টংলা, ৩ডিচেম্বৰ : সদৌ ওদালগুৰি জিলা ছাত্র সন্থাৰ আহ্বানক্ৰমে বৃহস্পতিবাৰে টংলা উচ্চতৰ মাধ্যমিক বিদ্যালয়ৰ সন্মুখত টংলা আঞ্চলিক ছাত্র সন্থাই প্ৰতিবাদী আছু কর্মীৰ ওপৰত নিৰ্মম প্ৰহাৰৰ প্ৰতিবাদত মুখত কলা কাপোৰ বান্ধি ৰাতিপুৱা ১১ বজাৰ পৰা দিনৰ ২ বজা লৈ অৱস্হান ধৰ্মঘট কাৰ্যাসূচী ৰূপায়ন কৰে। উল্লেখযোগ্য যে বুধবাৰে টংলা আঞ্চলিক ছাত্র সন্থাই ভাৰতীয় ষ্টেট বেংকৰ সন্মুখত গণতান্ত্ৰিক ভাবে কা-ই আই এ-২০২০ বাতিল আৰু  মূল্য বৃদ্ধি ৰোধৰ দাবীত প্ৰতিবাদ কৰিছিল, উক্ত প্ৰতিবাদী কাৰ্যাসূচী প্ৰতিবাদী সকলে প্লে কাৰ্ডলৈ অসম চৰকাৰ হুচিয়াৰ, হিমন্ত বিশ্ব শৰ্মা গ বেগ, বি জে পি হুচিয়া, কা আমি নামনো, মূল্য বৃদ্ধি ৰোধ কৰক বুলি শ্লোগানেৰে পিৰিবেশ উত্তাল কৰি তুলিছি । আন হাতে উক্ত কাৰ্যসূচীৰ বাবে প্ৰশাসনৰ পৰা অনুমতি লৈছিল আৰু দিনৰ ১২ বজাৰ পৰা আবেলি ৪ বজালৈ নিৰ্ধাৰণ কৰা হৈছল প্ৰতিবাদী কাৰ্যসূচী কিন্তু প্ৰতিবাদৰ অন্তিম মুহূর্তত প্ৰশাসনে প্ৰতিবাদী আছু কর্মীৰ ওপৰত নিৰ্মম প্ৰহাৰ কৰিবলৈ আৰম্ভ কৰে লগতে প্লে কাৰ্ড, ফলক, পেণ্ডেল ভাঙি ছিঙি লণ্ড ভণ্ড কৰাৰ লগতে আছুৰ পতাকা দলিয়াই পেলাই আৰু টংলা আঞ্চলিক ছাত্র সন্থাৰ সভাপতি প্ৰাঞ্জল ডেকা, সম্পাদক ৰিংকু ডেকা, উপ সভাপতি ৰুদ্ৰ কমল দাস, ওদালগুৰি জিলা ছাত্র সন্থাৰ সভাপতি প্ৰাঞ্জল পাতোৱাৰী লগতে কেবা গৰাকী আছু কৰ্মীক টংলা আৰক্ষীয়ে গ্ৰেপ্তাৰ কৰে। ইয়াৰ এক মাত্ৰ কাৰণ হল ৪:৪২ বজাত টংলাত হব লগা বি টি চি পৰিসদীয় নিৰ্বাচন বি জে পি দলৰ নিৰ্বাচনী প্ৰচাৰৰ বাবে হিমন্ত বিশ্ব শৰ্মাৰ পদ যাত্ৰা আছে আৰু উক্ত পদ যাত্ৰা আৰম্ভ হোৱাৰ পূৰ্বে আছুৰ প্ৰাতিবাদী কাৰ্যসূচী সমাপ্ত কৰিব বিচাৰিছিল আৰক্ষী প্ৰশাসনে। উক্ত কাণ্ডক আছুই কঠোৰ ভাবে গৰিহণা দি আজি সমগ্ৰ ওদালগুৰি জিলাৰ প্ৰতিটো শাখাই মুখত কলা কাপোৰ বান্ধি অৱস্হান ধৰ্মঘট কাৰ্যাসূচী ৰূপায়ন কৰে।   উক্ত অৱস্হান ধৰ্মঘট কাৰ্যাসূচীত টংলা আঞ্চলিক ছাত্র সন্থাৰ সভাপতি তথা ওদালগুৰি জিলা ছাত্ৰ সন্থাৰ উপ সভাপতি প্ৰাঞ্জল ডেকাই ব্যক্ত কৰি কয় যে– বৰ্তমান বি জে পিয়ে এতিয়া অসম তথা সমগ্ৰ ভাৰত বৰ্ষত গণতন্ত্ৰ বিষয়টো নোহোৱা কৰি পেলাইছে, তেওঁ লোকে হিতলাৰী শাসন চলাই আছে । হিমন্তৰ প্ৰৰোচনাত পৰি অতি নিৰ্লজ ভাবে অসম আৰক্ষীয়ে ছাত্ৰ সন্থাৰ ওপৰত জঁপিয়াই পৰে এয়া নতুন কথা নহয় । সদৌ অসম ছাত্ৰ সন্থাৰ ৰক্তিম পতাকা তেওঁলোকে মাটিত পেলাই ভৰিৰে গচকি ভাল কাম কৰা নাই । আছুক শাৰীৰিক ভাবে অপদস্ত কৰা এই কাণ্ডক আমি তীব্ৰ ভাবে গৰিহণা দিছোঁ। লগতে এই ঘটনাৰ লগত জড়িত দূষিত উচিত শাস্তি বিহিব লাগে, তদন্ত আওতালৈ আহিব লাগে নহলে অনাগত দিনত তীব্ৰ আন্দোলনৰ সূচনা হব বুলি ব্যক্ত কৰি কয়। উক্ত কাৰ্যসূচীত প্ৰাতিবাদী সকলে অসম আৰক্ষী হুচিয়াৰ, বি জে পি ৰ হিতলাৰী শাসন নচলিব, নিৰ্মল ঘোষ গ বেগ, প্ৰসেনঞ্জিত দাস গ বেগ, ঋতুত্তম বৰা হুচিয়াৰ আদি শ্লোগানেৰে টংলা ৰাজপথ উত্তাল কৰি তোলে।