নদুৱাৰ অঞ্চলৰ জয়সিদ্ধি মধুপুৰ গাঁৱৰ বুবু নাথ নামৰ যুৱক গৰাকীৰ পত্নী নিতু দেৱী বৰুৱা (২৭) নামৰ বোৱাৰী গৰাকী আজি তিনিমাহ ধৰি নিৰুদ্দেশ হৈ থকা ঘটনাই স্বামী আৰু পৰিয়ালবৰ্গক চিন্তিত কৰি তোলাৰ লগতে অঞ্চলটোত তীব্ৰ চাঞ্চল্যৰ সৃষ্টি কৰিছে৷পৰিয়ালৰ সূত্ৰে জানিৱ পৰা মতে তিনিমাহৰ পূৰ্ব্বৰ এটি নিশা স্বামী আৰু সন্তানক শোৱনী কোঠাতে এৰি বাহিৰলৈ যোৱা পত্নী পুৱা পৰ্যন্ত ঘুৰি নহাত চিন্তিত হৈ স্বামীয়ে চাৰিওফালে বিচাৰ খোচাৰ কৰিও কোনো শুংসূত্ৰ নেপালে৷ ৰোগীয়া স্বামী বুবু নাথৰ লগতে ন(৯) বছৰীয়া আৰু তিনি(৩) বছৰীয়া দুটিকৈ কনমানি পুত্ৰ সন্তান ক ঘৰত এৰি থৈ নিশাৰ ভাগত ওলাই যোৱা মাতৃ নিতু দেৱীৰ সন্ধান বিছাৰি বহুদিন ধৰি  আত্মীয়ৰ ঘৰত খৱৰ কৰিও কোনো সম্ভেদ উলিয়াব পৰা নাই দুৰ্ভগীয়া পৰিয়ালটিয়ে৷

স্বামীৰ অভিযোগ অনুসৰি অচিনাক্ত এজন যুৱকে  তেওৰ পত্নীক ভূৱা প্ৰেমৰ চালনাৰে পলুৱাই  নিছে৷যিহেতু পূৰ্ব্বতে নিতু দেৱী নামৰ সুন্দৰী পত্নীৰ সৈতে ফোনত কথা পতা আৰু মেচেজ সমুহ তেঁও দেখা পাইছিল৷ অৱশেষত উপায়হীন হৈ স্বামী বুবুল নাথে ইটাখোলা আৰক্ষী চকীত পত্নীৰ নিৰুদ্দেশ সম্পৰ্কত এজাহাৰ দাখিল কৰিবলৈ বাধ্য হয়৷আৰক্ষীয়ে বোৱাৰী গৰাকীৰ নিৰুদ্দেশ সম্পৰ্কীয় এক গোচৰ পঞ্জীয়ন কৰি তদন্ত অব্যাহত ৰাখিছে যদিও কোনো শুং সূত্ৰ বিচাৰি পোৱা নাই৷সদাশয় লোক সকলে দুটি পুত্ৰ সন্তানৰ মাতৃ বোৱাৰী গৰকীৰ সন্ধান পালে ৯১০১৪১৫০৯৫ (9101415095 )নম্বৰ ফোনৰ জৰিয়তে খৱৰ দিবলৈ স্বামী বুবুল নাথে অনুৰোধ জনাইছে৷লগতে দুটাকৈ কনমানি পুত্ৰ সন্তানৰ ভৱিষ্যত জীৱনৰ কথা ভাবি হলেও ঘৰলৈ ওভতি আহিবলৈ বোৱাৰী নিতু দেৱী ক আহৱান জনাইছে স্বামী আৰু পৰিয়ালবৰ্গৰ লগতে স্হানীয় ৰাইজে৷

শিৱসাগৰ ন্যায়িক আদালতৰ নতুন ভৱনটি আজি অসমৰ মুখ্যমন্ত্ৰী হিমন্ত বিশ্ব শৰ্মাই উদ্বোধন কৰে। উল্লেখ্য যে গুৱাহাটী উচ্চ ন্যায়ালয়ৰ মুখ্য ন্যায়াধীশ বিজয় কৃষ্ণই, সুমন শ্যাম ন্যায়াধীশ গুৱাহাটী উচ্চ ন্যায়ালয়,  দেৱাশীষ বৰুৱা ন্যায়ধীশ গুৱাহাটী উচ্চ ন্যায়ালয়, অৰুণ দেৱ চৌধুৰী তত্বাৱধায়ক ন্যায়াধীশ, শিৱসাগৰ জিলা ন্যায়পালিকাৰ সৌষ্ঠৱ উপস্থিতিত শিৱসাগৰ ন্যায়িক আদালতৰ নতন ভৱনটি উদ্বোধন কৰা হয়।

অৱশেষত পিতৃ-মাতৃৰ সন্দেহেই সত্য প্ৰমাণিত হৈছে।তিনিচুকীয়াৰ মেধাৱী ছাত্ৰ ফাইজান আহমেদৰ মৃতদেহ উদ্ধাৰ হৈছিল খড়গপুৰৰ আই আই টিৰ হোষ্টেলৰ কোঠাত। ঘটনাটো সংঘটিত হৈছিল-২০২২ চনৰ ১৪ অক্টোবৰত। মৃতদেহত আঘাতৰ চিন প্ৰত্যক্ষ কৰি ফাইজানৰ পিতৃ-মাতৃয়ে ফাইজানৰ মৃত্যুক পৰিকল্পিত হত্যাকাণ্ড বুলি সন্দেহ কৰিছিল যদিও খড়গপুৰ আই আই টিয়ে আত্মহত্যাৰ ৰূপ দিবলৈ চেষ্টা কৰা বুলি ফাইজানৰ পিতৃ-মাতৃয়ে অভিযোগ উত্থাপিত কৰি কলকাতা উচ্চ ন্যায়ালয়ৰ কাষ চাপিছিল।

ডিব্ৰুগড়ত কবৰস্থ কৰা ফাইজানৰ মৃতদেহ খান্দি ফৰেণচিকলৈ প্ৰেৰণ কৰা হৈছিল।দ্বিতীয়টো মৰণোত্তৰ পৰীক্ষাৰ প্ৰতিবেদনত পোহৰলৈ আহে বিস্ফোৰক তথ্য।ফৰেণচিক প্ৰতিবেদন অনুসৰি ফাইজান আহমেদক নিচেই কাষৰ পৰা গুলীওৱাৰ উপৰিও ছুৰিৰে আঘাত কৰা হৈছিল। উচ্চ ন্যায়ালয়ে এই কথা প্ৰমাণ কৰাৰ পাছত ফাইজানৰ মাতৃয়ে এনেদৰে কয়। মেধাৱী ছাত্র ফাইজানৰ পিতৃয়ে ন্যায় লাভৰ আশা কৰিছে।

ৰাজ্যত অব্যাহত আছে গৰু অবৈধ সৰহবৰাহ। বিশেষকৈ গৰু সৰবৰাহৰ মূল কেন্দ্ৰ বিন্দু হৈ তিনিচুকীয়া জিলা অসম-অৰুণাচল সীমান্ত অঞ্চল। বৰডুমচা, ডিৰাক সীমান্তয়েদি অৰুণাচল প্ৰদেশৰ পৰা প্ৰতিদিনাই ৰাজ্যৰ বিভিন্ন প্ৰান্তলৈ সৰবৰাহ হৈ আহিছে অবৈধভাৱে গো ধন। বিশেষকৈ বৰডুমচা সাপ্তাহিক বজাৰ পৰা গো মাফিয়াই প্ৰতি বৃহস্পতিবাৰে ১ হাজাৰতকৈ অধিক গৰু কোনো কেটেল পাৰ্মিট নথকাকৈ ফিল’বাৰী, পেঙেৰী থানাৰ সন্মুখেদিয়েই সৰবৰাহ কৰি আহিছে বুলি অভিযোগ উঠিছে।

শুক্ৰবাৰে AS 02 DC 2678 নম্বৰৰ টাটা য়োদ্ধা বাহনে নটাকৈ (৯) গৰু অৰুণাচল প্ৰদেশৰ নামচাইৰ পৰা ডিব্ৰুগড়লৈ কোনো নথি-পত্ৰ অবিহনে সৰবৰাহ কৰিবলৈ বিচৰা সময়তে ডিগবৈ বৰডুমচা সংযোগী পথৰ পেঙেৰীত জব্দ কৰে বীৰ লাচিত সেনা, বৰডুমচা-পেঙেৰী আঞ্চলিক সমিতিয়ে। জব্দকৃত বাহনখন পিছত পেঙেৰী আৰক্ষীক গতাই দিয়ে।গৰু সৰবৰাহ কৰা বাহনৰ চালকৰ পৰা জানিব পৰা মতে গৰু সমুহ ডিব্ৰুগড়, মৰাণৰ গৰু ব্যৱসায়ী অসীম টিখৰীয়াল ওৰফে মাইনাই অৰুণাচল প্ৰদেশৰ নামচাইৰ পৰা কোনো কেটেল পাৰ্মিট নথকাকৈয়ে লৈ আহিছিল। বীৰ লাচিত সেনা বৰডুমচা-পেঙেৰী আঞ্চলিক সমিতিয়ে কেটেল পাৰ্মিট নথকাকৈ গো ধন সৰবৰাহ কৰা গো মাফিয়াৰ বিৰুদ্ধে ব্যৱস্থা গ্ৰহণৰ দাবী জনাইছে।

দৰং ওদালগুৰি জিলাৰ সীমান্ত অঞ্চল বৰঝাৰ লীলানন্দ বিদ্যা নিকেতন হাইস্কুলৰ মূল প্ৰবেশ দ্বাৰ মুকলি।ৰঙা ফিটা কাটি দ্বাৰ মুকলি কৰে গুৱাহাটীৰ বিশিষ্ট ব্যৱসায়িক অনিল জৈনে। লগে লগে বীৰেন্দ্ৰ নগৰ আশ্ৰম, পাগল বাবাৰ জয় ধ্বনিৰে মুখৰিত হৈ পৰে লীলানন্দ বিদ্যা নিকেতন হাইস্কুলৰ প্ৰাঙ্গন।পৱন আগৰৱালাই নিজৰ স্বৰ্গীয় পিতৃ প্ৰভু দয়াল আগৰৱালাৰ স্মৃতিত নিজৰ গাঁঠিৰ ধনে ব্যায় কৰি নিৰ্মাণ কৰিলে বৰঝাৰ লীলা নন্দ বিদ্যা নিকেতন হাইস্কুলৰ মূল প্ৰৱেশদ্বাৰ।বহু দিনৰ অভাৱ পূৰন হল বিদ্যালয়খনৰ। ইয়াকে লৈ আনন্দিত হয় বিদ্যালয় কতৃপক্ষ, ছাত্ৰ ছাত্ৰী আৰু স্থানীয় ৰাইজ।১৯৭৩ চন বীৰেন্দ্ৰ নগৰ আশ্ৰম কতৃপক্ষৰ প্ৰচেষ্টাত স্থাপিত হৈছিল লীলানন্দ বিদ্যা নিকেতন হাইস্কুল।

বহু দিন পাৰ হোৱাৰ পিছত ১৯৯৯ চনত প্ৰাদেশিকৰণ হৈছিল যদিও প্ৰায় পাঁচ শতাধিক ছাত্ৰ-ছাত্ৰী থকা বিদ্যালয় খনত আছে বহু সমস্যা। এই সমস্যাৰ কিছু পৰিমাণে সকাঁহ দিবলৈ আগবাঢ়ি আহিছে বিদ্যালয় খনৰ প্ৰাক্তন ছাত্ৰ তথা বৰ্তমান গুৱাহাটীৰ বিশিষ্ট ব্যৱসায়িক পৱন আগৰৱালা আৰু ভাতৃ দিলীপ আগৰৱালা। বিদ্যালয় খনৰ মূল প্ৰবেশ দ্বাৰ মুকলি কৰি বিদ্যালয়ৰ বিভিন্ন সমস্যাৰ বুজ লয় আৰু ছাত্ৰ ছাত্ৰীক গৰমৰ পৰা পৰিত্ৰাণ পাবলৈ বিদ্যালয় কতৃপক্ষক দহখন ফেন দান কৰে লগতে তেওঁ কয় যে অতি সোনকালেই বিদ্যালয়খনত এটি পুথিভড়াল নিৰ্মাণ কৰি দিব। বিদ্যালয় কতৃপক্ষই গুৱাহাটীৰ পৰা অহা পৱন আগৰৱালা, অনিল জৈন, ৰীনা জৈন, শশী আগৰৱালা,দিলিপ আগৰৱালা, ভবিতা আগৰৱালা, শ্যাম জালান (কলিকতা)ক ফুলাম গামোচাৰে সম্বৰ্ধনাৰ লগতে ধন্যবাদ জনায়। লীলানন্দ বিদ্যা নিকেতনৰ প্ৰধান শিক্ষক প্ৰবীৰ দে ই আগৰৱালা পৰিয়ালক আন্তৰিক ধন্যবাদ জনায় আৰু কয় যে স্থানীয় ৰাইজৰ সহায় অবিহনে বিদ্যালয় এখন পৰিচালিত কৰা বহু টান। এনেকোৱা সহায় সহযোগিতা পালে বহু ভাল লাগে। উক্ত প্ৰৱেশদ্বাৰ মুকলি অনুষ্ঠানত উপস্থিত থাকে বীৰেন্দ্ৰ নগৰ আশ্ৰম কতৃপক্ষৰ মনিন্দ্ৰ বসুমতাৰী, শশধৰ বিশ্বাস, অমিত দাস, লীলা নন্দ বিদ্যা নিকেতন হাইস্কুলৰ প্ৰধান শিক্ষক প্ৰবীৰ দে, সহকাৰী শিক্ষক গৌতম ভৌমিক, বকলি দাস, নন্দদুলাল চৰকাৰ, দিপক সাহা, বিদ্যুত সাহা, স্বপন বিশ্বাস, গৌৰি ঘোষ, নৱজীত ঘোষ, স্থানীয় মান্য গন্য ৰাইজ আৰু প্ৰায় চাৰি শতাধিক ছাত্ৰ ছাত্ৰী।