জনতা ভৱনত এখন সংবাদমেল সম্বোধন কৰি মন্ত্ৰী হিমন্ত বিশ্ব শৰ্মাই জনায় যে, অহা ১ জানুৱাৰীৰ পৰা পৰ্যায়ক্ৰমে প্ৰথমৰ পৰা ষষ্ঠ শ্ৰেণীলৈকে ক্লাছসমূহ খুলিব। এই বিষয়ে শিক্ষা বিভাগে জাননী জাৰি কৰিব। লগতে ১৫ ডিচেম্বৰৰ পৰা অনলাইন ক্লাছ সমূহ বন্ধ কৰাৰ বাবে শিক্ষকক আহ্বান জনোৱা হ’ব বুলি জনালে শিক্ষামন্ত্ৰী হিমন্ত বিশ্ব শৰ্মাই।
আনহাতে ১৫ ডিচেম্বৰৰ পৰা চূড়ান্ত বৰ্ষৰ ছাত্ৰ ছাত্ৰী সকলৰ বাবে সীমিতভাবে হোষ্টেলসমূহ খোলা হ’ব। হোষ্টেললৈ অহাৰ আগত চূড়ান্ত বৰ্ষৰ ছাত্ৰ-ছাত্ৰী সকলৰ ক’ভিড টেষ্ট কৰোৱা হ’ব।
২০২০-২১ বৰ্ষৰ উচ্চতৰ মাধ্যমিকত প্ৰথম বিভাগত উত্তীৰ্ণ হোৱা ছাত্ৰীসকলে ডিচেম্বৰ মাহৰ কোনোবা এটা দিনত লাভ কৰিব স্কুটী । জনতা ভৱনত সম্বোধন কৰা সংবাদমেলত এই কথা ঘোষণা কৰিলে মন্ত্ৰী হিমন্ত বিশ্ব শৰ্মাই। ইপিনে, পৰৱৰ্তী পৰ্য্যায়ত অৰ্থাৎ জানুৱাৰী–ফেব্ৰুৱাৰী মাহত ২০১৯-২০ বৰ্ষৰ ১০০০০ ছাত্ৰীকো বাজেটত ঘোষণা কৰা অনুসৰিয়েই স্কুটী প্ৰদান কৰা হ’ব বুলি মন্ত্ৰী গৰাকীয়ে জনায়। ইয়াৰ বাবে ২৫ কোটি টকা ধাৰ্য কৰা হৈছিল বুলি মন্ত্ৰীয়ে জনায়।
লগতে মন্ত্ৰীগৰাকীয়ে জনায় যে, ২০১৮-২০১৯ ৰ বাজেটত ৰাজ্যৰ ৫হাজাৰ কৃতী ছাত্ৰীয়ে চৰকাৰে ঘোষণা কৰাৰ দৰেই লাভ কৰিব স্কুটী। জানুৱাৰী-ফেব্ৰুৱাৰী মাহৰ কোনোবা এটা দিনত এই ৫০০০ কৃতী ছাত্ৰীসকলক স্কুটী প্ৰদান কৰা হ’ব। প্ৰথম অৱস্থাত ২০২০-২১ বৰ্ষৰ ২২০০০ ছাত্ৰীয়ে এই স্কুটী লাভ কৰিব বুলি মন্ত্ৰীয়ে জনায়।
প্ৰয়াত প্ৰাক্তন মুখ্যমন্ত্ৰী তৰুণ গগৈৰ তিতাবৰ সমষ্টিত কংগ্ৰেছৰ প্ৰাৰ্থী কোন হ’ব এইলৈ অসম প্ৰদেশ কংগ্ৰেছ কমিটিৰ সভাপতি ৰিপুণ বৰাই দেওবাৰে সম্পূৰ্ণ কৰ্তৃত্ব দিছিল গগৈ পৰিয়ালক ৷ প্ৰয়াত তৰুণ গগৈৰ সাংসদ পুত্ৰ গৌৰৱ গগৈয়ে এতিয়া বৃটেইনত জন্ম গ্ৰহণ কৰা পত্নী এলিজাবেথক অসমৰ ৰাজনীতিলৈ আনিবলৈ বিশেষ পদক্ষেপ লৈছে ৷
তিনিবাৰৰ মুখ্যমন্ত্ৰী তৰুণ গগৈৰ বোৱাৰী আৰু গৌৰৱ গগৈৰ পত্নী এলিজাবেথ কলবাৰ্ণ গগৈ ৷ এলিজাবেথ কলবাৰ্ণ গগৈ এটি পুত্ৰ আৰু এগৰাকী কন্যা সন্তানৰ মাতৃ । উচ্চ শিক্ষিত এলিজাবেথ এতিয়া অসমৰ ৰাজনীতিলৈ আহি আছে ৷ এই সন্দৰ্ভত অৱশ্যে গৌৰৱ গগৈ বা তেওঁৰ পৰিয়ালে এতিয়া লৈ কোনো কথা ৰাজহুৱা কৰা নাই ৷
অসমৰ ৰাজনীতিত নতুন মুখ হ’ব এলিজাবেথ । ৰাজনৈতিক পৰ্যবেক্ষক সকলে বিশ্লেষণ কৰা মতে সম্ভৱত গৌৰৱ গগৈক প্ৰয়োজনত হাইকামাণ্ডে অসমৰ দায়িত্ব দিলে গৌৰৱে তিতাবৰ সমষ্টিৰ পৰাই প্ৰতিদ্বন্দ্ব্বিতা কৰিব ৷
জামুগুৰিহাট, ২৯ নবেম্বৰ : পৰিৱেশ সুৰক্ষাৰ স্বাৰ্থত জাগৰণ য়ুথ ক্লাৱে লোৱা কামকাজৰ লগত আমাৰ চৰকাৰৰ আঁচনিসমুহৰ লগত মিল থকা দেখা পাইছো ৷ মই জাগৰণ য়ুথ ক্লাৱৰ প্ৰতিগৰাকী সদস্যক আহবান জনাইছো যে তেঁওলোকে নদুৱাৰ খণ্ড উন্নয়ণ বিষয়া কাৰ্যালয়ৰ অধিনস্থ ১০টা গাঁও পঞ্চায়তত বৃক্ষৰোপন কৰক আৰু জাগৰণে প্ৰকৃতি সুৰক্ষাৰ বাবে লোৱা এই কামৰ জৰিয়তে ৰাইজৰ মাজত জাগৰণ সৃষ্টি কৰাত আগভাগ লঁওক ৷ এই মন্তব্য চতিয়া সমষ্টিৰ বিধায়ক পদ্ম হাজৰিকাৰ ৷ আজি জামুগুৰিহাটৰ কোঁছগাঁৱৰ নিকটৱৰ্তী গান্ধীপথাৰত প্ৰকৃতিপ্ৰেমী সংগঠণ জাগৰণ য়ুথ ক্লাৱে অঞ্চলটোৰ গ্ৰাম্য পথসমুহৰ কাষত ৰোপন কৰিবলৈ আৰম্ভ কৰা বৃক্ষৰোপন কাৰ্যসুচীৰ ফিটা কাটি উদ্বোধন কৰি এইদৰে কয় চতিয়া সমষ্টিৰ বিধায়ক পদ্ম হাজৰিকাই ৷ জাগৰণ য়ুথ ক্লাৱৰ ২১ গৰাকী যুৱক একত্ৰিত হৈ বিগত বৰ্ষৰপৰা প্ৰকৃতিৰ ভাৰসাম্য ৰক্ষা কৰাৰ হেতুকে অঞ্চলটোৰ ভিন্ন প্ৰান্তত বৃক্ষৰোপনৰ লগতে সেই গছপুলিসমুহ বেৰা দি ঢাকি পুণৰ সেই গছপুলিসমুহ চাফচিকুণ কৰি জীয়াই ৰাখিবৰ বাবে প্ৰতি সপ্তাহৰ এটা দিন বাচি লৈ ৰোপন কৰা পুলিসমুহৰ বাবে লোৱা যতনৰো শলাগ লয় বিধায়ক পদ্ম হাজৰিকাই ৷ “স্বনিয়োজন নাৰী আত্মনিৰ্ভৰশীল অসম”ৰ বিভিন্ন আঁচনিৰ জৰিয়তে সেউজীকৰণৰ বাবে প্ৰকৃতিপ্ৰেমী সংগঠণটোৱে লোৱা এই মহান কৰ্মৰ বাবে সহায় সহযোগ কৰাৰো আশ্বাস দিয়ে বিধায়কগৰাকীয়ে ৷ সমাজকৰ্মী শৈলেন বৰকটকীৰ সভাপতিত্বত অনুষ্ঠিত বৃক্ষৰোপন অনুষ্ঠানটিৰ লগত সংগতি ৰাখি অনুষ্ঠিত কৰা সজাগতা সভাখনত প্ৰকৃতি সুৰক্ষা আৰু ভাৰসাম্য ৰক্ষাৰ ওপৰত বক্তব্য প্ৰদান কৰে জামুগুৰি উচ্চতৰ মাধ্যমিক বিদ্যালয়ৰ অধ্যক্ষ জীৱন বৰা, গোৰ্খা উন্নয়ন পৰিষদৰ কাৰ্য্যবাহী সদস্য মতি কুমাৰ নেৱাৰ, উত্তৰ ছিলাবন্ধা গাওঁ পঞ্চায়তৰ সভাপতি জয়ন্ত বৰা প্ৰমুখ্যে বহুকেইগৰাকী বিশিষ্ট ব্যক্তিয়ে ৷ জাগৰণ য়ুথ ক্লাৱে আয়োজন কৰা সজাগতা সভাখনত প্ৰকৃতিপ্ৰেমী তথা ভাস্কৰ্য্য শিল্পী গজেন শইকীয়া, বৰভগীয়া জিলা পৰিষদৰ সদস্য পলি চুতিয়া বৰাকে ধৰি বহুকেইগৰাকী গণ্য মান্য ব্যক্তি উপস্থিত আছিল ৷ উল্লেখ্য যে আজি জামুগুৰিহাটৰ নন্দিকেশ্বৰ দেৱালয়লৈ যোৱা প্ৰায় ২ কি:মি: পথৰ দুয়ো কাষে গছ পুলি ৰোপন কৰে জাগৰন য়ুথ ক্লাৱৰ সদস্য সকলে ৷
জামুগুৰিহাট, ২৯ নৱেম্বৰ : কিমান মৰমৰ হ’ব পাৰে সেইজন গৰাকী যাৰ মৃত্যুৰ পিছতো লগতে থকা বান্দৰটোৱে আনিব দিয়া নাই তাৰবাবে প্ৰভুসদৃশ লোকজনৰ মৃতদেহ ৷ লিৰিকি বিদাৰি চাইছে তাৰ গৰাকীৰ শৰীৰটো ৷ কিজানি মাত দিব তাক তাৰ আপোন গৰাকীজনে ! কিন্তু নাই কোনো সঁহাৰী নাপালে সি ৷ শেষত গৰাকীৰ কোনো সঁহাৰী নাপাই কাষলৈ গৈ কান্দিছে বান্দৰ পোৱালীটোৱে ৷ স্থানীয় এগৰাকী লোকে বান্দৰ পোৱালীটোক কোলাত কৰি আতৰাই নিয়াতহে আৰক্ষীয়ে আনিবলৈ সক্ষম হ’ল মৃতদেহ ৷ জামুগুৰিহাটৰ জীয়াভৰলী দলংৰ কাষত আজি বিয়লি দেখা পোৱা যায় এই কৰুণ অসহনীয় দৃশ্য ৷ ঘটনাৰ বিৱৰণি অনুসৰি জামুগুৰিহাটৰ নিকটৱৰ্তী টৌভঙাৰ সমীপৰ ১৫ নং ৰাষ্ট্ৰীয় ঘাই পথৰ জীয়া ভৰলী দলঙৰ মাজত আজি বিয়লি সংঘটিত হোৱা এক ভয়ংকৰ পথ দুৰ্ঘটনাত থিতাতে নিহত হয় এগৰাকী প্ৰায় ৬৫ বছৰীয়া সাধু বাবাৰ । স্থানীয় ৰাইজে জানিবলৈ দিয়া মতে দূৰ্ঘটনাত নিহত সাধু বাবাজন জীয়া ভৰলী নৈৰ সিপাৰে অৱস্থিত এটা শিৱ মন্দিৰত প্ৰায় ৪/৫ বছৰ ধৰি আশ্ৰয় লৈ আছিল। আজি বিয়লি বাবাজন দলঙৰ পথেৰে খোজ কাঢ়ি গৈ থকা অৱস্থাত কোনো অচিনাকী বাহনে তীব্ৰ বেগত আহি খুন্দিয়াই থৈ যোৱাত থিতাতে নিহত হয় বাবাগৰাকী। দলঙৰ মাজত কোনো লোক উপস্থিত নথকাত দুৰ্ঘটনা সংঘটিত হোৱা বাহনখন ঘটনা সংঘটিত কৰা স্থানৰ পৰা পলায়ন কৰিবলৈ সক্ষম হয়। অৱশ্যে দূৰ্ঘটনাটোৰপৰা কথমপি প্ৰাণ ৰক্ষা পৰে সাধুবাবাৰ লগতে থকা এটি বান্দৰ পোৱালীৰ ৷ শোকাবহ ঘটনাৰ উপৰিও বান্দৰ পোৱালীটোৰ কৰুণ দৃশ্যাৱলীয়ে অধিক মৰ্মাহত কৰি তোলে অসংখ্য প্ৰত্যক্ষদৰ্শীক। উল্লেখযোগ্য যে দীৰ্ঘদিনৰে পৰা নিহত সাধু বাবা গৰাকীয়ে বান্দৰ পোৱালিটো পুহি আহিছিল। স্থানীয় ৰাইজে জানিবলৈ দিয়া মতে সম্প্ৰতি অকলশৰীয়া হৈ পৰা বান্দৰটো আছিল বাবা জনৰ একমাত্ৰ লগৰী। ঠিক একে দৰে বান্দৰটোৱেও যেন প্ৰাণভৰি ভাল পাই আহিছিল অভিভাৱকস্বৰূপ বাবাজনক ৷ ঘটনা সংঘটিত হোৱাৰ পিছত সেই ঠাইত উপস্থিত হৈ বান্দৰটোৱে ৰাষ্ট্ৰীয় পথৰ ওপৰত পৰি থকা বাবাক সাৱটি সাৱটি কন্দাই নহয় বান্দৰটোক মৃত সাধুবাবা গৰাকীৰ ওচৰৰ পৰা আঁঁতৰাই আনিবলৈ সক্ষম হোৱা নাছিল প্ৰত্যক্ষদৰ্শী বহুজন ৷ যি দৃশ্যই এক প্ৰকাৰ উপস্থিত লোকসকলক শোকাকুল কৰি তোলা পৰিলক্ষিত হয়।অৱশ্যে ঘটনাস্থলীত জামুগুৰি আৰক্ষী থানাৰ ভাৰপ্ৰাপ্ত বিষয়া প্ৰাঞ্জল কুমাৰ নাথ সহিতে এটি আৰক্ষীৰ দল উপস্থিত হোৱাত বান্দৰ পোৱালীটোক স্থানীয় এগৰাকী লোকে বুদ্ধিৰে আতৰাই নিয়াতহে বাবাগৰাকীৰ মৃতদেহ আৰক্ষীয়ে আনিবলৈ সক্ষম হয়৷নিহত সাধু বাবাজনক মৃতদেহ মৰনোত্তৰ পৰীক্ষাৰ বাবে প্ৰেৰণৰ ব্যৱস্থা কৰিছে আৰক্ষীয়ে ৷ কিন্তু গৰাকীৰ প্ৰতি বান্দৰ পোৱালীটোৰ মৰম, স্নেহ তথা আত্মীয়তা দেখা পোৱা ঘটনাস্থলীত উপস্থিত সকলোৰে মনত বান্দৰ পোৱালীটোৱে দোলা দি গ’ল ৷
অনলাইন বাৰ্তা, ২৯ নৱেম্বৰ : বিলাসীপাৰা গুটিপাৰাত আজি ভয়াৱহ অগ্নিকাণ্ড সংঘটিত হয় । এই ভয়াৱহ অগ্নিকাণ্ড সংঘটিত হৈছিল দুপৰীয়াৰ আহাৰ তৈয়াৰ কৰিবলৈ যোৱা ৰান্ধনী গৃহৰ পৰা সুত্রপাত হৈছিল । উল্লেখ্য যে, ঘৰ-বাৰী, ধান-চাউল, আজৱা-পত্র অগ্নিকাণ্ডত ভূষ্মিভুত হোৱা দুৰ্ভগীয়া পৰিয়াল কেইবা গৰাকী ক্রমে হজৰত আলী, বাবুল হুছাইন, মিয়াচান আলী, আলেকচান আলী, কাদেৰ আলী, লালচান আলী, জসমত আলী, মান্নাত আলী। ইয়াৰ উপৰিও কেইবা গৰাকী পৰিয়ালৰ এই অগ্নিকাণ্ডত আংশিকভাৱে ক্ষতি সাধন হৈছে। এই অগ্নিকাণ্ডত দুই গৰাকী মহিলাৰ শৰীৰত জুই লাগিছিল আৰু মহিলা দুয়ো গৰাকী বৰ্ত্তমান সংকটজনক অৱস্থাত আছে। অগ্নিকাণ্ডত ভূষ্মিভুত পৰিয়াল কেইবা গৰাকীৰ সৰ্বমুঠ প্ৰায় পঞ্চাশ লক্ষাধিক টকাৰ ক্ষতি সাধন হোৱা বুলি জানিব পৰা গৈছে।
কৰণাৰ মাজতে ভাৰতৰ সংগীত জগতত মোক্ষম আঘাট সানি পৰলোক গমণ কৰা ৱাজিদ খানৰ পত্নীয়ে তুলিছে এক গুৰুতৰ অভিযোগ। বাজিদৰ মৃত্যুৰ পিছতে শহুৰৰ ঘৰে জোৰকৈ ধৰ্ম পৰিৱৰ্তন কৰিব কোৱাৰ অভিযোগ উত্থাপন কৰিছে ৱাজিদৰ খানৰ পত্নীৰ। অভিযোগ অনুসৰি ৱাজিদৰ পত্নী কমালৰুখ পাৰ্চী সম্প্ৰদায়ৰ আছিল। কিন্তু ৱাজিদৰ মৃত্যুৰ পিছতে পৰিয়ালৰ ফালৰ পৰা তেওঁৰ ওপৰত হেচা প্ৰয়োগ কৰা হৈছে ধৰ্ম পৰিৱৰ্ত কৰাৰ বাবে। ছচিয়েল মিডিয়াত এক পোষ্ট কৰি এই বিষয়ে জনাই কমালৰুখে। যি পোষ্টে এতিয়া খলকনিৰ সৃষ্টি কৰিছে কেউফালে। সংগীতকাৰ গৰাকীৰ মৃত্যুৰ পিছতে মৃত্যুৰ শোক পাতলাৰ পূৰ্বেই এনে মানসিক নিৰ্যাতন তোলাৰ অভিযোগ দিছে কমালৰুখে। কমালৰুখে লগতে কয় যে, বিয়াৰ পূৰ্বে তেওঁলোকে ১০ বছৰ ধৰি সম্পৰ্কত আছিল। তেওঁলোকক একলগে ‘কলেজ ছুইটহাৰ্টছ’ বুলিও কোৱা হৈছিল।
কৰোনাৰ মাজতে ভাৰতৰ সংগীত জগতত মোক্ষম আঘাট সানি পৰলোক গমণ কৰা ৱাজিদ খানৰ পত্নী কমালৰুখে ছচিয়েল মিডিয়াত এক পোষ্ট শ্বেয়াৰ কৰি অভিযোগ কৰে যে তেওঁৰ শহুৰৰ ঘৰে জোৰকৈ ইছলামলৈ ধৰ্ম পৰিৱৰ্তন কৰিবলৈ কৈছিল আৰু ৰূপান্তৰ নকৰাৰ বাবে কেনেদৰে তেওঁক উৎপীড়ন চলাই থকা হৈছে। ৱাজিদ খানৰ পত্নী আছিল কমালৰুখ পাৰ্চী সম্প্ৰদায়ৰ ।
কমালৰুখে কৈছে যে, ৱাজিদৰ মৃত্যুৰ পিছতে পৰিয়ালৰ ফালৰ পৰা তেওঁৰ ওপৰত হেচা প্ৰয়োগ কৰা হৈছে কিন্ত তেওঁ ধৰ্ম পৰিৱৰ্তন কৰিবলৈ অস্বীকাৰ কৰা বাবে তেওঁৰ দুই সন্তান-১৬ বছৰীয়া কন্যা আৰু ৯ বছৰীয়া সন্তানক ৱাজিদ খানৰ পৰিয়ালে উত্তৰাধিকাৰ হিচাপে অস্বীকাৰ কৰি আছে।
কমালৰুখে কৈছিল যে, তেওঁ আৰু ৱাজিদৰ কলেজৰ দিনৰে পৰা ভালপোৱাৰ সম্পৰ্কত আছিল আৰু বিশেষ বিবাহ আইনৰ অধীনত দুয়োজনৰ বিবাহ হৈছিল।এই বছৰৰ মে মাহত ৱাজিডৰ মৃত্যু হৈছিল। বিবাহৰ পিছত মোৰ স্বাধীনতা, শিক্ষা আৰু গনতান্ত্ৰিক মূল্য প্ৰণালী আছিল মোৰ স্বামীৰ পৰিয়ালৰ বাবে আটাইতকৈ ডাঙৰ সমস্যা। এগৰাকী শিক্ষিত, চিন্তা, মতামত থকা স্বাধীন মহিলা তেওলোকৰ গ্ৰহণযোগ্য নাছিল। ইছলামলৈ ধৰ্ম ৰুপান্তৰ কৰিবলৈ অচ্ছিকাৰ কৰাৰ সিদ্ধান্তই মোৰ আৰু মোৰ স্বামীৰ মাজৰ বিভাজন যথেষ্ট বৃদ্ধি কৰিছিল ।
মোৰ সন্মান আৰু আত্মসন্মানে মোক ইছলামলৈ ৰূপান্তৰ কৰি তেওঁৰ আৰু তেওঁৰ পৰিয়ালৰ পিছফালে থাকিবলৈ অনুমতি দিয়া নাছিল। : কমালৰুখ ।
কেন্দ্ৰীয় চৰকাৰ ওপৰত আক্ৰমনাত্মক হৈ মেহবুবা মুফতিৰ প্ৰশ্ন, “পাকিস্তান মুছলমান দেশ, সেইবাবেই তেওঁলোকে তেওঁলোকৰ সৈতে কথা নাপাতে নেকি ?
পিপ’লচ ডেমক্ৰেটিক পাৰ্টি (PDP) সভাপতি মেহবুবা মুফতিয়ে দেওবাৰে (২৯ নৱেম্বৰ, ২০২০) কেন্দ্ৰক আক্ৰমন কৰি প্ৰশ্ন কৰে যে তেওঁলোকে চীনৰ সৈতে যদি পাৰে তেন্তে পাকিস্তানৰ সৈতে কিয় আলোচনা কৰিব নোৱাৰিব ।
“যেতিয়া তেওঁলোকে লাদাখত আমাৰ ভূমি দখল কৰি থকা স্বত্বেও চীনৰ সৈতে কথা পাতিব পাৰে, ভাৰত আৰু পাকিস্তানৰ মাজত আলোচনা হোৱা উচিত,” মুফতিয়ে কয়।
এয়াৰ ইণ্ডিয়াই অহা বছৰৰ জানুৱাৰীৰ পৰা চেন্নাই আৰু লণ্ডনৰ মাজত নন-ষ্টপ বিমান পৰিৱহন কৰাৰ পৰিকল্পনা কৰিছে । যাৰ ফলত তামিলনাডুৰ ৰাজধানীৰ ন খন চহৰক ব্ৰিটিছ ৰাজধানীৰ সৈতে সংযোজিত কৰা হব।
এয়াৰ ইণ্ডিয়াই বৰ্তমান দিল্লীৰ পৰা লণ্ডনলৈ নন-ষ্টপ বিমান চলাচল কৰি আছে (সপ্তাহত সাত খন বিমান), মুম্বাই (সপ্তাহত চাৰিখন বিমান), কোচি (সপ্তাহত তিনিখন বিমান), আহমেদাবাদ (সপ্তাহত দুখন বিমান), বাংগালুৰু (সপ্তাহত দুখন বিমান), গোৱা (সপ্তাহত দুখন বিমান), কলকাতা (সপ্তাহত এখন বিমান) আৰু অমৰিতসৰ (সপ্তাহত দুখন উৰণ) বুলি এজন বিমান কৰ্মীয়ে জানিবলৈ দিয়ে।
“দিল্লী, কোচি, গোয়া আৰু আহমেদাবাদৰ দৰে কিছুমান ষ্টেচনত যথেষ্ট প্ৰৱল চাহিদা (লণ্ডন বিমানৰ বাবে) দেখা গৈছে,” মুখপাত্ৰজনে কয়।
“আমি ২০২১ চনৰ জানুৱাৰী মাহৰ পৰা চেন্নাই আৰু লণ্ডনৰ মাজত প্ৰত্যক্ষ অভিযান আৰম্ভ কৰাৰ পৰিকল্পনা কৰিছোঁ,” মুখপাত্ৰজনে কয়।
COVID-19ৰ বাবে ২৩ মাৰ্চৰ পৰা ভাৰতত অনুসূচীত আন্তৰ্জাতিক যাত্ৰীবাহী বিমান স্থগিত হৈ আছে।
অৱশ্যে, এয়াৰলাইনসমূহক মে মাহৰ পৰা আৰু জুলাইৰ পৰা দুপৰীয়া বিমান এক চুক্তিৰ অধীনত বন্দে ভাৰত মিছনৰ অধীনত বিশেষ আন্তৰ্জাতিক বিমান চলাবলৈ অনুমতি দিয়া হৈছে।
কোৰোণা ভাইৰাছৰ উত্পত্তিস্থল চীন দেশত এইবাৰ নোৰো ভাইৰাছ নামেৰে এক নতুন ভাইৰাছৰ সংক্ৰমণ আৰম্ভ হৈছে ।
নোৰো নামৰ এবিধ নতুন ভাইৰাছে চীনত আৰম্ভ কৰিছে সন্ত্ৰাসৰ। এই নোৰো ভাইৰাছ বিশেষকৈ আক্ৰান্ত হৈছে কণ কণ শিশুৰ লগতে বয়োজ্যেষ্ঠ লোকসকল।এই কথা উল্লেখ কৰিছে দেশ খনৰ স্বাস্থ্য বিভাগে।
“চীনৰ ছিচুৱান প্ৰদেশৰ জিজঙৰ এখন সৰু ল’ৰা ছোৱালীৰ স্কুলৰ ছাত্ৰ-ছাত্ৰীসকল বমি কৰি অসুস্থ হৈ পৰিছিল। আৰু তেতিয়াই পৰীক্ষাৰ নিৰীক্ষাৰ অন্তত এই নতুন ভাইৰাছৰ অৱস্থিতি ধৰা পৰিছিল” : গ্লোৱেল টাইমছৰ ।
প্ৰায় ৫০ গৰাকী শিশু বৰ্তমানলৈ আক্ৰান্ত হৈছে নোৰো ভাইৰাছত। বিশেষজ্ঞ চিকিত্সকে কোৱা মতে, এই ভাইৰাছৰ সংক্ৰমণ কোৰোণা ভাইৰাছতকৈও ভয়াৱহ। এই ভাইৰাছৰ প্ৰাৰম্ভিক লক্ষণ হ’ল বমি আৰু ডায়েৰিয়া। আক্ৰান্ত ৰোগীয়ে সময়ত চিকিত্সা লাভ নকৰিলে মৃত্যু পৰ্যন্ত হ’ব পাৰে।
