✍ ডাঃ প্ৰণৱ চক্ৰৱৰ্তী

মহানগৰীত পুনৰ লকডাউন ঘোষণা কৰিলে৷ গেলামালৰ দোকান পৰ্যন্ত বন্ধ৷ পৰিস্থিতি সাপেক্ষে আপত্তি কৰাৰ থল নাই৷ সুপৰিকল্পিতভাৱে যে কথাবোৰ হোৱা নাই সেইয়া স্পষ্ট৷ পাঁচদিনমান পিছৰ পৰাই যে মহানগৰীৰ বহুতৰে চৌকা নজ্বলিব সেইটো খাটাং৷ মাহৰ শেষত নিম্ন মধ্যবিত্তৰ অৱস্থা কি হয় আমি জানো৷ কাঢ়া নিৰ্দেশনা এটাৰ পিছত আনটো আহিছে৷ পুলিচ প্ৰশাসনৰ ভয় দেখুওৱা হৈছে সাধাৰণ জনসাধাৰণক৷ ঠিকেই আছে বুলি ধৰি লৈছোঁ৷ এইখিনি সময়ত ৰোগৰ পৰা বাছি থকাটোৱেই মূল কথা৷ মহানগৰবাসীয়ে বেয়া পাব বুলিয়ে হয়তো অন্য চহৰ নগৰতো শনি-দেওবৰীয়া লকডাউন দি দিলে৷ তাৰ পৰা কি লাভ হ’ব ঘোষণা কৰা সকলেও হয়তো নাজানে৷ এতিয়া কথা হ’ল আমি বাৰু চৰকাৰে দিয়া আটাইবোৰ নিয়ম মানিম কিন্তু চৰকাৰে আমাৰ বাবে এই সময়ছোৱাৰ বাবে কি চিন্তা কৰিলে সেইটোও জনাৰ নিশ্চয় আমাৰ অধিকাৰ আছে৷ বজাৰৰ বস্তুৰ দামত যে ব্যৱসায়ীসকলে জুই লগাই আমাক লুটিলে তাক নিয়ন্ত্ৰণ কিয় কৰা নহ’ল৷ হয়তো সময় নাপালে৷ এইযে বাছভাড়া আগৰ দুগুণৰ ঠাইত চাৰিগুণমান হ’ল তাৰ ওপৰত ব্যৱস্থা লোৱা মুঠেও চকুত নপৰিল৷ কথাটো এনেকুৱা নেকি যে ৰাজভড়াল টনকিয়াল কৰিবলৈ চৰকাৰে পেট্ৰল-ডিজেলৰ দাম বঢ়োৱাৰ দৰে বা ৰাতিৰ ভিতৰতে টোলগেট সৃষ্টি কৰাৰ নিচিনাকৈ ব্যৱসায়ী সকলোকো সাধাৰণ ৰাইজক লুটাৰ বিশেষ অফাৰ এটা দি দিলে৷ তেনে কিবা চক্ৰান্ত থকা বুলি আমি ভাবিবলৈ বাধ্য হৈছোঁ৷ নিজৰ পৰিয়ালটোৰ মোহত বহুতেই নীতি নিৰ্দেশনা যি দিয়ে তাকেই মানিম বুলি দৃঢ় হৈছে যদিও বৰ মানসিক অশান্তিত ভুগিছে। লকডাউন হয়তো বঢ়াই থাকিব লগা পৰিস্থিতি হ’ব পাৰে, মাত্ৰ অতি সাধাৰণ ব্যক্তি হিচাপে চৰকাৰী পক্ষলৈ অনুৰোধ পৰিকল্পনাবোৰ সুপৰিকল্পনা কৰাত গুৰুত্ব দিব৷ ব্যৱসায়ী সকলক সন্তুষ্ট কৰিব গৈ সাধাৰণ ৰাইজক ৰাম টাঙোন নামাৰিব৷ সময় বৰ জটিল…৷

✍হেমন্ত ডেকা

চিকিৎসকসকল হ’ল স্বাস্থ্য সেৱা প্রদায়ক, যাৰ পেচা হ’ল শাৰীৰিক আৰু মানসিক ৰোগ, আঘাত বা বিকাৰ নিৰক্ষীন, নির্ণয় আৰু নিৰাময়ৰ দ্বাৰা মানুহৰ স্বাস্থ্য বজায় ৰখা। চিকিৎসকসকল নিজৰ পেচাৰ প্রতি যথেষ্ঠ দায়িত্বশীল আৰু সময় সচেতক । এই চিকিৎসকসকলক সন্মান জনোৱাৰ উদ্দেশ্যে সমগ্র বিশ্বতে বিশেষ দিন একোটাত চিকিৎসক দিৱস পালন কৰা হয় । জাতীয় চিকিৎসক দিৱসৰ অন্যতম প্রধান বিষয় হ’ল চিকিৎসা সেৱা আৰু স্বাস্থ্য সুৰক্ষাৰ ক্ষেত্রত চিকিৎসক আৰু ৰোগীৰ সম্পর্ক আৰু চিকিৎসকৰ দায়ৱদ্ধতা সম্পর্কে সজাগতা অনাৰ উপৰিও ৰোগীয়া মানুহক যন্ত্রণাৰ পৰা অৱসাদ দিয়া মহান চিকিৎসক সকলক সন্মান প্রদর্শন কৰা । আমেৰিকা তথা পশ্চিমীয়া দেশসমূহৰ বেছিভাগতে ৩০ মার্চ তাৰিখে চিকিৎসক দিৱস পালন কৰা হয় । আমেৰিকাৰ প্রসিদ্ধ চিকিৎসক ডা: ক্রফোর্ড ডব্লিউ লঙে বিশ্বত পোন প্রথমবাৰৰ বাবে এনাস্থেচিয়াৰ প্রয়োগ কৰি জার্জিয়াত এজন ৰোগীৰ ডিঙিৰ পৰা অস্ত্রোপচাৰ কৰি এটা টিউমাৰ আঁতৰাই পেলাইছিল। ডা: লঙৰ এই ঐতিহাসিক সাফল্যৰ স্বীকৃতি স্বৰূপে আমেৰিকাত ১৯৩৩ চনৰ পৰা চিকিৎসক দিৱস পালন কৰি আহিছে । আমাৰ দেশ ভাৰতবর্ষত ১ জুলাই তাৰিখে চিকিৎসক দিৱস পালন কৰা হয় । কিংবদন্তি চিকিৎসক ডা: বিধান চন্দ্র ৰায়ৰ সন্মানার্থে এই দিৱস সমগ্র দেশ জুৰি পালন কৰা হয় । বিধান চন্দ্র ৰাও ব্যক্ত নাম ভজন নামেৰে পৰিচিত আছিল I তেখেতৰ জন্ম হৈছিল ১৮৮২ চনৰ পহিলা জুলাই তাৰিখত আৰু মৃত্যু হৈছিল ১৯৬২ চনৰ ১ জুলাই তাৰিখত । তেখেতে ১৪ বছৰ পশ্চিমবঙ্গৰ মুখ্যমন্ত্রী পদত থাকি যথেষ্ঠ উন্নয়কমূলক কাম কৰিছিল । সেইবাবে তেখেতক পশ্চিম বঙ্গৰ “ৰপকাৰ”বুলি কোৱা হয় I বঙ্গীয় ইতিহাসৰ এক কঠিন সময়ত ডা: ৰায়ে লক্ষ টকীয়া উপার্জনৰ পথ পৰিহাৰ কৰি বিপন্ন বঙালী সকলৰ ৰক্ষাৰ নিমিত্তে জপিয়াই পৰিছিল । চিকিৎসক দিৱসৰ আনুষ্ঠানিক প্রতীক হিচিপে ৰঙা কাৰনেচন (Carnetion dianthus coryiphylle) ফুল নিৰ্বাচিত কৰা হৈছে । এই ফুল উদ্দ্যমৰ প্রতীক। ই শ্রদ্ধা, সেৱাৰ মনোভাৱ, ত্যাগ, সাহস আৰু সুবিবেচনা প্রতিনিধিত্ব কৰে । ইয়াৰ পৰা স্পষ্ট হয় যে চিকিৎসক সকল উদ্দমী হোৱাৰ উপৰিও তেওঁলোকৰ এটা সেৱাৰ মনোভাৱ থকাটো অতি প্রয়োজনীয় কথা । চিকিৎসক সকলে তেওঁলোকৰ সাহসী মনেৰে মৃত্যুৰ সৈতে যুঁজি থকা ৰোগী সকলক উপযুক্ত চিকিৎসা সেৱা আগবঢ়াই নতুন জীৱন দান কৰে । এই মহান চিকিৎসক সকলৰ বাবে এটা দিন হ’লেও ধার্য্য কৰি সন্মান জনোৱাতো অতি প্রাসঙ্গিক।