দৈনন্দিন বাৰ্তা ডেস্ক : চাৰি বছৰৰ আগতে কাজিৰঙা ভ্ৰমণ কৰিছিল ব্ৰিটিছ ৰাজকুমাৰ আৰু ৰাজকুমাৰীয়ে৷ কাজিৰঙাত অৰণ্যৰ মাজত প্ৰাণীৰ মুক্ত জীৱন দেখি তেওঁলোক আপ্লুত হৈ পৰিছিল৷ নিজৰ হাতেৰে গঁড়, হাতীক খাবলৈ দি আনন্দত উতলি উঠিছিল৷ তেওঁলোকৰ স্মৃতিৰ মানস পটত ভাহি আছে কাজিৰঙা৷ এই কাজিৰঙা ৰাষ্ট্ৰীয় উদ্যান বানপানীৰ কৱলত পৰাত বন্যপ্ৰাণীৰ অৱস্থা দেখিলে ছবি৷ তাকে দেখি নিজৰ আবেগ ৰাখিব নোৱাৰিলেহী ব্ৰিটেইনৰ প্ৰিন্স উইলিয়াম আৰু তেওঁৰ পত্নী কেট মিডলটন৷ অশ্ৰুসিক্ত নয়নেৰে তেওঁলোকে কাজিৰঙাৰ কৰ্তৃপক্ষলৈ চিঠি লিখিলে৷ জনালে, এই পৰিস্থিতি দেখি তেওঁলোকৰ অতি দুখ লাগিছে৷ যোৱা কিছু সপ্তাহ হোৱা বৰষুণত প্লাবিত দিশৰ অন্যতম বৃহৎ এই অভয়াৰণ্য৷ ৯২ শতাংশই প্লাবিত৷ গঁড়, হৰিণা, বাঘ, হাতী আদি বন্যপ্ৰেমীয়ে প্ৰাণৰ মমতাত পলাইছে৷ বন্যপ্ৰাণী সোমাইছে লোকাৰণ্যত৷ মৃত্যু হৈছে শতাধিক বন্যপ্ৰাণী৷ বন্যপ্ৰাণী ৰক্ষা কৰিবলৈ দিনেনিশাই বনকৰ্মীয়ে কাম কৰিছে৷ সম্প্ৰতি এই ছবি চকুত পৰিছে ব্ৰিটিছ ৰাজকুমাৰ উইলিয়াম আৰু তেওঁৰ পত্নী কেটৰ৷ তাকে দেখি তেওঁলোক আচৰিত হৈ পৰে৷ চাৰি বছৰৰ আগতে দেখা কাজিৰঙাৰ লগত একো মিল দেখা নাই৷ কাজিৰঙাৰ সঞ্চালক পি শিৱকুমাৰলৈ চিঠি লিখি সেই কথা প্ৰকাশ কৰিলে ডিউক এণ্ড ডাছেছ অব কেমব্ৰিজে৷ জনালে, এই ছবি দেখি তেওঁলোকৰ হৃদয় বেদনাই ভৰি পৰিছে৷ চিঠিত কেট-উইলিয়ামে লিখিছে, ২০১৬ চনৰ এপ্ৰিলত কাজিৰঙাত জীৱনৰ অন্যতম সুন্দৰ মুহূৰ্ত কটাইছিল৷ কিন্তু এতিয়া যি দেখিছো আচৰিত হৈছো৷ তেওঁলোকৰ প্ৰত্যেকৰ প্ৰতি গভীৰ সমবেদনা জনাইছো৷ সুদুৰ ব্ৰিটেইনৰ পৰা উইলিয়াম-কেটৰ এই চিঠিয়ে প্ৰাণ যোগালে কাজিৰঙাৰ কৰ্তৃপক্ষক৷ সঞ্চালক পি শিৱকুমাৰে কয়, ”নিঃসন্দেহে এই চিঠিয়ে আমাৰ কৰ্মীসকলক উজ্জীবিত কৰিব৷”

দৈনন্দিন বাৰ্তা ডেস্ক : দেওবাৰ দিনটো আছিল কৰ্গিল যুদ্ধৰ ২১ তম বিজয় দিৱস৷ প্ৰধানমন্ত্ৰী নৰেন্দ্ৰ মোডীয়ে এই দেনটোতে তেওঁৰ ‘মন কি বাত’ অনুষ্ঠানত সেই সুযোগৰ সদ্ব্যৱহাৰ কৰিলে৷ অটল বিহাৰী বাজপেয়ীৰ দিনত জম্মু আৰু কাশ্মীৰৰ নিয়ন্ত্ৰণ ৰেখাত পাকিস্তানৰ আগ্ৰাসনৰ প্ৰসংগ তুলি ক্ষুৰধাৰ আক্ৰমণ কৰে ইছলামাবাদক৷ তাৰ লগতে তুলি ধৰিলে ভাৰতীয় সেনাৰ বীৰত্বৰ কাহিনী৷ প্ৰধানমন্ত্ৰীৰ ৩৪ মিনিটৰ বক্তৃতাত উচ্চাৰণ হ’ল একাধিকবাৰ পাকিস্তানৰ নাম৷ যোৱা ২৮ জুনৰ ‘মন কি বাত’ত এইদৰে পূৱ লাডাখৰ গালৱানত বিহাৰ ৰেজিমেণ্টৰ বীৰ সেনাৰ আত্মবলিদানৰ প্ৰসংগ তুলিছিল৷ ব্যতিক্ৰম কেৱল এটাই, প্ৰধানমন্ত্ৰীৰ মুখত সেইদিনা এবাৰো শুনিবলৈ পোৱা নাছিল আক্ৰমণকাৰী চীনা সেনাৰ নাম৷ কাৰ্গিল যুদ্ধৰ প্ৰসংগত মোডীৰ মন্তব্য, ভাৰতৰ বন্ধুত্বৰ প্ৰতিদানত পিছৰ পৰা ছুৰী মাৰিবলৈ চাইছিল পাকিস্তানে৷ কিন্তু আমাৰ সেনাই ইমান শিক্ষা দিছে, সেয়া তেওঁলোকে চিৰজীৱন মনত ৰাখিব৷ কিয় ইমান বিশ্বাসঘাতকতা? মোডীৰ ব্যাখ্যা, দিশৰ অভ্যন্তৰীণ অস্থিৰতা প্ৰতি দৃষ্টি ঘুৰুৱা আৰু ভাৰতৰ মাটি দখলৰ উদ্দেশ্যে আক্ৰমণ চলোৱা হৈছিল৷ ভাৰতীয় সেনাৰ বীৰত্ব প্ৰসংগত তেওঁৰ মন্তব্য, তেওঁলোকে (পাকিস্তানৰ) পাহাৰৰ ওপৰত ঘাঁটি বহুৱাইছিল৷ আমাক তললৈ পেলাব৷ কিন্তু কাৰ্গিলে প্ৰমাণ কৰিছিল, অৱস্থানগত উচ্চতা নহয় যুদ্ধত জয়-পৰাজয়ৰ ক্ষেত্ৰ নিৰ্ণায়ক হৈ উঠে সেনাৰ মানসিক উচ্চতা৷ কাৰ্গিলৰ লগতে দেশত হৈ থকা ক’ৰোনা ভাইৰাছ সংক্ৰমণৰ প্ৰসংগও আনে মোডীয়ে৷ তেওঁৰ দাবী, আন দেশৰ তুলনাত ভাৰতত আক্ৰান্তসকল সুস্থ হৈ উঠাৰ হাৰ বেছি৷ মৃত্যুৰ হাৰ কম৷ ক’ৰোনা ভাইৰাছ আগৰটোৰ দৰেই সমানে বিপদজনক বুলি মোডীয়ে উল্লেখ কৰি কয়, অসুবিধা হ’লেও মাস্ক (পৰিৱৰ্ত হিচাপে গামোচাৰ কথাও কয়) আমি ব্যৱহাৰ কৰিবই লাগিব৷ যিসকলে কয়, মাস্ক পিন্ধিলে অস্বস্তি লাগে, তেওঁলোকে চিকিৎসক-নাৰ্চ-স্বাস্থ্য কৰ্মীৰ কথা এবাৰ ভাবক৷ কিমান অসুবিধা সহ্য কৰি ঘণ্টাৰ পাছত ঘণ্টা মাস্ক পিন্ধি কাম কৰিছে৷ এই ‘মন কি বাত’ত দেশীয় পণ্য কিনিবলৈ আহ্বান জনায় মোডীয়ে৷ অহা ৭ আগষ্টত খাদী দিৱস সফল কৰিবলৈ তেওঁ আহ্বান জনায়৷ তেওঁৰ মতে দেশীয় পণ্য কিনাৰ অভ্যাস গঢ়ি উঠিলে ‘আত্মনির্ভৰ ভাৰত’ শ্ল’গান সফল হ’ব৷ লগতে শিশুক ইণ্টাৰনেটৰ অনলাইন গেমৰ সলনি প্ৰাচীন ভাৰতীয় ইনড’ৰ গেম খেলাৰ অভ্যাস গঢ়ি তুলিবৰ বাবে অভিভাৱকক পৰামৰ্শ দিয়ে৷

দৈনন্দিন বাৰ্তা ডেস্ক : বলীউডৰ ছবি উদ্যোগত ‘গেং’লৈ এইবাৰ সৰৱ হৈ পৰিছে স্বয়ং অস্কাৰ জয়ী সংগীত শিল্পী এ আৰ ৰহমান ৷ বলীউডত যি গেঙৰ আধিপত্য চলিছে তিক একপ্ৰকাৰ স্বীকাৰ কৰিছে খ্যাতনামা এই সংগীত শিল্পীজনে৷ তেওঁ কয়, ফ্লিম ইণ্ডাষ্ট্ৰীত এটা ‘গেং’ আছে, যাৰ সৈতে মোৰ সম্পৰ্ক আছে বুলি উৰাবাতৰি বিয়পি পৰিছে ৷ সুশান্ত সিং ৰাজপুতৰ শেষ ছবি ‘দিল বেচাৰা’ত সংগীত পৰিচালনা কৰিছিল এ আৰ ৰহমানে ৷ এই ছবিখনক লৈ সম্প্ৰতি ৰেডিঅ’ মিৰ্চিত এটা সাক্ষাৎকাৰত শিল্পীজনে কয়, কোনো ভাল ছবি হ’লে মই ক’তো সেইটো নহয় বুলি নকও ৷ মই লক্ষ্য কৰিছো, তাত এটা গেং আছে, যিটোৱে এই ভুল বুজাবুজিৰ কাৰণ ৷ তাৰ পৰাই মোৰ সম্পৰ্কত উৰাবাতৰি বিয়পিছে ৷ এ আৰ ৰহমানে কয়, য’ত মুকেশ ছৰবৰা মোৰ কাষত আছিল, মই তেওঁক দুদিনৰ ভাতৰতে গান সৃষ্টি কৰি দিছিলো ৷ মুকেশে মোক কৈছিল, ছাৰ মোক বহুৱে কৈছি তেওঁৰ কাষলৈ নাযাবা, আপদত একো নোপোৱা ৷ বহুৱে আপোনাৰ সম্পৰ্কে গল্প শুনায় ৷ এ আৰ ৰহমানে কয়, মই মুকেশ ছাবৰাৰ মুখত এই কথা শুনি বিষয়টো বুজি পালো ৷ বুজিলো যে কেনেকৈ মই এতিয়া কাম পাম ৷ কোনো ভাল ছবিত সংগীত পৰিচালনাৰ প্ৰস্তাৱ মোৰ কাষলৈ অহা নাই ৷ গেঙৰ চক্ৰান্তত কিছু ডাৰ্ক ছবিৰ কামত মোক বাচি নিয়া হৈছে ৷ তথাপি মই কেতিয়াও তেওঁলোকক বুজিবলৈ নিদিও যে তেওঁলোকে মোৰ ক্ষতি কৰিছে ৷

দৈনন্দিন বাৰ্তা ডেস্ক : ক’ৰোনাত আক্ৰান্ত হ’ল মধ্যপ্রদেশৰ মুখ্যমন্ত্রী শিৱৰাজ সিং চৌহান। শনিবাৰে এই কথা টুইট কৰি জনালে স্বয়ং মুখ্যমন্ত্ৰীজনে৷ হিন্দীতে টুইট কৰি লিখে, মোৰ প্ৰিয় দেশবাসী ৷ মোৰ কিছুদিন ধৰি ক’ৰোনা উপসৰ্গই দেখা দিছিল ৷ পৰীক্ষা কৰাৰ পাছত ৰিপৰ্টত পজিটিভ আহে ৷ ইয়াৰ লগতে তেওঁ অনুৰোধ কৰে, যোৱা কিছুদিন তেওঁৰ আশেপাশে যিসকল আহিছিল, তেওঁলোকে নিজৰ পৰীক্ষা কৰি লয় যেন ৷ ইতিমধ্যে মুখ্যমন্ত্ৰীৰ সংস্পৰ্শলৈ যোৱাসকলক কোৱাৰেণ্টাইন কৰা হৈছে৷ উল্লেখ্য যে ইয়াৰ আগতে সেইখন ৰাজ্যৰ বিজেপি নেতা জ্যোতিৰাদিত্য সিন্ধিয়া আৰু তেওঁৰ মাতৃ ক’ৰোনা পজিটিভ হৈছিল ৷ তেওঁলোক বৰ্তমান সুস্থ৷ ৰাজ্যখনত ক’ৰোনা পৰিস্থিতি অতি বেয়া ৷ সমাজৰ সকলো স্তৰলৈ বিয়পিছে মাৰাত্মক ক’ৰোনা ৷ এই পৰ্যন্ত ৰাজ্যখনত মুঠ আক্ৰান্ত হৈছে ২৬২১০ জন আৰু মৃত্যু হৈছে ৭৯১ জন ৷