কি উজনি, কি নামনি সমগ্ৰ ৰাজ্যজুৰি নৱ প্ৰজন্মৰ বৰবিহ স্বৰূপ  ড্ৰাগছৰ বিৰুদ্ধে অভিযান তীব্ৰতৰ কৰি অসম আৰক্ষীয়ে।বিগত এমাহ ধৰি এনে অভিযানৰ ফলত অসম আৰক্ষীৰ জালত বৰ্তমানৰলৈকে এক শতাধিক ড্ৰাগছ সৰবৰাহীক তথা সেৱনকাৰীক আটক কৰি কাৰাগাৰলৈ নিক্ষেপ কৰাৰ উপৰি ও কেইবাকোটিৰ মূল্যৰ ড্ৰাগছৰ লগতে  চিৰিঞ্ছ,কণটেইনাৰ নগদ ধনৱো আদি উদ্ধাৰ কৰি ড্ৰাগছ মুক্ত সমাজ ৰাজ্য গঢ়াৰ দিশে অসম আৰক্ষীয়ে ড্ৰাগছ সৰবৰাহকাৰী,সেৱনকাৰীৰ বিৰুদ্ধে দিনে-নিশাই অভিযান  অব্যাহত ৰাখিছে।ঠিক অনুৰূপ ধৰণে বাকসা আৰক্ষী অধীক্ষক সৎ,নিষ্ঠাৱান,দক্ষ বিষয়া ৰাজেন সিংঙৰ কঠোৰ নিৰ্দেশ মৰ্মে আজি পুৱা প্ৰায় ৫মান বজাত গোবৰ্ধণা আৰক্ষী থানাৰ ভাৰপ্ৰাপ্ত বিষয়া নৱজিত তালুকদাৰৰ নেতৃত্বত যোৱা এটি আৰক্ষী দলে গোপন সূত্ৰৰ ভিত্তিত ডুমৰুগুৰি অঞ্চলৰ পৰা এচ ০১ডিকে৯৭২৮ নম্বৰৰ এখন এলটো গাড়ীসহ দুই যুৱক ক্ৰমে পূৱ-ছাফাকামাৰ পুলক নাথ,হটাপাৰাৰ অনছুমা দৈমাৰীক আটক কৰে।আঠকাধীন দুই যুৱকৰ পৰা আৰক্ষীয়ে ৬.৫৯গ্ৰাম হিৰইন,১টা মবাইল হেন্ডচেট,১টা চিৰিঞ্ছ সহ নগদ ১৪ হেজাৰ ৬শ ৫০ টকা জব্দ কৰে‌।গোবৰ্ধণা আৰক্ষী থানাত আটকাধীন দুই ড্ৰাগছ সৰবৰাহকাৰী জেৰা অব্যাহত ৰাখিছে।উল্লেখযোগ্য যে বাকসা আৰক্ষীয়ে যোৱা ২৩ মেৰ পৰা বৰ্তমান লৈকে শিমলাগুৰি আৰক্ষী চকীৰ পৰা ৪ টা,শিমলা আৰক্ষী থানাৰ পৰা ৬টা ড্ৰাগছ সেৱনকাৰী তথা সৰবৰাহ কাৰীক গ্ৰেপ্তাৰ কৰি কাৰাগাৰলৈ প্ৰেৰণ কৰিছিল।

 যোৱা কালি দৰং জিলাৰ অন্তৰ্গত চিপাঝাৰ সমষ্টিৰ ধলপুৰ চৰ চাপৰিত অৱস্থিত ঐতিহ্যমণ্ডিত শিৱমন্দিৰ পৰিদৰ্শন কৰে অসমৰ নব নিৰ্বাচিত  মুখ্যমন্ত্ৰী ডঃ হিমন্ত বিশ্ব শৰ্মাই । ভ্ৰমণকালত সংগ দিয়ে দৰং জিলা অভিভাৱক মন্ত্ৰী চন্দ্রমোহন পটুৱাৰী, চিপাঝাৰ সমষ্টিৰ বিধায়ক পৰমানন্দ ৰাজবংশী, মঙলদৈৰ প্ৰাক্তন বিধায়ক গুৰুজ্যোতি দাসে। ভ্ৰমনস্থলীত অসম সংখ্যালঘু সংগ্ৰাম পৰিষদৰ কেন্দ্ৰীয় সমিতিৰ সভাপতি  মহম্মদ আলী খলিফা, দৰং জিলা সমিতিৰ সাধাৰণ সম্পাদকদ্বয় নুৰমহম্মদ আলি,মফিদুল ইছলামে উপস্থিত হৈ  মুখ্যমন্ত্ৰী গৰাকীক অসমীয়াৰ জাতীয় স্বাভিমান এটি শৰাই, ফুলাম গামোচা আৰু জাপিৰে সম্বৰ্ধনা জনায়। ইয়াৰ লগতে চিপাঝাৰ আঞ্চলিক অসম সংখ্যালঘু সংগ্ৰাম পৰিষদৰ তৰফৰ পৰা চিপাঝাৰ সমষ্টিৰ সংখ্যালঘু এলেকাৰ লোকসকলৰ বিভিন্ন সমস্যা ৰাজিৰ ওপৰত ১০ দফীয়া দাবীৰে মুখ্যমন্ত্ৰী গৰাকীক স্মাৰক পত্ৰ প্ৰদান কৰে । ঐতিহাসিক ধলপুৰ শিৱধামৰ ভূমি সংৰক্ষিত কৰি ঐতিহাসিক পৰ্যটন স্থলী ৰূপে চকাৰীভাৱে ব্যবস্থা কৰা, ধলপুৰ শিৱধামলৈ অহা পৰ্যটকসকলৰ সুবিধাৰ বাবে গৰুখুটি আকবৰি চকৰ পৰা ভেটিবজাৰ হৈ ঢলপুৰ শিৱধামলৈ পথটো নিৰ্মান কৰা, চৰাঞ্চলৰ একমাত্ৰ মাধ্যমিক আৰু উচ্চ শিক্ষাৰ প্ৰতিষ্ঠান ধলপুৰ কীৰকাৰা আঞ্চলিক উচ্চতৰ মাধ্যমিক বিদ্যালয়খন চৰকাৰীকৰন কৰা, চিপাঝাৰ চৰ অঞ্চলৰ একমাত্ৰ ধলপুৰ ভেটি বজাৰ চৰ প্ৰাথমিক স্বাস্থ্য কেন্দ্ৰ লগতে উপ স্বাস্থ্য কেন্দ্ৰ সমূহত পর্যয়াপ্ত  পৰিমানে স্বাস্থ্য কৰ্মী নিয়োগ কৰা, ৬৬ নং চিপাঝাৰ বিধান সভা সমষ্টিৰ অন্তৰ্গত সানোৱা আৰু বাজানা পথাৰ গাঁও পঞ্চায়তৰ চৰ অঞ্চলৰ উন্নয়ন মূলক মুকলি কৰা,চিপাঝাৰ অঞ্চলৰ মহাবাহুৰ গৰাখনিয়া বৈজ্ঞানিক পদ্ধতিৰে ৰোধ কৰা, চিপাঝাৰ অঞ্চলত বৈদ্যুতিক শক্তি যোগান ধৰা, ধলপোৰত উচ্ছেদিত পৰিয়াল সমূহক ভূমি আবন্টনৰ লগতে পুনৰ সংস্থাপন কৰা, চিপাঝাৰ অঞ্চলত যোগ যোগ ধৰি বসতি কৰা নাগৰিকক ভূমি পট্টা দিয়া, চিপাঝাৰ অঞ্চলৰ নাগৰিকক ভেকচিন প্ৰদান কৰা, ঢলপুৰ আৰক্ষী পহৰা চকীখন পূৰ্ণাংগ আৰক্ষী চকীলৈ ৰূপান্তৰ কৰাৰ দাবী সম্বলিত  স্মাৰক পত্ৰ খন মুখ্যমন্ত্ৰী গৰাকীৰ হাতত প্ৰদান কৰে । আনহাতে ঐতিহাসিক শিৱ মন্দিৰ খন সুৰক্ষা প্ৰদান কৰাৰ স্বাৰ্থত মন্দিৰ পৰিচালনা সমিতিৰ লগতে অসম সংখ্যালঘু সংগ্ৰাম পৰিষদৰ বিষয় ববীয়াক লগত থাকিবলৈ আহ্বান জনায় মুখ্যমন্ত্ৰী হিমন্ত বিশ্ব শৰ্মাই। ইয়াৰ উপৰিও ধলপুৰ হব লগীয়া পৰ্যটনস্থলী আৰু সকলো উন্নয়ন মূলক কামত সংগঠটোৰ সমৰ্থনৰ আহ্বান জনায় মুখ্যমন্ত্ৰী গৰাকীয়ে। ।

 আজি মৈৰাবাৰী আৰক্ষী নিৱেশৰ ভাৰপ্ৰাপ্ত আৰক্ষী বিষয়া মৃদুল হাজৰিকাৰ নেতৃত্বত যোৱা এটি দলে মৈৰাবাৰীৰ ওচৰতে থকা দুৰাবান্ধি অঞ্চলত এটি অভিযান চলায়। উক্ত অভিযানত মফিজ উদ্দিন নামৰ এজন ড্ৰাগছ মাফিয়াৰ ঘৰত তালাচী চলাই মফিজ উদ্দিনক গ্ৰেপ্তাৰ কৰাত সক্ষম হয়।উক্ত আচামিজনৰ ঘৰৰ পৰা ১৩৭৮ টা নিচাজাতীয় টেবলেট, লিকু, চিৰাপ ৫০ বটল, আৰু ৫৫০০ টকা উদ্ধাৰ কৰিবলৈ সক্ষম হয়।মফিজ উদ্দিন নামৰ এই ব্যক্তিজনে বহু দিনৰ পৰা এই ব্যৱসায় চলাই আছিল। কিন্তু কোনো প্ৰমাণ আৰক্ষীৰ হাতত নাছিল। আজি এক গোপন সূত্ৰৰ পম খেদি আৰক্ষীৰ দলে এনে এক অভিযান চলাই তেওঁক আটক কৰিবলৈ সক্ষম হয়। আৰক্ষীৰ এনে সফলতাক সচেতন মহলে ভূয়সী প্ৰসংশা কৰে। শ্ৰী মৃদুল হাজৰিকাই আগলৈয়ো এনে অভিযান অব্যাহত থাকিব বুলি সাংবাদিকৰ আগত ব্যক্ত কৰে।

বৰপেটাৰ পৰা নিখিল দাসৰ প্ৰতিবেদন,৮ জুন:: বৰপেটাত ক্ৰমাৎ বৃদ্ধি পাই আহিছে ড্ৰাগছ আৰু সুৰাৰ ব্যৱসায়ী । একাংশই চলাই এ আহিছে  এনে অবৈধ ব্যৱসায়। বৰপেটা আৰক্ষীয়ে অভিযান চলাই দুজন সুৰাৰ ব্যৱসায়ীক আটক কৰিবলৈ সক্ষম হয়। আতকধীন ব্যৱসায়ী দুজন বৰপেটা চহৰৰ দহাতিৰ সঞ্জয় দাস আৰু ফাতাহাটীৰ দণ্ডজিত ওজাক আটক কৰে। তেওঁলোকৰ পৰা বৃহৎ পৰিমাণৰ সুৰা জব্দ কৰে।এই দুজন ব্যৱসায়ীযে দীৰ্ঘদিন ধৰি সুৰাৰ ৰোমৰমীয়া ব্যৱসায় চলাই আছিল।ইতিমধ্যে আৰক্ষীয়ে এই সংক্ৰান্তত1344/21 ধাৰাৰ অধীনত এটা গোচৰ ৰুজু কৰে আৰু মহামান্য আদালতত প্ৰেৰণ কৰে।

বকোৰ আগছিয়াৰ পৰাও গাড়ীসহ জব্দ বৃহৎ পৰিমানৰ ফলাকাঠ

বন মাফিয়াৰ হাতোৰাত বন্দী পশ্চিম কামৰূপ বন সংমণ্ডল প্ৰাধিকাৰী বিষয়াৰ কাৰ্যালয়ৰ অধীনস্থ সংৰক্ষিত বনাঞ্চলসমূহ সম্প্ৰতি উছন হোৱাৰ পথত ৷ দীৰ্ঘদিন ধৰি ইয়াৰ মূল্যৱান বনজ সম্পদৰ লগতে মূল্যৱান গছ- গছনিসমূহ বন মাফিয়া তথা চোৰাং ব্যৱসায়ীয়ে এফালৰ তহিলং কৰি চলাই গৈছে ধ্বংসযজ্ঞ ৷ বনজ সম্পদৰ এই ধ্বংসলীলা   ৰুধিবলৈ প্ৰচেষ্টা অব্যাহত ৰখা পশ্চিম কামৰূপ বন সংমণ্ডল প্ৰাধিকাৰী বিষয়াৰ কাৰ্যালয়ৰ অন্তৰ্গত বকো বনাঞ্চলিক বিষয়া আব্দুল ৰৌফ আহমেদে দিনে- নিশাই চোৰাং কাঠ ব্যৱসায়ীৰ বিৰুদ্ধে চলাইছে ধাৰাবাহিক অভিযান ৷ প্ৰচণ্ড বৰষুণৰ মাজতে  বনাঞ্চলিক বিষয়া গৰাকীৰ নেতৃত্বত  যোৱানিশাও  বন বিভাগে চলায় দুটা সফল অভিযান ৷ বকো সমষ্টিৰ সোণতলীৰ ভখুৰাদিয়াত নিশা প্ৰায় তিনি বজাত অবৈধ কাঠ ফলা মিল আৰু কাঠৰ চোৰাং বিৰুদ্ধে বকো বনাঞ্চলিক কাৰ্যালয়ৰ টহলদাৰী বনকৰ্মীৰ অভিযানত এখন কাঠফলা মিল জব্দ কৰিবলৈ সক্ষম হয় ৷ গোপন সূত্ৰ পমখেদি চলোৱা এই অভিযানত ভখুৰাদিয়াত দীৰ্ঘদিনে কাঠৰ চোৰাং ব্যৱসায়ী এজনে চলাই আহিছিল এই অবৈধ কাঠফলা মেচিনটো ৷ জব্দ কৰা মেচিনটোৰ মূল্য মূল্য প্ৰায় ডেৰ লাখ টকা হ’ব বুলি বন বিভাগৰ সূত্ৰে জানিব পৰা গৈছে ৷ পিচত জব্দকৃত মেচিনটো নিশাই বকো বনাঞ্চলিকৰ কাৰ্যালয়লৈ লৈ আহে যদিও কোনো লোকক আটক কৰিবলৈ সক্ষম নহয় ৷ ইয়াৰোপৰি যোৱানিশা বকো বনাঞ্চলিক বিষয়া আব্দুল ৰৌফ আহমেদৰ নেতৃত্বত বকো বনকৰ্মীৰ দলে বকোৰ আগছিয়াৰ পৰাও এ এচ ২৫ চি চি ৬৪৫৩ নম্বৰৰ ফলাকাঠ ভৰ্তি এখন গাড়ী জব্দ কৰিবলৈ সক্ষম হয় ৷