ভঙা হাতেৰে ৭৭ সংখ্যক কাঁন চলচ্চিত্ৰ মহোৎসৱৰ ৰেড কাৰ্পেটত খোজ ঐশ্বৰ্য ৰায় বচ্চনৰ।
এনে ৰূপত দেখিলে কোনে ক’ব ঐশ্বৰ্য ৰায় বচ্চনে পঞ্চাশ বছৰ বয়স অতিক্ৰম কৰিলে বুলি।
ফালগুনি শ্বেন পিককে ডিজাইন কৰা ক’লা গাউন পিন্ধি কাঁনৰ ৰেড কাৰ্পেটখন ৰঙীণ কৰি তুলিলে ঐশ্বৰ্যই।
প্লাষ্টাৰ কৰা হাতেৰে বিশ্ববিখ্যাত চলচ্চিত্ৰ মহোৎসৱত এইদৰে উপস্থিত হয় ঐশ্বৰ্য ৰায় বচ্চন।
আহাতে কাঁনত আৰাধ্যাইও মাকক হাতৰ পৰা বেগ এটা লৈ সহায় কৰা দেখা গৈছিল এটা ভিডিঅ’ত।
অৱশ্যে এনে কঠিন সময়ত পতি অভিষেক বচ্চনক পত্নীৰ কাষত দেখা পোৱা নগ’ল।
পুনৰ বহিঃৰাজ্যত নিৰুদ্দিষ্ট অসমৰ যুৱক ৷ মালদাৰ পৰা সন্ধানহীন বাক্সাৰ সৰুগাতিৰ গৌতম দাস ৷
৩ মাহ পূৰ্বে হায়দৰাবাদলৈ গৈছিল গৌতম দাস৷ ঘৰলৈ ওভতাৰ পথতে মালদাৰ পৰা সন্ধানহীন যুৱকজন৷
গৌতমৰ সম্ভেদ পালে ৯৯৫৭৪৫৬৮৭৫ নম্বৰত যোগাযোগৰ আহ্বান পৰিয়ালৰ৷
বিজেপিত যোগ দিব বুলি মিছা মাতিছিল আনন্দ মিশ্ৰই, আনন্দ মিশ্ৰৰ ধৈৰ্য শক্তি কম; এতিয়া লালুপ্ৰসাদ আৰু কংগ্ৰেছৰ পৰা চুপাৰি লৈ বিজেপিৰ বিৰুদ্ধে কাম কৰিছে প্ৰাক্তন আই পি এছ আনন্দ মিশ্ৰই! বিহাৰৰ বক্সাৰৰ নিৰ্বাচনী সভাত আনন্দ মিশ্ৰক সমালোচনা মুখ্যমন্ত্ৰী ড০ হিমন্ত বিশ্ব শৰ্মাৰ। অসমত আৰক্ষী অধীক্ষকৰ দায়িত্ব পালন কৰা আনন্দ মিশ্ৰই কিছুদিন পূৰ্বে ভিআৰএছ লৈছিল। আনন্দ মিশ্ৰই বিহাৰৰ বক্সাৰৰ পৰা নিৰ্দলীয় প্ৰাৰ্থী হিচাপে প্ৰতিদ্বন্দ্বিতা আগবঢ়াব।
বিহাৰৰ বক্সাৰৰ এক নিৰ্বাচনী অনুষ্ঠানত আনন্দ মিশ্ৰক তীব্ৰ কটাক্ষ কৰি মুখ্যমন্ত্ৰী হিমন্ত বিশ্ব শৰ্মাই কয় যে এটা কথা জানি লওক যিয়ে নিৰ্দলীয় প্ৰাৰ্থী হিচাপে নিৰ্বাচনত প্ৰতিদ্বন্দ্বিতা আগবঢ়াইছে তেওঁলোকে কংগ্ৰেছ বা লালু প্ৰসাদ যাদৱৰ পৰা চুপাৰী লৈ এই কাম কৰিছে। অসমৰ মুখ্যমন্ত্ৰী হিমন্ত বিশ্ব শৰ্মাই দেশৰ বিভিন্ন প্ৰান্তত হৈ নিৰ্বাচনী প্ৰচাৰ চলাই আছে, নিৰ্বাচনী প্ৰচাৰৰ মাজতে বিহাৰত আনন্দ মিশ্ৰক এইদৰে কটাক্ষ কৰে মুখ্যমন্ত্ৰী ড০ হিমন্ত বিশ্ব শৰ্মাই।
কেন্দ্ৰীয় খাদ্য সুৰক্ষা বিভাগৰ কঠোৰ নিৰ্দেশনা৷
এতিয়াৰে পৰা ফল পকোৱাৰ ক্ষেত্ৰত ব্যৱহাৰ কৰিব নোৱাৰিব কেলচিয়াম কাৰ্বাইড৷
ফল ব্যৱসায়ীসকলক কেলচিয়াম কাৰ্বাইড ব্যৱহাৰ নকৰিবলৈ সকীয়নি৷
ঢেকীয়াজুলি আৰক্ষীথানা এলেকাৰ ৰাজীৱ গাঁৱত ১৫ নং ৰাষ্ট্ৰীয় ঘাইপথত নিশা সংঘটিত হৈছে ভয়ংকৰ পথ দুৰ্ঘটনা৷উক্ত পথ দুৰ্ঘটনাত গুৰুতৰভাৱে আঘাতপ্ৰাপ্ত হৈছে দুই স্কুটী আৰোহী৷উল্লেখ্য যে ওৰাঙৰ দিশৰপৰা
ঢেকীয়াজুলিৰ দিশে আহিথকা তীব্ৰবেগী AS 12 T 1554 নম্বৰৰ চুইফট ডিজাৰ বাহন এখনে ঢেকীয়াজুলি দিশৰপৰা গৈ থকা স্কুটী এখনত ৰাজীৱ গাঁৱত প্ৰচণ্ড জুৰেৰে খুন্দা মাৰে৷ফলত স্কুটীৰ আৰোহী আব্দুল ছাত্তাৰ আৰু
মুবাৰক চৌধুৰী গুৰুতৰভাৱে আঘাতপ্ৰাপ্ত হয়৷বৰ্তমান সংকটজনক দুয়োকে তেজপুৰ মেডিকেল কলেজ হস্পিতালত চিকিৎসাৰ বাবে প্ৰেৰণ কৰা হৈছে৷
পশ্চিম কাৰ্বি আংলঙৰ হাৱাইপুৰৰ জিৰিবাছা ভেটাপাৰাত হাতী-মানুহৰ সংঘাত। বনৰীয়া হাতীৰ আক্ৰমণত এজনৰ মৃত্যু। নিশা সতীৰ্থৰ সৈতে বজাৰৰ পৰা ঘৰলৈ উভতি যোৱাৰ পথত সংঘটিত হয় এই ঘটনা।
আক্ৰমণত ৰামজিৎ চৌহান নামৰ এজন লোক থিতাতে নিহত হোৱাৰ বিপৰীতে আন এজন লোক হাতীৰ আক্ৰমণৰ পৰা কথমপি ৰক্ষা পৰে। উক্ত ঘটনাৰ পাছৰে পৰা বৃহত্তৰ অঞ্চলটোত সৃষ্টি হয় আতংকৰ।
মৰিধল মহাবিদ্যালয়ৰ ইংৰাজী আৰু দৰ্শন বিভাগৰ উদ্যোগত
ICSSR Sponsored ৰাষ্ট্ৰীয় পৰ্যায়ৰ আলোচনাচক্ৰ সম্পন্ন
ধেমাজি জিলাৰ অন্যতম উচ্চশিক্ষাৰ প্ৰতিষ্ঠান মৰিধল মহাবিদ্যালয়ত শনিবাৰে এখন ৰাষ্ট্ৰীয় পৰ্যায়ৰ আলোচনাচক্ৰ অনুষ্ঠিত কৰা হয় । Indian Council of Social Science Research চমুকৈ ICSSR ৰ পৃষ্ঠপোষকতাত তথা মহাবিদ্যালয়খনৰ ইংৰাজী আৰু দৰ্শন বিভাগৰ উদ্যোগত অনুস্থিত কৰা ” Women and Leadership in 21st
Century India ” শীৰ্ষক আলোচনাচক্ৰখনত অসমৰ বিভিন্ন জিলাৰ লগতে চুবুৰীয়া অৰুণাচল প্ৰদেশৰ পৰা শতাধিক গৱেষকে অংশগ্ৰহণ কৰি গৱেষণাপত্ৰ পাঠ আৰু জমা দিয়ে ।
আলোচনাচক্ৰখনত সমলব্যক্তি হিচাপে উপস্থিত থাকে গুৱাহাটী বিশ্ববিদ্যালয়ৰ ৰাজনীতি বিজ্ঞান বিভাগৰ মুৰব্বী অধ্যাপিকা অপৰ্ণা বৰগোহাঁই, ভট্টদেৱ বিশ্ববিদ্যালয়ৰ বিনীতা দেৱ চৌধুৰী, ডিব্ৰুগড় বিশ্ববিদ্যালয়ৰ দিব্যজ্যোতি দত্ত আৰু ৰাজীৱ গান্ধী বিশ্ববিদ্যালয়ৰ টাবাং মিবাঙে ।
সোমবাৰৰ পৰা ফ্ৰান্সত আৰম্ভ হৈছে ৭৭ সংখ্যক কাঁন চলচ্চিত্ৰ মহোৎসৱ। এই মহোৎসৱ ২৫ মে’লৈকে চলিব।
কাঁন চলচ্চিত্ৰ মহোৎসৱত উপস্থিত অসমৰ অভিনেত্ৰী আইমী বৰুৱা।
অসমীয়া চলচ্চিত্ৰ প্ৰচাৰ আৰু প্ৰসাৰৰ উদ্দেশ্যৰে ফান্সত অনুষ্ঠিত কাঁন চলচ্চিত্ৰ মহোৎসৱত উপস্থিত অভিনেত্ৰী আইমী বৰুৱা।
Cannesত এগৰাকী বলিউদৰ জেষ্ঠা অভিনেতাৰ সৈতে অসমীয়াত কথা পাতি সামাজিক মাধ্যমত এটি ভিডিঅ’ শ্বেয়াৰ কৰে অভিনেত্ৰীগৰাকীয়ে। ভিডিঅ”টো চাওক, ভিডিঅ’টোত অভিনেতাগৰাকীয়ে আইমী বৰুৱাক অসমীয়াতে সম্বোধন কৰা দেখা যায়ঃ
অভিনেতা ৰাজপাল যাদৱৰ মুখত অসমীয়া ভাষাটি এইদৰে শুনিবলৈ পোৱা গ’ল।
এই ভিডিঅ’টোৱে সামাজিক মাধ্যামত যথেষ্ট প্ৰশংসা লাভ কৰিছে।
আজি বর্ষাপাৰাত IPL ২০২৪ৰ অন্তিমখন লীগ মেচ। ঘৰুৱা দল ৰাজস্থান ৰয়েলছৰে মুখামুখি হ’ব কলকাতা নাইট ৰাইডাৰ্ছ।
আনহাতে খবৰ ওলাইছে যে বৰ্ষাপাৰাত আজি অনুষ্ঠিত হ’বলগীয়া আইপিএলৰ খেল খনৰ বাবে কলকাতা নাইট ৰাইডাৰ্ছৰ স্বত্বাধিকাৰী শ্বাহৰুখ খান বৰ্ষাপাৰাত উপস্থিত থাকিব বুলি ওলোৱা খবৰে অনুৰাগীক উৎসাহিত কৰি তুলিছে।
কিন্তু শ্বাহৰুখ খান বৰ্ষাপাৰাত উপস্থিত হ’ব নে নহ’ব সেয়া এতিয়াও নিশ্চিত নহয়।
শ্বাহৰুখ খানৰ লগত কন্যা সুহানা খানও অহাৰ কথা আছিল বৰ্ষাপাৰাত আই পি এলৰ দৰ্শক হ’বলৈ।
কিয়নো বৰষুণে হয়তো বিঘিনি ঘটাব পাৰে মেচখনত।
ইতিমধ্যে বতৰ বিজ্ঞান কেন্দ্ৰই বৰষুণৰ আগজাননী দিছে!
সময়তহে জানিব পৰা যাব মেচ উপভোগ কৰিবলৈ গুৱাহাটীলৈ আহিব নে নাহে কন্যাৰ সৈতে শ্বাহৰুখ খান।
আজি বর্ষাপাৰাত IPL ২০২৪ৰ অন্তিমখন লীগ মেচ।
ঘৰুৱা দল ৰাজস্থান ৰয়েলছৰে মুখামুখি হ’ব কলকাতা নাইট ৰাইডাৰ্ছ।
সন্ধিয়া ৭.৩০ বজাত অনুষ্ঠিত হ’ব খেল।
কিন্তু মেচত বৰষুণে বিঘিনি ঘটাব নেকি!
কিয়নো আজি ৰাজ্যত হালধীয়া সতৰ্কবাণী জাৰি কৰিছে বতৰ বিজ্ঞান বিভাগে।
আনহাতে কেইবাখনো জিলাত ঘন্টাত ৩০-৪০ কিলোমিটাৰ বেগত ধুমুহা অহাৰ সম্ভাৱনা আছে।
