নাজিৰা 

 ১৯৬৩ চনত অসমৰ নাগিনীমৰা জিলাৰ সীমাকে নিৰ্ধাৰণ কৰি নাগালেণ্ড হিচাপে সুকীয়া ৰাজ্যৰ মৰ্যাদা পোৱাৰ পাছত নাগালেণ্ডে সেই সীমাক মানি নলৈ উত্তৰ – পূৱ সীমান্ত ৰে’ল পথলৈকে নাগালেণ্ড ৰাজ্যৰ সীমা হ’ব লাগে বুলি দাবী কৰি সম্প্ৰতি নগা চৰকাৰ আৰু উগ্ৰপন্থী সংগঠন এন এছ চি এনৰ দুই ফৈদেও এই দাবীকেলৈ অতল থাকি বৃহত্তৰ নাগালিম গঠনৰ প্ৰচেষ্টা কৰি আহিছে । নগাৰ এই দাবীক সুনিশ্চিত কৰাৰ উদ্দেশ্যে বিভিন্ন সময়ত সীমান্তৱৰ্তী অঞ্চলটোত অপহৰণ , হত্যা , অসমৰ বনাঞ্চলত থকা মূল্যৱান গছ – গছনি কাটি , অসমীয়া পৰিয়ালৰ পোহনীয়া জীৱ — জন্তু কাঢ়ি – নিধন কৰি আৰু সীমান্তৰ অসমীয়া ব্যক্তিৰ চাহ গছ কাটি – জ্বলাই আদি বিভিন্ন ধৰণে সন্ত্ৰাস চলাই আহিছে । তাৰোপৰি সীমান্তৰ অসমৰ হাজাৰ হাজাৰ হেক্টৰ ভূ – খণ্ড নগাৰ দখললৈ নি আগ্ৰাসন অব্যাহত ৰাখিছে । নাগালেণ্ডে অসমৰ শিৱসাগৰ , যোৰহাট , গোলাঘাট , কাৰ্বিআংলং জিলাৰ বৃহৎ এলেকা নাগালিমত অন্তৰ্ভুক্ত কৰি লোৱাত অসমৰ মানচিত্ৰ ক্ৰমে সংকোচনহৈ পৰিছে । ইতিমধ্যে নাগালেণ্ডে শিৱসাগৰ জিলাৰ ৪২৭৯.০৬ হেক্টৰ , যোৰহাট জিলাৰ ১৯,৭৭৭.৬৩ হেক্টৰ, গোলাঘাট জিলাৰ ৪১ .৯৮৫ হেক্টৰ , কাৰ্বিআংলং জিলাৰ ২০০ হেক্টৰ ভূমি বেদখল কৰাৰ উপৰি যোৰহাট জিলাৰ সংৰক্ষিত বনাঞ্চলৰ তিৰু হিলছত ৪৮২৯.১৫ হেক্টৰ , দিচৈ বনাঞ্চলৰ ১৫৩২ . ৩৪ হেক্টৰ , দিচৈ ভেলীৰ ১৩, ৩২২ হেক্টৰ , গোলাঘাট জিলাৰ ডিফু সংৰক্ষিত বনাঞ্চলৰ ২৭, ২৯৩ হেক্টৰ , দক্ষিণ নামবৰ।বনাঞ্চলৰ ১৪,৩৬০ হেক্টৰ , ৰেংমা বনাঞ্চলৰ ৯.৯৩৫ হেক্টৰ , দৈয়াং বনাঞ্চলৰ ৩৯৭ হেক্টৰ , কাৰ্বিআংলং জিলাৰ দলদলি বনাঞ্চলৰ ১০ হেক্টৰ , শিৱসাগৰ জিলাৰ গেলেকী সংৰক্ষিত বনাঞ্চলৰ ৪০০০ হেক্টৰ ভূমিকে ধৰি ৬৬,২৪১ হেক্টৰ ভূমি দখল কৰিলে । তাৰোপৰি নাজিৰা ৰাজহ চক্ৰৰ ১১৫৩,০০ হেক্টৰ , আমগুৰি ৰাজহ চক্ৰৰ ৪৬.০০ হেক্টৰ , সোণাৰি ৰাজহ চক্ৰৰ ১৯.১৯ হেক্টৰ চৰকাৰী ৰাজহ ভূমিত খোপনি পুতি  বাট – পথ নিৰ্মাণ , গিৰ্জা , স্কুল , চাহ বাগিচা , চৰকাৰী কাৰ্যালয় আদি স্থাপন কৰি অসমৰ ভূখণ্ড সংকুচিত কৰিলে । নগাই ইমানতো ক্ষান্ত নাথাকি সঘনাই সীমান্তৱৰ্তী অঞ্চলত সন্ত্ৰাস – আগ্ৰাসন চলাই আহিছে । শেহতীয়াকৈ সীমান্তৱৰ্তী অসমীয়াৰ চাহ বাগিচাৰ চাহ গছ কাটি — জ্বলাই ধ্বংস কৰি অহাৰ উপৰি যোৱা ৮ মে’ত শিৱসাগৰ জিলাৰ নাজিৰা মহকুমাৰ গেলেকী অঞ্চলৰ শিঙিবিল লাহদৈগড় এলেকাৰ অসম সীমান্তত নগাই বাহৰ গেট , দি অসমীয়া লোকৰ প্ৰৱেশ বন্ধ কৰাৰ উপৰি অসমৰ ভূমিতেই বাংকাৰ নিৰ্মাণ কৰি আগ্ৰাসনৰ চেষ্টা কৰাৰ কাৰ্যকলৈ সীমান্তত বিৰাজ কৰা অগ্নিগৰ্ভা পৰিস্থিতিৰ মাজতে কালি সদৌ শিৱসাগৰ জিলা ছাত্ৰ সন্থাৰ এটি সজাতি দল উক্ত এলেকাত উপস্থিত হৈ পৰিস্থিতি বুজ লয় । আছুৰ কেন্দ্ৰীয় শিক্ষা সম্পাদক শৰৎ হাজৰিকা , জিলা ছাত্র সন্থাৰ সভাপতি অসীম দত্ত , সাধাৰণ সম্পাদক সমীৰণ ফুকন , জিলা ছাত্র সন্থাৰ উপ – সভাপতি তথা নাজিৰা মহকুমা ছাত্র সন্থাৰ সভাপতি মানৱ হাজৰিকা , শিৱসাগৰ মহকুমা ছাত্র সন্থাৰ সাধাৰণ সম্পাদক সুভাষ চন্দ্ৰ দাস , গেলেকী আঞ্চলিক ছাত্র সন্থাৰ সভাপতি প্ৰাঞ্জল গগৈ , সাধাৰণ সম্পাদক মানস জ্যোতি শইকীয়া , ছাত্র নেতা দীপাংকৰ শইকীয়া , প্ৰতীম বৰগোঁহাই আদিৰ নেৰ্তৃত্বত যোৱা দলটোৱে শিঙিবিলত উপস্থিত হৈ স্থানীয় ৰাইজৰ সৈতে মত বিনিময় কৰি পৰিস্থিতি বুজ লোৱাৰ লগতে নাজিৰা মহকুমা আৰক্ষী বিষয়া দ্বীপ জ্যোতি তালুকদাৰ , গেলেকী আৰক্ষী থানাৰ ভাৰপ্ৰাপ্ত বিষয়া দ্বীপেন্দ্ৰ ছেত্ৰী সহ আৰক্ষী প্ৰশাসনৰ উচ্চ স্তৰীয় বিষয়া বৰ্গৰে শিঙিবিস্থিত বি অ’ পিত স্থানীয় জনসাধাৰণৰ জীৱন আৰু সম্পত্তিৰ নিৰাপত্তা সুনিশ্চিত কৰা , ক্ষুদ্ৰ চাহ খেতিয়ক সকলৰ স্বাৰ্থ সুৰক্ষিত কৰা , অসমৰ ভূখণ্ডত নগাৰ বেদখল মুক্ত কৰা আদি বিভিন্ন দিশ সামৰি এক আলোচনাত মিলিত হয় । উল্লেখ্য যে , অসম – নাগালেণ্ড সীমান্তৰ এফ ছেক্টৰৰ অন্তৰ্গত নাজিৰা মহকুমাৰ ঐতিহাসিক লাহদৈগড় অঞ্চলৰ দাতিকাষৰীয়া অঞ্চলত স্থানীয় নিবনুৱা তথা ক্ষুদ্ৰ চাহ খেতিয়কে অসমৰ ভূখণ্ডত চাহ পুলি ৰোপণ কৰি স্বাৱলম্বী হোৱাৰ প্ৰচেষ্টা অব্যাহত ৰাখিছে যদিও সময়ে সময়ে নগাই উক্ত লোক সকলক বহু বছৰ ধৰি বিভিন্ন ধৰণৰ হাৰাশাস্তি কৰি আহিছে । অসম আৰু কেন্দ্ৰীয় চৰকাৰৰ উদাসীন মনোভাৱৰ বাবেই নগাই নাগালেণ্ড প্ৰশাসনৰ সহযোগত আগ্ৰহী মনোভাৱেৰে অসমৰ ভূখণ্ডত নিজৰ মই মতালি প্ৰদৰ্শন কৰাৰ সুযোগ লাভ কৰা বুলি মত প্ৰকাশ কৰি অসম চৰকাৰক আন্ত:ৰাজ্যিক সীমান্ত এলেকাত অসমীয়া মানুহৰ স্বাৰ্থ সুৰক্ষিত কৰি ৰাখিব পৰাকৈ শক্তিশালী পদক্ষেপ গ্ৰহণ কৰিবৰ বাবে আহ্বান জনাইছে। অসমৰ সীমান্তত বাট — পথকে ধৰি অন্যান্য প্ৰয়োজনীয় সা – সুবিধা প্ৰদান কৰাত অসম চৰকাৰ ব্যৰ্থ হোৱাৰ ফলতে সীমান্ত অঞ্চলত নগাই আগ্ৰাসন অব্যাহত ৰাখিবলৈ সক্ষম হোৱা বিষয়টোৱে অনাগত দিনত অধিক ভয়াবহ ৰূপ ধাৰণ কৰাৰ সম্ভাৱনা থকা সন্দৰ্ভত চৰকাৰে সময় থাকোতেই উচিত পদক্ষেপ গ্ৰহণ কৰাটো প্ৰয়োজন বুলি ” আছু” ৰ নেৰ্তৃত্বই স্পষ্ট মত পোষণ কৰে । ইয়াৰ উপৰিও সীমান্ত এলেকাত নিয়োজিত নিৰাপত্তা ৰক্ষী সকলকো প্ৰয়োজনীয় সকলো সা – সুবিধা গৃহ বিভাগে প্ৰদান নকৰাৰ অভিযোগ উত্থাপন কৰি সীমান্ত নিৰীক্ষণ চকীত প্ৰয়োজনীয় সংখ্যক জোৱান মোতায়েনয়, বি অ’ পি সমূহৰ আন্ত:গাথনিৰ উন্নয়ন সাধন আৰু জোৱানসকলৰ প্ৰয়োজনীয় সকলো সা – সুবিধা প্ৰদান কৰিবৰ।বাবে অসম চৰকাৰলৈ ” আছু ” আহ্বান জনাইছে । আনহাতে এনেধৰণৰ কাৰ্য অনাগত দিনত নগাই অব্যাহত ৰাখিলে সীমান্তৱৰ্তী ৰাইজৰ বৃহত্তৰ স্বাৰ্থত আৰু অসমৰ ভূখণ্ডৰ ওপৰত অসমীয়া ৰাইজৰ অধিকাৰ ৰক্ষা কৰাৰ স্বাৰ্থত ” আছু” ৱে তীব্ৰ গণ আন্দোলনৰ কাৰ্যসূচী গ্ৰহণ কৰিবলৈ বাধ্য হ’ব বুলি সকীয়াই দিয়ে ।

ঘৰে-ঘৰে পুখুৰী, ঘৰে-ঘৰে পুখুৰী”, সেই পদক্ষেপৰ অন্তৰ্গত আজি অসমৰ ম‍ৎস‍্য উৎপাদনৰ ক্ষেত্ৰত সংযোজন হ’ল এক নৱ পদক্ষেপ। কলিয়াবৰৰ উলুৱনীত স্থাপিত কলিয়াবৰ একুৱাটেক। পোণ প্ৰথমে ইজৰাইলত আৰম্ভ হোৱা পুণৰাৱৰ্তন জলীয় কৃষি পদ্ধতিত মৎস পালনেৰে ৰাজ‍্যৰ মৎস‍্য চাহিদাৰ যোৰা মাৰ্চব পৰাকৈ নীল বিপ্লৱৰ অংশ স্বৰূপে প্ৰতিষ্ঠা কৰা এই প্ৰকল্পৰ শুভ উদ্বোধন কৰে ৰাজ‍্যৰ মুখ‍্যমন্ত্ৰী সৰ্বানন্দ সোণোৱালে। এই প্ৰকল্পৰ জৰিয়তে ৰাজ‍্যৰ মৎসৰ চাহিদা পুৰণৰ লগতে স্ব-নিয়োজনৰ ক্ষেত্ৰত ৰাজ‍্যলৈ এক যোগাত্মক পৰিৱৰ্তন আনিব বুলি মুখ‍্যমন্ত্ৰীয়ে আশা প্ৰকাশ কৰে। ৰাজ‍্যৰ ক্ৰমবৰ্দ্ধমান নিবনুৱা সম‍স‍্যা ভাৰাক্ৰান্ত হৈ থকাৰ সময়তে ৰাজ‍্যৰ শিক্ষিত যুৱক-যুৱতীয়ে কৃষি কৰ্ম নিয়োজিত হৈ নিয়ন্ত্ৰণ কৰিবলৈ বিভিন্ন চৰকাৰী আঁচনিৰৰ সুবিধা ল’বলৈ আহ্বান জনাই মুখ‍্যমন্ত্ৰীয়ে। যোৱা লকডাউনৰ সময়ছোৱাত পৰিৱৰ্তিত বজাৰ ব‍্যৱস্থাৰ প্ৰতি লক্ষ‍্য ৰাখি গ্ৰাম‍্য অৰ্থনীতিত নৱ-উন্মেষ ঘটোৱাৰ পৰিকল্পনা বাস্তৱত ৰূপায়ণ কৰাৰ উদ‍্যোগ লাগিবৱা হৈছে। ঘৰুৱা চাহিদাৰ প্ৰতি লক্ষ‍্য ৰাখি সকলো সামগ্ৰী ঘৰুৱাভাৱে উৎপাদন কৰি আত্ম-নিৰ্ভৰশীল হ’ব লাগিব। নিষ্ঠা আৰু সততাৰে আত্মনিৰ্ভৰ্শীলতাৰ ক্ষেত্ৰত আজিৰ যুৱচাম আগবাঢ়িব লাগিব। জৈৱ-বৈচিত্ৰতাৰে ভৰপূৰ অসমখনত উৰ্বৰ ভূমিত কৃষিৰ জৰিয়তে আত্মনিৰ্ভৰশীল হোৱাৰ সুযোগ লকডাউনে দিছে। অসমৰ সামগ্ৰীয়ে ইতিমধ‍্যে বিশ্বৰ বজাৰ লাভ কৰা সমাদৰৰ আৰু প্ৰসাৰ আৰু প্ৰচাৰৰ বাবে আজিৰ যুৱচামে আত্মনিয়োগ কৰিব লাগিব। আজিৰ যুৱচামে অসম চৰকাৰৰ বিভিন্ন আঁচনিৰ সুবিধা গ্ৰহণ কৰি নিজৰ লগতে ৰাজ‍্যখনৰ অৰ্থনেতিক উন্নয়নত গুৰুত্বপূৰ্ণ ল’ব পাৰে। অসমৰ বজাৰ দখল কৰি দেশ আৰু বিশ্বৰ বজাৰ দখল কৰিবলৈ মানদণ্ডৰ সামগ্ৰী উৎপাদন কৰিব লাগিব।উদ্বোধনী অনুষ্ঠানত মীন মন্ত্ৰী পৰিমল শুক্ল বৈদ‍্যই মন্তব‍্য আগবঢ়াই জনাই অসমক মৎস‍্য উৎপাদনৰ ক্ষেত্ৰত স্বাৱলম্বী কৰাৰ দিশত যোৱা চাৰি বছৰে যথেষ্ট উন্নতি লাভ কৰিছে। ভৱিষ‍্যতে আন ৰাজ‍্যকো মৎস‍্য যোগান ধৰিব পাৰিব বুলি মন্তব‍্য আগবঢ়াই।আজিৰ এই উদ্বোধনী অনুষ্ঠানত ৰাজ‍্যৰ মীন বিভাগৰ মন্ত্ৰী পৰিমল শুক্ল বৈদ‍্য আৰু স্থানীয় বিধায়ক তথা জল সম্পদ মন্ত্ৰী কেশৱ মহন্ত, নগাঁৱৰ বিধায়ক ৰূপক শৰ্মা, ৰহাৰ ডিম্বেশ্বৰ দাস, অসম চৰকাৰৰ সংবাদ উপদেষ্টা সহ কৃষি উৎপাদ বিভাগ আৰু মীন বিভাগৰ আয়ুক্ত উপস্থিত থাকে।উল্লেখযোগ‍্য যে, কলিয়াবৰৰ উলুৱনীৰ শৈলেন্দ্ৰ গোস্বামী আৰু মিছাৰ ধনঞ্জয় উপাধ‍্যায়, এই দুই শিক্ষিত যুৱকে দুবছৰৰ আগতে নিজাববীয়া প্ৰচেষ্টাৰে বৈজ্ঞানীক পদ্ধতিৰে কৃটিমভাৱে পানীৰ টেংকীত মাছ পালন আৰম্ভ কৰিছিল। সপোন আছিল মৎস‍্য পালনৰ জৰিয়তে স্বাৱলম্বী হোৱাৰ আৰু আনকো সংস্থাপিত কৰাৰ সপোন পূৰণ হোৱাৰ পথত আজি মুকলি হ’ল