বোকাজান :
দুৰ্নীতি মুক্ত অসম গঢ়াৰ সংকল্প লোৱা সৰ্বানন্দ সোণোৱাল নেতৃত্বাধীন বিজেপি চৰকাৰে শাসন ভাৰ লৈয়ে ৰাজ্যেৰ পৰা অবৈধ অৰুণাচল সুৰাৰ ছিণ্ডিকেট সমূলঞ্চ উৎখ্যাতৰ লক্ষ্যৰে ২০১৬ চনৰ ১০ ডিচেম্বৰত কাৰ্বিআংলং জিলাত ৰাজ্যেৰ দুৰ্নীতি নিবাৰক আৰু অপৰাধ অনুসন্ধান শাখাই বৃহৎ অভিযান চলাইছিল । সেই অভিযানত জিলাখনৰ বোকাজান মহকুমাৰ খটখতিত কেইবাটাও অবৈধ অৰুণাচলি সুৰাৰ গুদামৰ পৰা কেইবাকোটি টকাৰ ১১ ট্ৰাক ত কৈ অধিক সুৰা জব্দ কৰি গুৱাহাটীলৈ নি ধ্বংস কৰিছিল ।সেই সময়ত ৰাজ্য চৰকাৰে জিলা খনৰ পৰা বহু চৰ্চিত অবৈধ চোৰাং তেলৰ সাম্ৰাজ্যতো হাতোৰাৰ কোব মাৰিব বুলি চৰ্চিত হৈছিল যদিও কোনো ৰহস্য জনক কাৰণত হাৰি গৈছিল অবৈধ তেলৰ ঘাটি সমূহ । কাৰ্বিআংলং জিলাত দুৰ্নীতি নিবাৰক শাখাই অভিযান চলাই অবৈধ সুৰা ছিণ্ডিকেট বন্ধ কৰাৰ পৰৱৰ্তী সময়ত জিলা খনৰ বোকাজান মহকুমাৰ খটখতিত ৰাজ্য চৰকাৰ তথা জিলা প্ৰশাসনৰ চকুত ধূলি দি দিনানাথ শ্বাহ নামৰ বিহাৰ নিবাসী কোটিপতি ব্যৱসায়ী জনে তেওঁ ছানি পেট্ৰ কেমিকেল ইন্দ্ৰাষ্টি নামৰ থিনাৰ প্ৰস্তুত কৰা কাৰখানা তোৰ আঁৰ লৈ গঢ়ি তুলিছিল চোৰাং তেলৰ বিশাল সাম্ৰাজ্য । মঙ্গলবাৰে এই ছানি পেট্ৰ’ কেমিকেল ইন্দ্ৰাষ্টি ত গুৱাহাটীৰ পৰা অহা এটা সাতজনীয়া চি আই ডি দলে অতকিৰ্তে অভিযান চলাই দিনানাথ শ্বাহৰ কাৰখানাৰ বহু নথি পত্ৰ জব্দ কৰি নিয়াৰ লগতে সাত জন লোকক আটক কৰি গুৱাহাটীলৈ নিয়ে । ইয়াৰে বাবলো নামৰ এজন যুৱক দিনানাথৰ মেনেজাৰ বুলি জানিব পৰা গৈছে ।জানিব পৰা মতে দিনানাথৰ নিজৰ কেইবাখনো তেল পৰিবাহী ট্ৰেংকাৰ আছে আৰু এইসমূহ ট্ৰেংকাৰ ছানি পেট্ৰ কেমিকেলৰ বৃহৎ তলা বন্ধ চৌহদত ৰখাৰ লগতে আন একাংশ ট্ৰেংকাৰ খটখতি বজাৰ অঞ্চলত ৩৯ নং ৰাষ্ট্ৰীয় ঘাইপথত দিনানাথ ৰ নামত থকা অবৈধ ট্ৰাক পাৰ্কিং টোত ৰখোৱা হয় । এই পাৰ্কিংটোত দিনানাথৰ টেংকাৰৰ লগতে মণিপুৰলৈ যাব লগীয়া অন্য ব্যক্তিৰো তেল পৰিবাহী টেংকাৰ সমূহ দুদিন তিনিদিন লৈকে ৰখাই থোৱা হয়। তেনে সময়তে দিনানাথ বাহিনীয়ে পত্যক খন টেংকাৰ গৰাকীক মেনেজ কৰি তাৰ পৰা তেল উলিয়াই খাৰুৱা তেলৰ এক চোৰাং বজাৰ গঢ়ি তোলে খটখতিত । ইয়াৰ উপৰিও দিনানাথে তেওঁ ছানি পেট্ৰ কেমিকেল ইন্দ্ৰাষ্টিত নিজৰ তেল পৰিবাহী টেংকাৰ সমূহৰ পৰা অবৈধ ভাৱে তেল কাটি ৰাখি তাত নিজৰ কাৰখানা ত থিনাৰ প্ৰস্তুত কৰিবলৈ অনা জিৰ’ অইল মিশ্ৰণ কৰি এইসমূহ তেল মণিপুৰৰ লগতে বৰ্হিৰাজ্যলৈ প্ৰেৰণ কৰি আহিছে । মঙ্গলবাৰে গুৱাহাটীৰ পৰা অহা চি আই ডি দলে গোপন খবৰৰ ভিত্তিত কাৰ্বিআংলং জিলা আৰক্ষী ক অৱগত নকৰাকৈ হঠাৎ দিনানাথৰ কলা সাম্ৰাজ্যেত অভিযান চলাই । এই অভিযানত সাত জনক আটক কৰাৰ লগতে মুঠ ১৭ খনকৈ টেংকাৰ আৰক্ষীয়ে জব্দ কৰে । তাৰে পাঁচ খনকৈ টেংকাৰ চি আই ডি দলটোৱে লগত গুৱাহাটীলৈ লৈ যায় বুলি জানিব পৰা গৈছে । চি আই ডি দলটোৱে দিনানাথৰ ৰাষ্ট্ৰীয় ঘাই পথৰ কাষত থকা অবৈধ পাৰ্কিংটো ছিল কৰি দিয়ে । উল্লেখযোগ্য যে পুৰ্বেও তেল চুৰি ঘটনাত জড়িত থকাৰ অভিযোগত দিনানাথৰ ৰঙিয়া থানাত গোচৰ ৰুজু হৈ আছে আৰু এই গোচৰতে ৰঙা ঘৰৰ আলহী হৈ জেলৰ ভাত খাবলগীয়া হৈছিল তেল চুৰটোৱে । ইমানৰ পাছতো দীৰ্ঘদিন ধৰি আৰক্ষী প্ৰশাসনৰ চকুত ধূলি দি চোৰাং তেলৰ ব্যৱসায় চলাই থকা দিনানাথ শ্বাহক অসম আৰক্ষীয়ে আচাৰ্যজনক ভাৱে কিছুদিন পূৰ্বে চাৰিজন কৈ দেহ ৰক্ষী প্ৰদান কৰাৰ ঘটনাই বিশেষ তাৎপৰ্য বহন কৰিছে । অসম আৰক্ষীৰ চি আই ডি বিভাগৰ অধিক তদন্তই পৰৱৰ্ত্তী সময়ত দীনানাথৰ চোৰাং তেলৰ কলা ব্যৱসায় পোহৰলৈ আনিবলৈ কিমানদূৰ সক্ষম হব সেইয়া সময়ত লক্ষণীয় হব ।
