মুখ্যমন্ত্ৰী ড০হিমন্ত বিশ্ব শৰ্মাৰ চিন্তাৰে দৰং জিলাৰ ছিপাঝাৰ সমষ্টিৰ ধলপুৰৰ বেদখলকৃত ভূমিত বহুমুখী কৃষি প্ৰকল্প গঢ়াৰ প্ৰাৰম্ভিক চিন স্বৰূপে মঙলদৈ লোকসভা সমষ্টিৰ সাংসদ তথা ভাৰতীয় জনতা পাৰ্টীৰ ৰাষ্ট্ৰীয় সাধাৰণ সম্পাদক দিলীপ শইকীয়াৰ উপস্থিতিত আজি ছিপাঝাৰ মহাবিদ্যালয়ৰ প্ৰেক্ষাগৃহত আনুষ্ঠানিকভাৱে মুকলি কৰা হয় কৃষক গোট পঞ্জীয়ন বিশেষ শিবিৰ।

শিবিৰ মুকলি অনুষ্ঠানত ছিপাঝাৰ সমষ্টিৰ বিধায়ক ড০ পৰমানন্দ ৰাজবংশীৰ লগতে উপস্থিত থাকে ছিপাঝাৰ মহাবিদ্যালয়ৰ অধ্যক্ষ ডঃ প্ৰদীপ চন্দ্ৰ ডেকা , উপাধ্যক্ষ ডঃ ৰাম চন্দ্ৰ ডেকা , দৰং জিলা বিজেপি , ছিপাঝাৰ মণ্ডল বিজেপিৰ কৰ্মকতা সকলৰ লগতে অগপ নেতা হবিবৰ ৰহমান।

–এনে বহুমুখী প্ৰকল্পৰ জৰিয়তে আমাৰ মাটি,আমাৰ শ্ৰম, আমাৰ উপাৰ্জনৰ যি চিন্তা আগত লৈ আমি আগবাঢ়িছোঁ সেয়া নিশ্চয়কৈ ফলপ্ৰসূ হ’ব ।

চেন্নাইৰ আৰিগনাৰ আন্না চিৰিয়াখানাত ক’ভিড-১৯ ৰ ফলত দুটা সিংহৰ মৃত্যু হোৱাৰ এসপ্তাহৰ পিছত, চাৰিটা সিংহৰ দেহত ক’ভিড-১৯ৰ ডেল্টা ভেৰিয়েণ্টৰ (বি.1.617.2) পজিটিভ পোৱা গৈছে।

আৰিগনাৰ আন্না চিৰিয়াখানাই ক’ভিডৰ পৰীক্ষাৰ বাবে ১১ টা সিংহৰ নমুনা প্ৰেৰণ কৰিছিল। ৩ জুনত ভূপালৰ এন.এইচ.এছ.এ.ডি.-য়ে প্ৰেৰণ কৰা প্ৰতিবেদন অনুসৰি, ৯ টা সিংহ ক’ৰোনা সংক্ৰমিত হোৱা দেখা যায়।

অহা ২১ জুনৰ পৰা সমগ্ৰ ৰাজ্যতে আৰম্ভ হ’বলগীয়া বৰ্ধিত টিকাকৰণ অভিযান সন্দৰ্ভত ৰাজ্যখনৰ সকলো জিলাৰ উপায়ুক্ত, আৰক্ষী অধীক্ষক, স্বাস্থ্য সেৱাৰ যুটীয়া সঞ্চালক আৰু চিকিৎসা মহাবিদ্যালয়কেইখনৰ অধ্যক্ষসকলৰ সৈতে ভিডিঅ’ কনফাৰেন্সিং ব্যৱস্থাৰে মুখ্যমন্ত্ৰী ড০ হিমন্ত বিশ্ব শৰ্মাই আজি এখন গুৰুত্বপূৰ্ণ বৈঠকত মিলিত হয় ৷ এই বৈঠকত মুখ্যমন্ত্ৰী ড০ শৰ্মাই তলত উল্লেখ কৰা নিৰ্দেশনাৱলীসমূহ প্ৰদান কৰে– মুখ্যমন্ত্ৰীয়ে অহা ২১ জুনৰ পৰা সমগ্ৰ ৰাজ্যখনত প্ৰতিদিনে তিনি লাখ লোকক টিকাকৰণ কৰাৰ লক্ষ্যত উপনীত হোৱাৰ বাবে এই কাৰ্যসূচী অভিযান আকাৰে ৰূপায়ণৰ বাবে জিলা উপায়ুক্তসকলক নিৰ্দেশ দিয়ে৷ তেখেতে ২১ জুনৰ পৰা ৩০ জুনলৈ এই লক্ষ্য বাহাল ৰখাৰ পদক্ষেপ ল’বলৈও নিৰ্দেশ দিয়ে৷ এই বৰ্ধিত টিকাকৰণ অভিযান তদাৰক কৰাৰ বাবে জিলাসমূহৰ অভিভাৱক মন্ত্ৰী আৰু তেওঁলোকৰ সচিবসকলে আগন্তুক সাত দিন সংশ্লিষ্ট জিলাসমূহত বাহৰ পাতি সমগ্ৰ কাম-কাজৰ তদাৰক কৰিব৷অহা ২১ জুনৰ পৰা কেন্দ্ৰীয় চৰকাৰে ১৮ বছৰ ঊৰ্ধ্বৰ সকলো লোকলৈ বিনামূলীয়া ভেকচিন প্ৰদান কৰিব ৷ সেয়েহে ২১ জুনৰ পৰা টিকাকৰণৰ ক্ষেত্ৰত কোনো পৃথক গোট নাথাকিব৷ ১৮ বছৰৰ ঊৰ্ধ্বৰ সকলো লোকে এই টিকা ল’ব পাৰিব৷ টিকাকৰণ কেন্দ্ৰসমূহত নিয়োজিত টিকা কৰ্মীসকলে পৰিবহণ ব্যয়ৰ নামত প্ৰতিদিনে ১০০ টকাকৈ লাভ কৰাৰ উপৰি প্ৰয়োজনীয় খাদ্য-সামগ্ৰীও লাভ কৰিব৷ ৰাজ্যখনত সৰ্বমুঠ ২ হাজাৰটা টিকাকৰণ কেন্দ্ৰৰ ব্যৱস্থা থাকিব৷নগৰ অঞ্চলত ২টা খেপত ৰাতিপুৱা ৮ বজাৰ পৰা নিশা ৮ বজালৈ টিকাকৰণ অব্যাহত থাকিব৷ আনহাতে, গ্ৰামাঞ্চলত ৰাতিপুৱা ৮ বজাৰ পৰা দিনৰ ১ বজালৈ এই কেন্দ্ৰসমূহে সেৱা অব্যাহত ৰাখিব৷ এই সময়খিনিৰ ভিতৰত কেন্দ্ৰত প্ৰৱেশ কৰা সকলো লোককে টিকাকৰণ কৰা হ’ব৷ এই অভিযান সফল কৰাৰ বাবে তৃণমূল পৰ্যায়লৈকে জনসচেতনতা সৃষ্টিৰ পদক্ষেপ ল’বলৈ মুখ্যমন্ত্ৰীয়ে স্বাস্থ্য বিভাগক নিৰ্দেশ দিয়ে৷ মুখ্যমন্ত্ৰীয়ে লগতে স্বেচ্ছাসেৱী সংস্থা, সামাজিক সংগঠন তথা ৰাজনৈতিক কৰ্মীসকলকো জনসাধাৰণক টিকা গ্ৰহণৰ দিশত উদ্বুদ্ধ কৰাৰ বাবে আহ্বান জনায়৷ নিজৰ নিজৰ কৰ্মস্থলীত যাতে সোনকালে যোগদান কৰিব পাৰে তাৰ বাবে মুখ্যমন্ত্ৰীয়ে সকলো চৰকাৰী কৰ্মচাৰী, ব্যক্তিগত প্ৰতিষ্ঠানৰ কৰ্মচাৰী, দোকানী ইত্যাদিক এই টিকা গ্ৰহণৰ বাবে আগবাঢ়ি আহিবলৈও আহ্বান জনায়৷চাহ বাগিচাকে ধৰি সকলো অঞ্চল এই ব্যাপক কাৰ্যসূচীৰে সঠিকভাৱে সামৰাৰ পদক্ষেপ ল’বলৈ তেখেতে নিৰ্দেশ দিয়ে৷দুখীয়া-নিছলা তথা নিৰক্ষৰ জনসাধাৰণক টিকাকৰণৰ পঞ্জীয়নত সহায় কৰাৰ বাবে সকলো টিকাকৰণ কেন্দ্ৰত থিতাতে পঞ্জীয়ন কৰিব পৰা একোগৰাকীকৈ সুনিৰ্দিষ্ট পঞ্জীয়ন কৰ্মী থাকিব বুলিও তেখেতে কয়৷

ধুবুৰীত ব্ৰহ্মপুত্ৰৰ মাজত জব্দ হয় চাউলভৰ্তি নাওঁ। বাংলাদেশলৈ সৰবৰাহ কৰা চাউলভৰ্তি নাওঁ জব্দ কৰে আৰক্ষীয়ে। বিলাসীপাৰাৰ পৰা দক্ষিণ শালমাৰা অভিমুখে বৃহৎ পৰিমানৰ চোৰাং চাউল বাংলাদেশলৈ সৰবৰাহ কৰাৰ সময়তে ব্ৰহ্মপুত্ৰত জব্দ কৰে আৰক্ষীয়ে। ধুবুৰী আৰক্ষীয়ে গোপন খবৰৰ ভিত্তিত ব্ৰহ্মপুত্ৰত শুক্ৰবাৰে সন্ধিয়া অভিযান চলাই জব্দ কৰে বৃহৎ পৰিমানৰ FCI চোৰাং চাউল। লগতে সৰবৰাহ কৰা দুজন লোকক আটক কৰে আৰক্ষীয়ে। ধৃত লোক দুজন পাছেৰ আলী আৰু ছমীৰন সেখ বুলি জানিব পৰা গৈছে। সম্প্রতি ঘটনা সম্পর্কত ধুবুৰী আৰক্ষীয়ে তদন্ত অব্যাহত ৰাখিছে।

নগাঁও জিলাৰ ধিং ৰাজহ চক্ৰৰ অধিনস্থ বৃহত্তৰ লহকৰ ঘাট গাঁৱত । দীৰ্ঘদিন ধৰি চৰকাৰী গাঁওবুঢ়া নথকাত ব্যাপক সমস্যাৰ সন্মুখীন হ’ব লগাত পৰিছে । এখন চৰকাৰী গাঁওবুঢ়াৰ প্ৰমাণ পত্ৰ কিম্বা এটা চহীৰ বাবে হাবাথুৰি খাবলগীয়া পৰিস্থিতিৰ সৃষ্টি হৈছে অঞ্চলটোৰ সৰ্বসাধাৰণ ৰাইজে । কিয়নো বিগত সময়চোৱাত এইখন অঞ্চলত ডিম্বেশ্বৰ শইকীয়া নামৰ এজন চৰকাৰী গাঁওবুঢ়া আছিল যদিও এবছৰমান পূৰ্বে লহকৰ গাঁৱত সংঘটিত হৈছিল এক অপৃতিকৰ ঘটনা । উক্ত ঘটনাত কোনো ধৰণৰ তথ্য নোহোৱাকৈ একাংশ লোকে চৰকাৰী গাঁওবুঢ়া ডিম্বেশ্বৰ শইকীয়ৰ ওপৰতো অভিযোগ আনিছিল । আৰু সেই অভিযোগৰ ভিত্তিত ধিং ৰাজহ চক্ৰৰ চক্ৰ বিষয়াই ডিম্বেশ্বৰক গাঁওবুঢ়া পদবীৰ পৰা নিলম্বিত কৰিছিল । আৰু সেই তেতিয়াৰ পৰাই চৰকাৰী গাঁওবুঢ়া অবিহনেই ব্যাপক সমস্যাৰ মাজেৰে চলি আহিছে অঞ্চলবাসী । ঘটনাটোৰ সত্যাসত্যৰ সন্দৰ্ভত ইতিমধ্যে ডিম্বেশ্বৰ শইকীয়া আৰু অঞ্চলটোৰ শতাধিক ৰাইজৰ স্বাক্ষৰিত এক আবেদন দাখিল কৰিছে নগাঁও জিলা উপায়ুক্ত আৰু ধিং চক্ৰ বিষয়াক । আনহাতে ধিং সমষ্টিৰ বিধায়ক আমিনুল ইছলাম আৰু লহকৰ ঘাট গাঁও পঞ্চায়তৰ সভাপতি সহ অঞ্চলবাসীয়ে ডিম্বেশ্বৰ শইকীয়াৰ নিলম্বন প্ৰত্যাহাৰ কৰি পুনৰ চৰকাৰী গাঁওবুঢ়াৰ পদত নিযুক্তি দি অঞ্চলটোৰ ৰাইজক উপকৃত কৰিবলৈ নগাঁও জিলা উপায়ুক্ত মহোদয়ক অনুৰোধ জনাইছে ।