দৈনন্দিন বাৰ্তা ডিজিটেল ডেস্কঃ ভাৰতত প্ৰথমবাৰৰ বাবে উৎপাদন হ’ব গাধৰ গাখীৰ। কৰ’না ভাইৰাছৰ সংক্ৰমণৰ সময়তে নেচনেল ৰিছাৰ্চ চেণ্টাৰ অৱ ইকুইনেছ চমুকৈ এন আৰ চি ই-এ দেশত গাধৰ গাখীৰ বাণিজ্যিক ভিত্তিত উৎপাদন আৰম্ভ কৰিছে। ইতিমধ্যে প্ৰতিষ্ঠানটোৱে হাৰিয়ানাত গাধৰ গাখীৰৰ উৎপাদন আৰম্ভ কৰাৰ পিছত দেশৰ আন প্ৰান্ততো এনে উদ্যোগ গ্ৰহণ কৰিব জানিব পৰা গৈছে। বিভিন্ন সূত্ৰৰ পৰা জানিব পৰা মতে, গাধৰ গাখীৰে কৰ্কটৰ পৰা আৰম্ভ কৰি বহু জটিল ৰোগৰ প্ৰতিৰোধ ক্ষমতা বৃদ্ধি কৰে। গাধৰ গাখীৰ বিশ্বৰ দামী প্ৰসাধন সামগ্ৰী প্ৰস্তুতকে ধৰি বহু ৰোগৰ দৰৱ প্ৰস্তুতত ব্যৱহাৰ হৈ আহিছে। উল্লেখযোগ্য কৰিব পাৰি যে, গাধৰ গাখীৰৰ প্ৰতি লিটাৰত বজাৰ মূল্য প্ৰায় ৭,০০০ টকা। কিয়নো এক লিটাৰ গাধৰ গাখীৰ পাবলৈ কেইবাটাও গাধ খীৰাব লগীয়া হয়।
বাতৰি যোগুতালেঃ জ্যোতিস্মান শৰ্মা

দৈনন্দিন বাৰ্তা ডিজিটেল ডেস্কঃ ব্ৰিটেইনত হব লগীয়া অনলাইন নিলামীত আছে এযোৰ চছমা। চচমা যোৰ জাতিৰ পিতা মহাত্মা গান্ধীয়ে পিন্ধিছিল বুলি সকলোৱে কয়। আচৰিত ইয়াৰ মূল্য ১০,০০০ ৰ পৰা ১৫,০০০ পাউণ্ড হব বুলি জানিব পৰা গৈছে। কোম্পানীটোৰ কৰ্মচাৰীয়ে জনাই যে যেতিয়া চছমা যোৰ বিক্ৰী কৰিব আহিছিল তেতিয়া তাৰ দাম বিক্ৰেতা জনে গম পোৱা নাছিল কিন্তু পিছত চছমা যোৰৰ দাম গম পাই তেওঁ আচৰিত হৈছিল৷ তেঁও কৈছিল যে এই চছমা যোৰ তেওঁৰ পিতৃক ১৯১০ ৰ পৰা ১৯৩০ চনৰ ভিতৰত মহাত্মা গান্ধীয়ে উপহাৰ স্বৰূপে দিছিল আৰু তেওঁ গম পোৱা নাছিল যে ইয়াৰ দাম ইমান হব ৷ দক্ষিন-পশ্চিম ইংলেণ্ডৰ উপনগৰ হনহমস্থিত ‘ ইষ্ট ব্ৰিস্টল আকচন ‘ নামৰ কোম্পানী এটাই ৰবিবাৰে কয় যে ‘‘এয়া গম পাই অতি আনন্দিত হৈছিলো যে এটা খামৰ ভিতৰত ইমান ধুনীয়া ইতিহাস আছে” লগতে কয় যে ইয়াৰ বিক্ৰীৰ পূৰ্বেই ইয়াৰ দাম অধিক ওপৰলৈ উঠিছে। এতিয়া মহাত্মা গান্ধীৰ এই চছমা যোৰ বিক্ৰীৰ পূৰ্বেয়ে অধিক জনপ্ৰিয় হৈ পৰা দেখা গৈছে লগতে ভাৰতৰ লোক সকলেও ইয়াৰ অধিক গুৰুত্ব প্ৰদান কৰা দেখা গৈছে।
বাতৰি যোগুতালেঃ জ্যোতিস্মান শৰ্মা

দৈনন্দিন বাৰ্তা ডেস্ক : ক’ৰোনা ভাইৰাছত আক্ৰান্ত হৈছে প্রাক্তন ৰাষ্ট্ৰপতি প্ৰণৱ মুখাৰ্জী ৷ সোমবাৰে তেওঁ নিজেই এই কথা জনায়৷ সেয়ে যোৱা এটা সপ্তাহত তেওঁৰ সংস্পৰ্শলৈ অহা সকলোকে অবিলম্বে ক’ভিড-১৯ পৰীক্ষা কৰিবলৈ পৰামৰ্শ দিছে৷ দিল্লীৰ এখন চিকিৎসালয়ত প্ৰাক্তন ৰাষ্ট্ৰপতিজনে স্বোৱাব পৰীক্ষা কৰাইছিল৷ সোমবাৰে পুৱাই তেওঁ টুইট কৰি লেখে, আন কাৰণত চিকিৎসালয়লৈ যোৱাৰ পাচত মোৰ ক’ভিড-১৯ পৰীক্ষা হয়৷ সোমবাৰে তাৰ ৰিপৰ্ট দিয়ে৷ এনে সময়তে অনুৰোধ কৰিছো, যোৱা এটা সপ্তাহত মোৰ সংস্পৰ্শলৈ যিসকল আহিছিল তেওঁলোক কোৱাৰেণ্টাইনত থাকক আৰু ক’ভিড-১৯ পৰীক্ষা কৰক৷ প্ৰাপ্ত তথ্য মতে কিছুদিনৰ আগতে হৃদযন্ত্ৰ ব্লকেজ সমস্যাত পৰিছিল প্ৰণৱ মুখাৰ্জী৷ সেয়ে নিয়মীয়া চিকিৎসাৰ বাবে চিকিৎসকৰ পৰ্যৱেক্ষণত থাকে৷ সেই সংক্ৰান্তীয় শাৰীৰিক পৰীক্ষাৰ বাবে তেওঁ চিকিৎসালয় গৈছিল৷ তাতেই ক’ৰোনা পৰীক্ষা হয় ৷

দৈনন্দিন বাৰ্তা ডেস্ক : জাগি উঠিল ইন্দোনেছিয়াৰ মাউণ্ট ছিনাবাং আগ্নেয়গিৰি৷ ইন্দোনেছিয়াৰ নেচনেল ভলকেন’ এজেন্সী বা এনভিএয়ে শনিবাৰে সকলোকে সতৰ্ক কৰি দিছিল যে উত্তৰ সুমাত্ৰা দ্বীপত অৱস্থিত ২৪৭৫ মিটাৰ উচ্চতাৰ আগ্নেয়গিৰিটোৰ পৰা ছাই ওলাবলৈ আৰম্ভ কৰিছে৷ সোমবাৰে স্থানীয় সময় পুৱা ১০.১৬ বজাত তীব্ৰ উদগীৰণ হয়৷ তাৰ লগে লগে ১৬,৪০০ ফুট উচ্চতালৈকে যায় ছাই, ধোঁৱা, শিল, লাভা৷ কেৱল ছাইৰ কুণ্ডলী পৰ্বতৰ শিখৰৰ পৰা ৫ কিলোমিটাৰ ওপৰলৈকে যায়৷ আগ্নেয়গিৰিটো উদগীৰণৰ ফলত ভূমিকম্পৰ সৃষ্টি হয়৷ ইতিমধ্যে লেভেল-৩ সতৰ্কতা জাৰি কৰা হৈছে৷ উল্লেখ্য যে ইন্দোনেছিয়াৰ ১২৯ টা সক্ৰিয় আগ্নেয়গিৰিৰ ভিতৰত মাউণ্ট ছিনাবাং অন্যতম ৷ শনিবাৰে প্ৰথম উদগীৰণৰ ফলতে মূল গহ্বৰৰ তিনি কিলোমিটাৰ ব্যাসাৰ্দ্ধ এলেকাত যাতায়াত বন্ধ কৰা হৈছে৷ আনহাতে বাসিন্দাসকলক নিৰাপদ দূৰত্বত ৰখা হৈছে৷