বৰাজুলী জয়মতী হাই স্কুলৰ কাষৰ পৰা  বৰাজুলী গাঁৱলৈ যোৱা নির্মানত ৰাস্তা চিপিআই (এম এল) ৰ কর্মী মিন আচার্যৰ নেতৃত্বত”একাংশ লোকে  কাম কৰিবলৈ বন্ধ কৰি দিয়াৰ বাবে আজি দুই শতাধিক স্থানীয় পুৰুষ মহিলা ওলাই হাতে হাতে প্লে’কাৰ্ডলৈ প্রতিবাদ সাব্যস্ত কৰে । হাতে হাতে প্লে কার্ড লৈ নির্মিয়মান ৰাস্তাত আমাক ৰাস্তা লগিব, ৰঞ্জীত দত্ত জিন্দাবাদ, উন্নয়ন বিৰোধী হুচিয়াৰ, চিপিআই (এম এল) গ’বেক আদি ধ্বনিৰে বৰাজুলীৰ আকাশ বতাহ কঁপাই তোলে।উল্লেখ যোগ্য যে বিশ্ববেংকৰ এপার্ট আঁচনিৰ অধীনত ২০২১ চনৰ ১৯ জানুবাৰী শতাধিক ৰাইজ,বিভাগীয় বিষয়াৰ উপস্হিতিত উদ্ধোধন কৰা হৈছিল এই ৰাস্তা  !দুই কোটি ২২লাখ টকা ব্যয় সাপেক্ষে ফেবাৰ ব্লকেৰে নিমার্ন হ’ব লগীয়া ৰাস্তা পুনৰ নিয়মীয়াকৈ নির্মান কার্য সম্পাদন কৰিবলৈ ৰাইজে দাবী জনাইছে । অন্যহাতে বিগত ১৮-১৯ বৰ্ষত এই স্থানত এটা সমুহীয়া ভৱনৰ বাবে ইটা বালি পেলোৱা হৈছিল কিন্তু এনে একাংশ লোকৰ বাবে সেই ভৱন নিৰ্মাণ কৰা নহল ‘যাৰ বাবে বৰাজুলী গাওঁবাসী উন্নয়নৰ পৰা বঞ্চিত হৈ আহিছে ।পুনৰ ৰাস্তা নিৰ্মাণ কাৰ্যক গাওঁবাসীয়ে ধিক্কাৰ দিছে ।

দক্ষিণ কামৰূপৰ ইতিহাস প্ৰসিদ্ধ পশ্চিম গুৱাহাটীৰ ৰাণীৰ কাঁহাৰপাৰা গাঁৱত প্ৰতি বছৰে উদযাপন কৰা হয় ‘মাঘী পূৰ্ণিমা উৎসৱ’। বৃহত্তৰ  অঞ্চলটোত সকলো আধ্যাত্মিক উৎসৱৰ ভিতৰত এই মাঘী পূৰ্ণিমা উৎসৱটি  শ্ৰেষ্ঠতম বুলি কব পাৰি। শতবৰ্ষ অতিক্ৰম কৰা এই উৎসৱটিয়ে কাঁহাৰপাৰাৰ লগতে বৃহত্তৰ ৰাণী অঞ্চলবাসীক বিশেষভাৱে প্ৰভাৱিত কৰে। যোৱা ২৭ ফেব্ৰুৱাৰী দিনযোৰা কাৰ্যসূচীৰে উদযাপিত।হোৱা উৎসৱত শিশু-পুৰুষ-মহিলা, আয়তী-নামতি আদিয়ে উবৰি খাই পৰে। জগত গুৰু শ্ৰীমন্ত শংকৰদেৱৰ একশৰণ বৈষ্ণৱ ধৰ্মৰ শিকলিত বান্ধ খাই সমাজখনে উক্ত দিনা নাম-প্ৰসংগৰে গুৰুজনাক সোঁ‌ৱৰণ কৰে। দিনটোৰ ব্যস্ত কাৰ্যসূচীৰ অন্যতম হৈছে পৰম্পৰাগতভাৱে কৰি অহা গুৰুজনাৰ অংকীয়া ভাওঁনাৰ এটি অংগ বনবিহাৰ (বাৰ গোপাল) নৃত্য পৰিবেশন। মহাপ্ৰভূ বংশীগোপালে লগৰীয়াৰ সৈতে বৃন্দাৱণ পৰিভ্ৰমণৰ এটি অংশ এই বনবিহাৰ নৃত্য  “শিশু সংগে চলে বৃন্দাৱণ শ্যাম কমললোকণ” সুন্দৰ গীতে ভক্তি সাগৰত বুৰাই ৰাখে ভক্তপ্ৰাণ সমবেত ৰাইজক। ইয়াৰ লগতে ডেকা-বুঢ়াৰ সন্মিলিত এটি সুমধুৰ অনুষ্ঠান খুলীয়া দলৰ সংকীৰ্তণ। প্ৰতিবছৰৰ উক্ত দিনৰ নষ্টালজিকতা কোনোৱে পাহৰিৱ নোৱাৰে। আধুনিকতাৰ ধামমুখীয়াই আঘাত কৰিলেও নতুন প্ৰজন্মই এই উৎসৱৰ পৰম্পৰা ধৰি ৰাখিলে গুৰুজনাই দি যোৱা সংস্কৃতিৰ বিনন্দীয়া ৰূপ যুগমীয়া হৈ থাকিৱ। আনহাতে পলাশবাৰীৰ জটীয়া সত্ৰত যোৱা ২৬ ৰ পৰা ২৮ ফেব্ৰুৱাৰীলৈ তিনিদিনিয়া কায্যসূচীৰে মাঘী পূৰ্ণিমা তিথি উপলক্ষে শ্ৰীশ্ৰী মাধৱদেৱৰ আজ্ঞাবাহী জটীয়া সত্ৰত দৌল উৎসৱ উৎযাপন কৰা হয়। ১৬৭৮ খ্ৰীষ্ট্ৰাব্দত মাধৱদেৱৰ আজ্ঞাবাহী জটীয়া সত্ৰ জটীয়াখন বামুণপাৰাত স্থাপন কৰা হয়। উক্ত কাৰ্যসূচীৰ প্ৰথম দিনা গোন্ধ উৎসৱ বাইন, আয়তি, ধুলীয়া তথা ৰাইজে লগ লাগি মেজি দাহন কৰা হয় লগতে গুৰু বন্তি জ্বলাই দৌলৰ চাৰিওফালে সাত মেৰ ঘুৰোৱা হয়। দ্বিতীয় দিনা মূল বিগ্ৰহ সত্ৰৰ পৰা গোঁসাই নমাই ৰভাৰ তলত প্ৰতিষ্ঠা কৰাৰ লগতে ওচৰ-চুবুৰীয়া ৰাইজৰ উপস্থিতিত পুৰোহিত, কৰ্তা, গাইন-বাইন, বেণ্ড ধুলিয়া, নটুৱা নাচ আদি প্ৰদৰ্শন কৰা হয়। দৌল উৎসৱৰ দিনা ভোজন-বিহাৰ কৰি বিষ্ণুপূজাৰ হোম জ্বলোৱা হয় আৰু নিশা যাত্ৰা দলৰ দ্বাৰা  যাত্ৰাভিনয় কৰা হয়। তৃতীয় দিনা সুৱৰী উৎসৱ পালন কৰা হয়। সুৱৰি উৎসৱত গোঁসাই দৌলৰ পৰা নমাই ৰভাস্থলীত স্থাপন কৰাৰ লগতে ওজাপালী, বাইন ধুলীয়া, বেণ্ডপাৰ্টী আদি পৰিৱেশৰ অন্তত গোঁসাই পুণৰ বিগ্ৰহ সত্ৰলৈ অথ্যৎ নিজ গৃহলৈ ঘুনুচাৰ পৰা লৈ যোৱা হয়। লগতে সুৱৰি উৎসৱত মিঠাই দলিওৱা, বাহ যুজা আদি পৰিবেশন কৰা হয়। উক্ত উৎসৱত অঞ্চলটোৰ ৰাইজে অংশ গ্ৰহণ কৰে।