অহা পহিলা এপ্ৰিলত অনুষ্ঠিত হʼবলগীয়া দ্বীতিয় পৰ্যায়ৰ নিৰ্বাচনী প্ৰচাৰৰ বাবে শুকুৰবাৰে ৰঙিয়াৰ জিলা ক্ৰীড়া সন্থাৰ খেলপথাৰত অনুষ্ঠিত হয় বিজেপিৰ এখন বিশাল নিৰ্বাচনী প্ৰচাৰ সভা । মঙ্গলদৈ লোকসভাৰ সমষ্টিৰ সাংসদ দিলীপ শইকীয়াসহ হেলিকাপ্টাৰযোগে পোনেপোনে চিপাঝাৰৰ পৰা আহি  উপস্থিত হয় ৰঙিয়াত । মুখ্যমন্ত্ৰী সৰ্বানন্দ সোণোৱালে তেওৰ ভাষণত কংগ্ৰেছ নেতৃত্বাধীন মহাযোটক অপশক্তি বুলি কৈ তীব্ৰ সমালোচনা কৰে,ইয়াৰোপৰী আগন্তুক দিনত দহলাখ নিবনুৱাক সংস্থাপন দিয়াৰ কথা ঘোষণা কৰে । আনহাতে ৰঙিয়া সমষ্টিৰ ৰাইজক মন্ত্ৰী ভবেশ কলিতাক ডেৰলাখ ভোটত জয়ী কৰাব লাগিব বুলি কৈ প্ৰতিশ্ৰুতি আদায় কৰে । ভাষণ প্ৰসংগত মুখ্যমন্ত্ৰীগৰাকীয়ে উন্নয়ন, শান্তি-প্ৰগতিৰ বাবে বিজেপিক ভোট দিবলৈ আহ্বান জনায় । উক্ত সভাত ৰাজ্য সভাৰ সাংসদ ভুৱনেশ্বৰ কলিতা, মন্ত্ৰী ভৱেশ কলিতা, গোৰেশ্বৰ পৰিষদীয় সমষ্টিৰ পাৰিষদ পবিত্ৰ বড়ো, জিলা সভাপতি নন্দন তালুকদাৰ, ব্লক, মণ্ডল, বুথ, মৰ্চা, দলীয় কাৰ্য্যকর্তা সকলৰ লগতে অসংখ্যা লোক উপস্থিত থাকে । মুখ্যমন্ত্ৰীক কাষত পাই উৎফুল্লিত হোৱা ভবেশ কলিতাই আজি পুনৰ তেৱেই একলাখ ভোট পাই জয়ী হʼব বুলি সদম্ভে ঘোষণা কৰে । ৫৭নং ৰঙিয়া সমষ্টিৰ অন্তৰ্গত গোৰেশ্বৰত অনুষ্ঠিত মহাজোঁটৰ সভাত বৃন্দা কাৰাটে বিজেপি চৰকাৰক তীব্ৰ সমালোচনা কৰিচিল,ইয়াৰ প্ৰত্যুত্বৰত কি কাৰাট বুলি তাচ্ছিল্য কৰি কয় যে ৰঙিয়াত কাৰাট ফাৰাট নচলে ৰঙিয়াত কেৱল কলিতা, আহমেদ, শৰ্মা, বড়ো, ৰাভা ইত্যাদি চলে বুলি কয় ।

ৰাজ্যৰ প্ৰথম পৰ্যায়ৰ নিৰ্বাচন । ৯৩ ন বোকাখাত বিধান সভা সমষ্টিত ১৮৫ টা ভোটগ্ৰহন কেন্দ্ৰত ১৪৪৩৬৩ গৰাকী ভোটাৰে আজি  নিৰ্ণয় কৰিব ১১ গৰাকীৰ প্ৰাৰ্থীৰ ভাগ্য।কংগ্ৰেছ নেতৃত্বাধীন  মহাজোটৰ প্ৰাৰ্থী যুৱ নেতা প্ৰণৱ দলে,অসম গণপৰিষদৰ বিজেপি, গণশক্তি মিত্ৰ জোটৰ প্ৰাৰ্থী তথা কৃষি মন্ত্ৰী অতুল বৰা, ৰাইজৰ দলৰ প্ৰাৰ্থী জীৱন চন্দ্ৰ বৰা,জাতীয় পৰিষদৰ প্ৰাৰ্থী ৰেৱকান্ত গগৈ, বোকাখাত নিৰ্মাণ গোটৰ সভাপতি তথা প্ৰাক্তন নিৰ্দলীয় বিধায়ক জীতেন গগৈ, আপৰ প্ৰাৰ্থী বিজয় কুটুম , নিৰ্দলীয় প্ৰাৰ্থী দুলাল বৰা, এন , চিপিৰ প্ৰাৰ্থী মৃদুল শ‌‌ইকীয়া , নিৰ্দলীয় প্ৰাৰ্থী হেমন্ত দলৈ,সুমন তাতী , দীনেশ কৰ্মকাৰে। উল্লেখাযােগ্য যে, ৯৩নং-বােকাখাত বিধানসভা সমষ্টিত মুঠ ১৮৫ টা ভােট গ্রহণ কেন্দ্ৰত নিবার্চন অনুষ্ঠিত হব। ইয়াৰে ৮ টা ভােট গ্রহণ কেন্দ্র নগৰাঞ্চলত আৰু ১৭৭ টা গ্রামাঞ্চলত অৱস্থিত। ৩১ টা সহায়ক ভােটগ্রহণ কেন্দ্রও স্থাপন কৰা হৈছে। সমষ্টিটোত ১০ টা ভােটদানকেন্দ্রক জটিল ভােটগ্রহণ কেন্দ্র বুলি চিনাক্ত কৰা হৈছে। বােকাখাত বিধানসভা সমষ্টিত মুঠ ভােটাৰৰ সংখ্যা হৈছে ১৪৪৩৬৩ গৰাকী ইয়াৰে পূৰুষ ভােটাৰৰ সংখ্যা হৈছে ৭৩৭৯৪ আৰু মহিলা ভােটাৰৰ সংখ্যা হৈছে ৭৩৬৮৬ গৰাকী । ১৮ ৰ পৰা ১৯ বছৰ বয়সৰ ভোটাৰৰ সংখ্যা হৈছে ১৮৯৭ । ৮০ বছৰ উৰ্ধৰ ভোটাৰৰ সংখ্যা হৈছে ১৩৫৬। বিশেষভাবে সক্ষম ভোটাৰৰ সংখ্যা হৈছে মুঠ ৯৪২ গৰাকী ইয়াৰে পুৰুষ ভোটাৰৰ সংখ্যা হৈছে 8৫৬ আৰু মহিলা ভোটাৰৰ সংখ্যা হৈছে ৪৮৬। বােকাখাত বিধানসভা সমষ্টিত মুঠ ডি ভােটাৰৰ সংখ্যা হৈছে ২১২ জন। আনহাতে মুঠ চাৰ্ভিচ ভােটাৰ আছে ৩৫৩ জন। আগন্তুক বিধানসভা নির্বাচনৰ বাবে ৯৩ নং বােকাখাত বিধানসভা সমষ্টিটো ৬ টা জ’ন আৰু ১৭ টা চেক্টৰত বিভক্ত কৰি জ’নেল আৰু চেক্টৰ বিষয়াসকলক নিযুক্তি দিয়া হৈছে। ভােটদান পক্ৰিয়া সুচাৰুৰূপে  অনুষ্ঠিত কৰিবলৈ ২৫৯ গৰাকী প্রিজাইডিং বিষয়া আৰু ৭৭৭ গৰাকী পুলিং বিষয়া নিযুক্তি দিয়া হৈছে। এইবাৰ ৯৩ নং বোকাখাত বিধান সভা সমষ্টিত ১১ গৰাকীকৈ প্ৰাৰ্থীয়ে নিৰ্বাচনত প্ৰতিদ্বন্দিতা আগবঢ়াইছে যদিও তিনি গৰাকী প্ৰাৰ্থীৰ মাজতে ভোটাৰ ৰাইজৰ দৃষ্টি থাকিব। কংগ্ৰেছ মহাজোটৰ প্ৰাৰ্থী প্ৰণৱ দলে,,নিৰ্দলীয় বিধায়ক জীতেন গগৈ আৰু অসম গণপৰিষদৰ সভাপতি তথা মিত্ৰ জোটৰ প্ৰাৰ্থী অতুল বৰাৰ মাজতেই মূল যুজঁ খন হব বুলি অনুমান কৰিব পাৰি। এই বাৰ কংগ্ৰেছৰ নিজা প্ৰাৰ্থী নাই যদিও আঞ্চলিক গণ মৰ্চাৰ প্ৰাৰ্থী প্ৰণৱ দলেক কংগ্ৰেছ নেতৃত্বাধীন মহাজোটে সমৰ্থন আগবঢ়াইছে ।গাৱে গাৱে গৈ ঘৰে ঘৰে তামোল পান লৈ ভোট ভিক্ষা কৰি সাধাৰণ ভোটাৰৰ মন জয় কৰিবলৈ সক্ষম হৈছে প্ৰণৱ দলে । অন্য হাতে সমষ্টিটোত যদিও বোকাখাতত বহু কংগ্ৰেছ কৰ্মীৰ প্ৰণৱ দলেৰ প্ৰতি পূৰ্ণ সহযোগিতা আগবঢ়োৱাৰ নাই তথাপিও শেষতীয়াকৈ বহু কংগ্ৰেছ কৰ্মীৰে প্ৰণৱ দলেৰ প্ৰতি সহায়ৰ হাত আগবঢ়াইছে।সমষ্টিটোত মিত্ৰ জোটৰ প্ৰাৰ্থী অতুল বৰাৰ সৱল স্থিতি যদিও নিৰ্দলীয় প্ৰাৰ্থী জীতেন গগৈ আৰু ৰাইজৰ দলৰ প্ৰাৰ্থী জীৱন চন্দ্ৰ বৰাই ভালকৈয়ে আউল লগোৱাৰ সম্ভাৱনা আছে অতুল বৰাক। বোকাখাত বিধান সভা সমষ্টিৰ মহুৰা মৌজাৰ   উত্তৰ মহুৰা, দিচৈ, গুলুংটেমেৰা আৰু দুসূতিমুখ গাওঁ পঞ্চায়তৰ মিচিং সম্প্ৰদায় ভোটাৰ আৰু নুমলীগড় , বিহৰা , বোকাখাত , বৰজুৰি , কাজিৰঙাত চাহ জনগোষ্ঠিৰ ভোটাৰে নিৰ্ণয়  কৰিব বোকাখাতৰ ১১ জন প্ৰাৰ্থীৰ ভাগ্য ।

আজিৰে পৰা বাক্সা জিলাৰ মুছলপুৰ উচ্চতৰ মাধ্যমিক বিদ্যালয় প্ৰাংগনত আগন্তুক বিধানসভা নিৰ্বাচনৰ তৃতীয় পৰ্যায়ৰ ভোটগ্ৰহণৰ বাবে ইভিএম মেচিন কাৰ্যক্ষম কৰণৰ প্ৰক্ৰিয়া আৰম্ভ হৈছে । বাক্সা জিলাৰ উপায়ুক্ত তথা ৰিটাৰ্নিং বিষয়া ৰঞ্জন শৰ্মাই সংবাদ মাধ্যমৰ আগত কয় যে জিলাখনৰ মুছলপুৰ উচ্চতৰ মাধ্যমিক বিদ্যালয়ত সংস্থাপন কৰা ষ্ট্ৰং ৰূমত আৰম্ভ হোৱা কমিচনিঙৰ কাম আজিৰে পৰা আৰম্ভ হৈছে আৰু উক্ত প্ৰক্ৰিয়া কাইলৈহে সমাপ্ত হ’ব । ইভিএম মেচিন সমূহৰ যাৱতীয় কাম-কাজ সম্পূৰ্ণ হোৱাৰ পিছত ষ্ট্ৰং ৰূমত সম্পূৰ্ণ কটকটীয়া নিৰাপত্তা বেষ্টনীৰ মাজেৰে থোৱা হ’ব আৰু পিছত কেন্দ্ৰীয় নিৰাপত্তা বাহিনীৰ দ্বাৰা সুৰক্ষিত কৰি ৰখাৰ ব্যৱস্থা কৰা হ’ব ৷ ইতিমধ্যে দুই ধৰণৰ প্ৰশিক্ষণ সমাপ্ত হোৱাৰ পিছত আৰু এটা প্ৰশিক্ষণ বাকী থকা বুলি মন্তব্য কৰি উপায়ুক্ত গৰাকীয়ে কয় যে আগন্তুক নিৰ্বাচন সম্পূৰ্ণ শান্তিপূৰ্ণভাৱে চলাই নিবলৈ প্ৰশাসনে চেষ্টা অব্যাহত ৰাখিব আৰু বাক্সাবাসীক নিৰ্ভয়ে ভোটাধিকাৰ সাব্যস্ত কৰাৰ বাবে ওলাই আহিবলৈ আহ্বান জনায় উপায়ুক্ত তথা জিলা ৰিটাৰ্ণিং বিষয়া ৰঞ্জন শৰ্মাই ।

কাইলৈ প্ৰথম পৰ্যায়ৰ নিৰ্বাচন । নিৰ্বাচনৰ বাবে সাজু গোলাঘাট জিলা প্ৰশাসন ।ইতিমধ্যে নিজ নিজ ভোটকেন্দ্ৰলৈ ৰাওনা হৈছে প্ৰিজাইডিং অফিচাৰ , পুলিং অফিচাৰ সকল । গোলাঘাটৰ আবাসিক ছোৱালী পলিটেকনিকৰ পৰা যাত্ৰা আৰম্ভ নিৰ্বাচনৰ দায়িত্বত নিয়োজিত বিষয়া কৰ্মচাৰী সকল । গোলাঘাট বিধান সভা সমষ্টিৰ মুঠ  ২৮৮ টা ভোট কেন্দ্ৰত ৩১৭গৰাকী প্ৰিজাইডিং অফিচাৰ ৯৫১গৰাকী পুলিং অফিচাৰ হ’ব ৰাওনা । সমষ্টিটোৰ মুঠ  ২লাখ ২হাজাৰ ১৪২গৰাকী ভোটাৰে সাব্যস্ত কৰিব ভোট । ঠিক সেইদৰে খুমটাই বিধান সভা সমষ্টিৰ মুঠ ১৯৮ টা ভোট কেন্দ্ৰলৈ ২১৯গৰাকী প্ৰিজাইডিং অফিচাৰ ৬৫৭গৰাকী পুলিং অফিচাৰ ৰাওনা । সমষ্টিটোৰ ১লাখ ৩৮ হাজাৰ ০৮৯ গৰাকী ভোটাৰে কাইলৈ কৰিব ভোটদান ।

৫৭ নং ৰঙিয়া বিধানসভা সমষ্টিৰ মিত্ৰজোটৰ প্ৰাৰ্থী তথা মন্ত্ৰী ভবেশ কলিতাই সমষ্টিটোৰ ইমূৰৰ পৰা সিমুৰলৈ গাৱে-ভূঞে ব্যপক নিৰ্বাচনী প্ৰচাৰ অব্যহত ৰাখিছে। নিৰ্বাচনী সভাত অংশলৈ বিজেপিয়ে আলী কুলিৰ ৰাজনীতি নকৰে বুলি সদম্ভে ঘোষণা কৰে মন্ত্ৰী কলিতাই। চবকা চাথ-চবকা বিকাশেই বিজেপিৰ মূলমন্ত্ৰ । ইয়াত কোনো ধৰ্ম অথবা জাত পাতৰ কথা নাই। ৫৭ নং ৰঙিয়া সমষ্টিৰ মুছলমান প্ৰধান এলেকা উদিয়ানাত উপস্থিত হৈ মন্ত্ৰী কলিতাই ১৫৭ ঘৰ মানুহক ভুমিপট্টা প্ৰদান কৰাৰ কথা জনাই। আনহাতে মন্ত্ৰী গৰাকীয়ে ৰাইজক উদ্দেশ্যি মুছলমান লোকসকলক কোনোবা দিনা আজান বন্ধ কৰাৰ কথা কোৱা হৈছে নেকি, কোনো গৰীৱ মহিলাই চাউল পোৱা নাই নেকি,মুছলমান ছাত্ৰীয়ে স্কুটি পোৱা নাই নেকি বুলিও প্ৰশ্ন কৰে। তেও কংগ্ৰেছ নেতৃত্বাধীন মহাজোঁটৰ প্ৰতীক চিহ্নক কটাক্ষ কৰি কয় যে যদিহে এই দল শাসনলৈ আহে ” কাঁচিৰে কাটি হাতুৰিৰে মূৰত কোবাই মাৰিব” ইয়াৰ বিপৰীতে বিজেপিৰ প্ৰতিক ফুল কিমান ধুনিয়া, গতিকে এই ফুলে কাৰো ক্ষতি নকৰে বুলি কোৱা দেখা যায়। ইয়াৰোপৰী সাংবাদিকৰ এক প্ৰশ্নৰ উত্তৰত তেখেতৰ প্ৰতিদণ্ডী কোনোৱেই নাই বুলিও মন্তব্য কৰে। প্ৰতিদিনেই বিশ ত্ৰিশখনকৈ সভাত অংশ গ্ৰহণ কৰি কলিতাই ব্যপক নিৰ্বাচনী প্ৰচাৰ অব্যহত ৰাখিছে। এইবাৰ লক্ষণীয়ভাৱে ৰঙিয়া সমষ্টিৰ বিভিন্ন সংখ্যলঘু অধ্যুষিত অঞ্চলৰ লোকসকল বিজেপিলৈ ঢাপলি মেলা কথাই বিৰোধী শিৱিৰত কপনি তুলিছে ।