িওয়াৰ ক্ষেত্ৰতে নহয় আন আন সময়তো মৃতদেহ পৰিয়ালবৰ্গই ব্যক্তিগত বাহন , ভাৰাতীয়া বাহনৰ উপৰিও কেতিয়াবা ঠেলাগাড়ীতো মৃতদেহ কঢ়িয়াবলগীয়াৰ পৰিস্থিতি উদ্ভভ হৈছে। পানীতোলা প্ৰাথমিক স্বাস্থ্য কেন্দ্ৰ, বিশ্ব স্বাস্থ্য কেন্দ্ৰ ,মহাত্ম গান্ধী আদৰ্শ চিকিৎসালয় , টাটা ৰেফাৰেল এণ্ড ৰিচাৰ্ছ ইনষ্টিটিউট আৰু চেন্ট ল’ক হাস্পতালৰ দৰে  চিকিৎসালয় থকাৰ পিছটো কিয় আজিলৈকে ডেডবদী কেৰিয়াৰ ভেন চাবুৱাত নাই সেয়া এক নুবুজা সাঁথৰত পৰিণত হৈছে। চাবুৱাবাসীৰ আশা চাবুৱা বিধানসভা সমষ্টিৰ নৱ-নিৰ্বাচিত বিধায়ক পোনাকণ বৰুৱাই চাবুৱাৰ এই দীৰ্ঘদিনীয়া অভাৱ অচিৰেই সমাধা কৰি মৃতকৰ পৰিয়ালসমূহক সকাহ প্ৰদান কৰিব।

পূব শোণিতপুৰ বন সংমণ্ডলৰ অন্তৰ্গত বৰগাং বনাঞ্চলিক বন বিভাগৰ কাৰ্যালয়ত একাংশ  বন কৰ্মী গুৰুত্বহীণৰ  বাবে এতিয়া সুবিধা লৈছে একাংশ শিল বালি সৰবৰাহকাৰীয়ে।
 বৰগাং বনাঞ্চলিক কাৰ্যালয়ত পূৰ্বে থকা ৪ নং বালি মহলটো বুৰৈ নদীৰ বুৰৈ দলং আৰু ৰেল দলংৰ লগতে তলতে একাংশ বালি সৰবৰাহকাৰীয়ে অবৈধ ভাৱে বালি সৰবৰাহ কৰি থকা বাতৰি ৫ মে’ত  প্ৰকাশ পাইছিল একমাত্ৰ  দৈনন্দিন বাৰ্তা ।
বাতৰিত প্ৰকাশ পোৱা ধৰনে  বুৰৈ নদীৰ ৪ন‌ং আৰু ৩নং শিল বালিৰ মহলটোৰ পৰা একাংশ লোকে  চালান অবিহনে আৰু অবৈধ ভাৱে বালি শিল খনন  কৰি আহিছিল।উক্ত   শিল-বালি অবৈধ খনন  সংগ্ৰহ কৰি থকাৰ পাচতো উক্ত অঞ্চলটো  দায়িত্ব থকা  বন বিভাগৰ লোকে কোনো ব্যৱস্থা গ্ৰহণ নকৰি  মৌনতা অৱলম্বন কৰি থকা কাৰ্য একমাত্ৰ দৈনন্দিন বাৰ্তাই পোহৰলৈ আনিছিল তথ্য সহকাৰে ।তথ্য সহকাৰে ৫ মে’ত  বাতৰি প্ৰকাশ পোৱা পাছতে গা লৰিল বৰগাং বনাঞ্চলিক কাৰ্যালয় বন বিষয়াকে ধৰি বন কৰ্মী সকলৰ । শনিবাৰে   বৰগাঙৰ বনাঞ্চলিক কাৰ্যালয়  বন পালক এক ৰাজেন দাসৰ নেতৃত্বত পুৱা ৫ মান বজাত বন কৰ্মীৰ এটা  দলে বুৰৈ নদীৰ পৰা অবৈধ ভাৱে খনন কৰি বালি  কঢ়িয়াই নিয়া এখন বালি ভৰ্তি টেক্টৰ জব্দ কৰিবলৈ সক্ষম হয়। ইফালে তাৰ পাছতে  পুৱা  ১০ মান বজাত আন এটা  বন কৰ্মী দলে উক্ত স্থানৰ ৪ নং বালি  মহলটো পৰাই  পুনৰ ২ খন অবৈধ ভাৱে বালি সংগ্ৰহ কৰা টেক্টৰ  জব্দ কৰি কাৰ্যালয়লৈ আহে।
উল্লেখযোগ্য যে বাতৰি প্ৰকাশ পোৱা পাছতে বৰগাং বন বিভাগৰ লোকৰ  এনে তৎপৰতা এতিয়া সৰ্বতে চৰ্চাৰ লাভ কৰিছে।বাতৰি প্ৰকাশ পোৱা পাছতে  এটা দিনতে বুৰৈ নদীৰ পৰা অবৈধ ভাৱে  বালি সৰবৰাহ কৰা   চালান নোহোৱা বালি ভৰ্ত্তি ট্ৰেক্টৰ জব্দ কৰা কাৰ্যই  তীব্ৰ প্ৰতিক্ৰিয়া সৃষ্টি কৰিছে।‌আনহাতে আন এক অভিযোগ উঠিছে বুৰৈ নদীৰ ৪ নং মহলটো পৰা দীৰ্ঘদিন ধৰি  একাংশ শিল বালি সৰবৰাহকাৰীয়ে  বন বিভাগৰ একাংশ লোকক  চকুত ধূলি দি নি আছিল যদিও  যোৱা দুটা দিনত বন বিভাগৰ তৎপৰতা ফলত  উক্ত মহলটো পৰা  অবৈধ বালি খনন কৰা কিছু  পৰিমাণে হ্ৰাস পোৱা বুলি জানিবলৈ দিয়ে।উল্লেখযোগ্য যে   বুৰৈ নদীৰ লালপুখুৰী, বুৰৈ দলংৰ কাষত, বুৰৈ নদীৰ ৪ নং মহলৰ পূৰ্ব দিশত, ৰৌমাৰি, আদি অঞ্চলত পূৱা ভাগত একাংশ  টেক্টৰ চালকে  শিল বালি সৰবৰাহ কৰিবলৈ একাংশই বিভিন্ন কৌশল ৰচনা কৰাও পৰিলক্ষিত হৈছে ।এই ক্ষেত্ৰত যদি পূৰ্ব শোণিতপুৰ বন সংমণ্ডল বিষয়া গৰাকী আৰুবৰগাং বনাঞ্চলিক বিষয়া কঠোৰ নহয় তেন্তে পুনৰ উক্ত অঞ্চলত পূৰ্বৰ দৰেই অবৈধ বালি খনন সৰবৰাহ কৰিবলৈ সুযোগ গ্ৰহণ কৰিব বুলি ধাৰণা কৰা হৈছে ।সেইহে উক্ত নদী খনৰ মহলটো ওপৰত চোকা নজৰ দিবলৈ বন বিভাগক আহ্বান জনাইছে বিভিন্ন দল সংগঠনে।

 আজি বিশ্ব ৰেডক্ৰছ ছচাইটিৰ প্ৰতিষ্ঠাৰ দিবস। সমগ্ৰ বিশ্বৰ লগতে তিনিচুকীয়াৰ জিলাৰ মাৰ্ঘেৰিটাতো ৰেডক্ৰছ ছচাইটিৰ উদ্যোগত পালন কৰা হৈছে বিশ্ব ৰেড ক্ৰছ ছচাইটিৰ দিবস।ৰাজ্যত অৱ্যাহত থকা ক’ভিড ১৯ ৰ ভয়ঙ্কৰ মহামাৰীৰ প্ৰতি লক্ষ ৰাখি আজি তিনিচুকীয়া জিলাৰ  অন্তৰ্গত মাৰ্ঘেৰিটা শাখা ৰেডক্ৰছ ছছাইটিয়ে অনুষ্টুপিয়াকে পালন  কৰে প্ৰতিষ্ঠাৰ দিৱসটি। পুৱা পতাকা উত্তোলনৰ পিছতে ৰেড ক্ৰছ ছচাইটিৰ  প্ৰতিষ্ঠাপক জন হেনৰি ডোনাল্টৰ প্ৰতিছবিত মাল্য অৰ্পণৰ কৰি শ্ৰদ্ধাঞ্জলী জ্ঞাপন কৰা হয়|  ৰেড ক্ৰছ ছছাইটি মাৰ্ঘেৰিটা শাখাৰ তৰফৰ পৰা প্ৰায় শতাধিক লোকক বিনামূলীয়াকৈ মাস্ক বিতৰণ কৰা লগতে সজাগতামূলক ভাৱে বিভিন্ন ৰাজহুৱা স্থানত বেনাৰ ,পষ্টাৰ আদি আৰি সৰ্বসাধাৰণ লোকক ক’ৰোনাৰ পৰা সাৱধনতা অৱলম্বনৰ বাবে প্ৰচেষ্টা হাতত লোৱা দেখা যায়|

কামৰূপ জিলাৰ নগৰবেৰা আৰক্ষী থানাৰ অন্তৰ্গত মেধিপাৰা গাঁওৰ হৰিপদ কলিতাৰ একমাত্ৰ পুত্ৰ প্ৰাঞ্জল কলিতা (২৯) নামৰ এগৰাকী যুৱকক গুৱাহাটীৰ বেলতলাৰ ধৰ্মপুৰত শোৱাপাটীতে দূবৃত্তই হানি খুচি নৃশংসভাৱে হত্যা কৰাৰ প্ৰায় ৪০ দিন উকলি যোৱাৰ পাছতো মহানগৰ আৰক্ষীয়ে হত্যাকাৰীক কৰায়ত্ব কৰিব নোৱাৰাত ক্ষোভ প্ৰকাশ কৰিছে পৰিয়ালৰ লগতে গাঁওবাসীয়ে। পৰিয়ালৰ লোকে জনোৱা মতে প্ৰাঞ্জল কলিতাই পৰিয়ালৰ দাৰিদ্ৰতা মোচনৰ বাবে গুৱাহাটীৰ বেলতলাত সত্যজিৎ ডেকা নামৰ এগৰাকী লোকৰ জি ডি মীট শ্বপ নামৰ ব্যৱসায় প্ৰতিষ্ঠানত কাম কৰিছিল। যোৱা ২১ মাৰ্চত দোকান সামৰি বেলতলাৰ ভাড়াঘৰত শুই থকা অৱস্থাত নিশা  কোনো দুৰ্বৃত্তই প্ৰাঞ্জল কলিতাক চোকা অস্ত্ৰৰে হানি খুচি হত্যা কৰে। পিছত কেইজনমান লোকে যুৱকজনক তেজে তুমৰলি হৈ পৰি থকা অৱস্থাত প্ৰত্যেক্ষ কৰে। ২২ মাৰ্চত পুৱা এই চাঞ্চল্যকৰ  হত্যাকাণ্ডৰ খৱৰ বিয়পি পৰাত ঘটনাস্থলীত দিছপুৰ  আৰক্ষীৰ লোক উপস্থিত হৈ মৃতদেহটো উদ্ধাৰ কৰি  মৰণোত্তৰ পৰীক্ষাৰ বাবেগুৱাহাটী চিকিৎসা মহাবিদ্যালয় হাস্পতাললৈ  প্ৰেৰণ কৰে আৰু এক গোচৰ পঞ্জীয়ণ কৰি তদন্ত প্ৰক্ৰিয়া অব্যাহত ৰাখে।সেই সময়ত  আৰক্ষীয়ে ঘটনাত জড়িত অপৰাধীক শীঘ্ৰে গ্ৰেপ্তাৰৰ আশ্বাস দিছিল যদিও হত্যাকাণ্ড সংঘটিত হোৱাৰ প্ৰায় ৪০ দিন পাছতো দিছপুৰ আৰক্ষীয়ে ঘটনা সন্দৰ্ভত কোনো এজন ব্যক্তিক গ্ৰেপ্তাৰ কৰিব নোৱাৰাত ক্ষোভ প্ৰকাশ কৰিছে প্ৰাঞ্জল কলিতাৰ পৰিয়ালৰ লগতে মেধিপাৰা গাঁওৰ একাংশ সচেতন লোকে।ইফালে প্ৰাঞ্জল কলিতাই কাম কৰা উক্ত ব্যৱসায় প্ৰতিষ্ঠানৰ সত্বাধিকাৰী সত্যজিৎ ডেকাও নীৰৱ ভূমিকা গ্ৰহন কৰাৰ অভিযোগ উত্থাপন কৰিছে প্ৰাঞ্জল কলিতাৰ পৰিয়ালৰ লোকে। অতি দৰিদ্ৰ পৰিয়ালৰ যুৱক প্ৰাঞ্জল কলিতাৰ হত্যাকাৰীক যিকোনো প্ৰকাৰে গ্ৰেপ্তাৰ কৰি দৃষ্টান্তমূলক শাস্তি প্ৰদান কৰিবলৈ মহানগৰ আৰক্ষীক দাবী জনাইছে পৰিয়ালৰ লগতে মেধিপাৰা গাঁওবাসীয়ে ।